عاشقانِ  رسول کی دینی تحریک دعوتِ اسلامی کے تحت 9 دسمبر2022ء کو ضلع مظفرگڑھ سٹی علی پور میں اصلاحِ اعمال اجتماع کا انعقاد ہوا جس میں مقامی عاشقانِ رسول نے شرکت کی۔

ڈویژن ڈی جی خان اصلاح اعمال ذمہ دار غلام عباس عطاری نے’’ بسم ِاللہ کے فضائل‘‘ کے موضوع پر سنتوں بھرا بیان کیا اور شرکائے اجتماع کو 72نیک اعمال کے رسالے پر عمل کرنے کی ترغیب دلائی جس پر اسلامی بھائیوں نے نیک جذبات کا اظہار کیا۔( کانٹینٹ: رمضان رضا عطاری ) 

شعبہ مدرسۃالمدینہ گرلز دعوتِ اسلامی کے تحت مدنی مرکز فیضانِ مدینہ ملتان میں مدنی مشورے کا انعقاد ہوا جس میں صوبائی  ذمہ داران اور پاکستان سطح کے ذیلی شعبہ جات (ایچ آر ڈیپارٹمنٹ، فنانس ڈیپارٹمنٹ، مینٹیننس ڈیپارٹمنٹ، فیڈ بیک ڈیپارٹمنٹ اور خود کفالت ڈیپارٹمنٹ) کے ذمہ دار اسلامی بھائیوں نے شرکت کی۔

ابتداءً نگرانِ شعبہ انوارالحق عطاری نے اسلامی بھائیوں کو اپنے نگران سے رابطے میں رہنے، خود کفالت اور مینٹیننس سمیت دیگر شعبہ جات میں ذمہ داران کی تقرری مکمل کرنے نیز شیڈول کے مطابق دینی کام کرنے کا ذہن دیا۔

اس کے علاوہ مرکزی مجلسِ شوریٰ کے رکن حاجی قاری سلیم عطاری نے اسلامی بھائیوں کی تربیت و رہنمائی کرتے ہوئے انہیں مدنی پھولوں سے نوازا اور اخلاص کے ساتھ دینی کام کرتے رہنے کی ترغیب دلائی۔

دعوتِ اسلامی کے زیرِ اہتمام 9 دسمبر2022ء  کو ضلع مظفرگڑھ سٹی علی پور میں سحری اجتماع ہوا جس میں جامعۃ ُالمدینہ کےطلبہ ا ور مقامی عاشقانِ رسول نے شرکت کی۔

سحری اجتماع میں اسلامی بھائیوں نے باجماعت نمازِ تہجد ادا کی۔ بعدازاں ڈویژن ذمہ دارغلام عباس عطاری نے سنتوں بھرابیان کرتے ہوئے حاضرین کی دینی و اخلاقی اعتبار سے تربیت کی اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا ۔

اذانِ فجر کے بعد مسجد سے باہر جاکر اسلامی بھائیوں نے صدائے مدینہ لگاتے ہوئے اہلِ محلہ کو نمازِ فجر کے لئے جگایا۔بعد نمازِ فجرتفسیر کاحلقہ،شجرہ شریف کے اوراداور اشراق وچاشت کی نماز ادا کی گئی۔ ( کانٹینٹ: رمضان رضا عطاری )

نیکی  کی دعوت دینے کے سلسلے میں پچھلے دنوں شعبہ رابطہ برائے شخصیات کے ذمہ داران نے گوجرانوالہ میں ڈی سی آفس کا دورہ کیا جہاں مذکورہ شخصیات(ایڈیشنل ڈپٹی کمشنر جنرل شبیر بٹ،پی اے محمد رضوان،ایڈیشنل ڈپٹی کمشنر فائنانس خرم شہزاد بھٹی،پی اے اور دیگر عملے) سے ملاقات کی۔

دورانِ ملاقات ذمہ دار اسلامی بھائی نے شخصیات کو دعوتِ اسلامی کے مختلف شعبہ جات کا تعارف کرواتے ہوئے ان میں ہونے والے دینی کاموں کے بارے میں بتایا نیز انہیں مدنی مرکز فیضانِ مدینہ وزٹ کی دعوت دی جس پر انہوں نے اظہار ِمسرت کرتے ہوئے دعوتِ اسلامی کی دینی خدمات کو سراہا۔

اس کے علاوہ سیاسی و سماجی شخصیت ایم پی اے چودھری بصیرت چشتی نے اپنی ٹیم ممبران اور میڈیا نمائندگان کے ہمراہ مدنی مرکز فیضانِ مدینہ گوجرہ والا کا دورہ کیا ۔

