دعوتِ اسلامی کے عالمی مدنی مرکز فیضان مدینہ کراچی میں 27 جنوری 2024ء کو عظیم الشان ”اجتماع ختم بخاری شریف“ کا انعقاد کیا گیا جس میں ملک کے مختلف شہروں سے تعلق رکھنے والے طلبائے کرام نے شر کت کی جبکہ اجتماع ختم بخاری کو ملک و بیرون مدنی چینل پر مختلف مقامات پر دیکھا گیا۔

اجتماع ختم بخاری میں خلیفہ امیر اہلسنت، مفتیانِ کرام، نگرانِ شوریٰ و اراکین شوریٰ اور دیگر عاشقانِ رسول بھی موجود تھے۔ اجتماع کا باقاعدہ آغاز تلاوتِ قرآن پاک اور نعتِ رسول مقبول صلَّی اللہ علیہ واٰلہٖ وسلَّم سے ہوا۔

ختم بخاری شریف کے اجتماع میں استاذ الحدیث مفتی محمد حسان عطاری مدنی مُدَّ ظِلُّہُ العالی نے ”بخاری شریف“ اور امام بخاری کی سیرتِ مبارکہ پر روشنی ڈالی اور طلبہ کے سامنے مزید علم حاصل کرنے کے فضائل و آداب پر بیان کیا۔

شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے تقریب میں بخاری شریف کی آخری حدیث پڑھ کر سنائی اور طلبہ کو خاص نصیحت کرتے ہوئے فرمایا کہ درسِ نظامی (عالم کورس) کرنے کے بعد علم دین کا یہ سلسلہ رکنا نہیں چاہیے بلکہ اس کو جاری رکھا جائے۔ آپ نے مزید کہا کہ رمضان المبارک کی آمدآمد ہے میری خواہش ہے کہ طلبائے کرام ایک کا ماہ اعتکاف کریں۔

گزشتہ  دنوں دعوت اسلامی کے تحت عالمی مدنی مرکز فیضان مدینہ کراچی میں اوورسیز اسلامی بھائیوں کا اجتماع ہوا جس میں 52 ممالک کے اسلامی بھائیوں نے شرکت کی ۔

فیضانِ مدینہ تربیتی اجتماع میں آئے ہوئے ساؤتھ کوریا اور سری لنکا کے اسلامی بھائیوں کے درمیان سیکھنے سکھانے کے حلقے کا انعقاد ہوا جس میں رکنِ شوریٰ حاجی محمد امین عطاری نے انہیں ان کے ممالک میں دینی کام کرنے کے حوالے سے تربیتی نکات بتائے اور اہداف بھی دیئے جس پر انہوں نے اچھے جذبات کا اظہار کیا۔(کانٹینٹ:رمضان رضا عطاری)

دعوتِ اسلامی کے زیرِ اہتمام  پچھلے دنوں عالمی مدنی مرکز فیضان مدینہ کراچی میں مدنی مشورہ منعقد ہوا جس میں ڈسٹرکٹ اور ٹاؤن نگران سمیت سٹی شعبہ ذمہ داران نے شرکت کی۔

مرکزی مجلس شوریٰ کے رکنِ و نگرانِ کراچی سٹی حاجی فضیل عطاری نے مدنی مشورہ لیاجس میں اسلامی بھائیوں کو 12 دینی کام کرنے کے حوالے سے اپڈیٹ نکات فراہم کئے اور تقرریاں مکمل کرنے کا ذہن دیا جس پر انہوں نے اچھی اچھی نیتیں کیں۔(کانٹینٹ:رمضان رضا عطاری)

2 نومبر  2023ء کو عالمی مدنی مرکز فیضان مدینہ کراچی میں ہفتہ وار سنتوں بھرے اجتماع کا انعقاد ہوا جس میں مختلف ملکوں سے مدنی قافلے میں آئے ہوئے عاشقانِ رسول ،مدرسۃ المدینہ و جامعۃ المدینہ بوائز کے اساتذۂ کرام اور طلبہ سمیت مختلف علاقوں کے اسلامی بھائیوں نے شرکت کی ۔

