دعوت اسلامی کی مجلس مدرسۃ المدینہ للبنین کے تحت مدرسۃ المدینہ کنز الایمان جوہرٹاؤن میں ”نظامت کورس“ کا سلسلہ ہوا جس میں نظامت کورس کے ذمہ دار، ریجن ذمہ دار اور نظامت کورس کرنے والے مدرسین نے شرکت کی۔ نگران مجلس مدرسۃ المدینہ للبنین محمد لیاقت عطاری نے” ایک ناظم کو کیسا ہونا چاہیئے“ کو موضوع پر سنتوں بھرا بیان کیااور نئے ناظم بننے والے اسلامی بھائیوں کی تربیت کی۔

دعوت اسلامی کی مجلس مدرسۃ المدینہ خود کفالت کراچی ریجن کے ذمہ دار ابواسید مخدوم سید شفیق الرحمان عطاری شعبہ خودکفالت نے 22جون 2020ء بروز پیرایسٹ زون ڈرگ روڈکابینہ میں حاضری دی۔

مدرسۃالمدینہ ڈرگ روڈنمبر2اور4میں ناظمین ومدنی عملےکےساتھ ایس او پیس برقراررکھتےہوئےمدنی مشورہ کیا۔ مشور ےمیں آپ نے مالِ وقف کی حفاظت کرنے اور مدنی عطیات ومدنی بستوں کے بارے میں کلام فرمایا ۔(رپورٹ:ابواسید مخدوم سید شفیق الرحمان عطاری شعبہ خودکفالت مدرسۃالمدینہ و مدنی بستہ کراچی ریجن)

مجلس  مدرسۃ المدینہ تعمیرات کے تحت 13جون2020ء بروزہفتہ کراچی ریجن ذمہ دار ابواسید مخدوم سید شفیق الرحمان عطاری شعبہ خودکفالت مدرسۃالمدینہ و مدنی بستہ نے اورنگی اور بلدیہ کے نگران کابینہ سے ملاقات کی اور مدرسۃ المدینہ للبنات وللبنین کے تعمیراتی پروجیکٹ کےحوالےسےمدنی مشورہ کرتے ہوئے اورنگی ٹاؤن میں دعوت اسلامی کے تحت لگائے گئے بلڈڈونیٹ کیمپ پر حاضری دی اور وہاں موجود اسلامی بھائیوں کی کاوش دیکھ کر حوصلہ افزائی فرمائی۔( رپورٹ:۔ ابواسید مخدوم سید شفیق الرحمان عطاری شعبہ خودکفالت مدرسۃالمدینہ و مدنی بستہ کراچی ریجن)

دعوت اسلامی کی مجلس مدرستہ المدینہ کل وقتی للبنین کے تحت 17 مارچ 2020ء بروز منگل نارتھ کراچی کابینہ میں مدنی مشورہ ہوا جس میں مدرسین نے شرکت کی۔ مبلغ دعوت اسلامی نے شرکا کو کرونا وائرس کے سبب تعطیلات میں مطالعہ کرنے، مختلف کورس کرنے اور تعلیمی معیار میں بہتری لانے کے متعلق مدنی پھول دیئے ۔( محمد بغداد رضا عطاری رکن کابینہ و ناظم مدرستہ المدینہ)

دعوتِ اسلامی کی مجلس مدرسۃ المدینہ  کے زیر اہتمام مدنی مرکز فیضان مدینہ ٹنڈو الہ یار سندھ میں 14 مارچ 2020 بروز ہفتہ تقسیم اسناد اجتماع کا انعقاد کیا گیا جس میں مدرسۃ المدینہ کے بچوں ، سرپرستوں ، مجلس مدرسۃ المدینہ کے ذمہ داروں اور کثیر عاشقانِ رسول نے شرکت کی ۔

نگرانِ حیدر آباد زون حاجی ایاز عطاری نے سنتوں بھرا بیان کیا اور شرکا کو بتا یا کہ دعوتِ اسلامی نہ صرف بچوں کو قرآن پاک کی تعلیم دے رہی ہے بلکہ بڑے اسلامی بھائیوں کو مدرسۃ المدینہ بالغان کی صورت میں قرآن پاک کی تعلیم آراستہ کررہی ہے اور اخلاقی تربیت بھی کر رہی ہے ۔

