مسلمانوں کے ساتھ ہمدردی کرنے اور اُن کے عقائد و اعمال کی اصلاح کرنے والی دینِ اسلام کی عالمگیر تحریک دعوتِ اسلامی کے زیر اہتمام آج مؤرخہ 21دسمبر 2023ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق آج رات مدنی چینل پر براہِ راست نشر ہونے والے ہفتہ وار اجتماع میں نورانی مسجد منیر شہید کالونی قصور پنجاب میں رکنِ شوریٰ مولانا حاجی محمد اسد عطاری مدنی سنتوں بھرا بیان فرمائیں گے۔

اس کے علاوہ جم خانہ کلب مارکی کینال روڈ نزد DPSاسکول، کرکٹ اسٹیڈیم تاندلیانوالہ فیصل آباد میں نگران پاکستان مشاورت حاجی محمد شاہد عطاری، مدنی مرکز فیضان مدینہ محبوب ٹاؤن اوکاڑہ میں رکن شوریٰ حاجی منصور عطاری، بیت المکرم مسجد نزد کامسیٹس یونیورسٹی اٹک پنجاب میں رکنِ شوریٰ حاجی وقار المدینہ عطاری، العزیز بینکویٹ الفتح ٹاؤن فیز4 ڈہرکی میں رکنِ شوریٰ مولانا حاجی عبد الحبیب عطاری، بہزاد لکھنوی مسجد سخی حسن چورنگی کراچی میں رکن شوریٰ حاجی محمد رفیع عطاری فٹ بال گراؤنڈ، گلشن راوی لاہور میں رکن شوریٰ حاجی یعفور رضا عطاری اور حنفیہ مسجد مین قائد آباد ابراہیم حیدر ٹاؤن کراچی میں رکن شوریٰ حاجی محمد امین عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

گزشتہ رات 20 دسمبر 2023 بروز بدھ دعوتِ ‏اسلامی کے زیر اہتمام جامع مسجد عظیم پلازہ شو مارکیٹ گارڈن ‏کراچی میں تین دن کے کفن دفن کورس کا آخری لیکچر مکمل ‏ہوا۔

دورانِ کورس حاضرین کوحالت نزع کی احتیاطیں، روح نکلنے کے بعد ‏کرنے والے کام، نماز جنازہ کی اہم معلومات، غسل میت دینے، کفن ‏کاٹنے اور پہنانے کا مکمل پریکٹیکل بھی کر کے بتایا گیا۔

‏اس موقع پر نگرانِ ٹاؤن امتیاز عطاری نے پریکٹیکل ‏کر کے بتایا جبکہ معلم کورس مولانا محمد جاوید عطاری مدنی بھی ‏موجود تھے۔کورس کے آخر میں شرکا نے اپنے تاثرات بھی ‏دیئے جس میں اُن کا کہنا تھا کہ اس کورس سے ہمیں کافی معلومات ‏حاصل ہوئیں ہیں اس طرح کے کورسز کا انعقاد ہونا چاہیئے نیز دعوتِ اسلامی کی اس کاوش کو کافی سراہا گیا۔

لوگوں کے عقائد و نظریات کی حفاظت کرنے والی عاشقانِ رسول کی دینی تحریک دعوتِ اسلامی کے تحت افریقی ملک کینیا کے شہر ممباسہ میں جامعۃ المدینہ بوائز انٹرنیشنل افیئرز (دعوتِ اسلامی) کے تحت” Graduation Ceremony“ کا انعقاد کیا گیا جس میں کینیا کے شہر سے مختلف علمائے کرام، بزنس مین، مختلف شعبہ ہائے زندگی سے تعلق رکھنے والے افراد اور طلبۂ کرام و اساتذۂ کرام نے شرکت کی۔

Graduation Ceremony میں دعوتِ اسلامی کی مرکزی مجلسِ شوریٰ کے رکن مولانا حاجی محمد جنید عطاری مدنی نے سنتوں بھرا بیان کیا اور شرکا کی مختلف امور پر تربیت کی۔

دورانِ اجتماع جامعۃ المدینہ و مدرسۃ المدینہ بوائز کی مختلف کلاسز میں نمایاں پوزیشن حاصل کرنے والے اسٹوڈنٹس کے درمیان تحائف تقسیم کئے گئےجبکہ اس سال 2023ء میں قراٰنِ پاک حفظ و ناظرہ مکمل کرنے والے اسٹوڈنٹس کو اسناد بھی پیش کی گئیں۔ (کانٹینٹ:غیاث الدین عطاری)

ساؤتھ افریقہ کے سٹی جوہانسبرگ میں موجود مدنی مرکز فیضانِ مدینہ میں دعوتِ اسلامی کے شعبہ مدرسۃ المدینہ کے تحت تقسیمِ اسناد اجتماع کا انعقاد کیا گیا جس میں قاری صاحبان، مدرسۃ المدینہ کے بچوں اور اُن کے سرپرستوں سمیت بزنس کمیونٹی کےعاشقانِ رسول نے شرکت کی۔

اجتماع کا باقاعدہ آغاز تلاوتِ قراٰن اور نعت شریف سے کیا گیا جبکہ مبلغِ دعوتِ اسلامی مفتی عبد النبی حمیدی مدظلہ العالی نے سنتوں بھرا بیان کیا جس میں انہوں نے قراٰنِ پاک کی تعلیم اور علمِ دین کی اہمیت بتاتے ہوئےشوق و محبت کے ساتھ علمِ دین کے چراغ سے خود کو روشن کرنے کا ذہن دیا۔دورانِ اجتماع مدرسۃ المدینہ کے بچوں نے مقامی زبان میں بیانات کئے اور مختلف کلام بھی پڑھے۔