اجتماع کا آغاز حسب معمول تلاوتِ قرآن ِ پاک و نعت رسول مقبول صلَّی اللہ علیہ واٰلہٖ وسلَّم سے ہوا۔ بعدازاں نگران شوریٰ مولانا حاجی محمد عمران عطاری مدظلہ العالی نے سنتوں بھرا بیان کیاجس میں شرکا کو اولیا کرام رحمۃ اللہ علیہم کی زندگی کے مطابق اپنی زندگیاں گزارنے کا ذہن دیا نیز نمازوں کی پابندی کرنے،مدنی قافلوں میں سفر کرنے اور درودِ پاک پڑھنے کی ترغیب بھی دلائی جس پر اسلامی بھائیوں نے اچھی اچھی نیتیں کیں ۔

٭ ہفتہ وار سنتوں بھرے اجتماع میں اسلامی بھائیوں کو شب جمعہ کے درود پاک پڑھائے گئے۔ ذکرُاللہ،دعا اور صلوۃ وسلام کا سلسلہ بھی ہوا۔(کانٹینٹ:رمضان رضا عطاری)

دعوتِ اسلامی کے انٹرنیشنل افیئرز ڈیپارٹمنٹ کے تحت عالمی  مدنی مرکز فیضانِ مدینہ کراچی میں اورسیز کے رہائشی اسلامی بھائیوں کے درمیان سات دن کا سنتوں بھرا اجتماع ہوا جس میں تقریباً 52 ممالک کے اسلامی بھائیوں نے شرکت کی ۔

تفصیلات کے مطابق اجتماع کے ساتوں دنوں میں امیر اہلسنت دامت برکاتہم العالیہ، نگرانِ شوریٰ، اراکین شوریٰ، مفتیان کرام اور مبلغین دعوت اسلامی کے بیانات ہوئے۔

٭بعدنماز فجر اور بعد نماز عصر سیکھنے سکھانے کے حلقوں کا اہتمام کیا گیاجس میں اورسیز سے آئے ہوئے مقامی مبلغین نے اپنے اپنے ممالک کے اسلامی بھائیوں کو آخری پارے کی سورتوں تفاسیر،درودِ ابراہیم ،نماز کی شرائط کے بارے میں بیان کیا۔اس کے علاوہ زندگی کے روز مرہ معاملات کے متعلق سنتیں اور آداب بھی سکھائے گئے۔

٭دوسری جانب اورسیز اسلامی بھائیوں کی دعوت اسلامی کی مرکزی مجلسِ شوریٰ کے رکن محمد امین عطاری مدنی قافلہ نے بھی دینی کام کرنے کے حوالے سے تربیت کی جس میں رکنِ شوریٰ نے اسلامی بھائیوں کو مدنی قافلہ تیار کرنے اور سفر کروانے کے متعلق رہنمائی کی۔اس دوران رکن شوریٰ حاجی محمد امین عطاری بھی موجود تھے۔

٭فیضان مدینہ میں آنے والے اورسیز اسلامی بھائیوں نے حصول علم دین کے لئے ہفتے کے روز عمومی مدنی مذاکرے میں شرکت کی جہاں اَمِیْرِاَہْلِ سُنّت دامت برکاتہم العالیہ نے علم دین سے بھرپور مدنی پھولوں سے نوازا اور اسلامی بھائیوں کے سوالات کے اپنے علم و حکمت بھرے انداز میں جوابات بھی ارشاد فرمائے ۔

٭امیر اہل ِ سنت علامہ محمد الیاس عطاری قادری کا مزید قرب پانے کے لئے اسلامی بھائیوں نے خصوصی مدنی مذاکرے میں بھی شرکت کی اور وہاں خلیفۂ امیر اہلِ سنت مولانا حاجی عبید رضا عطاری مدنی ا ور امیر اہل سنت سے ملاقاتیں بھی کی ۔(کانٹینٹ:رمضان رضا عطاری)

دعوتِ اسلامی کے تحت عالمی مدنی مرکز فیضانِ مدینہ کراچی میں عاشقان میلاد  کے درمیان سیکھنے سکھانے کے حلقے کاانعقاد ہوا جس میں رکنِ شوریٰ حاجی وقار المدینہ عطاری نے ’’فکر آخرت ‘‘کے موضوع بیان کیا۔

