عالمی مدنی مرکز فیضان مدینہ کراچی میں 18 مارچ 2021ء کو ٹریننگ سیشن کا سلسلہ ہوا جس میں شعبہ مدنی چینل کےمختلف ڈیپارٹمنٹ کے اسٹاف نے شرکت کی۔

مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان کرتے ہوئے فرمایا کہ ہم اپنی اچھی زندگی گزارنے کے لئے بے شمارکوششیں کرتے رہتے ہیں وہیں ہمیں آخرت کے بارے میں بھی فکر کرنے چاہیئے کیونکہ آخرت کی زندگی ابدی ہے۔نگران شوریٰ نے شرکا کو نمازوں کی پابندی کرنے اور اس کی درستگی کے لئے شعبہ کورسز کے تحت ”فیضان نماز کورس“ کرنے کی ترغیب دلائی۔اس موقع پر رکن شوریٰ حاجی محمد امین عطاری بھی موجود تھے۔

مدرسۃ المدینہ سے حفظ کرنے والے اسلامی بھائیوں کا عالمی مدنی مرکز فیضان مدینہ کراچی میں 7 مارچ 2021ء کی شب سنتوں بھرا اجتماع ہوا جس میں مدرسۃ المدینہ کراچی ریجن کے حفاظ کرام، مدرسین، ناظمین اور دیگر عاشقان رسول نے شرکت کی۔

مرکزی مجلس شوریٰ نے نگران مولانا محمد عمران عطاری مَدَّظِلُّہُ الْعَالِی نے ”تلاوت قرآن کے فضائل“کے موضوع پر سنتوں بھرا بیان فرمایا اور شرکا کو زیادہ سے زیادہ قرآن پاک کی تلاوت کرنے کی ترغیب دلائی۔

4مارچ 2021ء کو دعوت اسلامی کے عالمی مدنی مرکز فیضان مدینہ کراچی میں قائم مرکزی جامعۃ المدینہ کے درجہ دورۃ الحدیث شریف میں تربیتی سیشن ہوا جس میں دورۃ الحدیث شریف کے طلبہ و اساتذۂ کرام  نے شرکت کی۔

ماہرِ امورِ تجارت مفتی علی اصغر عطاری نے مختلف موضوعات پر بیان کیا اور گفتگو کرتے ہوئے شرکا کی جانب سے ہونے والے سوالات کے جوابات دیئے۔

شعبہ مدنی کورسز دعوت اسلامی کے زیر اہتمام 4فروری 2021ء کو عالمی مدنی مرکز فیضان مدنی کراچی میں جاری  63 دن کےمدنی کورس کا اختتام ہوا۔ کورس کے اختتام پر تقسیم اسناد کا سلسلہ ہوا جس میں مرکزی مجلس شوریٰ کے رکن حاجی ابو ماجد محمد شاہد عطاری مدنی نے سنتوں بھرا بیان کیا اور شرکا کو اپنے اپنے علاقوں میں دینی کاموں کی دھومیں مچانے کی ترغیب دلائی۔

بیان کے بعد رکن شوریٰ نے کورس مکمل کرنے والے اسلامی بھائیوں میں اسناد بھی تقسیم کیں۔

پچھلے دنوں عالمی مدنی مرکز فیضان مدینہ کراچی میں قائم مرکزجامعۃ المدینہ کے درجہ دورۃ الحدیث شریف میں علمی نشست کا انعقاد کیا گیا  جس میں دورۃ الحدیث شریف کے طلبائے کرام نے شرکت کی۔

مرکزی مجلس شوریٰ کے نگران مولانا محمدعمران عطاری مَدَّظِلُّہُ الْعَالِی نے سنتوں بھرا بیان کیا اور طلبہ کو علمِ دین سیکھ کر اس کے حقوق پورا کرنے اور فارغ التحصیل ہونے کے بعد دینی کاموں کی دھومیں مچانے کا ذہن دیا۔

اس موقع پر اراکینِ مجلس جامعۃ المدینہ مولانا سید ساجد عطاری مدنی، استاذ الحدیث مولانا فہیم عطاری مدنی ، مولانا عارف عطاری مدنی اور دیگر ذمہ داران موجود تھے۔

