مدنی مرکز فیضان مدینہ فیصل آباد میں شعبہ ماہنامہ فیضان مدینہ (دعوت اسلامی) کےزیر اہتمام دینی حلقے کا انعقاد کیا گیا جس میں اصلاح اعمال کورسز کے اسلامی بھائیوں نے شرکت کی۔

نگران شعبہ ماہنامہ فیضان مدینہ مولانا مہروز عطاری مدنی نے شرکا کو ماہنامہ فیضان مدینہ کا مطالعہ کرکے اپنے علم میں اضافہ کرنے اور اس کی سالانہ بکنگ خود بھی کروانے اور دوسرے کو اس کی دعوت دینے کا ذہن دیا جس پر اسلامی بھائیوں نے اچھی اچھی نیتیں پیش کیں۔

دعوت اسلامی کے شعبہ ماہنامہ فیضان مدینہ کے زیر اہتمام مدنی مرکز فیضان مدینہ فیصل آباد میں دینی حلقے کا انعقاد کیا گیا جس میں ایک ماہ اور 12 ماہ کے مدنی قافلے میں سفر کرنے والے عاشقان رسول نے شرکت کی۔

نگران شعبہ ماہنامہ فیضان مدینہ مولانامحمد مہروز عطاری مدنی نے انہیں ہر ماہ پابندی کے ساتھ ماہنامہ فیضان مدینہ کا مطالعہ کرنے کی ترغیب دلائی اور 2022ء میں ماہنامہ کی سالانہ بکنگ کروانے کا ذہن دیا جس پر شرکا نے اپنی اپنی نیتیں پیش کیں۔

دعوتِ  اسلامی کے شعبہ محفل نعت (اسلامی بہنیں ) کے زیر اہتمام 14 دسمبر2021 ء کو ساؤتھ افریقہ کے شہر جوہانسبرگ میں محفل نعت کا انعقاد ہوا جس میں کم وبیش 19 اسلامی بہنوں نے شرکت کی۔

مبلغہ دعوت اسلامی نے سنتوں بھرا بیان کیا اور محفل نعت میں شرکت کرنے والی اسلامی بہنوں کو دینی ماحول سے وابستہ ہونے اور ہفتہ وار اجتماع پاک میں شرکت کرنے کا ذہن دیا ۔

دعوت اسلامی کے شعبہ ماہنامہ فیضان مدینہ کے تحت فیصل آباد میں مدنی مشورہ ہوا جس میں فیصل آباد میٹرو پولیٹن کے نگران اور شعبہ جات کے ذمہ داران نے شرکت کی۔

نگران شعبہ ماہنامہ فیضان مدینہ مولانا مہروز عطاری مدنی نے انہیں ماہنامہ فیضان مدینہ کا مطالعہ کرنے کا ذہن دیتے ہوئے انہیں خود بھی اور دیگر اسلامی بھائیوں کٖو ماہنامہ کی سالانہ بکنگ کروانے کی ترغیب دلائی اور اہداف دیئے جس پر شرکا نے اچھی اچھی نیتوں کا اظہار کیا۔ 

پچھلے دنوں اسپیشل پرسنز ڈیپارٹمنٹ دعوت اسلامی کے تحت رکنِ ریجن اسلام آباد سیّد عمیر ہاشمی عطاری اور رکنِ زون کشمیر  سلیمان عطاری نے دینی کاموں کے سلسلے میں نیشنل اسپیشل ایجوکیشن سینٹر مظفر آباد کا وزٹ کیا جہاں انہوں نے پرنسپل محمد اشرف، اسٹاف اور بچوں سے ملاقات کی۔

رکنِ ریجن نے بچوں کی آسانی کے لئے انہیں اشاروں کی زبان میں وضو و نماز کا طریقہ سکھایا اور بچوں کی دینی و اخلاقی تربیت کے لئے اشاروں کی زبان میں سنتوں بھرا بیان بھی کیا۔ (رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