دعوتِ اسلامی کی مجلس مدرستہ المدینہ للبنین کے تحت 12مارچ2020ء بروز جمعرات مدرستہ المدینہ للبنین مڈھ رانجھا سرگودھا میں تقسیم اسناد اجتماع کا اہتمام کیا گیا۔ اجتماع میں اہل علاقہ،  ذمہ داران دعوت اسلامی اور مدرسۃ المدینہ للبنین کے طلبائے کرام نے شرکت کی۔ اس موقع پر نگران کابینہ کوٹ مومن محمد انصرعطاری نے قراٰن پاک اور علم دین کی فضیلت پر سنتوں بھرا بیان کیا۔ (رپورٹ: محمد رستم عطاری، ناظم مدرستہ المدینہ سیال موڑ)

دعوت اسلامی  کی مجلس مدرسہ المدینہ کے تحت 10 مارچ2020ء بروز منگل لاہور ریجن، گوجرانوالہ زون ،حافظ آباد کابینہ،کالیکی منڈی حافظ آباد میں تقسیم اسناد اجتماع کا انعقاد ہوا جس میں کثیر تعداد میں علماء کرام ، سیاسی و سماجی شخصیات اور دیگر عاشقان رسول نے شرکت کی مبلغ دعوت اسلامی نگران زون و نگران پاکستان شعبہ تعلیم عبدالوہاب عطاری نے قرآن کی اہمیت،اور قرآن پڑھنے کے حوالے سے مدنی پھول ارشاد فرمایا۔(رپورٹر: محمد دانش عطاری حافظ آباد کابینہ کارگردگی ذمہ)

دعوتِ اسلامی کی مجلس مدرسۃالمدینہ للبنین کے تحت 7مارچ2020ء بروز ہفتہ مدرسۃالمدینہ نوشہرہ ورکاں   گوجرانوالہ غربی کابینہ میں تقسیمِ اسناد اجتماع کا اہتمام کیا گیا۔ اجتماع میں نگران کابینہ محمدارشد عطاری، نگران کابینہ محمد عمران عطاری، دیگر ذمہ داران اور طلبہ سمیت بڑی تعداد میں عاشقانِ رسول نے شرکت کی۔ اس موقع پر نگران کابینہ محمد ارشد عطاری نے فضائلِ قراٰن کے موضوع پر بیان کرتے ہوئے حفظ ِقراٰن پاک کی اہمیت اور ضرورت کو واضح کیا۔ اجتماع میں 15 طلبائے کرام کو اسناد پیش کی گئیں۔(رپورٹ: محمد عثمان عطاری ، ڈویژن نگران)

دعوتِ اسلامی کی مجلس مدرسۃ المدینہ للبنین کے تحت 3مارچ2020ء بروز منگل مدرسۃالمدینہ ملتان میں ہونے والے مدرس کورس کا جائزہ لیا گیا ۔ اس موقع پر نگران مجلس رہائشی مدارس پاکستان فلک شیر عطاری نے ناظم صاحب   اور مدرسین کرام سے ملاقاتیں کیں۔ دورانِ ملاقات تعلیمی و اخلاقی حوالے سے تربیتی نکات پیش کرتے ہوئے 12 مدنی کام کرنے اور ادارے کوخود کفیل بنانے کا ذہن دیا نیز تعلیمی نظام کو مزید بہتر بنانے کیلئے 2020 کے ا ہداف بھی دیئے۔(رپورٹ:فلک شیر عطاری، نگران مجلس رہائشی مدارس پاکستان) 

