دعوتِ اسلامی کے زیرِ اہتمام 4 جولائی  2023ء بروز منگل ملتان ڈویژن سے سنتوں کی تربیت کے لئے ایک مہینے کا مدنی قافلہ سفر پر روانہ ہوا جس میں مقامی عاشقانِ رسول نگران ڈویژن مشاورت محمد سادات عطاری کے ہمراہ راہِ خدا کے سفر پر روانہ ہوئے۔( کانٹینٹ:رمضان رضا عطاری)

4 جولائی 2023ء کو سنتیں سیکھنے سکھانے کے جذبے کے تحت مدنی مرکز فیضان مدینہ ملتان میں قائم دارالسنہ سے بہاولپور کے اسلامی بھائی ایک ماہ کے مدنی قافلے میں سفر پر روانہ ہوئے ۔

روانگی سے پہلے نگران بہاولپور ڈویژن ڈاکٹر حافظ عبدُالرؤف عطاری نے عاشقانِ رسول کی فیضان مدینہ ملتان میں مدنی قافلے میں سفر کرنے کے حوالے سے تربیت کی۔

بعد ازاں ایک ماہ مدنی قافلے کے مسافرین کے ساتھ ڈویژن مشاورت کے نگران اسلامی بھائی نے دار السنّہ سے سمت لیکر مدنی قافلے کے لئے روانگی اختیار کی۔(رپورٹ :احمدرضا عطاری ڈویژن میڈیا ڈیپارٹمنٹ،کانٹینٹ:رمضان رضا عطاری)

دور ِجدیدمیں ڈیجیٹل لٹریسی بہت اہم ہے۔ آئی ٹی سمر کیمپ بچوں کو کمپیوٹر پروگرامنگ جیسی قیمتی مہارتیں سکھاتے ہیں اور ڈیجیٹل پلیٹ فارم پران کی موجودگی کو نمایاں کرنے میں اپنا کردار ادا کرتے ہیں۔آئی ٹی سمر کیمپ میں شامل سرگرمیوں کے ذریعے بچوں کو مستقبل کی ڈیجیٹل دنیا کے لئے  تیار کیا جاتاہے ۔

اس سلسلے میں 26 جون 2023ء کو دعوتِ اسلامی کے تعلیمی شعبے دارالمدینہ انٹرنیشنل اسلامک اسکول سسٹم ، گزری کیمپس کراچی میں آئی ٹی سمر کیمپ کا قیام عمل میں لایا گیا۔

اس سمر کیمپ میں ایکسل میجک،کوڈنگ ٹرینڈز جن میں++ C،جاوااسکرپٹ، پائی تھون اورAI(Artificial intelligence)یعنی مصنوعی ذہانت کا تعارف پیش کیا گیا۔مشین لرننگ کے بارے میں آگاہی دی گئی اورIoTیعنی انٹرنیٹ آف تھنگ کے متعلق بتایا گیا۔

سمر کیمپ میں دارُالمدینہ انٹرنیشنل اسلامک اسکول سسٹم کے مختلف کیمپس کے طلبہ نے حصہ لیا جس میں بچوں کو ٹیکنالوجی کے میدان میں مختلف کیریئر سے بھی روشناس کروایا گیا۔(رپورٹ: غلام محی الدین ترک ،اردو کانٹینٹ رائیٹر(مارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی)،کانٹینٹ:رمضان رضا عطاری)

مسلمانوں کے ایمان ،عقائد اور نظریات  کی حفاظت کرنے والی دینی تحریک دعوتِ اسلامی کے شعبہ اصلاح اعمال کے تحت مدنی مرکز فیضانِ مدینہ جوہر ٹاؤن لاہور میں یومِ قفلِ مدینہ اجتماع کا انعقاد ہوا ۔

لاہور ڈویژن شعبہ اصلاح اعمال ذمہ دار غلام شبیر عطاری نے اجتماعِ پاک میں شریک عاشقان رسول کو زبان کی حفاظت کرنے کے متعلق مدنی پھول دیئے اور انہیں امیر اہلِ سنت دامت برکاتہم العالیہ کا لکھا ہوا بہت ہی پیارا رسالہ خاموش شہزادہ پڑھنے کی ترغیب دلائی نیز لکھ کر گفتگو کرنے کا طریقہ بتایا اور زبان کا بے جا استعمال کرنے سے بچنے کا ذہن دیا۔