اسلامی بہنوں کے شعبہ اصلاح اعمال  (اسلامی بہنیں) کے زیر اہتمام 17 دسمبر 2021ء کو ساؤتھ افریقہ کے علاقے ویلکم میں اصلاح اعمال اجتماع کا انعقاد کیا گیا جس میں کم وبیش 10 اسلامی بہنوں نے شرکت کی ۔

مبلغہ دعوت اسلامی نے سنتوں بھرا بیان کیا اور اجتماع پاک میں شریک اسلامی بہنوں کو رسالہ نیک اعمال کی اہمیت سمجھاتے ہوئے نیک اعمال کے سوالات کے مطابق زندگی گزارنے کا ذہین دیا اور عاملات نیک اعمال بننے کی ترغیب دلائی۔ 

اُمّت مسلمہ کو علم دین سے مستفید کرنے وعلم دین سکھانے کے آسان ذرائع فراہم کرنے کے لیے ہفتہ وار مدنی مذاکرے میں امیر اہل سنت دامت برکاتھم العالیہ کسی ایک دینی رسالے کےمطالعے کی ترغیب ارشاد فرماتے ہیں اور رسالہ پڑھنے / سننے والوں کو اپنی دعاوں سے نوازتے ہیں۔

پچھلے ہفتے امیر اہلسنت دامت برکاتھم العالیہ نے رسالہ’’ کھانےکی پانچ سنتیں‘‘پڑھنے اور سننے کی ترغیب دلائی تھی، اس سلسلے میں ساؤتھ افریقہ میں کم وبیش ’’ 3ہزار 294 ‘‘ اسلامی بہنوں نے رسالہ’’ کھانے کی پانچ سنتیں‘‘پڑھنے اور سننے کی سعادت حاصل کی ۔

سرکار مدینہ، راحت قلب و سینہ صلَّی اللہ علیہ واٰلہٖ وسلَّم کا فرمان مغفرت نشان ہے: ”جو شخص علم طلب کرتا ہے تو وہ اس کےگزشتہ گناہوں کا کفارہ ہوجاتا ہے“۔ (ترمذی، کتاب العلم، باب طلب العلم 4/295، حدیث 2657)

اللہ عَزَّوَجَلَّ جس کے ساتھ بھلائی کا ارادہ فرماتا ہے اسے دین کی سمجھ بوجھ عطا فرماتا ہے۔ (صحیح بخاری، ج1، ص43، حدیث71)

عاشقان رسول کو نیکی راہ پر گامزن کرنے اور ان کے دلوں گناہوں کی نفرت پیدا کرنے کے لئے ہرجمعرات کو بعد نمازِ مغرب /بعض مقامات پر بعدِ عشاء ہفتہ وار سنتوں بھرے اجتماعات کا انعقاد کیا جاتا ہے۔ ہر ہفتے کی طرح آج رات بھی دعوت اسلامی کے زیر اہتمام دنیا بھر میں ہفتہ وار سنتوں بھرے اجتماعات منعقد کئے جائینگے۔

تفصیلات کے مطابق مدنی چینل پر بعدِ عشاء تقریباً آٹھ بج کر تیس منٹ پر ہفتہ وار اجتماع شروع ہوجائے گا جس میں مدنی مرکز فیضان مدینہ سوئی گیس پائپ لائن سلارہ روڈ چنیوٹ سے نگران پاکستان مشاورت حاجی محمد شاہد عطاری”اللہ پاک کے پاکیزہ ناموں کی برکت“ کے موضوع پر سنتوں بھرا بیان فرمائیں گے جبکہ مدنی مرکز فیضان مدینہ جلالپور صوبتیاں میں رکن شوریٰ حاجی محمد اظہر عطاری اور مدنی مرکز فیضان مدینہ جوہر ٹاؤن لاہور میں نگران شعبہ پروفیشنلز محمد ثوبان عطاری سنتوں بھرے بیانات فرمائیں گے۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