دورانِ بیان رکنِ شوریٰ نے عاشقان میلاد کو نیکیاں کرنے اور گناہوں سے بچنے کی ترغیب دلائی نیز انہیں دعوت اسلامی کے12 دینی کاموں میں عملی طور پر شرکت کرنے کا ذہن دیا۔(کانٹینٹ:رمضان رضا عطاری)

عالمی  مدنی مرکز فیضانِ مدینہ کراچی میں 21 ستمبر 2023ء کو مدرسۃ المدینہ بوائز کراچی سٹی کے ناظمین کا مدنی مشورہ ہوا جس میں نگرانِ کراچی سٹی و رکنِ شوریٰ حاجی محمدفضیل عطاری نے شرکا کی تربیت کرتے ہوئے انہیں محبت مرشد کے حوالے سےمدنی پھول پیش کئے ۔

علاوہ ازیں نگرانِ کراچی سٹی نے اسلامی بھائیوں کو ٹیلی تھون مہم میں حصہ لینے کا ذہن دیا اور انہیں اس حوالے سے بھر پور کوشش کرنے کی ترغیب دلائی جس پر انہوں نے اچھی اچھی نیتیں کیں۔اس موقع پر مدرسۃ المدینہ بوائز ذمہ دارسیددانش عطاری بھی موجودتھے۔ (کانٹینٹ:رمضان رضا عطاری)

دعوت اسلامی کے عالمی مدنی مرکز فیضان کراچی میں کراچی سٹی کے ذمہ داران کا مدنی مشورہ ہوا جس میں کراچی سٹی کے تمام  ڈسٹرکٹ ذمہ داران نے شرکت کی۔

رکن شوریٰ حاجی فضیل عطاری نے شرکا کی تربیت کی اور دینی کاموں کا جائزہ لینے ہوتے مختلف امور پر رہنمائی فرمائی۔ اس موقع پر ڈویژن نگران مولانا حاجی رضا عطاری مدنی بھی موجود تھے۔

ٹرانسلیشن ڈیپارٹمنٹ (دعوت اسلامی) کے تحت 16 اگست 2023ء کو عالمی مدنی مرکز فیضان مدینہ کراچی میں ٹریننگ سیشن کا انعقاد کیا گیا جس میں شعبے کے تمام ٹرانسلیٹرز نے شرکت کی۔

پروفیسر عبد الماجد عطاری نے ” How to improve the Quality of translation“ پر گفتگو کرتے ہوئے کہا کہ ٹرانسلیٹ کرتےوقت ہمیں یہ خیال رکھنا ضروری ہے کہ ہمارا ترجمہ لینگویج اور شرعی اعتبار سے درست ہو اور ترجمہ نگاری کے لئے باصلاحیت اور اہل افراد کا انتخاب کیا جائے۔پروفیسر صاحب نے مزید کہا کہ ترجمہ کرتے وقت ہمیں پورے انہماک، شوق و لگن کے ساتھ اس ذمہ داری کو نبھانا ہے۔ انہوں نے ٹرانسلیٹر کی رہنمائی کرتے ہوئے کہا کہ لفظ کا لفظ سے نہیں بلکہ مفہوم کامفہوم سے ترجمہ کریں، ترجمہ شروع کرنے سے پہلے پورے مضمون کو ایک بار غور سے پڑھ لیں اور ٹرانسلیٹ کرتے وقت اس بات کا خیال رکھا جائے کہ جس ملک کے لئے ٹرانسلیٹ کیا جارہا ہے ان کے قوانین کو بھی مد نظر رکھیں۔

پچھلے  دنوں دعوتِ اسلامی کے عالمی مدنی مرکزفیضانِ مدینہ کراچی میں ایمبیسیڈر جمال بکر عبد اللہ اور ایتھوپیا کے قونصل جنرل ابراہیم خالد نے دورہ کیا جہاں انہیں مرکزی مجلسِ شوریٰ کے رکن حاجی محمدرفیع عطاری نے خوش آمدید کہا۔

