دعوتِ اسلامی کے دینی کاموں کے سلسلے میں پچھلے دنوں مرکزی مجلسِ شوریٰ کے رکن مولانا حاجی محمد عقیل عطاری مدنی پاکستان کے مختلف شہروں کے دورے پر تھے۔

فیضان آن لائن اکیڈمی بوائز  کے شعبے جامعۃ ُالمدینہ آن لائن ملتان ڈویژن کے مدنی عملے کا سنتوں بھرے اجتماع کا انعقاد کیا گیا جس میں فیضان آن لائن اکیڈمی ملتان ڈویژن کے تمام ٹیچرز نے شرکت کی۔

بعد نماز عشا جامعۃُ المدینہ آن لائن بوائز کے ذمہ دار مولانا عرفان عطاری مدنی نے مختلف علوم و فنون پڑھانے اور طلبہ کی عربی عبارات کی درستی کے حوالے سے جامعۃُالمدینہ کے اساتذہ کرام کی تربیت کی۔(رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری)

فیضان آن لائن اکیڈمی بوائز  کے تحت ملتان میں ٹیچرز کا سنتوں بھرا اجتماع ہوا جس میں شعبہ ذمہ دار فیضان آن لائن اکیڈمی بوائز مولانا یاسر عطاری مدنی اور شعبہ ذمہ دار فیضان آن لائن اکیڈمی گرلزمولانا سید غلام الیاس عطاری مدنی نے شرکا کی 12 دینی کاموں کو کرنے کے حوالے سے تربیت کی اور اہداف دیئے ۔

اس کے علاوہ ذمہ داران نے اسلامی بھائیوں کو محرم الحرام کے مدنی قافلوں میں سفر کرنے کے حوالے سے ترغیب دلائی ۔ اختتام پر نمایاں کارکردگی حاصل کرنے والے مدرسین میں تحائف تقسیم کئے ۔(رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری)

عاشقانِ رسول  کی دینی تحریک دعوتِ اسلامی کے زیرِ اہتمام فیضان آن لائن اکیڈمی بوائز کے شعبے مدرسۃُ المدینہ آن لائن کا ملتان میں ٹریننگ سیشن ہوا جس میں ملتان ڈویژن کے مدنی عملے نے شرکت کی۔

ٹریننگ سیشن میں سید انس عطاری نے تعلیمی نظام کومزید بہتر بنانے کے حوالے سے پریزنٹیشن کے ذریعے مدنی عملے کی تربیت کی جبکہ رکن شعبہ تعلیمی امور مولانا عرفان عطاری مدنی نے شعبے کی دینی ایکٹویٹیز میں اضافہ کرنے کےمتعلق مدنی پھول دیئے جس پر اسلامی بھائیوں نے اچھی اچھی نیتیں کیں۔اس موقع پر صوبائی ذمہ دار عامر سلیم عطاری اور ڈویژن تعلیمی ذمہ دار مولانا حامد عطاری مدنی بھی موجود تھے۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری)

دعوتِ اسلامی کے دینی کاموں کے سلسلے میں  مرکزی مجلسِ شوریٰ کے رکن مولانا حاجی محمد عقیل عطاری مدنی نے صوبۂ پنجاب پاکستان کے شہر جلالپور پیر والا میں قائم اہلسنت وجماعت کی عظیم دینی درس گاہ دارالعلوم محمدیہ غوثیہ فیضانِ رسول کا وزٹ کیا۔

اس دوران رکنِ شوریٰ مولانا حاجی محمد عقیل عطاری مدنی کی دارالعلوم کے استاذِمحترم مولانا الطاف احمد سعیدی صاحب اور ادارے کے مہتم محفوظ ہاشمی سے ملاقات ہوئی۔

رکنِ شوریٰ نے وہاں موجود علمائے کرام سے گفتگو کرتے ہوئے انہیں ”احکام مسجد کورس “ میں شرکت کرنے کی دعوت دی جس پر ادارے کے معزز افراد نے شرکت کرنے کی اچھی اچھی نیتوں کا اظہار کیا۔(رپورٹ: محمد عابد عطاری مدنی، معاون رکنِ شوریٰ حاجی محمد عقیل عطاری مدنی)

دعوتِ اسلامی  کے شعبہ فیضان آن لائن اکیڈمی کی جانب سے 14جولائی 2023ء بروز جمعہ فیضان آن لائن اکیڈمی بوائز وگرلز کے شعبہ ذمہ داران اور اراکین شعبہ نے فیضان آن لائن اکیڈمی کی بہاولنگر پنجاب میں بننے والی نئی برانچ کا دورہ کیا۔

اس موقع پر ذمہ داران نے وہاں کے تعمیراتی کام کا جائزہ لیا اور مقامی ذمہ داران( حاجی محمد افضل عطاری ، تحصیل نگران عبدالحکیم عطاری)کے ساتھ میٹنگ کی جس میں تعمیرات جلد مکمل کروانے کا ذہن دیا اور مزید اہداف طے کئے۔(رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری) 

دعوتِ اسلامی کی مرکزی مجلسِ شوریٰ کے رکن مولانا حاجی محمد عقیل عطاری مدنی نے گزشتہ روز صوبۂ پنجاب پاکستان کے شہر جلالپور پیر والا میں شعبہ مدرسۃالمدینہ بوائز  کی ایک برانچ کا وزٹ کیا۔