صحابَۂ کرام وہ مقدس ہستیاں ہیں جن کے صدقے بعد میں آنے والےمسلمانوں تک دینِ اسلام کی تعلیمات پہنچی،ان کی شان وعظمت کا اندازہ اس بات سے لگایاجاسکتا ہے کہ ربِّ کریم نےاپنےپاکیزہ کلام میں کہیں ان کو حِزْبُ اللہ تو کہیں رَضِیَ اللہ عَنْہُمْ وَرَضُوْ عَنْہ کےلقب سے یاد فرمایا اور اللہ کے آخری نبی، محمدِعربی صلی اللہ علیہ واٰلہٖ وسلم نےانہیں ہدایت کے ستارے قرار دیا۔ (مشکاة ،2/414،حدیث: 6018) یہی وہ مبارک ہستیاں ہیں جنہوں نے سب سے پہلے اسلام قبول کیا، یہ وہ خوش نصیب افراد ہیں جنہیں اللہ پاک نے اپنے محبوب کی صحبت اختیار کرنے کے لئے منتخب فرمایا، یہی وہ مقدس گروہ ہے، جسےحضور صلی اللہ علیہ واٰلہٖ و سلم نےسب سے پہلےاسلام کی دعوت دی ، یہی وہ پاکیزہ لوگ ہیں جنہوں نےدینِ اسلام کی ترویج و اشاعت کےلئے کفار کےظلم و ستم کو برداشت کیا، یہی وہ لوگ ہیں جنہوں نے ابتدائے اسلام کے مشکل دور میں بھوک پیاس برداشت کرکے، پیٹ پر پتھر باندھ کر، قریبی رشتہ داروں،اپنوں اور غیروں کی دشمنیاں مول لےکر بھی پرچمِ اسلام کو سربلند رکھا یقیناً ان کی ان تھک محنتوں اور لازوال قُربانیوں کا نتیجہ ہے کہ آج ہم اللہ پاک اور اس کے پیارے رسول کےنام لیوا ہیں ، ہرطرف دِینِ اسلام کی بہاریں ہیں۔

کسی شاعر نےکیا خوب لکھا ہے کہ

نمایاں ہیں اسلام کے گلستاں میں ہراِک گُل پہ رنگِ بہارِ صحابہ

رسالت کی منزل میں ہر ہر قدم پر نبی کو رہا انتظارِ صحابہ

امین ہیں یہ قراٰن و دِین خدا کے مدارِ ہُدی اعتبارِ صحابہ

صحابہ ہیں تاجِ رِسَالَت کے لشکر رسولِ خدا تاجدارِ صحابہ

ویسے تو تمام صحابَۂ کرام حضور کے پیارےاور ہماری آنکھوں کا نور اور دل کا سرور ہیں لیکن ان میں کچھ ایسے صحابہ ٔ کرام بھی ہیں جن سے خاص نبی کریم ، رؤف رحیم صلی اللہ علیہ واٰلہٖ وسلم کو محبت تھی اور آپ کی بارگاہ میں جب بھی کوئی چیز لائی جاتی تو آپ اس کو اپنےان اصحاب میں تقسیم فرماتےجنہیں آج اصحابِ صفہ کے نام سے یادکیا جاتا ہے ۔ یہ وہ خوش نصیب صحابہ ٔکرام تھے جنہوں نے اپنا گھر بارچھوڑ کر مسجدِنبوی میں ڈیرے ڈالے تھےاورمحبوبِ خدا کی زبان سے نکلنے والے جملوں کو اپنے دلوں کے نگینوں میں بساتے تھے،انہی اصحابِ صفہ کے بارے میں احادیثِ مبارکہ میں یہ الفاظ بھی ملتے ہیں کہ یہ اسلام کےمہمان ہیں۔ ^([1])

