شعبہ رابطہ برائے شخصیات للبنات دعوتِ اسلامی کے تحت 30 اکتوبر 2023ء  کو ڈویژن بہاولپور میں شخصیات اسلامی بہنوں کے لئے سیکھنے سکھانے کا حلقہ لگایا گیا۔

دورانِ حلقہ صاحبزادیِ عطار سلمہا الغفار نے سنتوں بھرا بیان کیا جس میں انہوں نے حاضرین کی تربیت کے لئے انہیں مدنی پھولوں سے نوازا اور دعوتِ اسلامی کی دینی و فلاحی سرگرمیوں میں اپنا حصہ ملانے کی ترغیب دلائی۔

بعدازاں وہاں موجود اسلامی بہنوں نے صاحبزادیِ عطار سلمہا الغفارسے ملاقات کی سعادت حاصل کی اور دعوتِ اسلامی کے خدمات دین میں مصروفِ عمل مختلف شعبہ جات کے لئے ڈونیشن جمع کروایا نیز دعوتِ اسلامی کےدینی کاموں میں عملی طور پر شرکت کرنے کی نیتیں کیں۔

28اکتوبر  بروز اتوار دعوتِ اسلامی کے تحت بلوچستان کے شہر گوادر میں شخصیات اجتماع کا انعقاد کیا گیا جس میں شخصیات اور ذمہ دار اسلامی بہنوں کی شرکت ہوئی۔

تلاوتِ قراٰن اور نعتِ رسولِ مقبول صلی اللہ علیہ و سلم کے بعد نگرانِ پاکستان مجلسِ مشاورت اسلامی بہن نے ”علم ِ دین حاصل کرنے کے فوائد “ کے موضوع پر سنتوں بھرا بیان کیا ۔

دعوتِ اسلامی کے تحت 13اکتوبر 2023ء بروز جمعہ راجہ بازار ٹاؤن، راولپنڈی میں شخصیات اسلامی بہنوں کے لئے سنتوں بھرے اجتماع کا انعقاد کیا گیا جس میں دیگر اسلامی بہنوں کی بھی شرکت رہی۔

اس اجتماعِ پاک میں دعوتِ اسلامی کی نگرانِ پاکستان مجلسِ مشاورت اسلامی بہن نے ”سرکار صلی اللہ علیہ وآلہ وسلم کی سخاوت“ کے موضوع پر سنتوں بھرا بیان کرتے ہوئے ٹیلی تھون کے متعلق اسلامی بہنوں کو ترغیب دلائی۔

بعدِ اجتماع نگرانِ پاکستان مجلسِ مشاورت اسلامی بہن نے دعوتِ اسلامی کےدینی کاموں کے لئے اسلامی بہنوں کی ذہن سازی کی اور زیادہ سے زیادہ ٹیلی تھون جمع کرنے کے اہدا ف دیئے ۔ 

24 ستمبر 2023ء بروز اتوار ڈی ایچ اے فیز 6 کراچی میں ایک شخصیت اسلامی بہن کی رہائش گاہ پر ربیع الاول کے سلسلے میں محفلِ نعت منعقد ہوئی جس میں خصوصی طور پر امیرِ اہلِ سنت دامت بَرَکَاتُہمُ العالیہکی صاحبزادی اور نگرانِ عالمی مجلسِ مشاورت اسلامی بہن کی آمد سمیت کم و بیش 85 شخصیات اسلامی بہنوں کی شرکت ہوئی۔

محفلِ نعت میں تلاوتِ قراٰنِ پاک اور نعتِ رسول مقبول صلی اللہ علیہ و سلم کے بعد نگرانِ عالمی مجلسِ مشاورت اسلامی بہن نے ”سیرتِ مصطفیٰ صلی اللہ علیہ و سلم “ کے موضوع پر سنتوں بھرا بیان کیا۔

نگرانِ عالمی مجلسِ مشاورت اسلامی بہن نے شرکائے محفل کو دعوتِ اسلامی کی دینی و فلاحی خدمات اور ڈی ایچ اے میں ہونے والے دعوتِ اسلامی کے مختلف دینی کاموں کو بذریعہ پریزنٹیشن دکھایا۔

اس محفلِ نعت میں انڈونیشیا سے آئی ہوئی اسلامی بہنوں نے عربی میں قصیدہ شریف پڑھا جبکہ صاحبزادیِ عطار سلمہا الغفار نے اختتامی دعا کروائی۔

بعدازاں اہلِ خانہ کی جانب سے مکتبۃ الدینہ کے کُتُب و رسائل تقسیم کئے گئے نیز شرکائے محفل نے دعوتِ اسلامی کے سنتوں بھرے اجتماعات میں شرکت کرنے اور درودِ پاک پڑھنے کی اچھی اچھی نیتیں کیں۔

ڈویژن گجرانوالہ، صوبۂ پنجاب کے واپڈا ٹاؤن میں دعوتِ اسلامی کے تحت  شخصیات اسلامی بہنوں کے لئےسیکھنے سکھانے کا حلقہ لگایا گیا جس میں نگرانِ عالمی مجلسِ مشاورت نے بیان کیا۔

شعبہ رابطہ برائے شخصیات للبنات دعوتِ اسلامی کے زیرِ اہتمام پچھلے دنوں لاہور پنجاب کے علاقے گلشنِ راوی میں سیکھنے سکھانے کا حلقہ لگایا جس میں اہم شخصیات I.G پنجاب حبیب الرحمٰن کی اہلیہ اور سپریم کورٹ کی ایڈوکیٹ سمیت دیگر اسلامی بہنوں نے شرکت کی۔