گزشتہ روز یکم مارچ2021ء کو  دعوتِ اسلامی کے صحافتی شعبے ”دعوتِ اسلامی کے شب وروز“ کے اسلامی بھائیوں کا آن لائن مدنی مشورہ ہوا جس میں شب وروز ٹیم کے افراد نے رکنِ شوریٰ حاجی ابوماجد محمد شاہد عطاری مدنی کے ہمراہ عالمی مدنی مرکز فیضانِ مدینہ کراچی سے جبکہ نگرانِ پاکستان مشاورت حاجی محمد شاہد عطاری نے دیگر ذمہ داران کے ہمراہ مدنی مرکز فیصل آباد سے شرکت کی۔

مدنی مشورے میں نگرانِ پاکستان مشاورت حاجی محمد شاہد عطاری نے شعبے کے کاموں کا جائزہ لیا اور شعبے کے کاموں کو بہتر سے بہترین کرنے کے متعلق نکات فراہم کرتے ہوئے ارشاد فرمایا کہ ہر کام میں مزید بہتری کی گنجائش ہوتی ہے، ہمارا اصل مقصد دین کی خدمت کرنا ہے اور یہ فریضہ ہم جس قدر اچھے انداز سے نبھائیں گے اتنی برکات ہمیں نصیب ہوں گی۔

اس موقع پر باہمی مشاورت کا سلسلہ بھی ہوا کہ شعبہ شب وروز دعوتِ اسلامی کو مزید اسٹیبلش کس طرح کیا جائے؟

آن لائن مشورے کے بعد رکنِ شوریٰ حاجی ابو ماجد محمد شاہد عطاری نے شب وروز کے اسلامی بھائیوں کا مدنی مشورہ فرمایا اور نگرانِ پاکستان مشاورت کی جانب سے دیئے گئے اہداف کی تکمیل کے متعلق اسلامی بھائیوں کی رہنمائی فرمائی۔ 

Association Of Builders And Developers Of Pakistan کے چیئر مین فیاض الیاس کی دیگر شخصیات کے ہمراہ عالمی مدنی مرکز فیضانِ مدینہ کراچی آمد ہوئی۔ مدنی مرکز پہنچنے پر مجلسِ رابطہ کے ذمہ داران نے ان کو خوش آمدید کہا اور فیضانِ مدینہ میں قائم دعوتِ اسلامی کے مختلف ڈیپارٹمنٹس کا دورہ کروایا۔

اس موقع پر ایک کانفرنس کا اہتمام بھی کیا گیا جس میں دعوتِ اسلامی کی مرکزی مجلسِ شوریٰ کے نگران مولانا محمد عمران عطاری مَدَّظِلُّہُ الْعَالِی ، ترجمان دعوتِ اسلامی و رکنِ شوریٰ مولانا عبدالحبیب عطاری اور رکنِ شوریٰ حاجی علی عطاری نے بھی شرکت کی۔

شخصیات کو دعوتِ اسلامی کے دینی کاموں کے متعلق بریفنگ دی گئی جس پر انہوں نے اپنی نیک تمناؤں کا اظہار کیا۔

گزشتہ روز عالمی مدنی مرکز فیضان مدینہ کراچی میں شعبہ رابطہ برائے شوبز کے زیر اہتمام سنتوں بھرے اجتماع کا انعقاد کیا گیا جس میں کراچی میں مقیم شوبز کے فنکار اور دیگر افراد نے شرکت کی۔

مرکزی مجلس شوریٰ نے رکن مولانا حاجی عبد الحبیب عطاری نے سنتوں بھرا بیان کیا اور شرکا کو دعوت اسلامی کی دنیا بھر میں جاری دینی خدمات سے آگاہ کیا۔ رکن شوریٰ نے انہیں نیکی کی دعوت دی اور ہفتہ وار اجتماع و مدنی مذاکرے میں شرکت کرنے کی ترغیب دلائی۔