اس کے علاوہ امیر اہل ِسنت دامت برکاتہم العالیہ کی کتاب’’ گفتگو کے آداب اور فضول باتوں کے نقصانات‘‘ پڑھنے کی ترغیب دلاتے ہوئے بتایا کہ 80 فیصد گناہ زبان سے ہوتے ہیں، اگر زبان کو ہی کنٹرول کر لیا جائے تو انسان بہت ساری آفتوں سے امن میں آ جاتا ہے۔(کانٹینٹ:رمضان رضا عطاری)

عید قرباں کے موقع  پر پاکستان بھر میں دعوت اسلامی کے تحت دین متین کی ترقی و اشاعت میں مالی تعاون کے سلسلے میں ذمہ داراسلامی بھائیوں نے بقرہ عید کے تینوں دن قربانی کی کھالیں اکٹھی کیں۔

اس سلسلے میں شادباغ یوسی بھگت پورہ سمیت مختلف مقامات پر قربانی کی کھالیں جمع کرنے کے لئے اسٹا ل اور کیمپ لگائے گئے جہاں اسلامی بھائیوں نے علاقوں سے جمع ہونے والی کھالیں اکھٹی کیں ۔

صوبائی ذمہ دارعبدالماجدعطاری اور صوبہ پنجاب مجلس معاونت برائے اسلامی بہنیں کے ذمہ دار اسلامی بھائیوں نےتینوں دن کھالوں کے کیمپوں پرجاکراسلامی بھائیوں کی حوصلہ افزائی کی ۔

اس کے علاوہ مدرسۃُ المدینہ طیبہ کالونی، چائنہ سکیم، فیض عالم اورفیضان زم زم کےبچوں اورمدنی عملےکی بہت کوششیں رہیں اور انہوں نے سابقہ سال سےزیادہ کھالیں اکھٹی کیں۔(رپورٹ: صوبہ پنجاب مجلس معاونت برائےاسلامی بہنیں،کانٹینٹ:رمضان رضا عطاری)

کوٹ مٹھن شریف سے حضرت خواجہ غلام فرید رحمۃُ اللہ علیہ کے آستانہ عالیہ کے سجادہ ٔنشین خواجہ محمد عامر فرید کوریجہ نے مدنی مرکز فیضانِ مدینہ فیصل آباد کا دورہ کیا۔

اس موقع پر وہاں موجود ذمہ داران نے خواجہ محمد عامر فرید کوریجہ کو مدنی مرکز میں موجود مختلف شعبہ جات کاو زٹ کروایا اور ان میں ہونے والے دینی کاموں کے بارے میں معلومات فراہم کیں ۔

بعد میں سجادۂ نشین محمد عامر فرید نے اراکینِ شوریٰ نگران پاکستان مشاورت حاجی محمد شاہد عطاری اور حاجی جنید عطاری سے ملاقات کی۔دورانِ ملاقات اراکینِ شوریٰ نے انہیں دنیا بھر میں ہونے والے دعوتِ اسلامی کے دینی و فلاحی کاموں کے متعلق بریفنگ دی اور انہیں تحفہ میں مکتبۃُ المدینہ کا شائع کردہ قرآن پین پیش کیا جس پر انہوں نے خوشی کا اظہار کرتے ہوئے خدماتِ دعوت اسلامی کو سراہا۔( رپورٹ:ساجد رسول عطاری،کانٹینٹ:رمضان رضا عطاری)

پچھلے  دنوں دعوتِ اسلامی کے تحت ترکی کے شہر استنبول میں نگران وسطی ایشیائی اور افریقی عرب شہاب الدین عطاری نے ترکی کے ذمہ دار حامد عطاری کے ہمراہ شیخ محمود آفندی رحمۃ اللہ علیہ کی رہائش گاہ کے ساتھ منسلک مدرسہ میں ان کے ایصال ِثواب کے سلسلے میں ہونے والی محفل میں دیگر ذمہ داران کے ساتھ شرکت کی ۔

جہاں مقامی عالم دین شیخ کُبلی احمد نے بیان کیا اور مرحوم شیخ محمود آفندی صاحب سمیت تمام اُمّت مسلمہ کے لئے دعائے مغفرت کروائی۔

بعدازاں ذمہ داران نے عالم صاحب سے ملاقات کی اور انہیں دعوتِ اسلامی کے دینی کاموں کے متعلق بتایا اس پر انہوں نے خوشی کا اظہار کیا ۔(کانٹینٹ:رمضان رضا عطاری)