اصحابِ صُفّہ میں شامل چند مشہور صحابہ ٔکرام جن میں حضرت ابو ہُریرہ، حضرت بِلالِ حبشی،حضرت ابوذرغِفاری، حضرت عمار بن یاسِر،حضرت سلمان فارسی،حضرت حُذیفہ بن یمان اور حضرت ابُو سعید خُدری رضی اللہ عنہم کے نام نمایاں ہیں۔

یادرکھئے! بظاہراَصْحابِ صُفّہ بہت غریب تھے،اکثر فاقوں بھری زندگی میں رہتے، نبیِ کریم، رسولِ عظیم  صلی اللہ علیہ واٰلہٖ وسلم  کے پاس جب کوئی تحفہ،صدقہ یا مالِ غنیمت آتا توآپ اسےاصحابِ صفہ پرخرچ فرماتے تھے اور کبھی کبھی ان عظیم لوگوں کے کئی کئی دن فاقوں میں گزر جاتے تھے ۔ جیساکہ

(1) حضرتِ سیدنافَضالہ بن عبید رضی اللہ عنہ فرماتے ہیں:جب نبی ِکریم ،رؤ ف رّحیم صلی اللہ علیہ واٰلہٖ وسلم جب لوگوں کو نماز پڑھاتے تو کچھ صحابۂ کرام نَماز کے اندرحالتِ قیام میں بھوک کی شدت کے سبب گر پڑتےاور یہ اَصحابِ صُفّہ تھے، حتی کہ کچھ لوگ کہنے لگتے:یہ دیوانے ہیں۔ آقا کریم صلی اللہ علیہ واٰلہٖ وسلم نَماز سے فارِغ ہوکر اُن کی طرف متوجہ ہو ئے اور فرمایا:(اے اصحابِ صُفہ ) اگر تمہیں معلوم ہو جائے کہ تمہارے لئے اللہ کے ہاں کیا (اجر و ثواب) ہے تو تم اِس بات کو پسند کرو کہ تمہارے فاقے اور حاجت مندی میں مزید اِضافہ ہو ۔^([2])

(2) حضرت سیدنا ابوہریرہ رضی اللہ عنہ جواصحابِ صفہ میں سے تھے فرماتے ہیں:میں نے(بھوک کےسبب )اپنی یہ حالت بھی دیکھی کہ میں حضور نبیِ کریم صلی اللہ علیہ واٰلہٖ وسلم کےمنبر اور اُمُّ الْمُؤمنین حضرت عائشہ صِدّیقہ رضی اللہ عنہا کے حجرہ ٔ مبارکہ کے درمیان بیہوش ہو کر گِر پڑتا۔ کوئی آدمی آتا اور میری گردن پر پاؤں رکھ دیتا ۔ وہ سمجھتا کہ مجھ پر جُنُون کی کیفیت طاری ہے حالانکہ مجھے جنون وغیرہ کچھ نہ ہوتا، یہ حالت بھوک کی وجہ سے ہوتی تھی۔ ^([3])

ان احادیث ِ مبارکہ کو پڑھ کر لگتا ہے کہ واقعی اَصْحابِ صُفّہ دِین کی خدمت کرنے میں اپنی مثال آپ تھے ۔اَصْحابِ صُفّہ علمِ دِین حاصل کرنے میں اپنی مثال آپ تھے۔ان کے بنیادی کاموں میں سے ایک علم دِین حاصل کرنا تھا۔ کئی روایات میں ان کے علم سیکھنے کا تذکرہ ملتا ہے۔چنانچہ

حضرت سیدنا عُثمان بن ابی عاص رضی اللہ عنہ جو اصحابِ صُفّہ میں سے تھے ،ان کا معمول تھا کہ جب لوگ دوپہر کو چلےجاتےتویہ رَسُولُ اللہ صلی اللہ علیہ واٰلہٖ وسلم!کی خدمت میں حاضر ہوکر دِین کےمتعلق سوالات (Questions)کرتے اور قراٰنِ کریم سیکھتے اور اس طرح انہوں نے دِین کی سمجھ بُوجھ اورعلم حاصل کرلیا ۔بعض اوقات ایسا بھی ہوتا کہ رَسُولُ اللہ صلی اللہ علیہ واٰلہٖ وسلم آرام فرما رہے ہوتےتویہ سیّدنا ابُوبکر صدّیق رضی اللہ عنہ کے پاس علمِ دین سیکھنے کے لئے چلےجاتے۔ ^([4])