قراٰنِ پاک پڑھانے  والوں کے لئے ایک رہنما کتاب ” قرآن سیکھیں اور سیکھائیں حصہ 1“ مکتبۃ المدینہ نے شائع کردی ہے۔ اس کتاب میں بتایا گیا ہے کہ ایک قاری صاحب کس طرح اپنے طلبہ کو قراٰن کی تعلیم دیں؟، کم وقت میں قراٰ ن حفظ کروانے کے طریقہ کیا ہے اور اگر کوئی بچہ بہت چھٹیاں کرتا ہے تو اسے کس طرح کنٹرول کیا جاسکتا ہے۔ اس کے علاوہ بہت سے ایسے رہنما اصول اس کتاب میں قلمبند کئے گئے ہیں کہ اگر قاری صاحب ان اصولوں کو اپنے مدرسے میں نافذالعمل کرنے میں کامیاب ہوجائیں تو ان کا مدرسہ بہت جلد ترقی پذیر ہوگا اور نمایاں کارکردگی پیش کرے گا۔

کتاب پر تحریری کام نگران مجلس مدرسۃ المدینہ للبنین ابوحمادقاری محمد لیاقت رضا عطاری نے کیا ہے جبکہ المدینۃ العلمیہ کے محمد اعجاز نواز عطاری مدنی نے کتاب پر نظرِ ثانی کی ہے۔ مجلس المدینۃ العلمیہ نے کتاب میں تحریری اسلوب کے مطابق مزید مواد کی شمولیت، ترتیب و تصحیح، تخریج، تفتیش، قراٰنی آیا ت و حوالہ جات کی پیسٹنگ، فارمیشن، پروف ریڈنگ، تقابل اور نظرِ ثانی وغیرہ کرکے اسے مکمل کیا ہے۔

ہمیں امید ہے کہ مجلس مدارس المدینہ اور مجلس المدینۃ العلمیہ کی یہ مشترکہ کاوش قاریِ قراٰن کے لئے نہایت موزوں ثابت ہوگی اور تعلیم قراٰن کو عام کرنے میں ان کے لئے معاون ثابت ہوگی۔

اس کتاب کو دعوتِ اسلامی کی ویب سائٹ سے ڈاؤن لوڈ بھی کیا جاسکتا ہے

Download Now

دعوت اسلامی کے 107  شعبہ جات میں سے ایک شعبہ ”مجلس مدرسۃ المدینہ“ بھی ہے جس کے تحت دنیا بھر میں مدارس المدینہ قائم ہے جس میں ہزاروں کی تعداد میں بچوں اور بچیوں کو الگ الگ قراٰن پاک کی تعلیم کے ساتھ ساتھ نماز کی شرائط، فرائض،واجبات ، مستحبات اور دیگر فرض علوم سیکھایا جاتاہے۔ اس شعبے سے ہر سال ہزاروں کی تعداد میں بچے حفظ و ناظرہ کی تعلیم مکمل کرتے ہیں ۔ حال ہی میں سال 2019ء کی کارکردگی کے مطابق چھ ہزار 590 بچوں نے قراٰنِ پاک حفظ کرنے کی سعادت حاصل کی جبکہ اکتیس ہزار 220 بچوں نے ناظرہ ختم کیا۔

ان ہی میں سے نمایاں کارکردگی کےحامل 442 بچے ایسے بھی ہیں جنہوں نے ایک سال یا اس سے بھی کم عرصے میں قراٰن پاک حفظ کرنے کی سعادت پائی۔

تفصیلات کے مطابق کراچی ریجن میں8، حیدر آباد ریجن میں 12، ملتان ریجن میں 78، فیصل آباد ریجن میں 133، لاہور ریجن میں 73اور اسلام آباد ریجن میں 33 بچوں نے ایک سال یا اس سے بھی کم عرصے میں قراٰنِ پاک حفظ کرنے سعادت حاصل کی۔

اسی طرح مدرسۃ المدینہ رہائشی میں63 بچوں نے اور مدرسۃ المدینہ للبنات میں 42 بچیوں نے ایک سال سے بھی کم عرصے میں قراٰن پاک حفظ کیا۔

مجلس دعوتِ اسلامی کے شب و روز ان بچوں بچیوں کو اور ان کے سرپرستوں کو مبارک باد پیش کرتی ہے اور دعا گو ہے کہ اللہ ان طلبہ و طالبات کو مزید ترقی و عروج عطا فرمائے۔