7 دسمبر 2022ء    کو فیضانِ مدینہ فیصل آباد میں قائم فیضان آن لائن اکیڈمی برانچ اسٹاف کا سنتوں بھرا اجتماع ہوا جس میں اساتذۂ کرام اور ناظمین و ذمہ داران نے شرکت کی ۔

اجتماعِ پاک میں نگرانِ پاکستان مشاورت حاجی محمد شاہد عطاری نے اسلامی بھائیوں میں سنتوں بھرا بیان فرمایا۔اس کے بعد نگرانِ پاکستان مشاورت نے شعبے کی سابقہ کار کردگی کا جائزہ لیا اور قیمتی مدنی پھولوں سے نوازتے ہوئے 12 ماہ ، ایک ماہ، 12 دن اور 3 دن کے مدنی قافلوں میں سفر کرنے کی ترغیب دلائی جس پر اسلامی بھائیوں نے اچھی اچھی نیتوں کا اظہار کیا ۔

مزید بہترین کار کردگی والے اسلامی بھائیوں میں انعامات بھی تقسیم کئے گئے۔ آخر میں نگرانِ پاکستان مشاورت نے دعا کروائی او ر اسلامی بھائیوں سے ملاقات کی ۔( کانٹینٹ: رمضان رضا عطاری)

07 اور 08 دسمبر 2022ء بروز بدھ اور جمعرات مدنی  مرکز فیضانِ مدینہ، مدینہ ٹاؤن فیصل آباد میں مدنی مشورہ ہوا جس میں شعبہ روحانی علاج کے صوبائی ذمہ داران نے شرکت کی۔

نگرانِ مجلس شعبہ روحانی علاج محمد انور رضا عطاری نے روحانی علاج کے بستوں کی سابقہ 10 ماہ کی کارکردگی کا جائزہ لیتے ہوئے اسلامی بھائیوں کو ہفتہ وار سنتوں بھرے اجتماعات میں بستے لگانے کا ہدف دیا۔

اس کے ساتھ ساتھ شعبے کے دینی کام میں مزید بہتری لانے کے لئے کیا کیا اقدامات کئے جائیں اس پر تفصیلی گفتگو ہوئی اور اہداف طے پائے نیز شعبے کی اپڈیٹس سے آگاہ کیا گیا اور 12 دینی کاموں میں بڑھ چڑھ کر حصہ لینے کا ذہن دیا گیا۔ آخر میں بہتر کارکردگی والے ذمہ داران کی حوصلہ افزائی بھی کی گئی ۔( رپورٹ : سمیر علی عطاری آفس اسسٹنٹ ، کانٹینٹ: رمضان رضا عطاری)

گزشتہ روز فیصل آباد میں دعوتِ اسلامی کے ذمہ دار اسلامی بھائیوں نے کمشنر فیصل آباد شاہد نیاز سے ان کے آفس میں ملاقات کی ، دورانِ ملاقات دعوتِ اسلامی کا تعارف پیش کیا اور مدنی مرکز فیضانِ مدینہ فیصل آباد وزٹ کرنے کی دعوت پیش کی۔

اسکے علاوہ پولیس لائن فیصل آباد میں ڈی ۔ایس۔ پی ہیڈکوارٹر ارشد علوی اور اے۔ایس۔آئی اشرف بھٹی سے ملاقات کی ، دورانِ ملاقات دعوتِ اسلامی اور اسکی خدمات کا تعارف کروایا نیز مکتبۃ ُ المدینہ کی کتب و رسائل تحفے میں پیش کئے ۔(رپورٹ: کوآرڈینیشن ڈیپارٹمنٹ میٹرو پولیٹن و ڈویژن فیصل آباد /کانٹینٹ: محمد مصطفیٰ انیس)

گزشتہ روز سبی بلوچستان میں یکم دسمبر کو بخاری پارک میں ہونیوالے سنتوں بھرے اجتماع کے انتظامات و سیکیورٹی معاملات سنبھالنے پر دعوت اسلامی کے ذمہ دارا سلامی بھائیوں نے ایس۔ پی ۔سبی انجینئر محمد یوسف اور انکی پوری ٹیم سے ملاقات کی  اور شکریہ ادا کیا۔

اس موقع پر صوبائی ذمہ دار کوآرڈینیشن ڈیپارٹمنٹ دعوت اسلامی بلوچستان محمد وقار عطاری ،ڈویژن نگران سبی حاجی غلام حیدر عطاری ، ڈسٹرکٹ نگران محمد اسحاق عطاری سمیت ڈی ۔ایس ۔پی ۔ہیڈ کوارٹر، ایس ۔ایچ۔ او ۔سٹی، ایس ۔ایچ ۔او ۔صدر و دیگر پولیس افسران بھی موجود تھے۔ (رپورٹ: محمد وقار عطاری، صوبائی ذمہ دار کوآرڈینیشن ڈیپارٹمنٹ دعوت اسلامی بلوچستان /کانٹینٹ: محمد مصطفیٰ انیس) 

