27 جنوری 2021ء بروز بدھ دوپہر 2 بجے دعوت اسلامی کے زیر اہتمام پاکستان بھر میں  میڈیا سے وابستہ افراد کے لئے سنتوں بھرے اجتماع کا انعقاد کیا جائیگا۔ اس اجتماع پاک میں مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی خصوصی بیان فرمائیں گے۔

میڈیا سے وابستہ افراد سے اس اجتماع پاک میں شرکت کرنے کی درخواست ہے۔

واضح رہے کہ یہ بیان عالمی مدنی مرکز فیضان مدینہ کراچی سے براہ راست نشر کیا جائیگا جس کو مختلف شہروں کے پریس کلب میں ویڈیولنک کے ذریعے دکھایا جائیگا۔

آج بروز اتوار بعد نماز عشاء دعوت اسلامی کے زیر اہتمام چوہدری الیاس سلیم کولڈ اسٹور قبولہ روڈ عارف والا میں سنتوں بھرے اجتماع کا انعقاد کیا جائیگا۔ اجتماع پاک میں مرکزی مجلس شوریٰ کے رکن حاجی مولانا عبد الحبیب عطاری خصوصی بیان فرمائیں گے۔

اہل علاقہ سے اس اجتماع پاک میں شرکت کرنے کی درخواست ہے۔

5 جنوری2021ء  بروز منگل کراچی محمود آباد نمبر6 میں شہید ہفت سلطان مسجد محمد کاشف اعوان عطاری کے لئے ایصال ثواب اجتماع منعقد ہوا جس میں کابینہ، ڈویژن اور علاقہ سطح کے ذمہ داران سمیت عوام کی بڑی تعداد نے شرکت کی ۔

ایصال ثواب اجتماع میں مبلغ دعوت اسلامی حاجی فضیل رضا عطاری نے حاضرین کے درمیان شہید کی عظمت کے موضوع پر بیان کیا اور 12دینی کام کرنے کے متعلق شرکا کو مدنی پھول دیئے ۔

ایصال ثواب اجتماع میں 45 مرتبہ قرآن پاک ،17 لاکھ 1 ہزار 500مرتبہ دورود پاک،550 مرتبہ سورہ ملک،12000مرتبہ سورہ فاتحہ، 640مرتبہ سورہ یٰسین،100 مرتبہ سورہ رحمن،1500مرتبہ کلمہ طیبہ سمیت 38 مختلف پارے پڑھنے کا ثواب شہید کاشف اعوان کو پیش کیا گیا۔ (رپورٹ:محمد اشفاق علی عطاری علاقہ مشاورت ذمہ دار) 

دعوتِ اسلامی کی مرکزی مجلس شوریٰ کے رکن حاجی وقار المدینہ عطاری نے سندس فاؤنڈیشن کے چیف ایڈمنسٹریٹرز جنرل ر آفتاب حسین سے ملاقات کی۔ رکن شوریٰ نے تھیلیسیمیا فری پاکستان بنانے کے لئے دعوت اسلامی کے اقدامات اور پلاننگ پر کثیر المقاصد گفتگو کی۔

رکن شوریٰ نے انہیں مکتبۃ المدینہ کی کتاب ”ملفوظات امیر اہل سنت دَامَتْ بَرَکَاتُہُمُ الْعَالِیَہ“تحفے میں دی۔ 

5جنوری 2021ء کو دعوت اسلامی کی مجلس مدنی قافلہ کے زیر اہتمام گلگت بلتستان استور کابینہ سے کثیر عاشقان رسول ایک ماہ کے لئے مدنی قافلے میں لاہور کی طرف روانہ ہوئے۔

روانگی سے قبل مدنی حلقے کا سلسلہ ہوا جس میں نگران ڈویژن استور محمد عمران عطاری نے شرکا کو قافلے کے حوالے سے مدنی پھول بیان کئے۔

پچھلے دنوں دعوت اسلامی کی مرکزی مجلس شوریٰ کے رکن حاجی محمد امین عطاری تنظیمی شیڈول کے مطابق کراچی کے علاقےرنچھور لائن کابینہ میں قائم جامعۃ المدینہ فیضان اوکاڑوی پہنچے جہاں انہوں نے طلبہ کرام کی تربیت کی اور اساتذہ کا مشورہ فرمایا۔

رکن شوریٰ نے شرکا کو دینی کاموں میں بڑھ چڑھ کر حصہ لینے اور تعطیل اعتکاف کرنے کی ترغیب دلائی۔ اختتام پر نمایاں کارکردگی کے حامل طلبہ کو تحائف بھی پیش کئے گئے۔

حضرت مولانا صاحبزادہ ریحان امجد نعمانی صاحب کی بڑی ہمشیرہ رضائے الہی سے انتقال کرگئیں۔

انتقال کی خبر ملنے پر دعوت اسلامی کا وفد رکن شوریٰ حاجی محمد امین عطاری کے ہمراہ ان کی رہائش گاہ پہنچا جہاں انہوں نے مولانا صاحب سے تعزیت کی۔ رکن شوریٰ نے ان کی ہمشیرہ کے لئے ایصالِ ثواب کرتے ہوئے دعائیں کیں اور انہیں دعوت اسلامی کی دینی خدمات سے آگاہ کیا۔

دعوت اسلامی کے شعبہ تعلیم کے تحت 10 جنوری 2021ء دوپہر 2:00 بجے مدنی چینل لائیو Facebook Pageپر اسٹوڈنٹس،ٹیچرز اور ایجوکیشن ڈیپارٹمنٹ سے وابستہ افراد کے لئے آن لائن سنتوں بھرے اجتماع کا انعقاد ہونے جارہا ہے۔

