دعوت اسلامی کے زیر اہتمام12جون 2021ء کو  رائے ونڈ میں شخصیات اجتماع کا انعقاد کیا گیا جس میں مختلف شعبے سے تعلق رکھنے والی شخصیات اور دیگر اسلامی بھائیوں نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا اور شخصیات کو دعوت اسلامی کے دینی کاموں کا تعارف پیش کرتے ہوئے انہیں بھی دینی کاموں میں شرکت کرنے، اپنے اپنے متعلقہ شعبے میں نیکی کی دعوت کو عام کرنے اور مدنی قافلے میں سفر کرنے کا ذہن دیا۔

دعوتِ اسلامی کے شعبہ مدرسۃ المدینہ بوائز کے زیر اہتمام 12 جون 2021ء کو ضلع استور، تحصیل گوری کوٹ رٹو گاؤں میں تقسیم اسناد اجتماع ہوا جس میں حفظ و ناظرہ مکمل کرنے والے بچوں کے والدین اور کثیر تعداد میں  عاشقان رسول نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا اور شرکا کویہ ترغیب دلائی کہ وہ اپنے بچوں کو دنیاوی تعلیم کے ساتھ ساتھ قرآن پاک بھی تعلیم دلوائیں۔

اجتماع کے اختتام پر رکن شوریٰ کے ہاتھوں حفظ و ناظرہ مکمل کرنے والے بچوں کو اسناد تقسیم کی گئیں۔

دعوت اسلامی کے شعبہ مدرسۃ المدینہ بوائز کے زیر اہتمام 11 جون 2021ء کو گلگت بلتستان میں تقسیم اسناد اجتماع ہوا جس میں حفظ و ناظرہ مکمل کرنے والے بچوں کے سرپرست اور دیگر عاشقان رسول نے شرکت کی۔

مرکزی مجلس شوریٰ کے نگران حاجی یعفور رضا عطاری نے سنتوں بھرا بیان کیا اور شرکا کو یہ ذہن دیا کہ وہ بھی اپنے بچوں کو دینی تعلیم سے آراستہ کریں۔ اجتماع کے اختتام پر رکن شوریٰ نے حفظ و ناظرہ مکمل کرنے والے بچوں کے سروں پر عمامہ شریف بھی سجائیں اور اسناد تقسیم کی۔

دعوت اسلامی کے زیر اہتمام 11 جون 2021ء  کو گلگت بلتستان مدنی مشورے کا انعقاد کیا گیا جس میں گلگت بلتستان کے ریجن ذمہ داران سمیت رابطہ برائے تاجران کے ذمہ داران نے شرکت کی۔

مرکزی مجلس شوریٰ رکن حاجی یعفور رضا عطاری نے شرکا کی تربیت کی اور تاجر اسلامی بھائیوں میں نیکی کی دعوت کو عام کرنے اور انہیں مدنی قافلے میں سفر کروانے کا ذہن دیا۔

دعوت اسلامی کے تحت 11 جون 2021ءکو پاکستان کے شہر گلگت میں مدنی مشورہ ہوا جس میں مختلف سطح ذمہ داران نے شرکت کی۔

مرکزی مجلس شوریٰ کے رکن حاجی یعفور رضا عطاری نے کارکردگی کا جائزہ لیا اور 12 دینی کاموں کے حوالے سے شرکا کی تربیت کی۔ رکن شوریٰ نے ذمہ داران کو اپنے اپنے علاقے میں 12 دینی کاموں کو مزید بڑھانے اور اسلامی بھائیوں کو مدنی قافلوں میں سفر کروانے کی ترغیب دلائی۔

اس موقع پر ابو البنتین حاجی محمد حسان عطاری بھی موجود تھے۔

پچھلےدنوں دعوت اسلامی کے زیر اہتمام پاکستان کے شہر گلگت میں ایک اسلامی بھائی حاجی جمیل کی رہائش گاہ پر مدنی حلقے کا سلسلہ ہوا جس میں مقامی اسلامی بھائیوں نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا اور شرکا کو دینی کاموں میں شرکت کرنے کا ذہن دیتے ہوئے مدنی قافلے میں سفر کرنے کی ترغیب دلائی۔

