معروف اداکار عمر شریف کے بیٹے جواد عمر کی 09 اکتوبر 2021ء کو دعوتِ اسلامی کے عالمی مدنی مرکز فیضانِ مدینہ کراچی آمد ہوئی۔ اس دوران نگرانِ مرکزی مجلسِ شوریٰ ^{(دعوتِ اسلامی)} مولانا حاجی عمران عطاری اور ترجمان دعوتِ اسلامی مولانا حاجی عبدالحبیب عطاری نے ان سے ملاقات کی۔

ملاقات کے دوران جواد عمر کا کہنا تھا کہ دعوتِ اسلامی کی ٹیم نے جس طرح میرے والد مرحوم کی آخری رسومات کی ادائیگی میں تعاون کیا ہے اور بڑھ چڑھ خدمات انجام دی ہیں اس پر شکریہ ادا کرنے کے لئے میرے پاس الفاظ نہیں ہیں،میں تہہ دل سے دعوتِ اسلامی کی ٹیم کا شکرگزار ہوں۔

نگرانِ شوریٰ نے جواد احمد کو عالمی مدنی مرکز کراچی میں ہونے والے بارہویں شب کے مرکزی اجتماعِ پاک میں شرکت کرنے کی دعوت دی جس پر جواد احمد نے بارہویں رات فیضانِ مدینہ میں منانے کی نیت کا اظہار کیا۔

اس کے بعد نگرانِ شعبہ رابطہ برائے شوبز سید عارف الحسن عطاری نے جواد احمد کو مدنی چینل کے بیورو کا وزٹ کروایا اور دعوتِ اسلامی کی خدمات سے آگاہی فراہم کی۔ اس موقع پر دعوتِ اسلامی کے فلاحی ڈیپارٹمنٹ FGRF کے نگران محمد شفاعت علی عطاری بھی موجود تھے۔

واضح رہے کہ عمر شریف کا 2 اکتوبر 2021ء کو جرمنی کے نورنبرگ کے ایک ہسپتال میں 61 سال کی عمر میں انتقال ہوا تھا، مرحوم کی نمازِ جنازہ مولانا بشیر فاروقی صاحب نے پڑھائی جبکہ تدفین مزار مبارک حضرت سیدنا عبداللہ غازی رحمۃ اللہ علیہ کے احاطے میں کی گئی۔مرحوم کا سوئم(تیجہ) 08 اکتوبر کو گلشن اقبال میں ہوا تھا جس میں ترجمان دعوتِ اسلامی مولانا حاجی عبدالحبیب عطاری نے سنتوں بھرا بیان کیا تھا۔

دعوت اسلامی کے شعبہ ائمہ مساجد کے زیر اہتمام عالمی مدنی مرکز فیضان مدینہ کراچی میں تربیتی سیشن کا سلسلہ ہوا جس میں ائمہ کرام نے شرکت کی۔

رکن شوریٰ حاجی محمد امین عطاری نے سنتوں بھرا بیان فرمایا اور مختلف امور پر شرکا کی تربیت فرمائی۔ اس موقع پر رکن شوریٰ حاجی محمد علی عطاری بھی موجود تھے۔ (Content: Mohammad Hussain Attari)

دعوت اسلامی کے شعبہ نیو سوسائٹی ڈیپارٹمنٹ کے تحت گلشن معمار کے بلڈرز  نے عالمی مدنی مرکز فیضان مدینہ کراچی کا وزٹ کیا۔

بلڈر حضرات نے فیضان مدینہ میں قائم مختلف ڈیپارٹمنٹس کا وزٹ کیا اور اراکین شوریٰ حاجی مولانا عبد الحبیب عطاری، حاجی امین قافلہ عطاری اور حاجی محمد علی عطاری سے ملاقات کی۔رکن شوریٰ حاجی مولانا عبد الحبیب عطاری نےشعبہ نیو سوسائٹی کےقیام کا مقصد اور اس کےتحت ہونے والے دینی کاموں کا تعارف پیش کیا۔ آخر میں بلڈرز نے دعوت اسلامی کے دینی و فلاحی کاموں کا سراہا اور نیک خواہشات کا اظہار کیا۔ (Content: Mohammad Hussain Attari)

