نیکی کی دعوت عام کرنے کے سلسلے میں پچھلے دنوں افریقی ملک موزمبیق کے شہر ماپوتو میں اسلامی بہنوں کے درمیان علاقائی دورہ برائے نیکی کی دعوت  کا سلسلہ ہوا۔

دعوتِ اسلامی کے دینی کاموں کے سلسلے میں پچھلے دنوں نگرانِ عالمی مجلسِ مشاورت اسلامی بہن نے دیگر ذمہ داران کے ہمراہ Guerra popular موزمبیق میں دینی ماحول سے وابستہ ایک اسلامی بہن(پچھلے دنوں اُن کے بیٹے لاپتہ ہوگئے ہیں) سے اُن کی رہائش گاہ پر ملاقات کی۔

اس موقع پر نگرانِ عالمی مجلسِ مشاورت نے اسلامی بہن کو حوصلہ دیتے ہوئے اُن کے بیٹے کے لئے دعائے خیر کروائی ۔

گزشتہ روز دعوتِ اسلامی کے تحت افریقی ملک موزمبیق کے شہر ماپوتو میں واقع Samuel maguey کے علاقہ slipمیں محفلِ نعت کا انعقاد کیا گیا جس میں اسلامی بہنوں کی کثیر تعداد نے شرکت کی۔

اس محفلِ نعت میں نگرانِ عالمی مجلسِ مشاورت اسلامی بہن نے دنیا کی مذمت پر بیان کرتے ہوئے اسلامی بہنوں کو دینِ اسلام کی تعلیمات کے مطابق اپنی زندگی گزارنے کی ترغیب دلائی۔

عاشقانِ رسول کی دینی تحریک دعوتِ اسلامی کے زیرِا ہتمام ماپوتو موزمبیق کی کابینہ Guerra popular میں اسلامی بہنوں کے ہفتہ وار سنتوں بھرے اجتماع کا انعقاد کیا گیا جس میں مقامی اسلامی بہنوں کی کثیر تعداد نے شرکت کی۔

اجتماع کا آغاز معمول کے مطابق تلاوتِ قراٰن اور نعت شریف سے کیا گیا جبکہ مبلغۂ دعوتِ اسلامی نے سنتوں بھرا بیان کرتے ہوئے شرکا کی دینی و اخلاقی اعتبار سے تربیت کی۔

بعدِ بیان دعوتِ اسلامی کی نگرانِ عالمی مجلسِ مشاورت اسلامی بہن نے اجتماع میں شریک اسلامی بہنوں کو پابندی کے ساتھ اجتماعات میں شرکت کرنے اور مدرسۃالمدینہ بالغات میں داخلہ لینے کی ترغیب دلائی جس پر انہوں نے اچھی اچھی نیتیں کیں۔

عاشقانِ رسول کی دینی تحریک دعوتِ اسلامی کے تحت پچھلے دنوں ذمہ دار اسلامی بہنوں کا مدنی مشورہ منعقد ہوا جس میں اسٹیٹ نگران کی اسلامی بہنوں نے شرکت کی۔

اس مدنی مشورے میں اسلامی بہنوں کے 8 دینی کاموں کا فالو اپ لیتے ہوئے ذمہ دار اسلامی بہنوں نے نیوفارم 8 دینی کام پر مشاورت کی جس پر وہاں موجود اسلامی بہنوں نے اپنی اپنی رائے پیش کی۔

پچھلے دنوں بیرونِ ملک کی اسلامی بہنوں کے درمیان ہونے والے 8 دینی کاموں کے سلسلے میں ایک میٹنگ ہوئی جس میں نگرانِ میلبرن اور شعبہ مشاورت کی ذمہ دار اسلامی بہنوں کی شرکت رہی۔

دعوتِ اسلامی کے تحت گزشتہ روز بیرونِ ملک کی ذمہ دار  اسلامی بہنوں کا مدنی مشورہ ہوا جس میں نگرانِ سڈنی اسٹیٹ سمیت دیگر اسلامی بہنوں نے شرکت کی۔