اس موقع پر ذمہ داران نے انہیں مدنی مرکز میں موجود شعبہ جات کا وزٹ کروایا اور ان میں ہونے والے دینی کاموں کے بارے میں بریفنگ دی جس پر چودھری بصیرت نے میڈیا نمائندگان سے گفتگو کرتے ہوئے انہیں دعوتِ اسلامی کے بارے میں اچھے تاثرات دیئے۔ (رپورٹ: ضلع گوجرانوالہ کوآرڈینیٹر، کانٹینٹ:رمضان رضا عطاری)

عاشقانِ  رسول کی دینی تحریک دعوتِ اسلامی کی جانب سے 9 دسمبر 2022ء کو عالمی مدنی مرکز فیضانِ مدینہ کراچی میں شعبہ معاونت برائے اسلامی بہنیں کے ذمہ داران کا مدنی مشورہ ہوا جس میں رکن ِشوریٰ حاجی ابوماجد محمد شاہد عطاری نے اسلامی بھائیوں کی سابقہ کارکردگی کا جائزہ لیتے ہوئے انہیں مزید بہتری لانے کے حوالے سے مدنی پھول پیش کئے۔

مزید رکن ِشوریٰ نے محارم کے مدنی حلقے لگانے، گلی گلی مدرسۃُ المدینہ اور فرض علوم کورسز کے سلسلے میں بھی اسلامی بھائیوں کی تربیت کی جس پر انہوں نے اچھی اچھی نیتوں کا اظہار کیا۔(رپورٹ: غلام الیاس عطاری ، کانٹینٹ:رمضان رضا عطاری)

حیدر آباد فیضانِ مدینہ آفندی ٹاؤن میں 8 دسمبر 2022ء  کو دعوتِ اسلامی کے شعبہ معاونت برائے اسلامی بہنیں کےذمہ داران کا رکنِ شوریٰ قاری ایاز عطاری نے مدنی مشورہ لیا جس میں صوبہ اور ڈویژن سطح کےذمہ داران نے شرکت کی۔

رکنِ شوریٰ قاری ایاز عطاری نے دورانِ مدنی مشورہ شعبے کے دینی کاموں میں مزید بہتری لانےکے حوالے سے گفتگو کرتے ہوئے کارکردگی شیڈول پر کلام کیا نیز شعبے کی ماہانہ کارکردگی کا فالو اپ لیااور محارم خواتین کو دینی کام سمجھانے کے متعلق نکات بتائے۔ (رپورٹ: غلام الیاس عطاری ، کانٹینٹ:رمضان رضا عطاری)

10 دسمبر2022ء  بروز ہفتہ دعوتِ اسلامی کے عالمی مدنی مرکز فیضانِ مدینہ کراچی میں مدنی مشورے کا انعقاد ہوا جس میں کراچی سٹی شعبہ آئمہ مساجد کے سٹی،ڈسٹرکٹ اور ٹاؤن ذمہ داران نے شرکت کی۔

رکنِ شوریٰ حاجی محمد امین عطاری نے دورانِ مدنی مشورہ ذمہ داران سے گفتگو کرتے ہوئے انہیں دعوتِ اسلامی کےتحت چلنے والی مساجد میں 12 دینی کاموں کو بڑھانے اور ان میں مدنی کورسز کروانے کے سلسلے میں مدنی پھول دیئےنیز شرکا کو مدنی قافلے میں سفر کرنے کا ذہن بھی دیا۔( کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کی جانب سے 9 دسمبر 2022ء بروز جمعہ رکنِ شوریٰ حاجی محمد امین عطاری نے بلدیہ ٹاؤن میں محمد رفیق عطاری کی ہمشیرہ اور فرید عطاری کی زوجہ کے انتقال پر لواحقین سے تعزیت کی۔

رکنِ شوریٰ نے لواحقین کو صبر کی تلقین کرتے ہوئے انہیں عوتِ اسلامی کے دینی ماحول سے وابستہ رہنے اور ہفتہ وار اجتماعات میں شرکت کرنے کی ترغیب دلائی نیز آخر میں مرحومہ کو ایصالِ ثواب کرتے ہوئے اِ ن کے لئے دعا ئے مغفرت کروائی۔( کانٹینٹ:رمضان رضا عطاری)

دعوتِ اسلامی کے تحت 9 دسمبر 2022ء  بروز جمعہ مرکزی مجلسِ شوریٰ کے رکن حاجی محمد امین عطاری نے بلدیہ ٹاؤن میں محمد ارشد عطاری کے انتقال پر تعزیت و ملاقات کی۔