محسن فوڈز Mohsin Foodsکے عہدیداران کی عالمی مدنی مرکز فیضان مدینہ کراچی آمد ہوئی۔

اسلامی بھائیوں نے فیضان مدینہ میں مختلف ڈیپارٹمنٹس کا وزٹ کیا اور رکن شوریٰ حاجی محمد امین عطاری سے ملاقات کی۔ رکن شوریٰ نے انہیں دعوت اسلامی کے تحت ہونے والے دینی و فلاحی کاموں پر بریفنگ دی۔

محسن فوڈز کے عہدیداران نے دعوت اسلامی کی خدمات کو سراہا اور خوشی کا اظہار کیا۔ (Content: Mohammad Hussain Attari)

دعوتِ اسلامی کے عالمی مدنی مرکز فیضانِ مدینہ کراچی میں مجلس مدنی چینل کی جانب سے 7 ستمبر 2021ء کو مدنی چینل کے علمی و تحقیقی شعبہ جات کے علمائے کرام، اسکرپٹ رائٹرز اور دیگر مدنی عملہ کا پروفیشنل ٹریننگ سیشن ہوا جس میں  مدنی چینل کے پروگرامز کو شرعی اعتبار سے فائنل کرنے والے مفتشین اسلامی بھائیوں نے شرکت کی۔

تربیتی سیشن میں ماہنامہ فیضانِ مدینہ کے ناظمِ اعلیٰ اور نائب مدیر مولانا راشد علی عطاری مدنی نے شرکا کی ٹریننگ کی۔ سیشن میں جدید ٹیکنالوجی کو استعمال کرتے ہوئے کم وقت میں زیادہ سے زیادہ تحریری و تحقیقی کام کرنے کے جدید ٹولز زیر بحث لائے گئے، قرآنی آیات اور احادیث کی سیکنڈز میں سرچنگ کا طریقہ، قرآن و حدیث اور دیگر عنوانات پر سینکڑوں متنوع موضوعات بنانے کے طریقے بیان ہوئے اور سینکڑوں موضوعات پر منٹوں میں کثیر مواد جمع کرنے کے لئے جدید ٹیکنالوجی کا استعمال سکھا یا گیا۔ 

دعوتِ اسلامی کے عالمی مدنی مرکز فیضانِ مدینہ کراچی میں مجلس مدنی چینل کی جانب سے 7 ستمبر 2021ء کو مدنی چینل کے علمی و تحقیقی شعبہ جات کے علمائے کرام، اسکرپٹ رائٹرز اور دیگر مدنی عملہ کا پروفیشنل ٹریننگ سیشن ہوا جس میں  مدنی چینل کے پروگرامز کو شرعی اعتبار سے فائنل کرنے والے مفتشین اسلامی بھائیوں نے شرکت کی۔

تربیتی سیشن میں ماہنامہ فیضانِ مدینہ کے ناظمِ اعلیٰ اور نائب مدیر مولانا راشد علی عطاری مدنی نے شرکا کی ٹریننگ کی۔ سیشن میں جدید ٹیکنالوجی کو استعمال کرتے ہوئے کم وقت میں زیادہ سے زیادہ تحریری و تحقیقی کام کرنے کے جدید ٹولز زیر بحث لائے گئے، قرآنی آیات اور احادیث کی سیکنڈز میں سرچنگ کا طریقہ، قرآن و حدیث اور دیگر عنوانات پر سینکڑوں متنوع موضوعات بنانے کے طریقے بیان ہوئے اور سینکڑوں موضوعات پر منٹوں میں کثیر مواد جمع کرنے کے لئے جدید ٹیکنالوجی کا استعمال سکھا یا گیا۔ 