پچھلے دنوں خیبر پختونخواہ میں ذمہ دارانِ دعوتِ اسلامی نے منسٹر ریاض خان (وزیر مواصلات و تعمیرات صوبہ خیبر پختونخواہ ) سے ملاقات کی ، ذمہ داران نے دعوتِ اسلامی کا تعارف پیش کرتے ہوئےضلع بونیر میں ہونے والے دعوت اسلامی کے کاموں پر بریفنگ دی اور شعبہ FGRF کے تحت ہونے والے شجرکاری ایونٹ اور سیلاب زدگان کی امداد ی کاموں کے حوالے سے بھی آگاہ کیا ۔(رپورٹ: حمزہ منیر مدنی عطاری ، ڈسٹرکٹ نگران بونیر خیبر پختونخواہ /کانٹینٹ: محمد مصطفیٰ انیس) 

گزشتہ روز گوجرہ میں ایم ۔ پی۔اے و سابق صوبائی وزیر بلال اصغر وڑائچ کے بھائی اور بیرسٹر حسام علی وڑائچ و حارث علی وڑائچ کے والد صاحب  سابق ایم ۔این ۔اے ۔چوہدری امجد علی وڑائچ (مرحوم)کے قُل شریف کے موقع پر ان کے گھر پر قرآن خوانی کا اہتمام ہوا جس میں مدرسۃُ المدینہ کے طلبۂ کرام نے شرکت کی اور ذمہ دار دعوتِ اسلامی نے ایصالِ ثواب کے لئے فاتحہ خوانی کی ۔

اس موقع پر کثیر تعداد میں سیاسی و سماجی شخصیات سمیت کاروباری افراد نے بھی شرکت کی ۔(کانٹینٹ: محمد مصطفیٰ انیس) 

گزشتہ روز بلوچستان کے علاقے سبی میں دعوتِ اسلامی کی مرکزی مجلس شوریٰ کے رکن و نگران پاکستان مشاورت حاجی محمد شاہد عطاری کی آمد ہوئی جہاں قبائلی رہنما حاجی محمد اسحاق بنگلزئی ، واپڈا آفیسر حاجی محمد اسماعیل بنگلزئی ، غلام رسول بنگلزئی  اور شبیر احمد بنگلزئی نے انکا والہانہ استقبال کیااور ان سے ملاقاتیں کیں۔

اس موقع پر مرکزی مجلس شوریٰ کے اراکین حاجی محمد امین قافلہ عطاری اور حاجی قاری ایاز عطاری بھی موجود تھے۔ 

06 دسمبر  2022 ء بروز منگل علامہ اقبال ٹاؤن لاہور میں دینی کاموں کے سلسلے میں سید مقصود شاہ عطاری (زون نگران شعبہ رابطہ برائے شخصیات ،دعوت اسلامی) نے خواجہ سلیم عطاری اور کامران غازی عطاری (ذمہ داران شعبہ رابطہ برائے شخصیات، دعوتِ اسلامی)کے ہمراہ ملک ندیم عباس (ایم۔پی۔اے) اور دیگر سیاسی و سماجی شخصیات سے ملاقاتیں کیں ۔

دورانِ ملاقات دعوتِ اسلامی کی دینی و فلاحی خدمات بیان کیں نیز مدنی مرکز فیضانِ مدینہ جوہر ٹاؤن وزٹ کرنےکی دعوت دیتے ہوئے مکتبۃُ المدینہ کی شائع کردہ کتب و رسائل تحفے میں پیش کئے ۔(رپورٹ: حافظ احتشام الحق عطاری ، کارکردگی ذمہ دار شعبہ رابطہ برائے شخصیات /کانٹینٹ: محمد مصطفیٰ انیس) 

06دسمبر 2022ء بروز منگل پنجاب کے شہر میلسی میں شعبہ رابطہ برائے شخصیات ملتان ڈویژن (دعوتِ اسلامی)کے ذمہ دار فد اعلی عطاری کے ہمراہ سابق ایم۔ این۔ اے و چیئرمین قائمہ کمیٹی محمود حیات خان ، معروف سیاسی و سماجی شخصیت میاں مختیار احمد ، سابق چیئر مین کرم پور راؤذوالفقار معصومی و دیگر شخصیات سے ملاقاتیں کیں ۔