علمِ دین کا فیضان ملک و بیرونِ ملک کے لوگوں تک پہنچانے والے دعوتِ اسلامی کے شعبہ جامعۃ المدینہ کے تحت ماہانہ ٹیسٹ و امتحانات کا سلسلہ ہوتا رہتا  ہے جس کی بدولت طلبۂ کرام اپنے تعلیمی معیار میں بہتری لاتے اور مزیداحسن انداز میں اپنی تعلیم کا سلسلہ جاری رکھتے ہیں۔

اسی سلسلے میں جامعۃ المدینہ انٹرنیشنل افیئرز (دعوتِ اسلامی ) کے تحت افریقی ممالک ملاوی کے علاقے لِمبے ، کینیا کے شہر ممباسا اور تنزانیہ کے شہر دارالسلام میں قائم برانچز میں سالانہ امتحانات کا انعقاد ہوا جس میں جامعۃ المدینہ بوائز کی مختلف کلاسز سے طلبۂ کرام شریک ہوئے اور نظم و ضبط کے ساتھ تحریری امتحان میں حصہ لیا۔

دعوتِ اسلامی کے ذمہ داران کی انفرادی کوشش ذریعے اور نیکی کی دعوت کی بدولت وقتاً فوقتاً قبولِ اسلام کے واقعات دیکھنے کو ملتے رہتے ہیں۔

ایسا ہی ایک واقعہ یورپی ملک پرتگال کے دارالحکومت اور سب سے بڑے شہر Lisbon میں پیش آیا جہاں اس کے علاقے Odivelas میں مبلغینِ دعوتِ اسلامی کی کوشش اور نیکی کی دعوت کی بدولت ایک غیر مسلم نے اسلام قبول کرنے کی سعادت حاصل کی۔

نیکی کی دعوت عام کرنے کے سلسلے میں دعوتِ اسلامی کے تحت تھائی لینڈ کے شہر پاتانی (Pattani ) میں قائم ایک دینی ادارے میں سیکھنے سکھانے کا حلقہ لگایاگیا جس میں ادارے کے طلبۂ کرام نے شرکت کی۔

حلقے کے دوران مبلغِ دعوتِ اسلامی و رکنِ انٹرنیشنل افیئرز نے سنتوں بھرا بیان کرتے ہوئے طلبۂ کرام کو اپنی پڑھائی پر توجہ دینے اور جو کچھ پڑھا ہے اس کے مطابق نیک اعمال کرنے کا ذہن دیا۔

مبلغِ دعوتِ اسلامی نے طلبۂ کرام کی ذہن سازی کرتے ہوئے والدین اور اساتذۂ کرام سمیت اپنے بڑوں کا ادب واحترام کرنے نیز خوب خوب دین کی خدمت کرنے کے لئے دعوتِ اسلامی کے دینی کاموں میں حصہ لینے کی ترغیب دلائی۔(کانٹینٹ:غیاث الدین عطاری)

دعوتِ اسلامی کے تحت   7 دسمبر 2023ء کو کراچی، سندھ کی ذمہ دار اسلامی بہنوں کا آن لائن مدنی مشورہ منعقد کیا گیا جس میں نگرانِ کراچی سٹی اور کراچی سٹی کی ڈویژن و ڈسٹرکٹ نگران اسلامی بہنوں کی شرکت ہوئی۔

عاشقانِ رسول کی دینی تحریک دعوتِ اسلامی کے تحت   7 دسمبر 2023ء کو صوبہ گلگت بلتستان کی ذمہ داران کا آن لائن مدنی مشورہ ہوا جس میں نگرانِ صوبہ گلگت بلتستان اور صوبہ گلگت بلتستان کی ڈویژن و ڈسٹرکٹ نگران اسلامی بہنوں نے شرکت کی۔

صوبہ کشمیر کی ذمہ دار اسلامی بہنوں کی تربیت و رہنمائی کے لئے  7 دسمبر 2023ء کو دعوتِ اسلامی کے تحت آن لائن مدنی مشورہ ہوا جس میں نگرانِ صوبہ کشمیر ، صوبہ کشمیر کی ڈویژن اور ڈسٹرکٹ نگران اسلامی بہنوں نے شرکت کی۔

7 دسمبر 2023ء کو   عاشقانِ رسول کی دینی تحریک دعوتِ اسلامی کے تحت صوبہ بلوچستان کی ذمہ دار اسلامی بہنوں کا آن لائن مدنی مشورہ منعقد ہوا جس میں نگرانِ صوبہ بلوچستان ، صوبہ بلوچستان کی ڈویژن، میٹروپولیٹن اور ڈسٹرکٹ نگران اسلامی بہنوں نے شرکت کی۔

اسلامی بہنوں کی تربیت کے لئے دعوتِ اسلامی کی نگرانِ پاکستان مجلسِ مشاورت اسلامی بہن نے دینی کاموں کے حوالے سے شرکا کی ذہن سازی کی اور انہیں ماہِ ہفتہ وار اجتماع کے متعلق مدنی پھول بتائے ۔

دعوتِ اسلامی کے تحت   7 دسمبر 2023ء کو صوبہ سندھ کی ذمہ داران کا آن لائن مدنی مشورہ لیا گیا جس میں نگرانِ صوبۂ سندھ، صوبہ سندھ کی ڈویژن اور میٹروپولیٹن نگران اسلامی بہنیں شریک ہوئیں۔

اسلامی بہنوں کے 8 دینی کاموں کے بارے میں گفتگو کرتے ہوئے نگرانِ پاکستان مجلسِ مشاورت اسلامی بہن نے حاضرین کو ماہ ِہفتہ وار اجتماع کے متعلق مدنی پھول بتائے جس پر تمام ذمہ دار اسلامی بہنوں نے اچھی اچھی نیتیں کیں۔