اس موقع پر مدرسۃ المدینہ کے ناظم صاحب، قاری صاحبان اور حفظ و ناظرہ کرنے والے بچوں کے درمیان سیکھنے سکھانے کا حلقہ لگایا گیا جس میں رکنِ شوریٰ نے ”عظمتِ قرآن کے موضوع“پر سنتوں بھرا بیان کیا۔

پچھلے دنوں شعبہ ائمہ مساجد دعوتِ اسلامی کے تحت صوبۂ پنجاب پاکستان کے شہر جلالپور پیر والا  کی جامع مسجد حکیم ابراہیم والی میں احکامِ مسجد کورس کا انعقاد کیا گیا جس میں ذمہ داران اور مسجد انتظامیہ سمیت مقامی عاشقانِ رسول نے شرکت کی۔

دعوتِ اسلامی کی مرکزی مجلسِ شوریٰ کے رکن مولانا حاجی محمد عقیل عطاری مدنی نے اس کورس میں عاشقانِ رسول کی تربیت و رہنمائی کرتے ہوئے مسجد کے احکام، چندہ، وقف اور متولی کی ذمہ داریاں سیکھنے نیز شرعی تقاضوں کو پورا کرنے کے حوالے سےشرکا کی ذہن سازی کی۔

امیرِ اہلِ سنت مولانا محمد الیاس عطار قادری دامت بَرَکَاتُہمُ العالیہکے فرمان پر عمل کرتے ہوئے پچھلے دنوں سکندر آباد کوٹری میں واقع جامعہ غوثیہ معصومیہ میں یومِ تلاوتِ قراٰنِ پاک کا انعقاد کیا گیا۔

گزشتہ روزفیصل آباد کے  ڈجکوٹ روڈ پر واقع پیسٹی سائیڈ مارکیٹ میں رابطہ برائے ایگریکلچر اینڈ لائیو اسٹاک ڈیپارٹمنٹ دعوتِ اسلامی کے تحت سیکھنے سکھانے کا حلقہ لگایا گیا جس میں پیسٹی سائیڈ ڈیلرز اور پیسٹی سائیڈ کمپنی کے افسران نے شرکت کی۔

امت کی غمخواری کا جذبہ رکھتے ہوئے شعبہ روحانی علاج دعوتِ اسلامی کے تحت مدنی مرکز فیضانِ مدینہ اوستہ محمد میں 3 دن پر مشتمل (14، 15، 16 جولائی 2023ء بروز جمعہ، ہفتہ اور اتوار) روحانی علاج کورس منعقد کیا گیا جس میں ڈویژن نصیر آباد کے عاشقانِ رسول نے شرکت کی۔

کورس کے تینوں دن مبلغِ دعوتِ اسلامی محمد عامر عطاری نے تعویذات لکھنے کے حوالے سے مختلف امور پر اسلامی بھائیوں کی رہنمائی کی نیز انہیں دم کرنے اور کاٹ کرنے کا طریقہ بتایا۔

علاوہ ازیں کورس میں شریک اسلامی بھائیوں کو شعبے کے متعلق اپڈیٹس سے آگاہ کیا گیاساتھ ہی دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیاگیا۔(رپورٹ: سمیر علی آفس ذمہ دار ، کانٹینٹ:غیاث الدین عطاری) 

قرآنِ مجید ہدایت کا سرچشمہ ہے۔ اس کی تلاوت اجر وثواب کا ذریعہ ،  رحمتوں اور برکتوں کے نزول کا باعث ہے، قرآن پاک کی محبت مسلمانوں کا اثاثہ ہے۔

شیخِ طریقت، امیر ِاہلِ سنت،بانی ٔ دعوتِ اسلامی ، حضرت علامہ مولانا ابو بلال محمدالیاس عطار قادری دامت برکاتہم العالیہ کی ترغیب پر جمعۃ المبارک 14جولائی 2023ء کو دارالمدینہ ہیڈآفس، ڈویژن آفیسز اور کیمپسز میں یومِ تلاوتِ قرآن ِپاک منایا گیا۔ اس موقع پر اسلامی بھائیوں نے اپنے دینی جذبے کے ساتھ خوب ذوق و شوق سے تلاوتِ کلامِ پاک کی۔

یومِ تلاوتِ قرآنِ پاک کے موقع پر دارالمدینہ کی جانب سے ایک پیغام بھی جاری کیا گیا:’’قرآنِ پاک کی محبت ایمان کی علامت ہے۔قرآن سے اپنا رشتہ اور تعلق مضبوط بنائیں اور اس کے لئے قرآنِ کریم کی تلاوت کو اپنا معمول بنائیں۔‘‘

دارالمدینہ انٹرنیشنل اسلامک اسکول سسٹم کے طلبہ اور سرپرستوں نے بھی اپنے اپنے گھروں میں تلاوتِ قرآنِ پاک کااہتمام کیا اور اپنے ویڈیو پیغامات بھی بھیجے۔ ایک طالب علم نے کہا کہ تلاوتِ قرآنِ پاک سے اللہ پاک خوش ہوتا ہے،تلاوت ِقرآنِ پاک سے دل کو سکون ملتا ہے۔کے جی کلاس کی طالبہ سمیت دوسرے طلبہ نے تلاوتِ قرآن کرتے ہوئے اپنی ویڈیوز بھی بھیجیں اور قرآنِ پاک سے محبت کا اظہار کرتے ہوئے نعرے بھی لگائے۔