چٹاگانگ بنگلہ دیش کے مدنی مرکز فیضانِ مدینہ اور ڈھاکہ بنگلہ دیش کے شہر محمد پور میں قائم فیضانِ صحابیات میں شعبہ مدرسۃالمدینہ بالغات اور گلی گلی مدرسۃالمدینہ دعوتِ اسلامی کے تحت 2 دن پر مشتمل رہائشی قراٰن ٹیچر لرننگ سیشن منعقد ہوا جس میں چٹاگانگ ڈویژن اور ڈھاکہ ڈویژن کی تمام شعبہ ذمہ داران و مدرسات اسلامی بہنوں نے شرکت کی۔

تفصیلات کے مطابق اس سیشن میں مرکزی مجلسِ شوریٰ کے رکن مولانا ابو ماجد حاجی محمد شاہد عطاری مدنی نے بذریعہ انٹرنیٹ بیان کیا جس میں انہوں نے قراٰنِ پاک پڑھنے اور پڑھانے کی اہمیت بتاتے ہوئے بنگلہ دیش میں اس شعبے کے تحت دینی کام بڑھانے کا ذہن دیا۔

اس کے علاوہ نگرانِ عالمی مجلسِ مشاورت، نگرانِ بنگلہ دیش اور شعبہ بین الاقوامی امور کی ذمہ دار اسلامی بہنوں نے دورانِ لرننگ سیشن اسلامی بہنوں کی تربیت نیز انہیں شعبے کے مدنی پھول، کارکردگی فارم اور کارکردگی شیڈول کو احسن انداز میں سمجھایا۔

علمِ دین کی ترویج و اشاعت کرنے والی عاشقانِ رسول کی دینی تحریک دعوتِ اسلامی کے تحت موزمبیق کے شہر ماپوتو میں ایک میٹنگ ہوئی جس میں  شعبہ مدرسۃالمدینہ بالغات کی تمام مدرسات (Teachers)، ذمہ داران اور مفتشہ اسلامی بہنیں شریک ہوئیں۔

مدنی مشورے کی ابتداء میں نگرانِ عالمی مجلسِ مشاورت اسلامی بہن نے شعبے کے دینی کاموں کے متعلق کلام کرتے ہوئے ٹیسٹ پاس کرنے والی اسلامی بہنوں کی ذہن سازی کی اور انہیں تدریس کرنے، مدرسۃالمدینہ بالغات شیڈول کے مطابق چلانےاور پابندی کے ساتھ اس کا جائزہ لینے کے متعلق مدنی پھول دیئے۔بعدازاں تمام ذمہ دار اسلامی بہنوں نے شعبے کے دینی کاموں میں ترقی کے لئے اچھی اچھی نیتوں کا اظہار کیا۔

افریقی ملک موزمبیق کے شہر ماپوتو میں واقع علاقہ پولانا میں محفلِ نعت کا انعقاد کیا گیا جس میں قرب و جوار کی کثیر اسلامی بہنوں نے شرکت کی۔

محفلِ نعت کا آغاز تلاوتِ قراٰن اور نعتِ رسولِ مقبول صلی اللہ علیہ و سلم سے کیا گیا جبکہ نگرانِ عالمی مجلسِ مشاورت اسلامی بہن نے دنیا کی مذمت، آخرت کی تیاری، علمِ دین کی اہمیت اور نماز سیکھنے کی ضرورت سے متعلق مدنی پھول دیئے۔

ملک موزمبیق کے شہر ماپوتو میں دعوتِ اسلامی کے تحت مدنی مشورہ ہوا جس میں ماپوتو شہر  کی نگران اسلامی بہن سمیت مختلف سطح کی ذمہ دار اسلامی بہنوں نے شرکت کی۔

اس مدنی مشورے میں نگرانِ عالمی مجلسِ مشاورت اسلامی بہن نے ماپوتو شہر میں اسلامی بہنوں کے درمیان ہونے والے 8 دینی کاموں کے متعلق گفتگو کی اور دینی کاموں کو بڑھانے کے حوالے سے مدنی پھولوں سے نوازا۔

افریقی ملک موزمبیق کے شہر ماپوتو میں واقع علاقہ پاک ٹاؤن میں سیکھنے سکھانے کا حلقہ لگایا گیا جس میں شخصیات سمیت کثیر اسلامی بہنوں کی شرکت رہی۔