شعبہ پروفیشنلز ڈیپارٹمنٹ دعوت اسلامی کے زیر اہتمام 28 فروری 2021ء بروز اتوار بعد نماز ظہر عالمی مدنی مرکز فیضان مدینہ کراچی میں پروفیشنلز اجتماع کا انعقاد کیا جائیگا۔ پروفیشلز اجتماع میں مذہبی اسکالر و رکن شوریٰ مولانا حاجی عبد الحبیب عطاری ”Self - Accountability“ کے موضوع پر بیان فرمائیں گے۔

واضح رہے کہ اس پروفیشنلز اجتماع میں شرکت کرنے کے لئے مخصوص سیٹ Availableہیں جس کے لئے رجسٹرد ہونا ضروری ہے۔

رجسٹرڈ ہونے کے لئے نیچے دیئے گئے لنک پر کلک کیجئے:

madani.co\meetup

پچھلے دنوں  بلوچستان جت علاقے خضدار کی معروف قبائلی شخصیت میر ظفر اقبال گرگناڑی نے دعوتِ اسلامی کے عالمی مدنی مرکز فیضانِ مدینہ کراچی کا دورہ کیا جہاں مجلس رابطہ نے ذمہ داران نے انہیں خوش آمدید کہا۔ ذمہ داران نے انہیں مدنی مرکز میں موجود مختلف شعبہ جات کا وزٹ کروایا جن کو دیکھنے کے بعد انہوں نے تاثرات دیتے ہوئے کہاکہ آج مجھے یہاں آکر بہت خوشی ہوئی اور ایک روحانی سکون ملا۔ سب سے بڑی بات یہ کہ دعوت اسلامی کا نظام بہت ہی پیارا ہے ہر شعبہ مثالی ہےدینِ اسلام کی خدمت جس انداز سے کی جارہی ہے وہ قابلِ تعریف ہے۔ امیراہل سنت کی شب وروز کی محنت کا صلہ ہے کہ آج دعوت اسلامی دنیا بھر میں دین اسلام کا کام کررہی ہے ۔

اس موقع پر مجلس رابطہ برائے شخصیات کے ذمہ داران میں قلات ڈویژن کے عبدالشکور عطاری، ڈسٹرکٹ لسبیلہ کے ذمہ دار شیخ فیصل عطاری اور کراچی ریجن کےذمہ داران بھی موجودتھے ۔ (رپورٹ: مجلس رابطہ برائے شخصیات ڈسٹرکٹ لسبیلہ قلات ڈویژن)

پچھلے دنوں مفتی سید زاہد سراج قادری صاحب(جنرل سیکریٹری ادارہ تحقیقات امام احمد رضا کراچی)، مولانا نعمان کریم انصاری صاحب (خطیب جامع مسجد مدینہ قائد آباد ملیر کراچی) اور مولانا ندیم صدیقی قادری صاحب (مدرس و ناظم دار العلوم مدرسہ قادریہ رضویہ کراچی) کی عالمی مدنی مرکز فیضان مدینہ کراچی آمد ہوئی۔

ذمہ داران نے انہیں خوش آمدید کہا اور مدنی مرکز میں قائم اسلامک ریسرچ سینٹراور شعبہ مدنی چینل سمیت مختلف ڈیپارٹمنٹ کا دورہ کروایا۔

علمائے کرام نے عالمی مدنی مرکز سے دنیا بھر میں ہونے والے دینی کاموں کو سراہا اور اس میں مزید ترقی کے لئے دعائیں کیں۔

پچھلے دنوں دعوت اسلامی کے عالمی مدنی مرکز فیضان مدینہ کراچی میں سوشل میڈیا ڈیپارٹمنٹ کا مدنی مشورہ ہوا جس میں متعلقہ شعبے کے اسلامی بھائیوں نے شرکت کی۔

رکن شوریٰ حاجی مولانا عبد الحبیب عطاری نے مختصر بیان فرمایا جبکہ نگران مجلس سوشل میڈیا ڈیپارٹمنٹ حاجی بغداد رضا عطاری نے شرکا کی تربیت کی اور شعبے کو مزید ترقی کی طرف گامزن کرنے کے لئے مدنی پھول بیان کئے۔