اس اجتماع میں نگران پاکستان انتظامی کابینہ حاجی محمد شاہد عطاری خصوصی بیان فرمائیں گے

شعبہ تعلیم کے تمام افراد سے اس اجتماع پاک میں شرکت کرنے کی درخواست ہے۔

عاشقان رسول کی دینی و اصلاحی تحریک دعوت اسلامی کے تحت اسلامی بہنوں کو دینی تعلیم سے آراستہ کرنے اور احسن طریقے سے زندگی گزارنے کے لئے  مجلس ”شعبہ شارٹ کورسز “ (اسلامی بہنیں) کا قیام عمل میں لایا گیا۔ اس مجلس کے تحت 2018ء سے پاکستان بھر میں 40 مختلف کورسز کروائے جارہے ہیں جن میں زندگی کے مختلف شعبے سے تعلق رکھنے والی اسلامی بہنیں علمِ دین سے فیض یاب ہورہی ہیں۔

2020ء میں ہونے والے لاک ڈاؤن میں مجلس شارٹ کورسز نے انٹرنیٹ کی سہولت سے فائدہ اٹھاتے ہوئے آن لائن کلاسز کا آغاز کیا جس کے ذریعے پاکستان کے 6 ریجنز کراچی، حیدر آباد، ملتان، اسلام آباد، لاہور اور فیصل آبادمیں 9 ہزار 526مقامات پر کورسز کروائے گئے جن میں 1لاکھ 41ہزار 128 اسلامی بہنوں نے مختلف کورسز کرنے کی سعادت حاصل کی۔

مجلس شارٹ کورسز کی کارکردگی کے مطابق سال 2018 ء میں ملک بھر میں 3ہزار 905 مقامات پر کورسز ہوئے جن میں 7 ہزار645 اسلامی بہنوں نے کورس میں شرکت کی۔سال 2019ء میں پاکستان بھر میں 11ہزار 813 مقامات پر 21 کورسز کروائے گئے جن میں شرکت کرنے والی اسلامی بہنوں کی تعداد ایک لاکھ 66 ہزار253 رہی جبکہ سال 2020ء میں پاکستان بھر میں 10 ہزار 316مقامات پر 10 کورسز کروانے کا سلسلہ رہا جن میں 1لاکھ 41 ہزار 128 اسلامی بہنیں علمِ دین سے فیض یاب ہوئیں۔

مجلس شارٹ کورسز سال 2021ء میں مختلف مقامات پر وقتا فوقتاً 16 مختلف شارٹ کورسز کروانے کے لئے پُر عزم ہے جن کے شیڈول کی تفصیلات یہ ہیں۔

دعوت اسلامی کے زیر اہتمام  پچھلے دنوں نگران زون و نگران کابینہ نے مجلس تعمیرات و مقامی ذمہ داران کے ہمراہ روہیلاں والی شہر ماہڑہ میں زیر تعمیر مسجد بنام فیضان علی المرتضیٰ کا وزٹ کیا جہاں ذمہ داران دعوت اسلامی نے 9جنوری2021 ء سے مسجد کےچھت کاکام شروع کرنے کے متعلق کلام کرتے ہوئے حاضرین کو اس کی تعمیر کے حوالے سے خوب کوششیں کرنے کا ذہن دیا ۔(رپورٹ: محمد ظہور عطاری مدنی مجلس ائمہ مساجد مظفر گڑھ زون) 

دعوتِ اسلامی کی مجلس مدنی چینل ڈسٹری بیوشن کے زیر اہتمام6 جنوری 2021ء بروز بدھ  میرپورخاص العطاٹاؤن میں مدنی حلقہ ہوا جس میں مدرستہ المدینہ للبنین غیر رہائشی کے شرکا نے شرکت کی ۔

مدنی حلقے میں مبلغ دعوت اسلامی انجم رضا عطاری پاکستان سطح کہ ذمہ دار نے مدنی چینل کا تعارف اور موبائل ایپس کے حوالے سے کلام کرتے ہوئے شرکا کو اپنے گھروں میں مدنی چینل چلوانے اور موبائل میں دعوت اسلامی کی ایپلیکیشن ڈاؤنلوڈ کر کے اس سہولت سے فائدہ اٹھانے کا ذہن دیا ۔( رپورٹ: ساجد رضاعطاری رکن زون)

دعوت اسلامی کے زیر اہتمام 03جنوری 2021ء بروز  اتوار سکھر زون جیکب آباد کابینہ سلطان کوٹ میں ماہانہ مدنی مشورے کا سلسلہ ہوا جس میں ڈویژن نگران اور اراکین کابینہ نے شرکت کی ۔

ماہانہ مدنی مشورے میں مبلغ دعوت اسلامی حاجی محمد بلال عطاری نگران سکھر زون و نگران جیکب آباد کابینہ عبدالوحید عطاری مدنی نے 12 دینی کاموں کو بڑھانے کے حوالے سے کلام کرتے ہوئے شرکا کو ہفتہ وار اجتماع کی تعداد بڑھانے اور ہفتہ وار مدنی مذاکرہ دیکھنے سمیت8 جنوری2021ء کو راہ خدا میں30 دن کےمدنی قافلے میں سفر کرنے کے متعلق مدنی پھول دیئے ۔(رپورٹ:محمد اظہر عطاری )