ذمہ داران نے دعوتِ اسلامی کی دینی و فلاحی خدمات کے حوالے سے بریفنگ دی اور مدنی مرکز فیضانِ مدینہ ملتان وزٹ کرنے کی دعوت پیش کی نیز امیر اہل سنت دامت بَرَکَاتُہمُ العالیہ کی تصانیف تحفے میں پیش کیں۔(رپورٹ: شعبہ رابطہ برائے شخصیات ڈسٹرکٹ وہاڑی ، دعوت اسلامی/کانٹینٹ: محمد مصطفیٰ انیس) 

05دسمبر 2022ء بروز پیر علامہ اقبال ٹاؤن لاہور میں شعبہ رابطہ برائے شخصیات کے ذمہ داران خواجہ سلیم عطاری اور کامران غازی عطاری کادینی کاموں کے حوالے سے شیڈول ہواجس میں فیصل میر صاحب (ایم۔پی۔اے ٹکٹ ہولڈر)، ایس۔ایچ۔او عمران صاحب ، محمد اکرم صاحب (اے۔ایس۔آئی ) اور دیگرپنجاب ڈولفن پولیس کے اسٹاف سے ملاقاتیں کیں ۔

دورانِ ملاقات دعوتِ اسلامی کی دینی و فلاحی خدمات بیان کیں نیز مدنی مرکز فیضانِ مدینہ جوہر ٹاؤن وزٹ کرنے کی دعوت دیتے ہوئے مکتبۃُ المدینہ کی شائع کردہ کتاب ” حضرت عمر بن عبد العزیز رحمۃ اللّٰہ علیہ کی 426 حکایات “ اور دیگر رسائل تحفے میں پیش کئے ۔(رپورٹ: سید مقصود شاہ عطاری ، شعبہ رابطہ برائے شخصیات ، علامہ اقبال ٹاؤن/زون، ڈسٹرکٹ لاہور کانٹینٹ: محمد مصطفیٰ انیس) 

گزشتہ دنوں چوک صاحباں کشمیرمیں شعبہ رابطہ برائے شخصیات دعوتِ اسلامی کے تحت نگران میر پور کشمیر ڈویژن سید ریاض عطاری نے ذمہ داران کے ہمراہ پیپلز پارٹی کشمیر کے صدر اور ایم۔ ایل ۔اے کوٹلی چوہدری یاسین کے والد اور چوہدری عامر یاسین کے داداکے انتقال پر تعزیت و ملاقات کی۔

ذمہ داران نے مرحوم کے ایصالِ ثواب کے لئےفاتحہ خوانی کی اور ایصالِ ثواب کیا نیز دعوتِ اسلامی کے سنتوں بھرے ماحول سے وابستہ رہنے اور ہفتہ وار اجتماعات میں شرکت کرنے کی ترغیب دلائی۔ (رپورٹ: شعبہ رابطہ برائے شخصیات ، کشمیر/ کانٹینٹ: محمد مصطفیٰ انیس)

عاشقان رسول کی دینی تحریک دعوت اسلامی کے دینی ماحول میں مدنی چینل، رسالہ ”نیک اعمال“، ہفتہ وار اجتماع، مدنی مذاکرہ اور مختلف ایکٹیویز کے ذریعے اسلامی بھائیوں اور اسلامی بہنوں کو ہر حال میں نماز کی پابندی کرنے اور رب عَزَّوَجَلَّ کے عذاب سے ڈرنے کا درس دیا جاتا ہے۔

آقا کریم صلَّی اللہ علیہ واٰلہٖ وسلَّم کی پیاری امت کو ان چیزوں کی مزید ترغیب دلانے کے لئے امیر اہلسنت دامت بَرَکَاتُہمُ العالیہ نے اس ہفتے 17 صفحات کا رسالہ ”نماز پڑھنے کے باوُجُود گناہ کیوں ہوجاتے ہیں؟“ پڑھنے/ سننے کی ترغیب دلائی ہے اور پڑھنے/سننے والوں کو اپنی دعاؤں سے بھی نوازا ہے۔

دعائے عطار

یارب المصطفٰے! جو کوئی 17 صفحات کا رسالہ ”نماز پڑھنے کے باوُجُود گناہ کیوں ہوجاتے ہیں؟“ پڑھ یا سن لے اُسے مخلص نمازی بناکر ہر گناہ سے بچا اور اُسے جنت الفردوس میں اپنے پیارے پیارے سب سے آخری نبی صلَّی اللہ علیہ واٰلہٖ وسلَّم کا پڑوسی بنا۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book