3اکتوبر 2020ء کو دعوت اسلامی کے عالمی مدنی مرکز فیضان مدینہ کراچی میں قائم درجہ دورۃ الحدیث شریف میں سنتوں بھرا اجتماع ہوا جس میں دورۃ الحدیث شریف کے طلبائے کرام نے شرکت کی۔ مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیااور علم دین سیکھنے کے ساتھ ساتھ اس پر عمل کرنے کی ترغیب دلائی۔

تجارت ایک ایسا شُعْبہ ہے جو ہر ملک میں رِیڑھ کی ہڈی کی حَیثیَّت رکھتا ہے، بلکہ کئی ملکوں کی مَعِیْشت کا اِنْحِصار و  مَدار ہی تِجارت پر ہے۔ عاشقانِ رسول کی مدنی تحریک دعوتِ اسلامی کے زیر اہتمام وقتاً فوقتاً تاجر حضرات کےلیے مختلف کورسز منعقد ، تربیتی سیشنز اور اجتماعات منعقد کئے جاتے ہیں ۔ اسی سلسلے میں ان شاء اللہ کل4 اکتوبر بروز اتوار دوپہر 3 بجے بذریعہ مدنی چینل براہِ راست تاجر اجتماع ہوگا جس میں دعوتِ اسلامی کی مرکزی مجلس شوریٰ کے نگران حضرت مولانا ابو حامد محمد عمران عطاری مدظلہ العالی سنتوں بھرا بیان فرمائیں گے۔

آپ بھی مدنی چینل کے ذریعے اس اجتماع میں شریک ہوں اور علم دین کا ذخیرہ حاصل کریں ۔

پچھلے دنوں عالمی مدنی مرکز فیضان مدینہ کراچی میں اتحاد اطباء سندھ کے صدر حکیم رانا وزیر شاہی، چیئرمین اتحاداطباء سندھ حکیم رانا ندیم شاہی، سینئر نائب صدر اتحاد اطباء پاکستان حکیم امیر علی ساہولی، سینئر نائب صدر سندھ حکیم سردار ساجد وٹو، نائب صدر اتحاد اطباء سندھ حکیم عبد القادر اور سٹی صدر کراچی حکیم حافظ احسان علی کی آمد ہوئی ۔ اس موقع پر ذمہ داران نے انہیں خوش آمدید کہا جبکہ شخصیات نے رکن شوریٰ قاری سلیم عطاری سے ملاقات کی اور مدنی حلقے کا سلسلہ ہوا۔ رکن شوریٰ نے انہیں ملتان میں حکیم حضرات کا  سیمینار کروانے کا ذہن دیا۔ اختتام پر ذمہ داران نے شخصیات کو مختلف کتب و رسائل تحفے میں پیش کی۔ 

دعوت اسلامی کے تعلیمی شعبے فیضان ویک اینڈ اسلامک اسکول کے اسلامی بھائیوں کا مدنی مشورہ ہوا ۔

مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے عالمی مدنی مرکز فیضان مدینہ کراچی سے بذریعہ ویڈیو لنک شرکا کی تربیت کی اور تعلیمی امور کے حوالے سے مدنی پھول دیئے۔

واضح رہے دعوت اسلامی نے بچوں کو اسکول کے چھٹی والے اسلامی تعلیمات سے آراستہ کرنے کے لئے ایک شعبہ بنام ”فیضان ویک اینڈ اسلامک اسکول“ قائم کیا ہوا ہے جس کی مختلف ممالک میں برانچز قائم ہے ۔

دعوت اسلامی کے عالمی مدنی مرکز فیضان مدینہ کراچی میں مدنی مشورہ ہوا جس میں کور مجلس دار المدینہ اور اراکین مجلس دار المدینہ نے شرکت کی۔ مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے شرکا کی تربیت کی اور شعبے کے حوالے سے مدنی پھول دیئے۔

اس موقع پر مولانامحمد کفیل رضاعطاری مدنی اور رکن شوریٰ حاجی محمد اطہر عطاری بھی موجودتھے۔

دعوت اسلامی کی مجلس جامعۃ المدینہ کے  زیر اہتمام 9 ستمبر 2020ء کو عالمی مدنی مرکز فیضان مدینہ کراچی میں سنتوں بھرا اجتماع ہوا جس میں جامعات المدینہ کراچی کے اساتذہ اور ناظمین نے شرکت کی۔

مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان کیا جبکہ رکن شوریٰ مولانا حاجی عبد الحبیب عطاری نے جامعات المدینہ کے انتظامات کو مزید بہتر کرنے کے حوالے سے گفتگو کی۔ 

دعوت اسلامی کے عالمی مدنی مرکز فیضان مدینہ کراچی میں مدنی مشورہ ہوا جس میں مکتبۃ المدینہ اور مکتبۃ العربیہ کے اسلامی بھائیوں نے شرکت کی۔ مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے ذمہ داران کی تربیت فرمائی اور شعبے کے حوالے سے مدنی پھول دیئے۔

