عاشقانِ رسول کی دینی تحریک دعوتِ اسلامی کے تحت ان شاء اللہ الکریم آئندہ دنوں خصوصی مدنی مذاکرے منعقد کیے جائیں گے جو کہ 15 جون 2026ء بروز پیر سے شروع ہوکر 11 محرم الحرام 1448 ھ تک جاری رہے گا۔

ان مدنی مذاکروں کا مقصد شانِ صحابہ و اہلبیتِ اطہار علیہم الرضوان کی محبت اور عظمت کو عاشقانِ رسول کے دلوں میں اجاگر کرنا ہے۔

تفصیلی معلومات کے مطابق یہ مدنی مذاکرے روزانہ رات تقریباً 9:45 پر (جمعرات کو ہفتہ وار اجتماع کے بعد) عالمی مدنی مرکز فیضانِ مدینہ کراچی میں شروع ہوجائیں گے جن میں بالخصوص شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ شرکا کو دینی و روحانی فوائد سے روشناس کروائیں گے نیز صحابۂ کرام و اہلبیتِ اطہار علیہم الرضوان کی مبارک زندگیوں کے بارے میں بتائیں گے۔