اَلْحَمْدُ لِلّٰہِ عَزَّ وَجَلَّ دعوت اسلامی کی مجالس شعبہ خدام المساجد و المدارس اور شعبہ اثاثہ جات و تعمیرات کے نظام کو مزید بہتر بنانےکے لئے ”ون ونڈو سسٹم“ متعارف کروایا جارہا ہے۔ اس سسٹم کے لئے تمام ریجن میں ریجن نگران کی مشاورت سے اسلامی بھائیوں کی تقرری کا سلسلہ بھی ہوچکا ہے۔

اراکین شوریٰ حاجی سید لقمان عطاری اور حاجی محمد علی عطاری کی مشاورت سے اس ون ونڈو سسٹم کے تمام نظام کو محمد وسیم عطاری مدنی (شعبہ اثاثہ جات) دیکھیں گے جبکہ محمد سلمان عطاری مدنی ان کے معاون ہونگے۔

عاشقان رسول اس” ون ونڈو سسٹم “کے ذریعے شعبے کے مختلف کاموں کے بارے میں رابطہ کرسکتے ہیں جن کی تفصیلات درج ذیل ہیں:

٭شعبہ خدام المساجد و المدارس کے متعلق کے کوئی کام یا کسی مسئلے کے حل کے لئے اسلامی بھائی رابطہ کرسکتے ہیں۔

٭ شعبہ خدام المساجد و المدارس کےتحت جگہ کی خریداری یا وقف کروانے وغیرہ کے لئے اسلامی بھائی رابطہ کرسکتے ہیں۔

٭کسی بھی اثاثے کی شرعی رہنمائی میں تاخیر ہو یا کوئی مسئلہ ہوتو اس کے حل کے لئے اسلامی بھائی رابطہ کرسکتے ہیں۔

٭نقشہ و تعمیرات کے متعلق کسی بھی قسم کے مسائل یا تاخیر کے لئے رابطہ کیا جاسکتاہے۔

٭کسی بھی اثاثے کی معلومات یا اپڈیٹ لینے یا کسی بھی مسئلے کی شکایت کے لئے رابطہ کرسکتے ہیں۔

٭کسی بھی اثاثے کے قانونی کاغذات کو مکمل کروانے میں تاخیر یا قانونی کاغذات کی اپڈیٹ کے لئے بھی رابطہ کرسکتے ہیں۔

مزید معلومات کے لئے مزید معلومات کے لئے ان نمبر اور ای میل ایڈریس پر رابطہ کریں:

03152678693

دعوت اسلامی کی مجلس پروفیشنلز کے زیر اہتمام 27 دسمبر 2020ء کو عالمی مدنی مرکز فیضان مدینہ کراچی میں پروفیشنلز اجتماع کا انعقاد کیا جائیگا۔

اجتماع کا دورانیہ دوپہر 1:30 بجے سے 4:00 بجے تک ہوگا۔

اس اجتماع میں نگران مجلس پروفیشنلز محمد ثوبان عطاری ”Self Care“ کے موضوع پر خصوصی بیان فرمائیں گے۔

27 دسمبر کو ہونے والے اجتماع میں محدود نشستیں Availableہیں جس میں شرکت کرنے کے لئے Onlineرجسٹریشن کروانا ضروری ہے۔

رجسٹریشن کے لئے نیچے دیئے گئے لنک پر کلک کیجئے

madani.co/meetup

19 دسمبر 2020ء کو دعوت اسلامی کے عالمی مدنی مرکز فیضان مدینہ کراچی میں صاحبزادہ مولانا بلال سلیم قادری صاحب، مرکزی رؤیت ہلال کمیٹی کے ممبر مولانا حافظ محبوب علی سہتو صاحب، مولانا سرفراز قادری صاحب، مولانا فیصل قادری، مولانانعمان قادری صاحب اور مولانا ریحان قادری صاحب سمیت دیگر علمائے کرام کی آمد ہوئی۔

علمائے کرام نے فیضان مدینہ میں قائم المدینۃ العلمیہ اسلامک ریسرچ سینٹر سمیت مختلف شعبہ جات کا وزٹ کیا۔ علمائے کرام نے دعوت اسلامی کی دینی خدمات کو دیکھتے ہوئے خوشی کا اظہار کیا اور دینی کاموں کو خوب سراہا۔

رکنِ شوریٰ حاجی امین قافلہ عطاری کے مدنی قافلوں کی اہمیت پر مدنی پھول

مجلس مدنی قافلہ کے زیرِ اہتمام عالمی مدنی مرکز فیضان مدینہ میں 12 دسمبر 2020 بروز ہفتہ اسلامک ریسرچ سینٹر کے مدنی اسلامی بھائیوں کے درمیان مدنی حلقے کا اہتمام ہوا جس میں رکن شوری حاجی امین قافلہ عطاری نے مدنی پھول ارشاد فرمائے۔

