8 اگست2023ء بروز منگل فیضان آن لائن اکیڈمی حیدرآباد ڈویژن کے اسٹاف کا سنتوں بھرا اجتماع ہوا جس میں شعبہ مدرسۃُ المدینہ کے اسلامی بھائیوں کا تعلیمی حوالےسے سیشن ہوا۔

نگران مجلس تعلیمی امور مولانا عرفان عطاری مدنی اور معاون سید انس عطاری نے تعلیم، تدریس اور تجوید میں بہتری لانے کے حوالےسے تربیت کی۔ سیشن کے آخر میں شرکا کی جانب سے کئے گئے سوالات کے جوابات دیئے۔ اس سیشن میں ڈویژن تعلیمی ذمہ دار مولانا غوث علی شاہ اور انگلش ممتحن مبشر رضا عطاری بھی موجود تھے ۔(کانٹینٹ:رمضان رضا عطاری)

بیرونِ ملک میں دعوتِ اسلامی کے دینی کاموں کی ترقی ، اسلامی بھائیوں کو نیکی کی دعوت دینے اور اُن کی دینی و اخلاقی تربیت کرنے کے لئے مرکزی مجلسِ شوریٰ کے رکن حاجی محمد امین عطاری  پچھلے دنوں ساؤتھ کوریا کے سفر پر تھے۔

دورانِ سفر رکنِ شوریٰ حاجی محمد امین عطاری نے ساؤتھ کوریا کے شہر سیول اتیوان میں قائم عثمانیہ ریسٹورنٹ میں سیکھنے سکھانے کا حلقہ لگایا جس میں بزنس کمیونٹی سے تعلق رکھنے والے اسلامی بھائیوں نے شرکت کی۔

رکنِ شوریٰ نے شرکائے حلقہ کی تربیت و رہنمائی کرتے ہوئے انہیں دعوتِ اسلامی کے دینی و فلاحی سرگرمیوں کے بارے میں بریفنگ دی اور انہیں اس میں اپنا حصہ ملانے کا ذہن دیا۔(کانٹینٹ:غیاث الدین عطاری)

10اگست2023ء کو شجرکاری کے  سلسلے میں رکن شوریٰ حاجی محمد اظہر عطاری نے گوجرانوالہ میں ریجنل پولیس آفس کا دورہ کیا اور وہاں ڈاکٹر حیدر اشرف،ایس پی RIB رانا شہباز، ڈی ایس پی ADIG اسد چیمہ،ڈی ایس پی ثنااللہ اور ڈی ایس پی آصف کے ساتھ ملکر پودے لگائے۔بعدازاں ملک وقوم کی ترقی و خوشحالی کے لئے دعا کروائی ۔

ریجنل پولیس آفس افسران نے دعوت اسلامی کی پلانٹیشن کے حوالے سے کی گئی کاوشوں کو سراہتے ہوئے اچھے خیالات کا اظہار کیا۔ بعدازاں رکنِ شوریٰ حاجی اظہر عطاری نے ذمہ داراسلامی بھائیوں کے ہمراہ سیالکوٹ کے مختلف دفاتر کا وزٹ کیا اور اتھارٹی پرسنز کے ساتھ شجرکاری کی۔(کانٹینٹ:رمضان رضا عطاری)

شعبہ تحفظ اوراق مقدسہ  دعوت اسلامی کے زیرِ اہتمام آفس اوراق مقدسہ جواد کلب چوک میں مدنی مشورے کا انعقاد ہوا جس میں سٹی ذمہ دار اور محافظین اوراق مقدسہ نے شرکت کی ۔

صوبائی ذمہ دار حاجی محمد رضا عطاری نے ذمہ داران کی شعبے کے دینی کاموں میں مزید بہتری لانے کےحوالے سے تربیت کی جس پر اسلامی بھائیوں نے اچھی اچھی نیتوں کا اظہار کیا ۔ بعدازاں صوبائی ذمہ دار نے تحفظ اوراق مقدسہ اسٹور کا وزٹ کیا اور وہاں موجود ذمہ داران کو مدنی پھول دیئے۔(رپورٹ: اللہ دتہ عطاری میٹروپولیٹن فیصل آباد ذمہ دار، کانٹینٹ:رمضان رضا عطاری)

ضلع خیرپور، سندھ کے شہر گمبٹ میں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا جس میں علاقے کثیر اسلامی بھائیوں کی شرکت ہوئی۔

ابتداءً مبلغِ دعوتِ اسلامی نے قراٰنِ کریم کی تلاوت کی اور نعتِ خواں اسلامی بھائی نے حضور پُر نور صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا۔

تلاوت و نعت کے بعد مرکزی مجلسِ شوریٰ کے رکن حاجی فضیل رضا عطاری نے سنتوں بھرا بیان کیااور حاضرین کو دعوتِ اسلامی کے دینی ماحول سے منسلک رہتے ہوئے 12 دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔ (کانٹینٹ:غیاث الدین عطاری)

دعوتِ اسلامی کے زیرِ اہتمام شعبہ تحفظ اوراق مقدسہ  کی جانب سے تحصیل لالیاں ڈسٹرکٹ چنیوٹ میں مدنی مشورہ ہوا جس میں ڈسٹرکٹ ذمہ داران اور محافظین اوراق مقدسہ نے شرکت کی ۔

ڈویژن ذمہ دار ڈاکٹر عدنان ساجد عطاری نے ذمہ داران سے سابقہ کارکردگی کے اہداف پر کلام کیا اور انہیں آئندہ کے لئے اہداف دیئے نیز شعبےکےدینی کام میں مزید بہتری لانے کے لئے اسلامی بھائیوں کی تربیت کی جس پر اسلامی بھائیوں نے اچھی اچھی نیتوں کا اظہار کیا۔بعدازاں تحفظ اوراق مقدسہ کے اسٹور اور کارخانہ کا وزٹ بھی کیا ۔(رپورٹ: اللہ دتہ عطاری میٹروپولیٹن فیصل آباد ذمہ دار، کانٹینٹ:رمضان رضا عطاری)

