9 جولائی بروز جمعرات ناظم آفس المدینۃ العلمیہ عالمی مرکز فیضانِ مدینہ کراچی میں کتاب فتاویٰ اہلِ سنت کی تیاری کے سلسلے میں لائحہ عمل طے کرنے کے لئے مدنی مشورہ منعقد ہوا جس میں دارالافتاء اہلِ سنت کے مولانا کفیل عطاری مدنی، رکنِ شوریٰ مولانا عبدالحبیب عطاری، رکنِ شوریٰ حاجی ابو ماجد محمد شاہد عطاری مدنی، ناظم المدینۃ العلمیہ محمد آصف خان عطاری مدنی اور محمد کاشف سلیم عطاری مدنی نے شرکت کی۔

مشورے کےبارے شعبہ ذمہ دار محمد کاشف سلیم عطاری مدنی نے دعوتِ ا سلامی کے شب وروز کو بتایا کہ اجلاس میں کتاب فتاویٰ اہلِ سنت کو تیار کرنے کےمتعلق گفتگو کا تبادلہ ہوا اور ذمہ داریاں تقسیم کی گئیں۔ اس کتاب میں ابواب بندی کے اعتبار سے ہزاروں فتاویٰ جات شامل کئے جائیں گے۔

کتاب پر کام شروع ہونے کی خوشی میں رکنِ شوریٰ حاجی عبدالحبیب عطاری کی جانب سے پورے المدینۃ العلمیہ میں مٹھائی بھی تقسیم کی گئی۔

واضح رہے کہ اس سے قبل نگرانِ شوریٰ مولانا محمد عمران عطاری مَدَّظِلُّہُ الْعَالِی اور دارالافتاء اہلِ سنت کے مفتیان ِ کرام کے ہمراہ بھی فتاویٰ اہلِ سنت کی تیاری کے سلسلے میں مدنی مشورے منعقد ہوچکے ہیں۔

کراچی: (ویب ڈیسک) گزشتہ  روز المدینۃ العلمیہ کے شعبہ ذمہ داران کا مدنی مشورہ عالمی مدنی مرکز فیضانِ مدینہ کراچی میں منعقد ہوا جس میں رکنِ شوریٰ حاجی ابو ماجد محمد شاہد عطاری مدنی نے ذمہ داران کی خصوصی تربیت فرمائی۔ تمام شعبہ ذمہ داران نے اپنے شعبے کی موجودہ صورت حال کے بارے میں رکنِ شوریٰ کو بریف کیا۔

مدنی مشورے میں بتایا گیا کہ المدینۃ العلمیہ کی جانب سے فتاویٰ اہلِ سنّت پر مشتمل ایک ضخیم کتاب کا پروجیکٹ شروع ہونے جارہا ہے، یہ کتاب کثیر جلدوں پر مشتمل ہوگی جس میں ہزاروں فتاویٰ جات شامل ہوں گے۔

المدینۃ العلمیہ کا شعبۂ حدیث استاذالحدیث مفتی حسان عطاری مدنی کی زیرِ نگرانی شرح صحیح بخار ی پر کام شروع کرچکاہے، شرح صحیح بخاری 10 جلدوں پر مشتمل ہوگی۔

رکنِ شوریٰ نے خوشی کی خبر سناتے ہوئے بتایا کہ المدینۃ العلمیہ کا ایک شعبۂ سیرت بھی بننے جارہا ہے جو تاجدارِ مدینہ صلَّی اللہ علیہ واٰلہٖ وسلَّم کی سیرت پر مستقل تحقیقی کام کرے گا۔

ماہنامہ فیضانِ مدینہ کے ناظم محمد راشد عطاری مدنی کا کہنا تھا کہ صحابہ کرام کی سیرت پر ماہنامہ فیضانِ مدینہ میں شائع ہونے والے تمام مضامین کو یکجا کرکے صحابہ کرام کی سیرت پر ایک کتاب ترتیب دی جارہی ہے جو تقریباً 500 سے زائد صفحات پر مشتمل ہوگی،ان کا مزید کہنا تھا کہ اس کتاب پر کام کا آغاز ہوچکا ہے، اِنْ شَآءَ اللہ عَزَّ وَجَلَّ دو ماہ میں یہ کتاب فائنل کردی جائے گی۔

رکنِ مجلس المدینۃ العلمیہ محمد عدنان چشتی مدنی نے بتایا کہ مدنی علمائے کرام امیر اہلِ سنت کی حیات پر کتاب”امیرِ اہلِ سنت کی کہانی انہی کی زبانی“ مرتب کررہے ہیں جو کہ 450 صفحات پر مشتمل ہوگی۔ ان کا مزید کہنا تھا کہ یہ کتاب مدنی چینل کے پروگرامز (مدنی مذاکروں، امیر اہلِ سنت کی کہانی انہی کی زبانی اور دلوں کی راحت ) کی مدد سے لکھی جارہی ہے۔