دعوتِ اسلامی کے عالمی مدنی مرکز فیضانِ مدینہ کراچی میں گزشتہ روز تخصصات کے طلبہ کا سنتوں بھرا اجتماع ہوا جس میں کراچی کے طلبہ نے  عالمی مرکز میں جمع ہوکر جبکہ ملک بھرمیں زیرِ تعلیم تخصص فی الفقہ ، تخصص فی الحدیث اور تخصص فی الامامت کے طلبہ نے بذریعہ انٹرنیٹ بیان میں شرکت کی۔

اجتماعِ پاک میں دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری مَدَّظِلُّہُ الْعَالِی نے خصوصی بیان فرمایا اور طلبہ کی شرعی، تنظیمی اور اخلاقی تربیت فرمائی۔

اس موقع پر رکنِ مجلس جامعۃ المدینہ و استاذالحدیث مولانا فہیم عطاری مدنی بھی موجود تھے۔ 

دعوت اسلامی کے تحت عالمی مدنی مرکز فیضان مدینہ کراچی میں ذمہ داران کا مدنی مشورہ ہوا جس میں کراچی ریجن کے تمام ذمہ داران نے شرکت کی۔

اراکین شوریٰ حاجی محمد امین عطاری، حاجی محمد علی عطاری اور حاجی محمد امین قافلہ عطاری نے ”یومِ دعوت اسلامی “ کے تعلق سے بھر پور تیاری کرنے کا ذہن دیا اور اس حوالے سے شرکا کی تربیت فرمائی۔ (Content: Mohammad Hussain Attari)

25 اگست 2021ء کو عالمی مدنی مرکز فیضان مدینہ کراچی میں سوشل میڈیا ڈیپارٹمنٹ کے ذمہ داران کا مدنی مشورہ ہوا جس میں  دعوتِ اسلامی کی سوشل میڈیا ٹیم نے شرکت کی۔

مشورے میں دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری نے شعبے سے متعلق مختلف امور پر گفتگو فرمائی اور یومِ دعوتِ اسلامی منانے کے حوالے سے تبادلہ خیال کیا۔ 

دعوت اسلامی کے تحت 22 اگست 2021ء کو عالمی مدنی مرکز فیضان مدینہ کراچی میں شعبہ نیو سائٹی کا مدنی مشورہ ہوا جس میں کراچی ریجن شعبہ نیو سائٹیز ڈیپارٹمنٹ کے اسلامی بھائیوں نے شرکت کی۔

اراکین شوریٰ حاجی محمد امین عطاری اور حاجی محمد علی عطاری نے شرکا کی تربیت فرمائی اور نیو سائٹی میں مساجد کے لئے پلاٹ خریدنے اور دینی کام کرنے پر گفتگو کی۔ مدنی مشورے میں آئندہ کے اہداف دیئے گئے۔ (Content: Mohammad Hussain Attari)

مجلس جامعۃ المدینہ کے زیرِ اہتمام دعوتِ اسلامی کے عالمی مدنی مرکز فیضانِ مدینہ کراچی میں آج مؤرخہ 24 اگست 2021ء کو   تمام جامعات المدینہ کے طلبہ و اساتذہ کرام کا سنتوں بھرا اجتماع ہوا جس میں دعوتِ اسلامی کی مرکزی مجلسِ شوریٰ کے نگران مولانا حاجی عمران عطاری مُدَّظِلُّہُ الْعَالِی نے سنتوں بھرا بیان فرمایا۔

طلبہ و اساتذہ کرام میں بیان کرتے ہوئے نگران شوریٰ نے فرمایا کہ سنجیدہ طالبِ علم اپنی پڑھائی کی ذمہ داری کو سمجھتا ہے، وہ کسی سے شکایت نہیں کرتا کیونکہ اسے کسی سے شکایت ہوتی ہی نہیں ہے۔ انہوں نے کہا کہ طلبہ کو چاہیئے کہ اپنی کلاس میں چاق و چوبند (Alert) رہیں، چاق و چوبند رہنے کا سب سے پہلا طریقہ کار یہ ہے کہ آپ کی نیند پوری ہونی چاہئے اور دوسرا یہ کہ آپ کا سبق تیار ہونا چاہئے۔