امیرِ اہلِ سنت حضرت علامہ مولانا الیاس عطار قادری  دَامَتْ بَرَکَاتُہُمُ الْعَالِیَہ پچھلے کئی سالوں سے مسلسل”مدنی مذاکرہ“ نامی ہفتہ وار ایسی علمی نشست قائم فرماتے ہیں جس میں شرکت کرنے والے ہر خاص و عام کو شرعی، طبی، تاریخی اور تنظیمی معلومات کا خزانہ ہاتھ آتا ہے۔

اسی سلسلے میں آج مورخہ 12 جون 2021ء رات 9:30 بجے مین یونیورسٹی روڈ پر واقع عالمی مدنی مرکز فیضان مدینہ کراچی سے براہ راست مدنی مذاکرے کا انعقاد کیا جائیگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب ہونے والے سوالات کے جوابات ارشاد فرمائیں گے۔

تمام عاشقان رسول سے درخواست کی جاتی ہے کہ مدنی مذاکرے میں شرکت کرکے علم دین کا ڈھیروں ڈھیر خزانہ حاصل کریں۔

اَلْحَمْدُ لِلّٰہِ عَزَّ وَجَلَّ دعوت اسلامی کا نہایت منفرد شعبہ اسپیشل پرسنز ڈیپارٹمنٹ کے تحت پاکستان بھر میں نابینا اسلامی بھائیوں کے لئے مدارس المدینہ و جامعات المدینہ قائم کئے جارہے ہیں جس میں نابیناافراد کو حفظ و ناظرہ کی تعلیم کے ساتھ ساتھ درسِ نظامی بھی کرائی جاتی ہے۔

ان اداروں میں اسٹو ڈنٹس کو مختلف سہولیات کے تعلیم بھی مفت فراہم کی جاتی ہے جس کے لئے ایک بڑی رقم درکار ہے۔

شعبہ اسپیشل پرسنز ڈیپارٹمنٹ عاشقان رسول سے ان کاموں کے لئے ڈونیشن دینے کی درخواست کرتا ہے۔

ڈونیشن جمع کروانے کے لئے بینک اکاؤنٹ دعوت اسلامی ٹرسٹ، فیصل آباد

اکاؤنٹ ٹائٹل: دعوت اسلامی ٹرسٹ

اکاؤنٹ نمبر:0859491901006204

یونیورسل نمبر: PK02MUCB0859491901006204

نوٹ: بینک میں رقم آن لائن کرواکر اپنی سلپ پر رقم کی مد (واجبہ، نافلہ کی وضاحت ک ساتھ) اس واٹس اپ نمبر پر سینڈ کریں

03418267272

تاکہ آپ کو دعوت اسلامی فنانس ڈیپارٹمنٹ کی طرف سے رسید سینڈ کی جا سکےاور رقم کو استعمال میں لایا جاسکے۔

عاشقان رسول کی دینی تحریک دعوت اسلامی کے شعبہ اسپیشل پرسنز ڈیپارٹمنٹ کے تحت مدنی مرکز فیضان مدینہ کالا باغ ضلع میانوالی مدرسۃ المدینہ (رہائشی برائے نابینا افراد )قائم کردیا گیا ہےجس میں داخلے کا سلسلہ جاری ہے۔

اس مدرسۃ المدینہ میں نابینا افراد کو قرآن پاک حفظ کروایا جائیگا۔

داخلے کے خواہشمند اسلامی بھائی اور مزید تفصیلات کے لئے ان نمبرز پر رابطہ کریں:

03070443772-03062625312-03122942526

دعوت اسلامی کے شعبہ دار الافتاء اہلِ سنت کے علماء و مفتیان کرام عاشقان رسول کی شرعی رہنمائی کے لئے وقتاً فوقتاً Facebook پیجز پر لائیو آتے رہتے ہیں۔

اسی سلسلے میں آج مورخہ 9 جون 2021ء رات 8:00 بجے دار الافتاء اہلِ سنت کے مولانا محمد سعید عطاری مدنی صاحب مدنی چینل کے آفیشل FacebookپرLive ہونگے جس میں عاشقان رسول اپنے سوالات کے ذریعے شرعی مسائل کا حل جان سکیں گے ۔