دعوت اسلامی کی مجلس مدنی قافلہ کے تحت عالمی مدنی مرکزفیضان مدینہ کراچی مدنی مشورہ ہوا جس میں کراچی ریجن کے زون ذمہ داران نے شرکت کی۔ مرکزی مجلس شوریٰ کے رکن حاجی امین قافلہ نےمدنی قافلےمیں سفر کرنےاورکروانے کے حوالے سے ذمہ داران کی رہنمائی فرمائی۔ رکن شوریٰ نے انہیں مکمل لاک ڈاؤن ختم ہوتے ہی ایک ایک ماہ کے مدنی قافلے سفر کروانے کے حوالے سے اہداف مقرر کئے۔ مدنی مشورے میں ذیلی سطح تک تقرری کا جائزہ بھی لیاگیا اور ذیلی سطح تک کے تمام مدنی قافلہ ذمہ داران کو فعال کرنے کے حوالے سے بھی گفتگو ہوئی۔

دعوت اسلامی کے عالمی مدنی مرکز فیضان مدینہ کراچی میں تربیت کا سلسلہ ہوا جس میں مدنی چینل کے اجیر اسلامی بھائیوں نے شرکت کی۔ مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی اور رکن شوریٰ مولانا حاجی عبد الحبیب عطاری نے شرکا کی تربیت فرمائی۔ دوران تربیت نگران شوریٰ نے مدنی چینل کی مزید بہتری کے لئے گفتگو بھی کی۔

دعوت اسلامی کے عالمی مدنی مرکز فیضان مدینہ کراچی 6 ستمبر 2020ء کو مدنی مشورہ ہوا جس میں کراچی ریجن مشاورت، زون مشاورت اور نگران مجلس ویلفیئرسمیت دیگر ذمہ داران نے شرکت کی۔ نگران شوریٰ مولانامحمد عمران عطاری مَدَّظِلُّہُ الْعَالِی نے کراچی میں ہونے والے فلاحی کاموں کے حوالے سے کلام کیا اور مدنی کاموں کے حوالے سے گفتگو کی۔

اس موقع پر اراکین شوریٰ حاجی محمد امین عطاری، حاجی محمد فضیل عطاری، حاجی امین قافلہ اور حاجی محمد علی عطاری سمیت دیگر ذمہ داران شریک تھے۔

آج یکم ستمبر 2020ءکی صبح گورنر پنجاب چوہدری محمد سرور نے بزنس کمیونٹی کے ہمراہ دعوتِ اسلامی کے عالمی مدنی فیضانِ مدینہ کراچی کا وزٹ کیا۔ نگرانِ شوریٰ مولانا محمد عمران عطاری نے ان کا استقبال کیا اور مدنی مرکز میں قائم مختلف ڈیپارٹمنٹس کا دورہ کروایا۔

نگرانِ شوریٰ نے چوہدری سرور کو شدید بارشوں کے سبب ہونے والی تباہی پر دعوت اسلامی ویلفیئر ٹرسٹ کے تحت ہونے والے کاموں پر پریزنٹیشن دی جس پر ان کا کہنا تھا کہ کہ شدید بارش، کرونا وائرس اور تھلیسیمیا متاثرین کے لئے دعوت اسلامی نے مثالی خدمات انجام دی ہیں۔ اس موقع پر ترجمان دعوتِ اسلامی مولانا عبدالحبیب عطاری، رکنِ شوریٰ حاجی اطہر عطاری اور مجلسِ رابطہ کے دیگر ذمہ داران بھی موجود تھے۔

حالیہ بارش سے کراچی سمیت اندرون سندھ میں لوگوں کا کافی جانی اور مالی نقصان ہوا ۔ دعوت اسلامی ویلفیئر ٹرسٹ مصیبت کی اس  گھڑی میں پریشان حال لوگوں کے شانہ بشانہ کھڑی رہی ۔ مجلس ویلفیئر ٹرسٹ نے جو علاقے بارش کی وجہ سے زیر آب آچکے ہیں وہاں جاکر امدادی کروائیاں کی اور مصیبت زدہ لوگوں میں پکے ہوئے کھانے تقسیم کئےگئے۔ اَلْحَمْدُ لِلّٰہِ عَزَّ وَجَلَّ ابھی تک یہ سلسلہ جاری ہے اور زیر آب علاقوں میں کھانے پہنچائے جارہے ہیں۔

اسی سلسلے میں عالمی مدنی مرکز فیضان مدینہ کراچی میں مدنی مشورہ ہوا جس میں اراکین شوریٰ حاجی محمد امین عطاری، حاجی محمد اطہر عطاری اور نگران مجلس دعوت اسلامی ویلفیئر شفاعت علی عطاری سمیت دیگر ذمہ داران نے شرکت کی۔ نگران شوریٰ مولانا محمد عمران عطاری مَدَّظِلُّہُ الْعَالِی نے ویلفیئر کے فلاحی کاموں کا جائزہ لیااور انسانیت کی غمخواری کے حوالے سے گفتگو کی۔

مدنی مشورے میں نگران شوریٰ کا کہنا تھا کہ حالیہ بارش میں جن کے گھروں کو نقصان پہنچا ہے اِنْ شَآءَ اللہ عَزَّ وَجَلَّ دعوت اسلامی ویلفیئر ان کی مدد کی بھر پور کوشش کرے گی۔

دعوت اسلامی ویلفیئر ٹرسٹ نے بارش سے متاثرہ علاقوں میں مدد حاصل کرنے کے لئے اپنے Contactنمبرز بھی جاری کئے ہیں

03171262399 - 02137170026 - UAN#021111252692