حاجی عمران عطاری نے مزید کہا کہ جو طالب علم اپنے ادارے کے نظم و ضبط کی قدر کرتا ہے تو اس طالب علم کی بھی قدر کی جاتی ہے۔طالب علم پڑھنے آیا ہے اس لئے اسے ذاتی معاملات کے حوالے سے کلاس میں باتیں ڈِ سکس نہیں کرنی چاہئیں۔

مزید مدنی پھول ملاحظہ کیجئے:

٭جس کی سبق کی تیاری ہوتی ہے اسے استاد کا سبق سمجھ میں آرہا ہوتا ہے۔ جس کی نہیں ہوتی وہ دوسرے کو بھی نہیں پڑھنے دیتا۔

٭اپنی کمزوری و نااہلی ہمیں ٹینشن میں مبتلا کرتی ہے۔

٭آپ پڑھنے کے لئے آئے ہیں اپنی پڑھائی سے تعلق رکھیں۔

٭میرا کیا ہوگا یہ نہ سوچیں۔ یہ سوچیں کے ہونا کیا چاہیئے۔

٭جس کی سوچ ایسی ہوگی اس کی سوچ بلند ہوگی۔

٭ حضرت علی رضی اللہ عنہ کے خطبے میں یہ بات ذکر کی گئی ہے کہ "آدمی اپنے ہنر سے ہی آدمی بنتا ہے"

٭ آپ اپنی مہارت (skills) پر دھیان دیجئے۔

٭آپ مثبت کی طرف آئیں۔ منفی کی طرف مت جائیں۔

٭آپ کبھی بھی یہ نہ سوچیں میری کیوں نہیں مانی گئی؟ مجھ سے پوچھا کیوں نہیں گیا؟ ایسے لوگ کبھی بھی اچھے مشیر اور کامیاب فرد نہیں بن سکتے۔

٭کئی لوگ اپنے منفی مزاج کی وجہ سے ترقی نہیں کرپاتے۔

٭یہ اپنے آپ سے سوال کریں کہ کیا میرے ساتھ رہنا آسان نہیں ہے؟ کیا میں باتیں بہت کرتا ہوں؟

٭آپ اپنے دیگر طالب علم پر غالب آنے کی کوشش نہ کریں

٭بندہ جاہل کب ہوتا ہے؟ جب طالب علم نہیں رہتا۔

٭ایک دوسرے کی عزت کریں۔

٭شکایت کو اپنی رائے میں بدل دیں۔ شکایت کو مشورے میں بدل دیں۔ شکایات کو تجاویز میں تبدیل کردیں۔

٭موبائل ہمیشہ بند کردیا کریں جب پڑھائی کے لئے آئیں۔

٭اصول بنائے اس لئے جاتے ہیں کہ آپ ارتقائی مراحل میں آجائیں۔ جہاں اصول نہیں ہوتے ،نظم و ضبط نہیں ہوتا وہاں حادثاتی حالات پیدا ہوجاتے ہیں۔

٭ضابطہ بند سوچ انسان کو ترقی دیتی ہے۔ منتشرالمزاج نہ بنیں۔

٭تجربہ کار لوگوں سے مشورہ کریں۔

٭دعوت اسلامی کو چالیس سال مکمل ہورے ہیں۔ دعوت اسلامی کے بارے میں ہم سب کو معلومات ہونی چاہیئے۔ دعوت اسلامی کا current status ہمارے علم میں ہونا چاہیئے۔

دعوت اسلامی کے عالمی مدنی مرکز فیضان مدینہ کراچی میں 8 اگست 2021ء کو مدنی مشورہ ہوا جس میں مدنی چینل کے مبلغین نے شرکت کی۔

مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی نے شرکا کی تربیت کی اور مدنی چینل کے پروگرام اور اس میں ہونے والے بیانات کے متعلق مدنی پھول بیان فرمائے۔ (Content: Mohammad Hussain Attari)