لوگوں کے لئے علمِ دین کی مجالس قائم کرناہمارے اسلاف کی تعلیمات میں سے ایک ہے نیز ان علمِ دین کی مجالس سے لوگوں کی دینی و اخلاقی تربیت ہوتی ہے۔

اسی سلسلے میں 10 اگست 2023ء بروز جمعرات بعد نمازِ مغرب تقریباً 8:00 بجے بس اسٹاپ، شیخوپورہ موڑ گوجرانوالہ کے مدنی مرکز فیضانِ مدینہ میں ہفتہ وار سنتوں بھرے اجتما ع کا انعقاد کیا گیا جس میں عاشقانِ رسول کی کثیر تعداد نے شرکت کی۔

اجتماع ِ پاک کا آغازتلاوتِ قراٰن و نعت شریف سے کرنے کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”جہنمی اور جنتی“ کے موضوع پر بیان کیا۔

مدنی مرکز فیضانِ مدینہ فیصل آباد میں پچھلے دنوں امیرِ اہلِ سنت دامت بَرَکَاتُہمُ العالیہ کے بڑے بھائی مرحوم عبد الغنی، مفتیِ دعوتِ اسلامی مرحوم مفتی فاروق عطاری مدنی، محمد نعیم کے مرحوم والد، میاں طاہر حمیدکی والدہ مرحومہ، سجاد راؤوف انصاری کے مرحوم والدین،حفیظ عطاری کے مرحوم والدین، ملک جمیل قادری کے دوست مرحوم مرزا محمد ایوب اور دیگر عاشقانِ رسول کے مرحومین کے لئے ایصالِ ثواب اجتماع ہوا۔

اس موقع پر دعوتِ اسلامی کے ذمہ داران، شخصیات اور مختلف شعبہ ہائے زندگی سے تعلق رکھنے والے افراد سمیت قرب و جوار کے کثیر عاشقانِ رسول موجود تھے۔

9 اگست 2023ء بروز بدھ مدنی مرکز فیضانِ مدینہ سرگودھا میں عاشقانِ رسول کی دینی تحریک دعوتِ اسلامی کے تحت  جامعۃ المدینہ بوائز کے ناظمین کا مدنی مشورہ ہوا ۔

مدنی مشورے کی ابتدا میں ناظمِ اعلیٰ سرگودھا مولانا عبد اللہ سیالوی عطاری مدنی اور نگرانِ سرگودھا عادل عطاری نے ناظمین سے مختلف امور پر گفتگو کرتے ہوئے کردار سازی اور تعلیمی و اخلاقی تربیت کے حوالےسے کلام کیا۔ (رپورٹ: فضیل رضا عطاری مدنی ناظم جامعۃ المدینہ 46 اڈا سرگودھا ، کانٹینٹ:غیاث الدین عطاری)

دنیا بھر میں نیکی کی دعوت کی دھومیں مچانے والی عاشقانِ رسول کی دینی تحریک دعوتِ اسلامی کے تحت ذمہ دار اسلامی بھائیوں نے ڈسٹرکٹ پاکپتن کے شہر بونگہ حیات کا دورہ کیا۔

دعوتِ اسلامی کے مدنی مرکز فیضانِ مدینہ فیصل آباد میں گزشتہ روز مدرسۃ المدینہ بوائز کے ناظمین اور ذمہ دار اسلامی بھائیوں کا مدنی مشورہ ہوا جس میں شعبے کے فیصل آباد ڈسٹرکٹ نگران و سٹی نگران کی بھی شرکت رہی۔

دورانِ مدنی مشورہ رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے شرکا سے گفتگو کرتے ہوئے مدرسۃ المدینہ بوائز کی خودکفالت کے حوالے سے ذمہ داران کی ذہن سازی کی۔

علاوہ ازیں مدنی مشورے میں شریک اسلامی بھائیوں نے محرم الحرام میں مدرسۃ المدینہ بوائز کے مدنی قافلوں کی کارکردگی نگرانِ پاکستان مشاورت حاجی محمد شاہد عطاری کو بتائی جس پر انہوں نے ذمہ داران کی حوصلہ افزائی کی۔

بعدازاں نگرانِ پاکستان مشاورت حاجی محمد شاہد عطاری نے اختتامی دعا کروائی اور اسلامی بھائیوں نے اُن سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت مدنی مرکز فیضانِ مدینہ فیصل آباد میں پاکستان مشاورت کے اراکین کا مدنی مشورہ ہوا جس میں ذمہ دار اسلامی بھائیوں سمیت شعبہ ہفتہ وار اجتماع  کے ذمہ داران کی خصوصی طور پر شرکت ہوئی۔

تفصیلات کے مطابق مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے دعوتِ اسلامی کے دینی کاموں کا جائزہ لیتے ہوئے بتایا کہ پاکستان بھر میں کم و بیش 597 مقامات پر ہفتہ وار سنتوں بھرے اجتماعات منعقد ہورہے ہیں جن میں شرکا کے ہدف کے اعتبار سے سب سے نمایاں کارکردگی کراچی کی رہی۔

اس دوران نگرانِ پاکستان مشاورت حاجی محمد شاہد عطاری نے 12 ہویں شریف میں ہونے والے دینی کاموں، بالخصوص 12 مدنی مذاکروں کے متعلق گفتگو کی اور مختلف شہروں سے اسپیشل ٹرین چلانے کا ذہن دیا۔