رکنِ شوریٰ نے موجودہ حالات اور قافلہ کی اہمیت بیان کرتے ہوئے اسلامی بھائیوں کو 12ماہ ، ایک ماہ اور ہرماہ 3دن مدنی قافلے میں سفر کرنےکا ذہن دیا۔

رکنِ شوریٰ کی ترغیب پر اسلامک ریسرچ سینٹر کے 3 اسلامی بھائیوں نے اپریل میں ایک ماہ کےمدنی قافلے میں سفر کرنے کی نیت کا اظہار بھی کیا۔

اس موقع پر اسلامک ریسرچ سینٹر کے ایچ او ڈی محمد آصف خان عطاری مدنی اور بیرونِ ملک قافلہ مجلس کے نگران عبدالرحیم عطاری بھی موجود تھے۔ (رپورٹ: محمد حارث عطاری، شعبہ مدنی قافلہ)

معاشرتی اور انسانی اقدار کا تحفظ اور انکا شعور دینا میڈیا کی بھی ذمہ داری ہے۔ مسلم معاشرے میں جو ذمہ داری ایک فرد کی ہے وہ اجتماعی صورت میں ایک میڈیا کی بنتی ہے۔

اسی مناسبت سے دعوت اسلامی کی مجلس میڈیا ڈیپارٹمنٹ کے زیر اہتمام عالمی مدنی مرکز فیضان مدینہ کراچی میں سنتوں بھرے اجتماع کا انعقاد کیا گیا جس میں کراچی، حیدر آباد، ملتان، فیصل آباد، لاہور اور اسلام آباد ریجن سےاس شعبے سے وابستہ ذمہ داران شریک ہوئے۔

اس اجتماع میں ترجمان دعوت اسلامی و رکن شوریٰ حاجی مولانا عبد الحبیب عطاری نےسنتوں بھرا بیان کرتے ہوئے پاکستان سمیت دنیا کے کئی ممالک میں دعوت اسلامی کے دینی و فلاحی سرگرمیوں کا تذکرہ کیا اور میڈیا کے کردار سے متعلق اہم امور پر گفتگو کی۔

اس موقع پر رکن شوریٰ حاجی محمد اطہر عطاری نےشرکا کی تربیت کرتے ہوئے فرمایا کہ دعوت اسلامی نے اس شعبے کے تحت ہمیں ایک انتہائی اہم ذمہ داری پر فائز کیا ہے لہذاان منصب کا تقاضا یہ ہے کہ ہم اس شعبے کے ذریعے پرنٹ اور الیکٹرانک میڈیا سے وابستہ افراد تک اس دینی تحریک کا پیغام پہنچائیں۔رکن شوریٰ نے شرکا کو اس شعبے کے دینی کاموں بڑھ چڑھ کر حصہ لینے کی ترغیب بھی دلائی۔

4دسمبر 2020ء کو شعبہ ائمہ مساجد کے زیر اہتمام سنتوں بھرے اجتماع کا انعقاد کیا گیا جس میں ملک و بیرون ملک بذریعہ ویڈیو لنک ائمہ کرام سمیت دیگر عاشقان رسول  نے شرکت کی۔

فیضان مدینہ کراچی میں رکن شوریٰ حاجی محمد عقیل عطاری اور مختلف مقامات کے ائمہ کرام نے شرکت کی جبکہ کراچی میں 20 مقامات پر یہ اجتماع بذریعہ ویڈیو لنک دیکھا گیا۔

اس سنتوں بھرے اجتماع میں مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان کرتے ہوئے فرمایاکہ مقتدی کی معلومات کا ایک بہترین ذریعہ مسجد کا امام ہے، امت کی اصلاح کا ایک بہت بڑا ذریعہ امامت ہے۔ نگران شوریٰ نے مزید کہا کہ جیسے ہر مرید پیر نہیں بن سکتا ویسے ہی ہر مقتدی امام نہیں بن سکتا، امام خالق اور بندے کے درمیان واسطہ ہوتا ہے۔نگران شوریٰ نے بیان کرتے ہوئے فرمایا کہ انسان کی عزت کردا ر میں ہی ہے،انسان کے کردار کا ایک بہت بڑا حسن اس کا وقت کی پابندی کرنا ہے۔

5 دسمبر 2020ء کی شب عالمی مدنی مرکز فیضان مدینہ کراچی میں مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی کی خالہ (اماں) کے ایصالِ ثواب کے لئے سوئم کا سلسلہ ہوا۔

سوئم کا آغاز قرآن خوانی سے ہوا ، قرآن خوانی کے بعد نگران شوریٰ مولانا محمد عمران عطاری نے سنتوں بھرا بیان فرمایا۔

