دین ِ اسلام کی تبلیغ و اشاعت کرنے والی عاشقانِ رسول کی دینی تحریک دعوتِ اسلامی کےتحت نگرانِ عالمی مجلسِ شوریٰ نے دیگر اسلامی بہنوں کے ہمراہ گھر گھر کر جاکر نیکی کی دعوت پیش کی۔

اس موقع پر نگرانِ عالمی مجلسِ مشاورت نے اسلامی بہنوں پر انفرادی کوشش کرتے ہوئےانہیں اسلامی بہنوں کے ہفتہ وار سنتوں بھرے اجتماع میں شرکت کرنے کا ذہن دیا جس پر انہوں نے اچھی اچھی نیتیں کیں۔

دعوت اسلامی کے تحت 2 ستمبر 2023ء کو ہونے والے یومِ دعوتِ اسلامی کے سلسلے میں نگرانِ ریجن، نگرانِ پاکستان مشاورت،جامعۃ المدینہ گرلز ذمہ دار اور  کراچی سٹی کی نگران اسلامی بہنوں کا آن لائن مدنی مشورہ ہوا۔

ذمہ دار اسلامی بہنوں نے مختلف موضوعات پر کلا م کرتےہوئے پرانی اسلامی بہنوں کو جمع کرنے اور دعوتِ اسلامی کے دینی کاموں میں مزید بہتری لانے کے متعلق گفتگو کی۔ 

کراچی کے علاقے پی آئی بی کالونی میں پچھلے دنوں مدنی مشورے کا انعقاد ہوا جس میں کراچی ویسٹ کی ڈسٹرکٹ تا وارڈ ذمہ دار اسلامی بہنیں براہِ راست جبکہ سینٹرل افریقہ اور عرب کی اسلامی بہنیں آن لائن شریک ہوئیں۔

ابتداءًاس مدنی مشورے میں صاحبزادیِ عطار سلمہا الغفار نے ظاہر و باطن کی اصلاح کرنے کے متعلق اسلامی بہنوں کو مدنی پھول دیئے نیز نگرانِ عالمی مجلسِ مشاورت اسلامی بہن نےکارکردگی شیڈول پر عمل کرنے کا طریقہ بتاتے ہوئے پرانی اسلامی بہنوں سے رابطہ کرنے کا ذہن دیا۔

اس کے علاوہ سیکھنے سکھانے کے حلقے میں شرکت کرنےکے حوالے سے تبادلۂ خیال کیا گیا جس پر تمام ذمہ دار اسلامی بہنوں نے اچھی اچھی نیتیں کیں۔

بیرونِ ملک کی اسلامی بہنوں سے دعوتِ اسلامی کے دینی کاموں کا فالو اپ لینے کےسلسلے میں گزشتہ روز آن لائن مدنی مشورہ  ہوا جس میں ملاوی کی ڈویژن نگران اسلامی بہن سمیت دیگر ذمہ داران کی شرکت رہی۔

دعوتِ اسلامی کی نگرانِ عالمی مجلسِ مشاورت اسلامی بہن نے بذریعہ انٹرنیٹ ذمہ دار اسلامی بہنوں سے مشاورت کرتے ہوئے انہیں ملاوی میں نیو مسلم کی دینی و اخلاقی تربیت کرنےکا ذہن دیا ۔

دعوت اسلامی کی مرکزی مجلس شوریٰ کے رکن مولانا حاجی  عبد الحبیب عطاری پچھلے دنوں دینی کاموں کے سلسلے میں پنجاب کے دورے پر ہ تھے ۔

دورانِ دورہ رکن شوریٰ حاجی عبد الحبیب عطاری نے ملک اردن (Jordan)کے ڈپٹی ہیڈ آف مشن عبدالرحیم حسن وائی سے ملاقات کی۔ رکن شوریٰ نے انہیں دعوتِ اسلامی کی دنیا بھر میں ہونے والی دینی و فلاحی خدمات کے بارے میں بریفنگ دی اور عالمی مدنی مرکز فیضان مدینہ کراچی کے وزٹ کی دعوت بھی دی۔ مسٹر عبد الرحیم حسن نے دعوت اسلامی کی کا وشوں خوب سراہا اور نیک خواہشات کا اظہار کیا۔