ناظم و رکنِ مجلس المدینۃ العلمیہ محمد آصف خان عطاری مدنی نے مدنی مشورہ میں گفتگو کرتے ہوئے کہا کہ اَلْحَمْدُ لِلّٰہِ عَزَّ وَجَلَّ شیخ الحدیث و التفسیر مفتی محمد قاسم عطاری مَدَّظِلُّہُ الْعَالِی کی تحریر کردہ نئی کتاب سیرۃ الانبیاء پر تحریر اور ڈیزائننگ کا کام مکمل ہوچکا ہے، اِنْ شَآءَ اللہ عَزَّ وَجَلَّ 20 جولائی تک مکتبۃالمدینہ کو چھپنے کے لئے بھیج دی جائے گی اور بہت جلد قارئین کے ہاتھوں میں ہوگی۔

انہوں نے مزید بتا یا کہ حلیۃ الاولیا کی جلد 9 پر تحریری کام تقریباً فائنل ہوچکا ہے جبکہ 10ویں جلد کا ترجمہ ابھی جاری ہے۔ ہمارا ہدف ہے کہ اِنْ شَآءَ اللہ عَزَّ وَجَلَّ سال2020 کے اختتام تک حلیۃ الاولیاء کی تمام جلدیں اور قوت القلوب مکمل کردیں گے۔

انہوں نے کہا کہ امیر اہلِ سنت دَامَتْ بَرَکَاتُہُمُ الْعَالِیَہ کی منقبتوں پر مشتمل دیوان بھی زیرِ ترتیب ہے جس میں مختلف شعرا کی لکھی ہوئی 150 سے 200 تک مناقبِ عطار شامل کی جائیں گی۔ 

دعوت اسلامی کے عالمی مدنی مرکز فیضان مدینہ کراچی میں کڈز مدنی چینل کے ذمہ داران کا مدنی مشورہ ہوا جس میں مولانامحمد شفیق عطاری مدنی اور رکن شوریٰ مولانا حاجی عبد الحبیب عطاری سمیت نگران مجلس مدنی چینل محمد اسد عطاری مدنی  نے شرکت کی۔ مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے کڈز مدنی چینل کے ذمہ داران کی مختلف امور پر رہنمائی فرمائی۔

Hematologist،Transplant Physiciaاور نیشنل انسٹیٹیوٹ آف بلڈ ڈیزیزاسپتال کےڈاکٹر طاہر شمسی نے عالمی مدنی مرکزفیضان مدینہ کراچی میں دعوت اسلامی کی مرکزی مجلس شوریٰ کے نگران مولانامحمدعمران عطاری سے ملاقات کی۔

اس موقع پر رکن شوریٰ مولانا حاجی عبدالحبیب عطاری اور رکن شوریٰ حاجی محمداطہر عطاری بھی موجود تھے۔ ملاقات میں دعوت اسلامی کے تحت ملک بھر میں دعوت اسلامی کے تحت چلنے والی بلڈکمپین اور اب پلازمہ ڈونیشن کے حوالے سے ڈاکٹر طاہر شمسی کو بتایا گیا۔

اراکین شوریٰ نے ڈاکٹر طاہر شمسی کو مدنی چینل اور فیضان مدینہ کراچی میں قائم مختلف شعبہ جات کا دورہ کروایا اور وہاں پرہونے والے مدنی کاموں کے حوالے سے بریفنگ دی۔ ڈاکٹرطاہر شمسی نے دعوت اسلامی کی کاشوں کو خوب سراہا۔

عاشقان رسول کی مدنی تحریک دعوت اسلامی کے مدنی ماحول سے لاکھوں ایسےاسلامی بھائی اور اسلامی بہنیں وابستہ ہیں جو بلامعاوضہ رضائے الہٰی کے حصول کے لیے خدمت دین میں  مصروفِ عمل ہیں ۔ دعوت اسلامی چونکہ بہت بڑی تحریک ہے اور اس کے بعض شعبہ جات ایسے ہیں  جن میں اجیروں کی ضرورت سے انکار نہیں کیا جا سکتا۔مثلاً جامعۃ المدینہ،  مدرسۃ المدینہ، مدنی چینل سمیت کئی  شعبہ جات ایسے ہیں جن میں اجیروں کے کام،  ان کی اہلیت و ضرورت کو دیکھنے اور ان کے جملہ مسائل کا شرعی تقاضوں  کے مطابق مناسب حل کرنے کے لیے مجلسِ اِجارہ قائم ہے۔

