19 نومبر 2022ء کو دعوتِ اسلامی شعبہ تعلیم کے تحت سرگودھا میں گورنمنٹ خالقیہ ہائی اسکول میں ویکینڈ غسل کورس کا اہتمام کیا گیا جس میں اسکول کے تمام اسٹوڈنٹس  و اسٹاف نے شرکت کی ۔

یہ کورس ڈویژن شعبہ تعلیم ذمہ دارمحمد ہارون عطاری نے کروایا جس میں اسکول کے طلبہ کو غسل کے فرائض و غسل کا طریقہ سکھایا نیز دینِ اسلام کی مزید بنیادی تعلیمات سے بھی آگاہ کیا اور دعوتِ اسلامی کے سنتوں بھرے اجتماعات میں پابندی کیساتھ شرکت کرنے کا ذہن دیا۔ (رپورٹ: محمد ہارون عطاری شعبہ تعلیم ڈویژن سرگودھا/ کانٹینٹ: محمد مصطفی انیس)

عاشقانِ رسول کی دینی تحریک دعوتِ اسلامی کے شعبہ تعلیم کے تحت گورنمنٹ ایسوسی ایٹ کالج سمہ سٹہ میں میلاد اجتماع کا انعقاد کیا گیا جس میں اسٹوڈنٹس سمیت دیگر اسلامی بھائیوں نے شرکت کی۔

تلاوتِ قراٰن و نعتِ رسولِ مقبول صلی اللہ علیہ و سلم کے نگران بہاولپور میٹروپولیٹن حافظ عبد الرؤف عطاری نے ”کامیاب کون“ کے موضوع پر سنتوں بھرا بیان کیا۔

اس کے علاوہ ڈویژن ذمہ دار نے شرکا کو دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ: شعبہ کفن دفن ، کانٹینٹ:غیاث الدین عطاری)

شعبہ تعلیم دعوتِ اسلامی کے تحت گورنمنٹ ہائی اسکول سمہ سٹہ میں ایک میٹ اپ ہوا جس میں ٹیچرز سمیت دیگر عاشقانِ رسول نے شرکت کی۔

عاشقانِ رسول کی دینی تحریک دعوتِ اسلامی کے زیرِ اہتمام پچھلے دنوں سندھ کے شہر شہداد پور میں قائم میمن اکیڈمی کالج میں محفلِ میلاد کا انعقاد کیا گیاجس میں اسٹوڈنٹس، مینیجنگ ڈائریکٹر محمد علی شمسی، پرنسپل اور پروفیسرز نے شرکت کی۔

ابتداءً تلاوتِ کلامِ پاک اور نعتِ رسولِ مقبول صلی اللہ علیہ و سلم پڑھی گئی جبکہ مرکزی مجلسِ شوریٰ کے رکن حاجی محمد اطہر عطاری نے ”اخلاقِ مصطفیٰ صلی اللہ علیہ و سلم“ کے موضوع پر سنتوں بھرا بیان کیا۔

9نومبر 2022ء کو دعوت اسلامی کے زیر اہتمام پوسٹ کالج منڈی یزمان میں میلاد اجتماع کا انعقاد کیا گیا جس میں ٹیچرز اور اسٹوڈنٹس کی بڑی تعداد نے شرکت کی۔

نگران شعبہ تعلیم (دعوت اسلامی) عبد الوہاب عطاری نے ”سیرت النبی صلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیا اور شرکا کو دنیاوی تعلیم کے ساتھ ساتھ دینی تعلیم بھی حاصل کرنے کی ترغیب دلائی۔آخر میں عبد الوہاب عطاری نے اسٹوڈنٹس کو فیضان آن لائن اکیڈمی کا تعارف بھی پیش کیا۔

دعوتِ اسلامی کے  شعبہ تعلیم کی جانب سے پچھلے دنوں گورنمنٹ ہائی سکول منڈی بہاؤالدین میں سیکھنے سکھانے کے حلقے کا انعقاد کیا گیا جس میں پرنسپل اور اساتذہ نے شرکت کی۔

