دعوت اسلامی کے زیرِ اہتمام کئی مہینوں سے پاکستان بھر میں تھیلیسیمیا اور دیگر مریضوں  کے لئے وقتاً فوقتاً بلڈ کیمپس لگائے جارہے ہیں اور تھیلیسیمیا کے مریضوں کے لئے کام کرنے والے فلاحی اداروں کو بلڈ کی فراہمی کی جارہی ہے۔

اسی فلاحی کام کو سراہنے کے لئے 25 جولائی 2020ء کو تھیلیسیمیا اور بلڈ بینکس کا کام کرنے والے نامور اداروں کے سربراہان و عہدیداران کی عالمی مدنی مرکز فیضان کراچی میں آمد ہوئی۔ اس موقع پر ایک کانفرنس کا انعقاد کیا گیا جس میں نگران شوریٰ مولانا محمد عمران عطاری مَدَّظِلُّہُ الْعَالِی اور رکن شوریٰ حاجی مولانا محمد عبد الحبیب عطاری نے دعوت اسلامی کی اس کاوش پر Presentationپیش کی۔

اداروں کی جانب سے دعوت اسلامی کی اس عظیم و تاریخی کاوش کو نہ صرف سراہا گیا بلکہ Appreciation letters اور Shields بھی دی گئیں۔اس موقع پر مختلف نیوز چینل کے نمائندگان اور کیمرہ مین بھی موجود تھے۔ 

پچھلے دنوں عالمی مدنی مرکز فیضان مدینہ کراچی میں دعوت اسلامی کی مجلس تحقیقات شرعیہ کا دو دن کامدنی مشورہ ہوا ۔ اس مدنی مشورے میں شیخ الحدیث والتفسیر مفتی محمد قاسم عطاری ، شیخ الحدیث مفتی محمد ہاشم عطاری ، مفتی محمد فضیل عطاری، ماہرِ امورِ تجارت مفتی علی اصغر عطاری، استاذ الحدیث مولانا محمد حسان عطاری مدنی، مولانا انس عطاری مدنی ، مولانا ساجد عطاری مدنی، مولانا عرفان عطاری مدنی، رکن شوریٰ حاجی محمد اسد عطاری مدنی اورمجلس تحقیقات شرعیہ و دارالافتاء اہلسنت کے انتظامی ہیڈ رکن شوریٰ مولانا عبد الحبیب عطاری نے شرکت کی۔مدنی مشورے کی سربراہی مرکزی مجلس شوریٰ کے نگران مولانا محمد عمران عطاری نے فرمائی، مشورے میں اہم شرعی مسائل کے حوالے سے گفتگو کی گئی۔

دعوت اسلامی کی مجلس بیرون ملک کے زیر اہتمام 23 جولائی 2020ء کو عالمی مدنی مرکز فیضان مدینہ کراچی میں قائم بیرون ملک کے دفتر میں تربیت کا سلسلہ ہوا جس میں مدنی کاموں کے سلسلے میں بیرون ملک سفر کرنے والے اسلامی بھائیوں نے شرکت کی۔ نگران مجلس بیرون ملک سفر سید احسن عطاری نے روانگی کے حوالے سے ان کی تربیت فرمائی اور سفر کی احتیاطیں بیان کرتے ہوئے مدنی کاموں کے اہداف کے حوالے کلام کیا۔(رپورٹ: محمد عامر عطاری مدنی ، ٹریول ڈیسک اورسیز آفس کراچی )

عالمی مدنی مرکزفیضان مدینہ کراچی میں دعوت اسلامی کی مجلس مدرسۃ المدینہ اور مجلس ائمہ مساجد کا  مدنی مشورہ ہوا جس میں دونوں شعبہ جات کے کابینہ ذمہ داران اور زون ذمہ داران نے شرکت کی۔مدنی مشورے میں مساجد میں ہونے والےمدنی کاموں کو حالیہ دنوں میں مزیدبہتر انداز میں کرنے کے حوالے سے کلام ہوا جبکہ گزشتہ کارکردگی کا جائزہ بھی لیاگیا۔ رکن شوریٰ حاجی محمد امین عطاری نے شرکا کی رہنمائی فرمائی جبکہ عیدقرباں کے موقع پر اجتماعی قربانی اور قربانی کی کھالیں جمع کرنے کے حوالے سے بھی گفتگو کی۔