گزشتہ دنوں مجلس اجارہ پاکستان کے ذمہ داران کا بذریعہ ویڈیو لنک مدنی مشورہ ہوا جس میں دعوت اسلامی کی مرکزی مجلس شوریٰ کے نگران مولانا محمد عمران عطاری نے مختلف نکات پر گفتگو فرمائی۔ اس مدنی مشورے میں نگران پاکستان انتظامی کابینہ حاجی محمد شاہد عطاری بھی شریک تھے۔

اسی طرح نگران شوری مولانا محمد عمران عطاری نےمجلس اجتماعی قربانی کابھی بذریعہ ویڈیو لنک مدنی مشورہ فرمایا جس میں اراکین شوریٰ، شرعی رہنمائی جامعۃالمدینہ اور مدرستہ المدینہ کے ذمہ داران سمیت دیگر اسلامی بھائیوں نے شرکت کی۔ نگران شوریٰ نے اجتماعی قربانی کے حوالے سے شرکا کی رہنمائی فرمائی۔

پچھلے دنوں دعوت اسلامی کے عالمی مدنی مرکز فیضان مدینہ کراچی سے مجلس مزارات اولیاء کے ذمہ داران کا  بذریعہ ویڈیو لنک مدنی مشورہ ہوا۔مدنی مشورے میں مرکزی مجلس شوریٰ کے نگران حاجی محمد عمران عطاری مَدَّظِلُّہُ الْعَالِی نے شرکا کی تربیت کی اور ذمہ داران سے گفتگو کرتے ہوئے کہا کہ کسی بھی کام کے شروع کرنے سے پہلے اس کے شر کو جاننا بہت ضروری ہے کہ اس کام میں شر کیا ہے، اس کام کو کرنے میں نقصان کیا ہے، اس کام میں وہ کون کون سے کام ہیں جو حرام و ناجائزہیں، ان تمام ترچیزوں کے تعلق سے تفصیل ہوکہ کون کون سے کام کرنے کے ہیں اور ان کا طریقہ کیا ہونا چاہیئے۔

نگران شوریٰ نے شعبہ کے مدنی کاموں کے حوالے سے مدنی پھول بھی ارشاد فرمائے۔اس موقع پر رکن شوریٰ حاجی ابو ماجد محمد شاہد عطاری مدنی بھی موجود تھے۔

اَلْحَمْدُ لِلّٰہِ عَزَّ وَجَلَّ ہر سال کی طرح اس سال بھی دعوت اسلامی کے تحت ملک بھر میں اجتماعی قربانی کا اہتمام کیا جائے گا۔ اس سے قبل عالمی مدنی مرکزفیضان مدینہ کراچی میں مجلس اجتماعی قربانی کے ذمہ داران کی تربیت کا سلسلہ ہوا جس میں دارالافتاء اہل سنت کے مولانا محمد سجاد عطاری مدنی ، اراکین شوریٰ حاجی محمدامین عطاری اور حاجی محمد اظہر عطاری نے ان اسلامی بھائیوں کی تربیت فرمائی اور ان میں سنتوں بھرا بیان فرمایا۔بعد بیان نگران مجلس اجتماعی قربانی نے اجتماعی قربانی کے حوالے سے ان اسلامی بھائیوں کی رہنمائی کی اور انہیں اجتماعی قربانی کے وکالت نامے کے مطابق قواعد و ضوابط پر عمل کرنے کا ذہن دیا۔

اسی طرح ملتان میں بھی مجلس اجتماعی کے ذمہ داران کا تربیتی سیشن ہوا جس میں مختلف شعبہ جات سے تعلق رکھنے والے اسلامی بھائیوں نے شرکت کی جن کی بذریعہ ویڈیولنک تربیت کا سلسلہ ہوا ۔ ریجن ذمہ دار نے تربیتی سیشن کے حوالے سے بتایا کہ اس کا مقصد امت مسلمہ کی قربانی صحیح معنوں میں شرعی اصولوں کے مطابق کرنا ہے ۔

کراچی (مانیٹرنگ ڈیسک) گزشہ روز خلیفہ مجاز فیضِ ملّت صوفی مقصود حسین نوشاہی اویسی دَامَتْ بَرَکَاتُہُمُ الْعَالِیَہ نے عالمی مدنی مرکز فیضانِ مدینہ کراچی میں دعوتِ اسلامی کی مرکزی مجلس شوریٰ کے رکن حاجی ابوماجد محمد شاہد عطاری مدنی اور ناظم و رکنِ مجلس المدینۃ العلمیۃ سے ملاقات کی۔ 

