عاشقانِ رسول کی دینی تحریک دعوتِ اسلامی کے زیرِا ہتمام مدنی مرکز فیضانِ مدینہ فیصل آباد میں 3 دن پر مشتمل (3، 4 اور 5 ستمبر 2022ءبروز ہفتہ، اتوار، پیر) 12 دینی کام کورس کا انعقاد کیا گیا۔

تفصیلات کے مطابق پنجاب پاکستان کے شہر فیصل آباد کے مدنی مرکز فیضان مدینہ میں ہونے 12 دینی کام کورس میں جامعۃالمدینہ بوائز کے جدول ناظمین، 12 دینی کام کے ذمہ داران، شعبہ جامعۃالمدینہ بوائز کے رکنِ شوریٰ حاجی محمد اسد عطاری مدنی اور اراکین سمیت دیگر تعلیمی امور کے ذمہ داران نے شرکت کی۔

اس کورس میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ناظمینِ جدول سمیت ذمہ داران کی 12 دینی کاموں کے حوالے سے تربیت کی اور اس کی اہمیت و افادیت بیان کرتے ہوئے بتایا کہ دعوت اسلامی کی بقا 12 دینی کاموں میں ہے نیز کس طرح جامعۃالمدینہ بوائز کے طلبۂ کرام میں 12 دینی کام کروانے ہیں اور ان پر عمل کیسے کرنا ہے۔

نگرانِ پاکستان مشاورت نے جامعۃالمدینہ بوائز کے طلبۂ کرام کے ذریعے علاقے کے عاشقانِ رسول میں دینی کام کو بڑھانے کے بارے میں مدنی پھول دیئے جبکہ جدول ناظمین کی طرف سے ہونے والے مختلف سوالات کے جوابات بھی دیئے۔

علاوہ ازیں کورس میں شرکت کرنے والے اسلامی بھائیوں کے درمیان ٹیسٹ کا اہتمام کیاگیا جس میں نمایاں کارکردگی والے اسلامی بھائیوں میں انعامات تقسیم کئے گئے نیز شرکائے کورس نےاپنے تاثرات دیتے ہوئے کورس کے متعلق اپنے خیالات کا اظہار کیا۔

بعدازاں وہاں موجود اسلامی بھائیوں نے نگرانِ پاکستان مشاورت حاجی محمد شاہد عطاری سے ملاقات کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوتِ اسلامی کے زیرِاہتمام پچھلے دنوں مولانا نواز عطاری مدنی (نگران شعبہ 12 دینی کام جامعۃ المدینہ پاکستان) نے جامعۃ المدینہ خانیوال کا دورہ کیا جہاں انہوں نے ناظمین اور اساتذۂ کرام کے درمیان مدنی مشورہ کیا۔

دورانِ مدنی مشورہ نگرانِ شعبہ نے شعبے کی سابقہ کارکردگی کا جائزہ لیتے ہوئے آئندہ کے اہداف طے کئے جس پر اساتذۂ کرام نے اچھی اچھی نیتیں کیں۔

بعدازاں نگرانِ شعبہ مولانا نواز عطاری مدنی نے جامعۃالمدینہ بوائز کے طلبۂ کرام کے لئے سیکھنے سکھانے کا حلقہ لگایا جس میں انہوں نے دعوتِ اسلامی کے 12 دینی کاموں کے متعلق گفتگو کی اور طلبۂ کرام کو بڑھ چڑھ کر دینی کاموں میں حصہ لینے کا ذہن دیا۔

اس موقع پر ملتان، بہاولپور اور ڈیرہ غازی خان کے 12 دینی کام ذمہ دار مولانا ندیم عطاری مدنی بھی موجود تھے۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کے کے تحت یکم ستمبر 2022ء بروز جمعرات عصری علوم درجات شعبہ جامعۃا لمدینہ بوائز کے تعلیمی ذمہ دار اسلامی بھائیوں کا بذریعہ زوم مدنی مشورہ ہوا۔

اس مدنی مشورے میں حاجی مولانا گل رضا عطاری مدنی (نگران مجلس تعلیمی امورجامعۃ المدینہ بوائز) نے تعلیمی حوالے سے اہم امور پر کلام کیا جبکہ عصری علوم درجات کے نصاب، نصاب کی آوٹ لائن نیز ششماہی امتحانات کے متعلق گفتگو کی جس پر ذمہ داران نے اپنی اپنی رائے پیش کی۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

عاشقانِ رسول کی دینی تحریک دعوت اسلامی کے دینی ماحول میں وقتاً فوقتاً مختلف کورسز کروائے جاتے ہیں جن میں عاشقان رسول کو علمِ دین سیکھنے کا موقع ملتا ہے۔

اسی سلسلے میں سندھ کے شہر کراچی میں قائم دعوت اسلامی کے عالمی مدنی مرکز فیضان مدینہ میں مرکزی مجلسِ شوریٰ کے رکن حاجی محمد امین عطاری نے 12 دینی کام کورس کروایا جس میں جامعۃالمدینہ بوائز کراچی سٹی کے ناظمین نے شرکت کی۔