عالمی مدنی مرکزفیضان مدینہ کراچی میں قائم مرکزی جامعۃ المدینہ کے درجہ دورۃ الحدیث شریف  میں مدنی مشورہ ہوا جس میں جامعات المدینہ کراچی کے ناظمین نے شرکت کی۔اراکین شوریٰ حاجی محمد امین عطاری اور حاجی محمد اسد عطاری مدنی نے موجودہ صورتحال میں شروع کئے جانے والے آن لائن تعلیمی سسٹم اور دیگر امور پر کلام کیا۔ اراکین شوریٰ نے اس سسٹم کو مزید بہتری کی طرف لے جانے کے حوالے شرکا کی رہنمائی کی۔

دعوت اسلامی کے عالمی مدنی مرکزفیضان مدینہ کراچی میں مجلس رابطہ کراچی ریجن کے ذمہ داران کا مدنی مشورہ ہوا جس میں دعوت اسلامی کے تحت ہونے والی اجتماعی قربانی اور قربانی کی کھالیں جمع کرنے کے حوالے سے تجاویز پر غور کیاگیا۔ مدنی مشورے میں اراکین شوریٰ حاجی محمد اطہر عطاری، حاجی محمد امین عطاری اور نگران پاکستان مجلس رابطہ محمد قربان عطاری نے قربانی کی کھالیں جمع کرنے کے حوالے سے انتظامیہ سے  ملاقات کرکے طریقہ کار اور حکمت عملی بنانے، بالخصوص موجودہ صورت حال میں اجتماعی قربانی کیلئے انتظامیہ کے ساتھ مشترکہ حکمت عملی بنانے اور N.O.C حاصل کرنے کے حوالے سے گفتگو کی اور ویژن ٹوئنٹی ٹوئنٹی فائیو پر بھی کلام کیا۔ اراکین شوریٰ نے ذمہ داران کو قربانی کی کھالیں جمع کرنے اور اجتماعی قربانی کے حوالے سے اہداف دئیےاور انہیں اپنے شعبے میں 12 مدنی کاموں کو مزید مضبوط بنانے کا بھی ذہن دیا۔

شعبہ امتحانات تنظیم المدارس اہلسنت پاکستان کے تحت ملک بھر کے جامعات میں پڑھنے والے طلبہ کرام کے سالانہ امتحانات کا سلسلہ ہوا۔امتحانی مرکز عالمی مدنی مرکزفیضان مدینہ کراچی میں عالیہ اور عالمیہ  کا امتحان دینےکےلئے مرکزی جامعۃ المدینہ فیضان مدینہ کے طلبہ کرام نےبھی حصہ لیا۔

اسی سلسلے میں تنظیم المدارس اہلسنت کے صدر علامہ مولانامفتی منیب الرحمٰن صاحب مَدَّظِلُّہُ الْعَالِی نے عالمی مدنی مرکزکا دورہ کیا اور وہاں جاری امتحانات کے حوالے سے انتظامات کاجائزہ لیا۔ اس موقع پر مفتی صاحب کے ہمراہ صوبائی ناظم اعلیٰ ریحان امجدی نعمانی صاحب، ممبر امتحانی بورڈ مولاناصابر حسین نورانی صاحب، ضلعی کوآرڈینیٹر اور دعوت اسلامی کے جامعۃ المدینہ کے تعلیمی ذمہ داران بھی موجود تھے۔ دورے کے موقع پرمفتی منیب الرحمن صاحب نے انتظامات پر اطمینا ن کا اظہار کرتے ہوئے تعلیمی ذمہ داران کو مبارک باد پیش کی۔

پچھلے دنوں پروفیشنل اسلامی بھائیوں کا بذریعہ ویڈیو لنک سنتوں بھرا اجتماع کا ہوا جس میں نگران مجلس محمد ثوبان عطاری سمیتP.H.D ڈاکٹرز، C.A اور I.T کے اسپیشلسٹ نے شرکت کی۔ اجتماع میں دعوت اسلامی کی مرکزی مجلس شوریٰ کےنگران مولانا محمد عمران عطاری مَدَّظِلُّہُ الْعَالِی نے” کردار کی اہمیت“ کے موضو ع پر سنتوں بھرا بیان کرتے ہوئے فرمایا کہ کردار سے ہی شخصیت بہتر ہوتی ہے، کردار اچھا ہو تو شخصیت بھی اچھی ہوجاتی ہے۔