اے عاشقان صحابہ! یقیناً اگر جذبہ سچا ہوتومنزل کی طرف رہنمائی کرتا ہے۔اَصْحابِ صُفّہ کاعلمِ دِین سیکھنے کا جذبہ چونکہ سچا تھا اس لئے وہ دلجمعی اور استقامت کے ساتھ اس پرگامزن رہے، فاقوں پر فاقے کرتے رہے، بھوک اور تنگی برداشت کرتے رہے لیکن اپنے مقصد (Purpose)سے پیچھے نہ ہٹے۔غور کیجئے! ایک طرف اَصْحابِ صُفّہ کا حُصُولِ علمِ دِین کا ایسا جذبہ کہ کھانے پینے کا کوئی خاص انتظام موجود نہیں، ضروریاتِ زندگی میسر نہیں ،بدن ڈھانپنے کے لئے پورے کپڑے نہیں لیکن پھر بھی خوب شوق اور لگن سے علم دِین حاصل کرنے میں مصروف رہتے تھے جبکہ ہمارا حال یہ ہے کہ کھانے پینےکی ہر طرح کی سہولیات ہمیں میسر ہیں،حصولِ علمِ دِین کےآسان ذرائع بھی موجود ہیں اور اللہ کریم کے کرم سے دعوت اسلامی کا دینی ماحول بھی موجود ہے جو قدم قدم پر ہماری رہنمائی کرتاہے مگر افسوس!صدکروڑ افسوس! ہم محض نفس وشیطان کے بہکاوے میں آکر اور غفلت و سُستی کی بنا پر اس عظیم سعادت سے محروم ہیں ،یہاں تک کہ فرض و ضروری علم سیکھنے سے محروم ہیں ۔

یادرکھئے!انسان جب تک کسی کام کو کرنے کےلئے ذہنی طور پر تیار نہ ہو وہ کام کتنا ہی آسان کیوں نہ ہو مشکل لگتا ہے مگر جب اُس کا م کو کرنےکاپختہ ذہن بنالیا جائےاور اس کے لئے کوشش کی جائے تو مشکل سے مشکل کام بھی آسان ہوجاتاہے۔ لہٰذا علم ِدِین کی اہمیت کو سمجھئے اور دنیا وآخرت کی بہتری کے لئے اس جذبے کو عملی جامہ پہناتے ہوئے علمِ دِین سیکھنے میں مشغول ہوجایئے۔ترغیب کے لئے علمِ دین کے فضائل پر مشتمل دو احادیث ِمبارکہ ملاحظہ کیجئے:چنانچہ

1. اللہ کےآخری نبی صلی اللہ علیہ واٰلہٖ وسلم نےارشادفرمایا:جسےاس حال میں موت آئےکہ وہ اسلام زندہ کرنے کے لئےعلم سیکھ رہا ہوتوجنت میں اس کےاور انبیائےکرام کےدرمیان ایک درجے کا فرق ہوگا۔^([5])

2. ایک اورحدیث ِ مبارکہ میں ارشادفرمایا:فرشتے طالب علم کی رضا کےلئے اپنے پر بچھا دیتے ہیں ۔ طالب علم کے لئے زمین و آسمان کی ہر چیز حتّٰی کہ پانی میں مچھلیاں بھی استغفار کرتی ہیں۔ ^([6])