سیکھنے سکھانے کے حلقے میں شعبہ تعلیم گوجرانوالہ ڈویژن کے ذمہ دار نے ’’ باطنی گناہوں کے بارے میں معلومات‘‘ کے موضوع پر سنتوں بھرا بیان کیا اور نیکی کی دعوت دیتے ہوئے اساتذہ کو مکتبۃُ المدینہ کی مطبوعہ کتب و رسائل کا مطالعہ کرنے کا ذہن دیتے ہوئے اس کے مطابق اپنی اور اسٹوڈیٹس کی تربیت کرنے کی ترغیب دلائی ۔مزید انہیں ہفتہ وار مدنی مذاکرہ دیکھنے کی دعوت بھی دی۔ ( رپورٹ : علی حسن شعبہ تعلیم ، کانٹینٹ: رمضان رضا عطاری )

عاشقانِ رسول کی دینی تحریک دعوتِ اسلامی کے زیرِ اہتمام پچھلے دنوں اسپائر کالج منڈی بہاؤالدین میں  محفلِ میلاد کا سلسلہ ہوا جس میں پرنسپل، پروفیسرز اور طلبہ شریک ہوئے۔

محفلِ میلاد کا آغاز حسب معمول تلاوتِ قرآنِ کریم و نعتِ رسول علیہ السلام سے کیا گیا پھر مبلغِ دعوت ِاسلامی نے ’’ سیرتُ النبی صلَّی اللہ علیہ واٰلہٖ وسلَّم‘‘ کے موضوع پر سنتوں بھرا بیان کیا اور فکرِ آخرت کا ذہن دیتے ہوئے شرکا کو اپنی زندگی کے شب و روز دینِ اسلام کے بتائے ہوئے طریقہ کار کے مطابق گزارنے کا ذہن دیا اور گڈز مدنی چینل دیکھنے کی ترغیب دلائی۔( رپورٹ : علی حسن شعبہ تعلیم ، کانٹینٹ: رمضان رضا عطاری )

21 اکتوبر 2022ء کو  گورنمنٹ پوسٹ گریجویٹ کالج منڈی بہاؤالدین میں اجتماعِ میلاد منعقد ہوا جس میں پرنسپل، پروفیسرز اور طلبہ نے شرکت کی۔ اس موقع پر شعبہ تعلیم گوجرانوالہ ڈویژن کے ذمہ دار اسلامی بھائی نے تلاوت و نعتِ رسول مقبول کے بعد’’ سیرتِ رسول عربی صلَّی اللہ علیہ واٰلہٖ وسلَّم ‘‘ کے موضوع پر سنتوں بھرا بیان کیا۔

دورانِ بیان مبلغِ دعوتِ اسلامی نے حاضرین کو پیارے آقا صلَّی اللہ علیہ واٰلہٖ وسلَّم کی آنکھوں کی ٹھنڈک نماز کی پابندی کرنے اور درودِ پاک پڑھنے کا ذہن دیا نیز حاضرین کو ہر ہفتہ مدنی چینل کا اہم سلسلہ مدنی مذاکرہ دیکھنے کی ترغیب دلاتے ہوئے وقتاً فوقتاً چلنے والے علم دین کے دیگر پروگرامز بھی  دیکھنے کی دعوت دی۔ ( رپورٹ : علی حسن شعبہ تعلیم ، کانٹینٹ: رمضان رضا عطاری )

دعوتِ اسلامی کی جانب سے 3 نومبر2022ء کو لیڈر کالج حویلیاں ایبٹ آباد میں  ماہانہ ٹریننگ سیشن کا انعقاد ہوا جس میں کالج کے اسٹوڈنٹس اور اسٹاف نے شرکت کی۔

آغاز تلاوتِ قرآنِ پاک و نعتِ رسول صلَّی اللہ علیہ واٰلہٖ وسلَّم سے ہوا۔ بعدازاں شعبہ تعلیم خیبر پختونخوا کے اظہر سعید عطاری نے ’’سیرتِ مصطفی صلَّی اللہ علیہ واٰلہٖ وسلَّم ‘‘ کے موضوع پر سنتوں بھرا بیان کیا اور شرکائے اجتماع کو نیکی کی دعوت پیش کرتے ہوئے ہفتہ وار سنتوں بھرے اجتماع میں شرکت کرنے کی دعوت دی۔( رپورٹ : غلام محمد عطاری شعبہ تعلیم ہزارہ ڈویژن ، کانٹینٹ: رمضان رضا عطاری )