اس سلسلے میں شرکت کرنےکے لئے اس لنک پر کلک کیجئے:

https://www.facebook.com/MadaniChannelOfficial

آج دنیا بھر میں دعوت اسلامی کے زیرِ اہتمام ہفتہ وار سنتوں بھرے اجتماع کا انعقادکیا جائیگا۔ان اجتماعات میں اراکینِ شوریٰ اور دیگر مبلغین دعوت اسلامی سنتوں بھرے بیانات فرمائیں گےجبکہ تلاوت، نعت، اجتماعی ذکر اور رقت انگیز دعاکا بھی سلسلہ ہوگا۔

تفصیلات کے مطابق مدنی چینل پر 9:30 بجے ہفتہ وار سنتوں بھرے اجتماع کا آغاز ہوگاجس میں مرکزی مجلس شوریٰ کے رکن حاجی محمد اظہر عطاری ”میرے آقا کا خُلقِ عظیم“ کے موضوع پر سنتوں بھرا بیان فرمائیں گے۔

اس کے علاوہ رضائے مصطفٰے مسجد کورنگی نمبر 4 میں نگران کراچی ریجن و رکن شوریٰ حاجی محمد امین عطاری سنتوں بھرا بیان فرمائیں گے۔

واضح رہے کہ دعوتِ اسلامی کے اجتماعات ڈویژن سطح پر منعقد کئےجارہے ہیں، تمام عاشقانِ رسول اپنے ڈویژن میں ہونے والے ہفتہ وار اجتماع میں شرکت فرمائیں اور علم دین سے اپنے سینوں کو منور فرمائیں۔

دعوتِ اسلامی کی جانب سے ڈہرکی ریل گاڑی حادثے کے مقام پر امدادی کارروائیاں شروع کردی گئی ہیں۔

فیضان گلوبل ریلیف فاؤنڈیشن ”دعوتِ اسلامی“(FGRF) کے کشمور زون ذمہ دار طالب حسین عطاری نے دعوتِ اسلامی کے شب وروز کو بتایا کہ حادثے کی اطلاع ہوتے ہی سب سے پہلے ریتی ڈویژن کے ذمہ داران کو جائے حادثہ کی جانب روانہ کردیا گیا تاکہ فوری امداد ی کاروائیاں شروع کی جاسکیں۔ اس کے بعد ڈہرکی، میرپور اور سکھر سمیت دیگر شہروں سے بھی FGRF کی ٹیمیں حادثے کے مقام پر پہنچیں۔ دعوتِ اسلامی کی ان ویلفیئر ٹیموں کی جانب سے متاثرین کو کل سے لے کر اب تک کھانا، ناشتہ، چائے ، پینے کا صاف پانی، برف اور جوس وغیرہ مہیا کيا جا رہا ہے جبکہ ریلوے حکام کےہمراہ دیگر سرگرمیوں میں بھی FGRF کی ٹیمیں معاونت کررہی ہیں۔

فیضان گلوبل ریلیف فاؤنڈیشن کے نگران پاکستان محمد شفاعت علی عطاری نے دعوتِ اسلامی کے شب و روز کو بتایا کہ اَلْحَمْدُ لِلّٰہِ عَزَّ وَجَلَّزخمیوں کو نکالنے کا کام گزشتہ رات 2 بجے کے قریب مکمل کرلیا گیا تھا جبکہ آج ایک بجے کے آس پاس ریلوے ٹریک کو کلیئر کرکے پیچھے رکی ہوئی ٹرینوں کو بھی گزار دیا ہے۔

واضح رہے کہ پیر 7 جون کو گھوٹکی کے ريتی ريلوے اسٹيشن کے قريب 2 مسافر ٹرينيں آپس میں ٹکرانے سے 40 سے زائد افراد انتقال کرگئے، جب کہ 100 سے زائد زخمی ہوئے ہیں۔

حادثے کے بعد زخمیوں کو سول اسپتال گھوٹکی،ڈہرکی ، شیخ زید اسپتال رحیم یار خان اور پنوعاقل کے اسپتالوں میں طبی امداد دی جارہی ہے ، ملت ایکسپریس کراچی سے سرگودھا اور سرسید ایکسپریس راولپنڈی سے کراچی جارہی تھی ۔حادثہ ڈہرکی اور ریتی لین اسٹیشن کے قریب پیش آیا جس میں ملت ایکسپریس کی 8 اور سرسید ایکسپریس کے انجن سمیت 3 بوگیں پٹڑی سےاترگئیں۔