دورانِ ملاقات مقصود حسین نوشاہی صاحب نے المدینۃ العلمیۃ کی لائبریری کے لئے 33 سے زائد کتب کا تحفہ پیش کیا جبکہ ناظم المدینۃ العلمیۃ کو 29 کتب ہدیے میں دیں۔

رکنِ شوریٰ اور ناظم المدینۃ العلمیۃ نے مقصود حسین نوشاہی صاحب کی جانب سے کتب کا تحفہ ملنے پر ان کا شکریہ ادا کیا اور تقسیم کتب کے حوالے سے ان کی خدمات و جذبات کو سراہا۔ 

عالمی مدنی مرکز فیضان مدینہ کراچی میں دعوت اسلامی کی مجلس خدام المساجدو المدارس کا ایس او پیز کاخیال رکھتے ہوئے مدنی مشورہ ہوا جس میں مجلس خدام المساجد والمدارس پاکستان سطح کے ذمہ دار اور ریجن ذمہ دار سمیت اراکین شوریٰ  سید لقمان عطاری، حاجی امین قافلہ، حاجی محمد علی عطاری اور حاجی محمد امین عطاری نے شرکت کی۔ مدنی مشورے میں مساجد، مدارس، جامعات اور مدنی مراکز کے جہاں جہاں تعمیراتی کام جاری ہیں ان کی کارکردگی کا جائزہ لیاگیا۔رکن شوریٰ و نگران ریجن حاجی محمد امین عطاری نے شعبہ کے حوالے سے مدنی پھول دئیے اور مساجد، مدارس، جامعات اور مدنی مراکز کی تعمیرات کے حوالے سے اہداف طے کئے گئے۔

دعوت اسلامی کی مرکزی مجلس شوریٰ کے نگران مولانامحمد عمران عطاری مَدَّظِلُّہُ الْعَالِی نے مجلس جامعۃ المدینہ للبنین و للبنات پاکستان کا مدنی مشورہ فرمایا۔ عالمی مدنی مرکزفیضان مدینہ کراچی سے بذریعہ ویڈیو لنک نگران شوریٰ نے ان اسلامی بھائیوں کی رہنمائی فرمائی جس میں رکن شوریٰ ونگران مجلس جامعۃ المدینہ للبنین حاجی محمد اسد عطاری مدنی اوررکن شوری ونگران مجلس جامعۃ المدینہ للبنات حاجی جنیدعطاری مدنی سمیت دیگر ریجن ذمہ داران نے شرکت کی۔ مدنی مشورے میں نگران شوریٰ نے اجتماعی قربانی کےحوالے سے بھی گفتگو فرمائی۔

عالمی مدنی مرکز فیضان مدینہ کراچی میں بذریعہ ویڈیو لنک مدنی مشورہ ہوا جس میں رکن شوریٰ حاجی مولانا عبد الحبیب عطاری، ریجن نگران، مجلس جامعۃ المدینہ و مدرسۃ المدینہ کے اراکین شوریٰ و نگران مجلس، مجلس اجتماعی قربانی کے نگران و ریجن ذمہ داران  سمیت دارالافتاء اہل سنت کے مفتی محمد سجاد عطاری صاحب نے شرکت کی۔نگران شوریٰ مولانا محمد عمران عطاری نے اجتماعی قربانی کے حوالے سے شرکا کی رہنمائی فرمائی ۔

آج مؤرخہ 10 جون 2020  عالمی مدنی مرکز فیضانِ مدینہ کراچی میں S.O.P‘es کا خیال رکھتے ہوئے مکتبۃ المدینہ العربیہ و دیگر ذمہ داران کا اجلاس ہوا جس میں رکنِ شوریٰ حاجی ابوماجد محمد شاہد عطاری مدنی نے خصوصی شرکت فرمائی۔ اجلاس میں مکتبۃ المدینہ کی بعض کتابوں کو عرب ممالک سے شائع کرنے کے متعلق تبادلۂ خیال کیا گیا۔

مکتبۃ المدینہ العربیہ کے رکن احمد رضا گھانچی مدنی نے دعوتِ اسلامی کے شب وروز کو بتایا کہ اَلْحَمْدُ لِلّٰہِ عَزَّ وَجَلَّ چار کتابیں” انوار المنان فی توحید القرآن، مجموعہ رسائل امیر اہل السنۃ،اجلی الاعلام بقواطع الاسلام اور الفتاویٰ المختار من الفتاویٰ الرضویہ “ اشاعت کے لئے عربی ممالک بھیج دی گئی ہیں جبکہ دروس البلاغہ، نورالایضاح اور التعلیقات الرضویہ علی الہدایہ و شروحہا ابھی پروسس میں ہیں، عنقریب انہیں بھی اشاعت کے لئے عرب ممالک روانہ کردیا جائے گا۔