جشنِ خیر الوریٰ صلی اللہ علیہ و سلم کے حوالے سے پاکستان کے شہر عارف والہ ڈسٹرکٹ پاکپتن میں واقع سپیرئیر کالج میں میلاد اجتماع منعقد کیا گیا جس میں اسٹوڈنٹس اور ٹیچرز سمیت اسٹاف کے دیگر عاشقانِ رسول کی شرکت رہی۔

اجتماع کا آغاز تلاوتِ قران و نعتِ رسولِ مقبول صلی اللہ علیہ و سلم سےکیا گیا جبکہ نگرانِ شعبہ عبد الوہاب عطاری نے ”سیرت النبی صلی اللہ علیہ و سلم“  کے موضوع پر سنتوں بھرا بیان کرتے ہوئے اسٹوڈنٹس کو پیارے آقا صلی اللہ علیہ و سلم کی سیرتِ طیبہ پر عمل کرنے اور اسلامی تعلیمات کے مطابق اپنی زندگی گزارنے کا ذہن دیا۔علاوہ ازیں نگرانِ شعبہ نے شرکائے اجتماع کو دعوتِ اسلامی کے دینی کاموں میں عملی طور پر شرکت کرنے کی ترغیب دلائی۔(رپورٹ:ارشد حسن عطاری رکنِ زون شعبہ تعلیم، کانٹینٹ:غیاث الدین عطاری)

شعبہ تعلیم دعوتِ اسلامی کے تحت پچھلے دنوں پاکستان کے شہر عارف والہ ڈسٹرکٹ پاکپتن میں واقع فرنٹیئر کالج میں اجتماعِ میلاد کا انعقاد کیا گیا جس میں اسٹوڈنٹس اور ٹیچرز سمیت اسٹاف کے دیگر عاشقانِ رسول نے شرکت کی۔

تلاوتِ قران و نعتِ رسولِ مقبول صلی اللہ علیہ و سلم کے بعد نگرانِ شعبہ عبد الوہاب عطاری نے سیرتِ مصطفٰی صلی اللہ علیہ و سلم کے موضوع پر سنتوں بھرا بیان کیا اور وہاں موجود اسٹوڈنٹس کو پیارے آقا صلی اللہ علیہ و سلم کی سیرتِ طیبہ پر عمل کرتے ہوئے زندگی گزارنے کا ذہن دیا۔علاوہ ازیں نگرانِ شعبہ نے شرکائے اجتماع کو دعوتِ اسلامی کے دینی کاموں میں عملی طور پر حصہ لینے کا ذہن دیا۔(رپورٹ:ارشد حسن عطاری رکنِ زون شعبہ تعلیم، کانٹینٹ:غیاث الدین عطاری)

عاشقانِ  رسول کی دینی تحریک دعوتِ اسلامی کے شعبہ تعلیم کے زیرِ اہتمام پچھلے دنوں کراچی ڈسٹرکٹ ملیر صفورہ ٹاؤن میں قائم ملیشین لرننگ حب پروفیشنل انسٹیٹیوٹ میں ٹریننگ سیشن ہوا جس میں آئی ٹی اور دیگر کورسز سے وابستہ اسٹوڈنٹس نے شرکت کی۔

کراچی سٹی شعبہ تعلیم ذمہ دار محمد مہشید عطاری نے طلبہ میں ’’نماز کی اہمیت‘‘ کے موضوع پر سنتوں بھرا بیان کیا اور انہیں نیکیوں میں استقامت پانے کے لئے دعوتِ اسلامی کے دینی ماحول سے منسلک ہونے کا ذہن دیا۔ اس کے بعد ادارے کے اونر کو دورانِ ملاقات مدنی مرکز فیضانِ مدینہ وزٹ کرنے اور 13 نومبر 2022ء کو ہونے والی مدنی عطیات مہم میں حصہ ملانے کی ترغیب دلائی جس پر ادارے کے چیئرمین زہیر احمد صاحب نے نیک خواہشات کا اظہار کرتے ہوئے دعوتِ اسلامی کی کاوشوں کو سراہا۔(رپورٹ : محمد مہشید، کانٹینٹ: رمضان رضا عطاری )