یوم آزادی کے موقع پر اپنے لئے اور اپنی آنے والی نسل کو آکسیجن کی فیکٹری فراہم کرنے کے لئے دعوتِ اسلامی یکم اگست 2023ء سے ملک کے دیگر شہروں میں اس عزم کے ساتھ پودے لگارہی ہے کہ ”پودا لگانا ہے ، درخت بنانا“ ہے۔

اسی سلسلے میں 9 اگست 2023ء کو وائلڈ لائف (Wildlife) پارک بانسرہ گلی مری میں شجر کاری مہم کے سلسلے میں ایک تقریب منعقد کی گئی۔

تقریب میں رکن شوریٰ مولانا حاجی عبد الحبیب عطاری نے ملک پاکستان کو سر سبز و شاداب بنانے کے لئے ہر ہر فرد کو ایک پودا لگانے کا ذہن دیا۔ اس کے بعد اراکین شوریٰ مولانا حاجی عبد الحبیب عطاری، حاجی محمد اسلم عطاری اور حاجی یعفور رضا عطاری سمیت مختلف شخصیات و عاشقان رسول نے شجر کاری کرتے ہوئے پودے لگائے۔

اس سال بھی یومِ آزادی کو منفرد اندازمیں منانے کے لئے دعوت اسلامی نے یکم اگست 2023ء سے ملک بھر میں شجر کاری کا آغاز کردیا ہے اور ملک کے  دیگر شہروں میں اس عزم کے ساتھ پودے لگائے جارہے ہیں کہ ”پودا لگانا ہے ، درخت بنانا“ ہے۔

اسی سلسلے میں 10 اگست 2023ء کو شعبہ FGRF کے تحت ماڈل ٹاؤن پارک لاہور میں شجر کاری کی گئی۔ شجر کاری میں اراکین شوریٰ مولانا حاجی عبد الحبیب عطاری اور حاجی یعفور رضا عطاری سمیت مختلف شخصیات و عاشقان رسول نے پودے لگائے۔

شجر کاری سے قبل رکن شوریٰ حاجی عبد الحبیب عطاری نے پودے کے حوالے سے شرکا کی ذہن سازی بھی کی۔

ایسے بچے جو جسمانی و ذہنی طور پر معذور ہوتے ہیں۔ انہیں پوری توجہ اور مدد کی ضرورت ہوتی ہے۔ایسے بچوں کی بحالی کے لئے دعوت اسلامی کا فلاحی شعبہ  FGRF کے تحت فیضان ری پبلی ٹیشن سینٹر Faizan Rehabilitation Centre کا قیام عمل میں لایا گیا ہے جس میں پری اسکول کے نصاب کے ساتھ ساتھ بنیادی تعلیم، Physical therapy, Occupational therapy Speech therapy, Physiotherapy، Montessori Educationاور ماہر ٹرینر کی خصوصی توجہ کے ساتھ ان کی تربیت کی جاری ہے۔

اس ڈیپارٹمنٹ نے کراچی اور فیصل آباد کے بعد 11 اگست 2023ء کو پاکستان کے دوسرے بڑے شہر لاہور کے علاقے جوہر ٹاؤن میں Faizan Rehabilitation Centre کا قائم کردیا ہے جس کا افتتاح دعوت اسلامی کی مرکزی مجلس شوریٰ کے رکن مولانا حاجی عبد الحبیب عطاری نے کیا۔