مرکزی مجلسِ شوریٰ کے رکن حاجی یعفور رضا عطاری نے دعوتِ اسلامی کے تحت جمع ہونے والی قربانی کی کھالوں کے مرکزی کیمپ مونڈیالی ضلع شیخوپورہ کا دورہ  کیا ۔

جہاں شعبہ فنانس کے ڈویژن و ڈسٹرکٹ ذمہ داران کے ساتھ قربانی کی کھالوں کے انتظامی معاملات کے حوالے سے مدنی مشورہ کیا۔مدنی مشورے میں رکنِ شوریٰ نے اسلامی بھائیوں کی سابقہ کارکردگی کاجائزہ لیتے ہوئے انہیں مزید بہتری لانے کے متعلق مدنی پھول دیئے جس پر اسلامی بھائیوں نے اچھی اچھی نیتیں کیں۔(کانٹینٹ:رمضان رضا عطاری)

عیدُ الاضحیٰ کے موقع پر اراکین ِشوریٰ حاجی اسد  عطاری مدنی اور حاجی بغداد رضا عطاری نے راولپنڈی ڈویژن اور اسلام آباد سٹی میں اجتماعی قربانی اور قربانی کی کھالیں جمع کرنے کےلئے لگائے گئے کیمپس کا وزٹ کیا۔

اس دوران اراکینِ شوریٰ نے اسلامی بھائیوں سے ملاقاتیں کیں اور کھال اسٹال میں خدمات پیش کرنے والے اسلامی بھائیوں کی دل جوئی کرتے ہوئے ان میں عیدی تقسیم کی۔

اس کے علاوہ اراکینِ شوریٰ نے جہلم، دینہ، چکوال ،گجرخان، اسلام آباد مدنی مرکز جی الیون، آئی-9 اور راولپنڈی سٹی میں قائم جامعۃ المدینہ بوائز سمیت ڈھوک کالا خان میں موجود کھال کے اسٹالوں کا دورہ کیااور وہاں موجود اسلامی بھائیوں کی حوصلہ افزائی کی۔ (کانٹینٹ: رمضان رضا عطاری)

سبی بلوچستان میں پچھلے دنوں سماجی رہنما ڈاکٹر حسین مہر اور اللہ آباد(Allah Abad) تھانے کے انچارج A.S.I جمال مہر کی والدہ کے انتقال پر ایصالِ ثواب کا اہتمام کیا گیا۔

اس موقع پر شعبہ رابطہ برائے شخصیات دعوتِ اسلامی کے صوبائی ذمہ دار محمد وقار عطاری نے فاتحہ خوانی پڑھی اور مرحومہ کے لئے ایصالِ ثواب کیا۔

بعدازاں صوبائی ذمہ دار محمد وقار عطاری سمیت دیگر ذمہ دار اسلامی بھائیوں نے مرحومہ کے اہلِ خانہ سے تعزیت کی اور انہیں صبر کی تلقین کرتے ہوئے زیادہ سے زیادہ ایصالِ ثواب کرنے کا ذہن دیا۔بعدازاں ذمہ دار اسلامی بھائیوں نے سبی میں ہی قائم ایس پی آفس کمپلینٹ سینٹر انچارج D.S.P شبیر احمد رندد سے ملاقات کی۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری) 

عید الاضحی کے دنوں کوئٹہ سے تشریف لائے ہوئے مذہبی و سماجی شخصیت، جامعہ حنفیہ قادریہ کے مہتممِ اعلیٰ مولانا محمد صدیق قادری صاحب نے سبی بلوچستان میں موجود دعوتِ اسلامی کے کھال گودام اور اجتماعی قربانی کے مقام کا وزٹ کیا جہاں شعبہ رابطہ برائے شخصیات  کے صوبائی ذمہ دار محمد وقار عطاری نے انہیں خوش آمدید کہا۔

صوبۂ پنجاب پاکستان کی تحصیل چشتیاں میں ممبر آف پنجاب اسمبلی (PML n) چوہدری زاہد اکرام نے عید الاضحی کے دنوں دعوتِ اسلامی کے مرکزی کھال بستے (اسٹال) کا وزٹ کیا۔

ا س موقع پر چوہدری زاہد اکرام نے اپنے گھر پر ہونے والی قربانی کے جانور کی کھال دعوتِ اسلامی کے بستے پر جمع کروائی اور وہاں موجود ڈسٹرکٹ نگران قاری محمد ناصر عطاری سمیت دیگر ذمہ دار اسلامی بھائیوں سے ملاقات کی۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)