اس کورس میں رکنِ شوریٰ حاجی محمد امین عطاری نے 12 دینی کاموں کے بارے میں شرکا کی تربیت کرتے ہوئے اُن کی جانب سے ہونے والے مختلف سوالا ت کے جوابات دیئے جبکہ رکنِ شوریٰ نے جامعۃالمدینہ بوائز کے ناظمین کو 12 دینی کاموں کو بڑھانے کے لئے چند اہم نکات بتائے جس پر انہوں نے اچھی اچھی نیتوں کا اظہار کیا۔

کورس کے اختتام پر اسلامی بھائیوں کا آن لائن گوگل فارم پر ٹیسٹ لیا گیا جس میں پاس ہونے والے اسلامی بھائیوں کے درمیان انعامات بھی تقسیم کئے گئے۔بعدازاں جامعۃالمدینہ بوائز کے ناظمین نے رکنِ شوریٰ حاجی محمد امین عطاری سے ملاقات کی۔(کانٹینٹ:غیاث الدین عطاری)

لوگوں کے عقائد و نظریات کی حفاظت کرنے اور انہیں قراٰن و سنت کی تعلیمات سے آگاہ کرنے کے لئے دعوتِ اسلامی کے تحت ایک شعبہ بنام ”جامعۃ المدینہ“ قائم کیا گیا ہے جس میں اسلامی بھائیوں اور اسلامی بہنوں کو درسِ نظامی (عالم /عالمہ کورس) کروایا جاتا ہے۔

اسی شعبے کے دینی کاموں کے حوالے سے پچھلے دنوں جوہر ٹاؤن لاہور میں واقع مدنی مرکز فیضانِ مدینہ میں ایک میٹنگ ہوئی جس میں جامعۃالمدینہ بوائز لاہور ڈویژن کے ناظمینِ کرام نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے دورانِ میٹنگ ناظمینِ کرام سے مختلف موضوعات پر گفتگو کی نیز اپنے شعبے کے اخراجات کو خود کفیل کرنے کے لئے مدنی پھولوں سے نوازا اور اہداف دیئے جس پر انہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

25 اگست 2022ء کو فیصل آباد میں جامعۃ المدینہ قباء  مسجد (بوائز ) پاکستان میں مدنی مشورہ ہوا جس میں مولانا حاجی گل رضا عطاری مدنی ( نگران مجلس تعلیمی امورجامعات المدینہ )نے اساتذہ کا مدنی مشورہ لیتے ہوئے طلبہ کی حاضری ، نظام تعلیم کی بہتری کے حوالے سے گفتگو کی اور طلبہ کرام کی تعلیمی و اخلاقی کیفیت کو بہتر بنانے پر مزید کوشش کرنے کا ذہن دیا ۔ (رپورٹ: محمد امیر حمزہ عطاری (پروجیکٹ مینجر ) آئی ٹی ڈپارٹمنٹ آف جامعۃ المدینہ( بوائز) پاکستان ، کانٹینٹ: محمد مصطفی انیس) 

عاشقانِ رسول کی دینی تحریک دعوتِ اسلامی کے زیرِ اہتمام صوبہ پنجاب پاکستان کے شہر اوکاڑہ میں واقع مدنی مرکز فیضانِ مدینہ میں شعبہ جامعۃ المدینہ بوائز کے ذمہ داران کا مدنی مشورہ ہوا جس میں ساہیوال ڈویژن کے ناظمین نے شرکت کی۔

مرکزی مجلسِ شوریٰ کے رکن حاجی رفیع عطاری نے مختلف موضوعات پر گفتگو کی بالخصوص شعبے کو خود کفیل کرنے کے حوالے سے چند اہم نکات پر تبادلۂ خیال کیا جس پر ناظمین نے بھی اپنی اپنی رائے پیش کی۔

مزید رکنِ شوریٰ نے ذمہ دار اسلامی بھائیوں کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔اس مدنی مشورے میں ساہیوال ڈویژن مشاورت کے نگران اور ڈسٹرکٹ مشاورت کے نگران اسلامی بھائی بھی موجود تھے۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

پچھلے دنوں دعوتِ اسلامی کے مرکزی جامعۃ المدینہ بوائز فیضان مدینہ جوہر ٹاؤن لاہور میں ناظمینِ جدول اور 12 دینی کاموں کے ذمہ دار اسلامی بھائیوں کا مدنی مشورہ منعقد ہوا۔