تلاوت و نعت شریف کے بعد نگرانِ عالمی مجلسِ مشاورت اسلامی بہن نے ”آخرت کی تیاری“ کے موضوع پر بیان کرتے ہوئے شرکا کو نماز کورس کرنے اور فیضان آن لائن اکیڈمی گرلز میں داخلہ لینے کی ترغیب دلائی۔اجتماع کے اختتام پر نگرانِ عالمی مجلسِ مشاورت نے دعا کروائی۔

دعوتِ اسلامی کےتحت  پچھلے دنوں شعبہ رابطہ برائے شخصیات للبنات کی ملک و صوبائی سطح کی شعبہ ذمہ دار اسلامی بہنوں کا آن لائن مدنی مشورہ ہوا جبکہ پاکستان بھر سے صوبائی نگران اسلامی بہنیں بھی اس مدنی مشورے میں شریک ہوئیں۔

اس مدنی مشورے میں نگرانِ پاکستان مجلسِ مشاورت اسلامی بہن نے بذریعہ انٹرنیٹ سالانہ ڈونیشن کی کارکردگی کا جائزہ لیتے ہوئے ذمہ داران کی حوصلہ افزائی کی اور شعبے کی تقرریوں پر کلام کیا۔

عاشقانِ رسول کی دینی تحریک دعوتِ اسلامی کےتحت  پچھلے دنوں راولپنڈی میٹروپولیٹن کے راجہ بازار ٹاؤن میں اسلامی بہنوں کے درمیان شخصیات اجتماع منعقد کیا گیا جس میں قرب و جوار کی کثیر اسلامی بہنوں نے شرکت کی۔

تلاوتِ کلامِ پاک اور نعتِ رسولِ مقبول صلی اللہ علیہ و سلم کے بعد دعوتِ اسلامی کی نگرانِ پاکستان مجلسِ مشاورت اسلامی بہن نے ”مومنین کی صفات و انعامات “ کے موضوع پر سنتوں بھرا بیان کیا ۔

دورانِ بیان نگرانِ پاکستان مجلسِ مشاورت نے شرکا اسلامی بہنوں کو فطرہ مہم میں بھرپور کوشش کر نے کی ترغیب دلائی جس پر اسلامی بہنوں نے دعوتِ اسلامی کے دینی و فلاحی کاموں کے لئے زیادہ سے زیادہ ڈونیشن جمع کرنے کی اچھی اچھی نیتوں کا اظہار کیا۔ 

دعوتِ اسلامی کے دینی کاموں کے سلسلے میں گزشتہ روز ذمہ دار اسلامی بہنوں نے گلشن D13 اور C13 کا دورہ کیا جہاں انہوں نے اہلِ ثروت اسلامی بہنوں سے ملاقات کی۔

دورانِ ملاقات نگرانِ عالمی مجلسِ مشاورت اسلامی بہن نے اہلِ ثروت اسلامی بہنوں کو دعوتِ اسلامی کے دینی ماحول سے منسلک ہونے اور دعوتِ اسلامی کے دینی و فلاحی کاموں کے لئے زیادہ سے زیادہ ڈونیشن جمع کروانے کا ذہن دیا۔

دعوتِ اسلامی کے تحت حیدر آباد آفندی ٹاؤن میں شخصیات اسلامی بہنوں کے لئے سیکھنے سکھانے کا حلقہ لگایا گیا جس میں قرب و جوار کی اسلامی بہنوں نے شرکت کی۔

دورانِ حلقہ مبلغۂ دعوتِ اسلامی نے ”استقبالِ رمضان“ کے موضوع پر سنتوں بھرا بیان کیا اور نگرانِ عالمی مجلسِ مشاورت اسلامی بہن نے دنیا کی مذمت بیان کرتے ہوئے دعوتِ اسلامی کے سالانہ ڈونیشن میں اپنا حصہ ملانے کی ترغیب دلائی جس پر بعض شخصیات اسلامی بہنوں نے ہاتھوں ہاتھ ڈونیشن جمع کروائے اور بعض نے اچھی اچھی نیتیں کیں۔

18 مارچ 2023ء کو عاشقانِ رسول کی دینی تحریک دعوتِ اسلامی کے تحت دینی کاموں کے سلسلے میں نگرانِ عالمی مجلسِ مشاورت اسلامی بہن نے دیگر ذمہ دار اسلامی بہنوں کے ہمراہ میرپور خاص میں ڈپٹی کمشنر کی اہلیہ سے ملاقات کی۔

دورانِ ملاقات نگرانِ عالمی مجلسِ مشاورت نے DC House میں محفلِ نعت منعقد کروانے کا ذہن دیا جس پر انہوں نے اپنی جانب سے مکمل کوشش کرنے کی نیت کی۔بعدازاں نگرانِ عالمی مجلسِ مشاورت نے ڈپٹی کمشنر کی اہلیہ کو تحائف بھی دیئے۔

عاشقانِ رسول کی دینی تحریک دعوتِ اسلامی کے تحت ذمہ دار اسلامی بہنوں نے سکھر کی اہم شخصیت مرحوم  محمد ناصر اختر قریشی (جو دعوتِ اسلامی کے ساتھ بہت تعاون کرنے والے تھے) کے اہلِ خانہ سے ملاقات کی۔

دورانِ ملاقات نگرانِ عالمی مجلسِ مشاورت اسلامی بہن نے گھر کی اسلامی بہنوں سے تعزیت کرتے ہوئے مرحوم کے لئے ایصالِ ثواب کیا جبکہ مرحوم کی بیٹی کو دعوتِ اسلامی کے جامعۃالمدینہ گرلز میں ایڈمیشن کروانے کی ترغیب دلائی جس پر اہلِ خانہ نے اچھی اچھی نیتوں کا اظہار کیا۔