اس موقع پر افتتاحی تقریب کا انعقاد کیا گیا جس میں اراکین شوریٰ حاجی یعفور رضا عطاری، حاجی محمد اسلم عطاری، مختلف سیاسی و سماجی شخصیات،کاروباری حضرات اور ذمہ داران دعوت اسلامی نے شرکت کی۔ رکن شوریٰ مولانا حاجی عبد الحبیب عطاری سنتوں بھرا بیان کیا اور ادارے کے حوالے سے معلومات فراہم کی۔

دورانِ تقریب دعوت اسلامی کے دینی و فلاحی کاموں پر مشتمل ڈاکو مینٹری بھی دکھائی گئی جبکہ اختتام پر رکن شوریٰ حاجی یعفور رضا عطاری نے دعاکروائی۔

انسان کے اندر سب سے بڑی بیماری، گناہوں کی بیماری ہے۔ اس بیماری سے نہ صرف دنیا میں بلکہ آخرت میں بھی آزمائش کا سامنا کرنے پڑے گا۔ عاشقانِ رسول کو گناہوں کی نحوست سے بچانے کے لئے شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے اس ہفتے 17صفحات کا رسالہ ” گناہوں کے 5 دُنیوی نقصانات“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے عطار

یاربَّ المصطفٰے! جو کوئی 17 صفحات کا رسالہ ” گناہوں کے 5 دُنیوی نقصانات“ پڑھ یا سن لے اُسےہمیشہ اچھائیاں کرنے اور برائی سے بچنے کی توفیق دے اور قیامت میں سب سے آخری نبی صلَّی اللہ علیہ واٰلہٖ وسلَّم کی شفاعت نصیب فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

10 اگست 2023ء بروز جمعرات جامع مسجد سبحانی اورنگی ٹاؤن سیکٹر 15 کراچی میں دعوتِ اسلاامی کے تحت ہفتہ وار سنتوں بھرے اجتماع کا انعقاد کیا گیا جس میں مؤمن آباد ٹاؤن اور اورنگی ٹاؤن کے مختلف UC سے کثیر عاشقانِ رسول نے شرکت کی۔

دعوتِ اسلامی کے تحت پچھلے دنوں جڑانوالہ کے جامعہ غوثیہ رضویہ مصباح العلوم میں شعبہ رابطہ بالعلماء کے ذمہ دار اسلامی بھائیوں نے مفتی ابو الشمس احمد علی رضوی صاحب سے ملاقات کی۔

ذمہ دار اسلامی بھائیوں نے مفتی صاحب سے مختلف موضوعات پر گفتگو کرتے ہوئے دعوتِ اسلامی کے کنزالمدارس بورڈ پاکستان کا پروسپیکٹس پیش کیا۔

آخر میں پرنسپل محمد فضل رسول حیدر رضوی صاحب نے دعوتِ اسلامی کی خدمات کو سراہتے ہوئے اپنی نیک خواہشات کا اظہار کیا۔(رپورٹ: شعبہ رابطہ بالعلماء ، کانٹینٹ:غیاث الدین عطاری) 

عاشقانِ رسول کی دینی تحریک دعوتِ اسلامی کے تحت جڑانوالہ میں قائم الیاسیہ رضویہ یونیورسٹی میں شعبہ رابطہ بالعلماء کے ذمہ دار اسلامی بھائیوں نے پرنسپل محمد فضل رسول حیدر رضوی صاحب سے ملاقات کی۔

اس دوران ذمہ دار اسلامی بھائیوں نے وہاں موجود علمائے کرام اور دیگر اسلامی بھائیوں سے مختلف موضوعات پر گفتگو کرتے ہوئے دعوتِ اسلامی کے کنزالمدارس بورڈ پاکستان کا پروسپیکٹس پیش کیا۔

بعدازاں پرنسپل محمد فضل رسول حیدر رضوی صاحب نے دعوتِ اسلامی کی خدمات کو سراہتے ہوئے اپنی نیک خواہشات کا اظہار کیا۔(رپورٹ: شعبہ رابطہ بالعلماء ، کانٹینٹ:غیاث الدین عطاری)