بعد ازاں ہفتہ وار مدنی مذاکرے کا سلسلہ ہوا جس میں کثیر تعداد میں عاشقان رسول نے شرکت کی۔

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کی جانب سے کئے گئے سوالات کے جوابات دیئے۔

دعوت اسلامی کی مجلس مدنی قافلہ کے زیر اہتمام 6دسمبر 2020ء کو عالمی مدنی مرکز فیضان مدینہ کراچی میں مدنی قافلہ اجتماع کا انعقاد کیا جائیگا جس میں دنیا بھر سے مدنی قافلہ ذمہ داران شریک ہونگے۔

اس اجتماع میں مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی خصوصی بیان فرمائیں گے۔

واضح رہے کہ اس اجتماع میں مدنی قافلہ بیرون ملک کے ذمہ داران بذریعہ انٹرنیٹ شرکت کرینگے۔

دعوت اسلامی کے عالمی مدنی مرکز فیضان مدینہ کراچی میں مجلس فیضان آن لائن اکیڈمی کا مدنی مشورہ ہوا جس میں شعبے کے اراکین، فیس ڈیپارٹ اور ایڈمیشن ڈیپارٹ کے اسلامی بھائی موجود تھے۔

مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی نے ان اسلامی بھائیوں کو شعبہ فیضان آن لائن اکیڈمی کو مزید بہتر بنانے اور دینی تعلیمات کو جدید تقاضوں کے مطابق بنانے کے حوالے سے رہنمائی فرمائی۔ نگران شوریٰ نے ان اسلامی بھائیوں کو نئے آئیڈیاز پر کام کرنے کا ذہن بھی دیا۔

دعوت اسلامی کے عالمی مدنی مرکز فیضان مدینہ کراچی کی سکیورٹی پر مامور اسٹاف جہاں فیضان مدینہ آنے والوں کو خوش آمدید کہتے ہیں وہیں انہیں ان کے سامان کو چیک کرنے بعد فیضان مدینہ میں داخلے کی اجازت دیتے ہیں۔

دعوت اسلامی کی مجلس سکیورٹی کے اسلامی بھائیوں نے اپنے فرائض کو نبھانے کے ساتھ ساتھ قرآن پاک درست مخارج کے ساتھ پڑھنے کے لئے مدرسۃ المدینہ بالغان میں داخلہ لے لیا۔

سکیورٹی ڈیپارٹمنٹ کے ذمہ دار اسلامی بھائیوں کا کہنا تھا کہ سکیورٹی ڈیپارٹمنٹ کے اسلامی بھائیوں کو مدرسۃ المدینہ بالغان پڑھنے کی ترغیب دلائی گئی جس پر ان اسلامی بھائیوں نے ڈیوٹی ٹائم میں ملنے والے آرام کے اوقات میں کچھ وقت نکال کرقرآن پاک کی تعلیم حاصل کرنے کے لئے دے دیا۔

22نومبر 2020ء کو دعوت اسلامی کے عالمی مدنی مرکز فیضان مدینہ کراچی سے براہ راست مدنی چینل پر پروفیشنلز اجتماع کا اہتمام کیا گیا جس میں کثیر تعداد میں پروفیشنلز حضرات نے شرکت کی۔

مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی نے ”اپنی سوچ بدلئے“ کے موضوع پر سنتوں بھرا بیان کیا۔ اس موقع پر نگران شوریٰ نے عقلمند کے متعلق حدیث پاک بیان کرتے ہوئے فرمایاکہ ” عقلمند وہ ہے جو متقی ہے اگر چہ دنیا میں بظاہر ذلیل و رُسوا ہو“، نگران شوریٰ نے مزید کہا کہ جہاں جتنی دیر رہنا ہے اس کے حساب سے اتنی ہی تیاری کرنی چاہیئے اور مسلمانوں کو ہر اس راستے سے بچنا چایئے جس سےایمان کمزور ہوجائے۔پروفیشنلز حضرات کے درمیان بیان کرتے ہوئے نگران شوریٰ نے فرمایا ہمیں اپنے کاموں کو اپنی پوری صلاحیت اور مہارت سے کرنی چاہیئے۔

18اکتوبر 2020ء کو M.P.Aفیصل حیات جبوانہ اور Focal personمحمد عثمان نے عالمی مدنی مرکز فیضان مدینہ کراچی کا دورہ کیا۔

شخصیات نے مختلف شعبہ جات کا وزٹ کرتے ہوئے مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی سے ملاقات کی۔ نگران شوریٰ نے انہیں دعوت اسلامی کے تحت دنیا بھر میں ہونے والی دینی و فلاحی خدمات کے بارے میں آگاہی فراہم کی اور مختلف امور پر تبادلہ خیال کیا۔