اس موقع پر رکنِ شوریٰ نے اہلِ خانہ کو صبر کی تلقین کرتے ہوئے انہیں ہفتہ وار سنتوں بھرے اجتماع میں شرکت کرنے کی دعوت دی اور مرحوم کو ایصالِ ثواب کرتے ہوئے ان کے لئےدعائے مغفرت کروائی۔( کانٹینٹ:رمضان رضا عطاری)

11 دسمبر ٫2022 بروز اتوار شعبہ عطیات بکس کی پنجاب کے شہر لیہ میں قائم دعوتِ اسلامی کے مدنی مرکز فیضانِ مدینہ لیہ میں میٹنگ کا انعقاد ہوا جس میں شعبے کی ڈویژن ڈی جی خان کی مینجمنٹ نے شرکت کی۔

میٹنگ کا آغاز تلاوتِ قرآنِ پاک و نعتِ رسولِ مقبول صلَّی اللہ علیہ واٰلہٖ وسلَّم ہوا۔ اس کے بعد صوبائی ذمہ دار محمد زاہد عطاری نے مدنی مشوروں کے مدنی پھول پڑھ کر سنائے اور ذمہ داران کو12 دینی کاموں کے حوالے سے ترغیب دلائی جس میں بالخصوص ایک ماہ کے مدنی قافلوں کے حوالے سے ذہن سازی کی۔اس پر 6 ذمہ داران نے ہاتھوں ہاتھ اپنے آپ کو ایک ماہ کےمدنی قافلے میں سفر کے لئےپیش کیا ۔

آخر میں صوبائی ذمہ دار نے اچھی کارکردگی پر ذمہ داران کو تحائف بھی دیئے۔اس مدنی مشورے میں ڈویژن ڈی جی خان کے نگران محمد اقبال عطاری نے بھی شرکت کی۔ (رپورٹ: محمد شہریار عطاری سوشل میڈیا ڈونیشن بکس پنجاب، کانٹینٹ:رمضان رضا عطاری)

دنیا کے شہنشاہوں کا اصول یہ ہے کہ وہ اپنی تعظیم کے اصول خود بناتے ہیں، اپنے دربار کے آداب خود بناتے اور جب چلے جاتے ہیں تو اپنی تعظیم و ادب کے نظام کو بھی ساتھ لے جاتے ہیں۔ لیکن کائنات میں ایک شہنشاہ ایسا ہے، جس کے دربار کا دستور ہی نرالا ہے کہ اس نے اپنی بارگاہ کے ادب و احترام کے اصول و قوانین نہ خود بنائے ہیں اور نہ ہی مخلوق میں سے کسی نے بنائے ہیں۔بلکہ سب سے بڑے شہنشاہ،بادشاہ اور ساری کائنات کو پیدا فرمانے والے ربّ کریم نے نازل فرمائے ہیں۔ وہ ہستی عظیم، شہنشاہ، مالک و مختار ہستی محمدِ مصطفےٰ ﷺ کی ذاتِ گرامی ہے، جن کی تعظیم و توقیر کرنے کا خود اللہ پاک نے حکم فرمایا۔ چنانچہ

(1)اللہ پاک ارشاد فرماتا ہے: یٰۤاَیُّهَا الَّذِیْنَ اٰمَنُوا اسْتَجِیْبُوْا لِلّٰهِ وَ لِلرَّسُوْلِ اِذَا دَعَاكُمْ (پ9، الانفال: 24)ترجمہ کنز الایمان: اے ایمان والو! اللہ و رسول کے بلانےپر حاضر ہو جب رسول تمہیں بلائیں۔ حضور ﷺ جب بھی بلائیں، حکم فرمائیں تو فوراً ان کی بارگاہ میں حاضر ہوجاؤ۔

(2) اللہ پاک فرماتا ہے: لَا تَجْعَلُوْا دُعَآءَ الرَّسُوْلِ بَیْنَكُمْ كَدُعَآءِ بَعْضِكُمْ بَعْضًاؕ- (النور: 63) ترجمہ کنز الایمان:رسول کے پکارنے کو آپس میں ایسا نہ ٹھہرا لو جیسا تم میں ایک دوسرے کو پکارتا ہے۔ ایک دوسرے کو پکارنے کی طرح نبیِ کریم ﷺ کو پکارنے سے منع فرمایا گیا ہے۔