اس موقع پر رکنِ شوریٰ نے دیگر ذمہ داران کے ہمراہ ایمبیسیڈر اور قونصل جنرل کو فیضانِ مدینہ میں موجود مختلف شعبہ جات ( اسلامک ریسرچ سینٹر بنام المدینۃ العلمیہ، مدنی چینل ،شعبہ روحانی علاج اور سوشل میڈیا ڈیپارٹمنٹ) کا وزٹ کروایا اور انہیں ان شعبہ جات کے ذریعہ کئے جانے والے دینی کاموں کے متعلق معلومات فراہم کیں جس پر مہمانوں نے دعوتِ اسلامی کی ان تمام کاوشوں پر خوشی کا اظہار کرتے ہوئے اچھے تاثرات پیش کئے۔

آخر میں رکنِ شوریٰ حاجی رفیع عطاری نے مہمانوں کا عالمی مدنی مرکز فیضانِ مدینہ آنے پر شکریہ ادا کیا اور تحفے میں انہیں مکتبۃُ المدینہ کے مطبوعہ کتب و رسائل دیئے۔ (کانٹینٹ:رمضان رضا عطاری)

پچھلے دنوں دعوتِ اسلامی  کی مرکزی مجلس شوریٰ کے رکن حاجی وقار عطاری کی دعوت پر الکرم یونیورسٹی کے وائس چانسلر ملک اسلم (اسلام آباد)نے ملک ممتاز الحسن ایڈیشنل ڈائریکٹر ایف آئی اے (کراچی) کے ہمراہ کراچی مدنی مرکز فیضان مدینہ کا دورہ کیا ۔

جہاں شعبہ رابطہ برائے شخصیات کے ذمہ داران نے شخصیات کو مدنی مرکز میں موجود مختلف شعبہ جات کا وزٹ کروایا اور ان میں ہونے والے دینی کاموں کے بارے میں بریفنگ دی ۔

بعدازاں شخصیات نے اراکین شوریٰ حاجی عبد الحبیب عطاری،حاجی رفیع عطاری،ابو ماجد محمد شاہد عطاری سمیت نگرانِ شوریٰ حاجی محمد عمران عطاری سے ملاقاتیں کیں۔

ملاقات میں نگرانِ شوریٰ نے شخصیات کو دنیا بھر میں ہونے والے دعوتِ اسلامی کے اہم دینی اور فلاحی سلسلوں کے بارے میں بتایا جس پر شخصیات نے خدماتِ دعوت اسلامی کو سراہا اور دینی کاموں میں ہر ممکنہ تعاون کرنے کی اچھی نیت کااظہار کیا۔ )کانٹینٹ:رمضان رضا عطاری)

دعوت اسلامی کے عالمی مدنی مرکز فیضان مدینہ کراچی میں 15 جون 2023ء کو شعبہ جامعۃ المدینہ کے زیر اہتمام سنتوں بھرے اجتماع کا انعقاد کیا گیا جس میں جامعۃ المدینہ فیضان مدینہ کراچی کے اساتذہ / طلبہ براہِ راست جبکہ ملک و بیرون ملک کے اساتذۂ کرام و طلبہ / طالبات بذریعہ آڈیو/ ویڈیو لنک شریک ہوئے۔

نگران شوریٰ مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا اور امام غزالی رحمۃُ اللہِ علیہ کا قول نقل کرتے ہوئے فرمایا کہ جسم ایک سلطنت ہے اور اس کا بادشاہ دل ہےباقی سب اس کی رعایا ہے، حکم یہاں سے صادر ہورہا ہےکہ ہمیں کیا کرنا ہے، اگر دل و دماغ کی کیفیت دیکھنا چاہے یا اس کا امتحان لینا چاہےتو تنہائی ایک زبردست کمرۂ امتحان ہے۔نگران شوریٰ نے مزید فرمایا کہ ہم تنہائی میں ہوں یا سب کے سامنے حیا ہمیں ہر اس کام سے بچاتی جسے بُرا سمجھاجاتا ہو۔ہمیں اللہ پاک سے حیا طلب کرنی چاہیئے۔ بیان کے بعد صلوۃ و سلام پڑھا گیا اور دعا پر اجتماع کا اختتام ہوا۔