تفصیلات کے مطابق مولانا نواز عطاری مدنی (نگرانِ شعبہ 12 دینی کام جامعۃ المدینہ بوائز) نے شرکا کی تربیت کرتے ہوئے شعبے کی سابقہ کارکردگی کا جائزہ لیا اور آئندہ کے اہداف طے کئے جبکہ ذمہ داران نے پرزینٹیشن کے ذریعے شعبے کی کارگردگی پیش کی۔اس موقع پر 12 دینی کاموں کے صوبۂ پنجاب کے ذمہ دار محمد سلیم عطاری اور ڈسٹرکٹ ذمہ داران مولانا سیّد عثمان عطاری مدنی، مولانا نوید عطاری مدنی اور مولانا افتخار عطاری مدنی بھی موجود تھے۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کے زیرِ اہتمام شیخ الاسلام و المسلمین حضرت بابا فرید الدین مسعود گنج شکر رحمۃا للہ علیہ کے عرس کے سلسلے میں مزار شریف پر دینی کاموں کا انعقاد کیا گیا جس میں پاکپتن شریف کے جامعۃ المدینہ و مدرسۃ المدینہ بوائز کے طلبۂ کرام سمیت مولانا نواز عطاری مدنی (نگرانِ شعبہ 12 دینی کام جامعۃ المدینہ بوائز) نے شرکت کی۔

ملک و بیرونِ ملک میں لوگوں کو عالمِ دین بنانے والی عاشقانِ رسول کی دینی تحریک دعوتِ اسلامی کے زیرِ اہتمام پچھلے دنوں پاکستان کے شہر عارف والا میں واقع مرکزی جامعۃالمدینہ بوائز میں اساتذۂ کرام و طلبۂ کرام کا مدنی مشورہ ہوا جس میں نگرانِ شعبہ 12 دینی کام جامعۃ المدینہ بوائز مولانا نواز عطاری مدنی کی شرکت رہی۔

دورانِ مدنی مشورہ نگرانِ شعبہ نے دعوتِ اسلامی کے 12 دینی کام کرنے کے حوالے سے شرکا کی تربیت کی نیز شعبے کے دینی کاموں کی سابقہ کارکردگی کا جائزہ لیا اور آئندہ کے اہداف پر کلام کیا۔

مزید نگرانِ شعبہ نے ہفتہ وار مدنی مذاکرہ، یومِ تعطیل اعتکاف اور ہفتہ وار سنتوں بھرے اجتماع کے متعلق مشاورت کی۔اس موقع پر صوبائی ذمہ دار شعبہ 12 دینی کام جامعۃالمدینہ بوائز پنجاب محمد سلیم عطاری مدنی بھی موجود تھے۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دنیا بھر میں مسلمانوں کے عقائد و نظریات کی حفاظت کرنے اور انہیں دینِ اسلام کی تعلیمات پر عمل کروانے والی عاشقانِ رسول کی دینی تحریک دعوتِ اسلامی کے تحت ملتان میں قائم مرکزی جامعۃالمدینہ فیضانِ مدینہ بوائز میں تمام ناظمینِ جدول کا مدنی مشورہ ہوا۔

اس مدنی مشورے میں نگرانِ شعبہ 12 دینی کام جامعۃالمدینہ بوائز مولانا نواز عطاری مدنی نے ذمہ داران سے گفتگو کرتے ہوئے دعوتِ اسلامی کے 12 دینی کام کس انداز میں کئے جائیں اس حوالے سے تربیت کی۔

اس کے علاوہ نگرانِ شعبہ نے شعبے کی سابقہ کارکردگی کا جائزہ لیا اور آئندہ کےاہداف طے کئے جبکہ ملتان ڈویژن کے ناظم اعلیٰ مولانا احسان عطاری مدنی نے چند اہم امور پر مشاورت کی نیز 12 دینی کاموں کے متعلق پرزینٹیشن بھی دکھائی۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کے شعبہ جامعۃالمدینہ بوائز کے تحت پاکستان کے شہر بہاولپور میں قائم مرکزی جامعۃالمدینہ فیضانِ مدینہ بوائز میں میٹنگ ہوئی جس میں بہاولپور کے ناظمینِ جدول سمیت دیگر اسلامی بھائیوں کی شرکت رہی۔

نگرانِ شعبہ 12 دینی کام جامعۃ المدینہ بوائز مولانا نواز عطاری مدنی نے مختلف موضوعات پر گفتگو کرتے ہوئےدعوتِ اسلامی کے دینی کام کرنے کے حوالے سے ذمہ داران کی تربیت کی جبکہ جامعۃ المدینہ بوائز کے ناظمِ اعلیٰ مولانا غلام مرتضیٰ عطاری مدنی نے بھی شرکاکو مدنی پھولوں سے نوازا۔

بعدازاں شعبہ مدنی قافلہ کے ڈویژن ذمہ دار محمد نعیم عطاری نے مدنی قافلہ، یوم تعطیل اعتکاف اور علاقائی دورہ میں ذمہ داران کو طلبۂ کرام کے ہمراہ شرکت کرنے کا ذہن دیا اور 12 دینی کاموں کے متعلق پرزینٹیشن دکھائی۔دورانِ میٹنگ شعبے کی سابقہ کارکردگی کا جائزہ لیا گیا اور آئندہ کے اہداف طے کئے گئے۔

اس موقع پر 12 دینی کاموں کے صوبائی ذمہ دار محمد سلیم عطاری اور ملتان ڈویژن کے 12 دینی کاموں کے ذمہ دار مولانا ندیم عطاری مدنی بھی موجود تھے۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)