نگران شوریٰ نے مزید کہا کہ بعض عادتیں ایسی ہوتی ہیں جو کئی خوبیوں پر غالب آجاتی ہیں، ہمیں اپنی اُن خامیوں اور کمزوریوں کا جائزہ لینا چاہئے جو ہمارے کردار کو کمزور کرتی ہے، سستی اور کاہلی وہ عادت ہے جو انسان کے کردار کو بہت کمزور کرتی ہے۔ 

دعوت اسلامی کی مجلس  تاجران کی دعوت پر کراچی کے صنعتی علاقے سائٹ ایریا میں قائم مختلف کمپنیوں کے مالکان کی عالمی مدنی مرکز فیضان مدینہ کراچی آمد ہوئی۔ کمپنی مالکان کے درمیان مدنی حلقہ لگایا گیا۔ رکن شوریٰ حاجی محمد امین عطاری نے ان مالکان کو اپنی اپنی کمپنیوں میں کام کرنے والے عاشقان رسول کو قرآن پاک کی تعلیمات سے آراستہ کرنے کیلئے مدرسۃ المدینہ بالغان لگانے، نماز کے فرائض و احکام سکھانے کیلئے فیضان نماز کورس کروانے اور دیگر مدنی کاموں کو شروع کرنے کا ذہن دیا جس پر تاجر اسلامی بھائیوں نے اپنی بھرپور نیتوں کا اظہار کیا۔

بعدمدنی حلقہ مجلس رابطہ برائے تاجران کراچی کے ریجن ذمہ دار نے تاجر اسلامی بھائیوں کو دعوت اسلامی کے مختلف شعبہ جات اور مدنی کاموں کے حوالے سے بتایا بالخصوص مجلس ویلفیئر کے تحت ہونے والے فلاحی کاموں، تھسیلیمیا اور دیگر امراض میں مبتلا مریضوں اور بچوں کے لئے ملک بھر میں چلائی جانے والی بلڈکیمپین کے حوالے سے بتایا۔کمپنی مالکان نے دعوت اسلامی کے مدنی کاموں اور فلاحی کاموں کوخوب سراہا ۔

 عالمی مدنی مرکز فیضان مدینہ کراچی میں جامعۃ المدینہ اور مدرستہ المدینہ آن لائن کے ذمہ داران کا بذریعہ ویڈیو کانفرنسنگ مدنی مشورہ ہوا۔ اس مدنی مشورے میں رکن شوریٰ مولانا حاجی عبدالحبیب عطاری،نگران مجلس مدرستہ المدینہ آن لائن اور رکن مجلس سمیت دیگر ذمہ داران اورپروفیشنلز نےبذریعہ آن لائن شرکت کی۔ دوران مشورہ شعبے میں مزید جدت لانے سے متعلق نگران شوریٰ مولانا حاجی محمد عمران عطاری مَدَّظِلُّہُ الْعَالِی کو بریفنگ دی گئی۔

دعوت اسلامی کی مرکزی مجلس شوریٰ کے نگران حاجی مولانا محمدعمران عطاری مَدَّظِلُّہُ الْعَالِی نے عالمی مدنی مرکزفیضان مدینہ میں پروفیشنل کا مدنی مشورہ فرمایا جس میں مختلف شعبے سے تعلق رکھنے والے پروفیشنلز اور دیگر شخصیات نے شرکت کی۔

نگران شوریٰ نے ان اسلامی بھائیوں کو مدنی کاموں اور مختلف شعبہ جات بالخصوص ویلفیئر کے حوالے سے بتایا۔

مدنی مشورے میں مجلس شوریٰ کے رکن مولانا عبدالحبیب عطاری، رکن شوریٰ حاجی محمد امین عطاری، رکن شوریٰ حاجی محمد اظہر عطاری اورمختلف شعبہ جات کے ذمہ داران بھی موجود تھے۔ مولانا عبدالحبیب عطاری نے بھی ان اسلامی بھائیوں کی رہنمائی کی۔

8جولائی 2020ء کو عالمی مدنی مرکز فیضان مدینہ کراچی میں کراچی ساؤتھ زون کے ائمہ کرام کا مدنی مشورہ ہوا۔ مرکزی مجلس شوریٰ کے رکن حاجی محمد امین عطاری  نے شرکا کی تربیت کی اور مدنی کاموں کی کارکردگی کا جائزہ لیا۔ اس موقع پر رکن شوریٰ حاجی محمد علی عطاری بھی موجود تھے انہوں نے بھی شرکا کو قیمتی مدنی پھولوں سے نوازا۔