(3) یٰۤاَیُّهَا الَّذِیْنَ اٰمَنُوْا لَا تَقُوْلُوْا رَاعِنَا وَ قُوْلُوا انْظُرْنَا وَ اسْمَعُوْاؕ-وَ لِلْكٰفِرِیْنَ عَذَابٌ اَلِیْمٌ(۱۰۴) (پ1، البقرۃ: 104)ترجمہ کنز العرفان: اے ایمان والو! راعنا نہ کہو اور یوں عرض کرو کہ حضور ہم پر نظر رکھیں اور پہلے ہی سے بغور سنو اور کافروں کے لئے درد ناک عذاب ہے۔

آیتِ مبارکہ سے پتا چلا کہ جس کلمہ میں ادب ترک ہونے کا شائبہ بھی ہو، وہ زبان پر لانا ممنوع ہے۔ جیسا کہ لفظِ راعنا کو تبدیل کرنے کا حکم دینے سے یہ بات واضح ہے۔

(4) یٰۤاَیُّهَا الَّذِیْنَ اٰمَنُوْا لَا تَرْفَعُوْۤا اَصْوَاتَكُمْ فَوْقَ صَوْتِ النَّبِیِّ (پ26، الحجرات:2)ترجمہ کنز العرفان: اپنی آوازیں نبی کی آواز پر اونچی نہ کرو۔

آیتِ مبارکہ میں فرمایا گیا کہ اے ایمان والو! آقا کریم ﷺ کی بارگاہ میں کچھ عرض کرنا ہو تو تم پر لازم ہے کہ تمہاری آواز اُن کی آواز سے بلند نہ ہو، بلکہ جو بھی عرض کرنا ہو وہ آہستہ اور پست آواز سے کرو۔

(5) اِنَّ الَّذِیْنَ یُنَادُوْنَكَ مِنْ وَّرَآءِ الْحُجُرٰتِ اَكْثَرُهُمْ لَا یَعْقِلُوْنَ(۴)(پ26، الحجرات: 4) ترجمہ کنز العرفان: بےشک جو لوگ آپ کو حجروں کے باہر سے پکارتے ہیں، ان میں اکثر بے عقل ہیں۔

رسول اللہ ﷺ کی جلالتِ شان کو بیان فرمایا گیا کہ سید المرسلین ﷺ کی بارگاہ اقدس میں اس طرح پکارنا جہالت اور بے عقلی ہے۔سیدی اعلیٰ حضرت رحمۃ اللہ علیہ فرماتے ہیں:

ثابت ہوا کہ جملہ فرائض فروع ہیں اصل الاصول بندگی اس تاجور کی ہے

یہی وجہ ہے کہ صحابۂ کرام رضی اللہُ عنہم اور صحابیاتِ طیبات رضی اللہُ عَنہُنَّ حضورِ اقدس ﷺ کا بےحد ادب و احترام کرتے اور بارگاہِ رسالت کے آداب کا ہمیشہ خیال رکھتے۔

صحابیہ کا ادبِ رسول: بحیرہ بن فراس قشیری نامی شخص نے حضور ﷺ کی اونٹنی کی کوکھ میں نیزہ چبھادیا،وہ اچھلی اور آپ زمین پر تشریف لے آئے۔حضرت ضُباعہ بنتِ عامر رضی اللہُ عنہا یہ سن کر آپے سے باہر ہوگئیں اور اپنے چچا زاد آلِ عامر کے ذریعے اس گستاخی کا بدلہ لیا۔آلِ عامر نے ابھی اسلام قبول نہیں کیا تھا۔ حضور پرنور ﷺ نے خوش ہوکر برکت کی دعا دی۔انہوں نے اسلام قبول کرلیا۔اپنے آقا پر جانیں قربان کردیں۔(صحابیات و صالحات کے اوصاف،1/80) اللہ پاک سے دعا ہے کہ وہ ہمیں پیارے آقا ﷺ سے اور آپ سے نسبت و تعلق رکھنے والی تمام چیزوں کا ادب و احترام بجالانے کی توفیق عطا فرمائے۔ 

اللہ پاک نے اپنی تمام مخلوقات میں ہمارے نبی کریم ﷺ کو جو عزت و شرافت اور مقام و مرتبہ عطا فرمایا ہے،اتنا کسی کو نہیں دیا گیا۔آپ کو دل سے مقصدِ تخلیقِ کائنات،واجب الاتباع،خاتم الانبیا،محسن، ہادی اور رہبر جاننا اور ماننا ضروری ہے۔آپ کی شان میں ادنیٰ سی گستاخی کرنا بھی کفر ہے۔اللہ پاک نے قرآنِ پاک میں بارگاہِ نبوی کے آداب کو بیان فرمایا ہے:

(1)یٰۤاَیُّهَا الَّذِیْنَ اٰمَنُوْا لَا تَقُوْلُوْا رَاعِنَا وَ قُوْلُوا انْظُرْنَا وَ اسْمَعُوْاؕ-وَ لِلْكٰفِرِیْنَ عَذَابٌ اَلِیْمٌ(۱۰۴) (البقرۃ:104) ترجمہ کنز الایمان: اے ایمان والو ! ر اعنا نہ کہو اور یوں عرض کرو کہ حضور ہم پر نظر رکھیں اور پہلے ہی سے بغور سنو اور کافروں کے لیے دردناک عذاب ہے۔

اس آیتِ مبارکہ میں راعنا کی بجائے انظرنا کہنے کا حکم دیا،جس کا معنی ہے:ہم پر نظر و شفقت فرمائیں۔

(2) اِنَّاۤ اَرْسَلْنٰكَ شَاهِدًا وَّ مُبَشِّرًا وَّ نَذِیْرًاۙ(۸) لِّتُؤْمِنُوْا بِاللّٰهِ وَ رَسُوْلِهٖ وَ تُعَزِّرُوْهُ وَ تُوَقِّرُوْهُؕ-ترجمہ کنز الایمان: بےشک ہم نے تمہیں بھیجا حاضر و ناظر اور خوشی اور ڈر سناتا تاکہ اے لوگو تم اللہ اور اس کے رسول پر ایمان لاؤ اور رسول کی تعظیم و توقیرکرو۔

(3) یٰۤاَیُّهَا الَّذِیْنَ اٰمَنُوْا لَا تُقَدِّمُوْا بَیْنَ یَدَیِ اللّٰهِ وَ رَسُوْلِهٖ وَ اتَّقُوا اللّٰهَؕ-اِنَّ اللّٰهَ سَمِیْعٌ عَلِیْمٌ(۱)(پ 26، الحجرات:1) ترجمہ کنز الایمان: اے ایمان والو اللہ اور اس کے رسول سے آ گے نہ بڑھو اور اللہ سے ڈرو بےشک اللہ سُنتا جانتا ہے۔

(4) یٰۤاَیُّهَا الَّذِیْنَ اٰمَنُوا اسْتَجِیْبُوْا لِلّٰهِ وَ لِلرَّسُوْلِ اِذَا دَعَاكُمْ (پ9، الانفال: 24)ترجمہ کنز الایمان: اے ایمان والو! اللہ و رسول کے بلانےپر حاضر ہو جب رسول تمہیں بلائیں۔

اس آیتِ کریمہ سے ثابت ہوا رسول اللہ ﷺ کا بلانا اللہ پاک کا ہی بلانا ہے۔

(5) لَا تَجْعَلُوْا دُعَآءَ الرَّسُوْلِ بَیْنَكُمْ كَدُعَآءِ بَعْضِكُمْ بَعْضًاؕ- (النور: 63) ترجمہ کنز الایمان:رسول کے پکارنے کو آپس میں ایسا نہ ٹھہرا لو جیسا تم میں ایک دوسرے کو پکارتا ہے۔ اس آیتِ مبارکہ میں ارشاد فرمایا گیا ہے کہ ایک دوسرے کو پکارنے کی طرح آقا ﷺ کو نہ پکارو۔

حضرت ابو ہریرہ رضی اللہ عنہ کا ادبِ ملاقات:حضرت ابو ہریرہ رضی اللہُ عنہ فرماتے ہیں کہ ایک دفعہ مدینے شریف کی گلی میں رحمتِ عالم،نورِ مجسم ﷺ سے میرا سامنا ہوا اور اس وقت میں جنبی (ناپاکی کی)حالت میں تھا، تو میں نے گوارا نہ کیا کہ اس حالت میں آقا ﷺ کے سامنے آؤں۔چنانچہ میں نے آپ کو دیکھتے ہی راستہ بدل لیا اور غسل کرکے آپ کی خدمت میں حاضر ہوا تو آپ نے فرمایا:اے ابو ہریرہ!کہاں تھے؟ تو میں نے عرض کی:میں ناپاکی کی حالت میں تھا،اس لئے آپ کے پاس بیٹھنا پسند نہ کرتا تھا۔ (ابو داؤد، 1/110، حدیث: 231)اللہ پاک ہمیں آقا ﷺ کی تعظیم و توقیر سمجھنے اور اس پر عمل کرنے کی توفیق عطا فرمائے۔