علم ِدین حاصل کرنے کے مختلف ذرائع

اِس پُرفتن دَورمیں علمِ دِین سیکھنے کے لئے ”مدنی چینل“ دیکھتے رہئے۔٭ہفتہ وارمدنی مذاکرہ خود بھی پابندی سےدیکھیں اوراپنے گھروالو ں کوبھی دِکھائیں،ا س سےبھی علمِ دین کالازوال خزانہ ہاتھ آئےگا۔٭ہفتہ وارمدنی رِسالے کے مطالعے کا معمول بنا لیں۔٭ماہنامہ فیضانِ مدینہ کا مطالعہ کرنے کی عادت بنا لیجئے۔٭دعوتِ اِسلامی کی ویب سائٹ (www.dawateislami.net) پر بہترین علمی و اصلاحی کتابیں اور دعوت اسلامی کے آفیشل پیج شب و روز میں بہترین اور معلوماتی کالمز پڑھنے کے لئے وِزٹ کیجئے۔ (news.dawateislami.net) ٭مدنی قافلوں میں سفر کیجئے کہ ان کی برکت سے علمِ دین سیکھنے کا شوق پیدا ہوگا۔٭جامعۃ المدینہ میں داخلہ لے لیجئےاور ٭ اپنے علاقے کی مساجد میں لگنے والےاسلامی بھائیوں کےمدرسۃ المدینہ میں پڑھنےکی عادت بنا لیجئےکہ یہ بھی علم ِ دین سیکھنے کا بہترین ذریعہ ہے ۔ ٭ جو کسی وجہ سے اگر وقت نہیں دے سکتے تو وہ آن لائن کورسز کرنےکی سعادت حاصل کریں،اِن شاءَ اللہ!بے بہا علمِ دین کاخزانہ حاصل آئے گا ۔

طالب دعا:عبدالجبار عطاری مدنی

المدینۃ العلمیہ (دعوت اسلامی )

شعبہ ذمہ دار:رسائل دعوت اسلامی

دعوتِ اسلامی کے شعبہ مدرسۃالمدینہ کے تحت 18 دسمبر2021  ء کوکراچی ریجن زون صحرائے مدینہ زکریہ گوٹھ کابینہ مقام زکریہ گوٹھ مدرستہ المدینہ اسلامی بہنوں کے درجے کا پاک مشاورت ذمہ دار اسلامی بہن نے جائزہ لیا ،  تحریری کام چیک کئے ۔

دعوت اسلامی کے زیر اہتمام 11 دسمبر 2021ء کراچی ایسٹ 2 موسمیات میں شکیل گارڈن کے مقام پرمدنی مشورہ ہوا جس میں کراچی ایسٹ 2 زون نگران سمیت گلزار ہجری کابینہ و گلستان جوہر  کابینہ تا علاقہ نگران اسلامی بہنوں نے شرکت کی۔

مبلغہ دعوت اسلامی نے ”صحابیات کا دینِ اسلام کے لئے قربانی دینے کاجذبہ “کے موضوع پربیان کیا اور دین کی خاطر وقت دینے ، خوب دینی کام بڑھانے کا ذہن دیا، ساتھ ہی دیگر دینی کاموں کے اہداف بھی دیئے گئے۔

دعو ت اسلامی کے شعبہ کفن دفن کے زیر اہتمام 11 دسمبر  2021ءبروز ہفتہ گلزارِ ہجری میں کابینہ،ڈویژن اور علاقہ ذمہ دار اسلامی بہنوں کا مدنی مشورہ ہوا جس میں زون مشاورت اسلامی بہن نے ریجن ذمہ دار کی طرف سے ملنے والے نکات پر کلام کیا اور شیڈول جمع کروانے اور ماتحت ذمہ دار اسلامی بہنوں کا شیڈول چیک کرنے کے بارے میں بھی نکات پیش کئے، اپنے شعبہ کے اہداف اور مدنی پھول پر کلام کیا ، ماہانہ تربیت رکھوانے اور ٹیسٹ کے لیے اسلامی بہنوں کو تیار کرنے کا ذہن بھی دیاجس پر ذمہ دار اسلامی بہنوں نے اچھی اچھی نیتوں کا اظہار کیا۔