دعوتِ اسلامی کے تحت پچھلے دنوں ریجن سطح مشاورت کی اسلامی بہنوں کا مدنی مشورہ ہوا جس میں شعبہ علاقائی دورہ برائے نیکی کی دعوت، شعبہ مدرسۃالمدینہ بالغات، شعبہ اصلاحِ اعمال اور فنانس ڈیپارٹمنٹ کی ذمہ داران شامل تھیں۔

دورانِ مدنی مشورہ ذمہ دار اسلامی بہن نے ان شعبہ جات کی ذمہ دار اسلامی بہنوں سے ریجن سطح پر دینی کام کرنے کے متعلق گفتگو کی اور ڈیٹا انٹری کرنے پر کلام کیا۔

دعوتِ اسلامی کے تحت پچھلے دنوں شعبہ مکتبۃ المدینہ (اسلامی بہنیں) کی ذمہ دار اسلامی بہنوں کا آن لائن مدنی مشورہ منعقد ہوا جس میں شعبے کی پاکستان، صوبائی اور ڈویژن سطح کی اسلامی بہنوں سمیت سٹی نگران کی شرکت رہی۔

دورانِ مدنی مشورہ نگرانِ پاکستان مجلس مشاورت اسلامی بہن نے ”حوصلہ افزائی کیجیئے“ کے موضوع پر سنتوں بھرا بیان کیا اور اسلامی بہنوں کے 9ماہ کے سفر شیڈول کا جائزہ لیا ۔

نگرانِ پاکستان مجلسِ مشاورت نےذمہ دار اسلامی بہنوں سے گفتگو کرتے ہوئے انہیں دینی کاموں میں ہونے والی کمزوریوں پر توجہ دلائی نیز غیر فعال ذمہ داران کو فعال بنانے، ماہانہ مدنی مشوروں کا جائزہ لینے اور بروقت اپنے ماتحتوں کے مدنی مشورے لینے کی ترغیب دلائی۔

عاشقانِ رسول کی دینی تحریک دعوتِ اسلامی کے تحت گزشتہ روز   شعبہ فیضان مرشد (اسلامی بہنیں)کی ذمہ دار اسلامی بہنوں کی آن لائن میٹنگ ہوئی جس میں شعبے کی پاکستان، صوبائی اور ڈویژن سطح کی اسلامی بہنوں سمیت سٹی نگران نے شرکت کی۔

دورانِ میٹنگ نگرانِ پاکستان مجلس مشاورت اسلامی بہن نے”حوصلہ افزائی کیجیئے“ کے موضوع پر سنتوں بھرا بیان کرتے ہوئے شعبہ فیضانِ مرشد للبنات کے ہونے والے دینی کاموں کے حوالے سے ذمہ داران کو اپڈیٹ کیا نیز اسلامی بہنوں کے 9ماہ کے سفر شیڈول کا جائزہ لیا۔

دورانِ بیان نگرانِ پاکستان مجلسِ مشاورت نے دینی کاموں میں ہونے والی کمزوریوں پر توجہ دلاتے ہوئے غیر فعال ذمہ داران کو فعال بنانے، ماہانہ مدنی مشوروں کا جائزہ لینے اور بروقت اپنے ماتحتوں کے مدنی مشورے لینے کی ترغیب دلائی۔

دعوتِ اسلامی کے تحت گزشتہ روز شعبہ دارالسنہ (اسلامی بہنیں) کی ذمہ دار اسلامی بہنوں کا آن لائن مدنی مشورہ ہوا جس میں شعبے کی پاکستان، صوبائی اور ڈویژن سطح کی اسلامی بہنوں سمیت سٹی نگران کی شرکت رہی۔

اس مدنی مشورے میں نگرانِ پاکستان مجلس مشاورت اسلامی بہن نے ”حوصلہ افزائی کیجیئے“ کے موضوع پر سنتوں بھرا بیان کیا اور اسلامی بہنوں کے 9ماہ کے سفر شیڈول کا جائزہ لیا ۔

دورانِ بیان نگرانِ پاکستان مجلسِ مشاورت نے دینی کاموں میں ہونے والی کمزوریوں پر توجہ دلائی نیز غیر فعال ذمہ داران کو فعال بنانے، ماہانہ مدنی مشوروں کا جائزہ لینے اور بروقت اپنے ماتحتوں کے مدنی مشورے لینے کی ترغیب دلائی۔

دنیا بھر کے مرد  اور خواتین میں نیکی کی دعوت کو عام کرنے والی عاشقانِ رسول کی دینی تحریک دعوتِ اسلامی کے زیرِ اہتمام سینٹرل افریقہ میں اسلامی بہنوں کےدرمیان ماہِ نومبر 2022ء میں ہونے والےدینی کاموں کی کارکردگی:

٭ماہِ نومبر 2022ء میں انفرادی کوشش کے ذریعے دینی ماحول سے منسلک ہونے والی اسلامی بہنوں کی تعداد:103

٭روزانہ گھر درس دینے والی اسلامی بہنوں کی تعداد:51

٭اسلامی بہنوں کے لئے لگنے والے مدرسۃالمدینہ بالغات کی تعداد:16

٭مدرسۃالمدینہ بالغات میں پڑھنے والی اسلامی بہنوں کی تعداد:91

٭اسلامی بہنوں کے لئے منعقد ہونے والے ہفتہ وار سنتوں بھرے اجتماعات کی تعداد:28

٭ان اجتماعات میں شرکت کرنےوالی اسلامی بہنوں کی تعداد:536

٭ہفتہ وار مدنی مذاکرہ سننے والی اسلامی بہنوں کی تعداد:87

٭ہفتہ وار علاقائی دورہ برائے نیکی کی دعوت میں شریک اسلامی بہنوں کی تعداد:53

٭ہفتہ وار رسالہ پڑھنے/ سننے والی اسلامی بہنوں کی تعداد:205

٭اسلامی بہنوں سے وصول ہونے والے نیک اعمال کے رسائل کی تعداد:101

خواتین میں نیکی کی دعوت کو عام کرنے اور اُن کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت ویسٹ افریقہ میں  اسلامی بہنوں کے درمیان ماہِ نومبر 2022ء میں ہونے والے دینی کاموں کی چند جھلکیاں:

٭روزانہ گھر درس دینے والی اسلامی بہنوں کی تعداد:01

٭بڑی عمر کی اسلامی بہنوں کے لئے لگنے والے مدرسۃالمدینہ بالغات کی تعداد:01

٭مدرسۃالمدینہ بالغات میں پڑھنے والی اسلامی بہنوں کی تعداد:05

٭اسلامی بہنوں کے لئے منعقد ہونے والے ہفتہ وار سنتوں بھرے اجتماع کی تعداد:01

٭ہفتہ وار سنتوں بھرے اجتماع میں شرکت کرنے والی اسلامی بہنوں کی تعداد:12

٭ہفتہ وار مدنی مذاکرہ سننے والی اسلامی بہنوں کی تعداد:03

٭ہفتہ وار رسالہ پڑھنے/ سننے والی اسلامی بہنوں کی تعداد:06

اصلاحِ امت کا جذبہ رکھنے والی عاشقانِ رسول کی دینی تحریک دعوتِ اسلامی کے تحت پاکستان بھر میں اسلامی بہنوں کے درمیان ماہِ نومبر 2022ء میں ہونے والے دینی کاموں کی درج ذیل کارکردگی رہی۔

٭روزانہ گھر درس دینے والی اسلامی بہنوں کی تعداد:78 ہزار 259

٭روزانہ امیرِاہل سنت دامت بَرَکَاتُہمُ العالیہ کا سنتوں بھرا بیان/ مدنی مذاکرہ سننے والی اسلامی بہنوں کی تعداد:95 ہزار 569

٭بڑی عمر کی اسلامی بہنوں کے لئے لگنے والے مدرسۃالمدینہ بالغات کی تعداد:5 ہزار 203

٭ان مدرسۃالمدینہ بالغات میں پڑھنے والی اسلامی بہنوں کی تعداد:66 ہزار 914

٭دعوتِ اسلامی کے تحت اسلامی بہنوں کے لئے منعقد ہونے والے ہفتہ وار سنتوں بھرے اجتماعات کی تعداد:9 ہزار 664

٭ہفتہ وار سنتوں بھرے اجتماعات میں شرکت کرنے والی اسلامی بہنوں کی تعداد:3 لاکھ 15 ہزار 275

٭دعوتِ اسلامی کے تحت ہفتہ وار علاقائی دورہ برائے نیکی کی دعوت میں شریک اسلامی بہنوں کی تعداد:23 ہزار 777

٭ہفتہ وار رسالہ پڑھنے / سننے والی اسلامی بہنوں کی تعداد:7 لاکھ 66 ہزار 372

10 دسمبر 2022ء بمطابق 16 جمادی الاولیٰ 1444ھ بروز ہفتہ بعد نماز عشاء دعوتِ اسلامی کے عالمی مدنی مرکز فیضان مدینہ کراچی میں ہفتہ وار مدنی مذاکرے کا انعقاد کیا گیا جس میں شہر کراچی کے عاشقان رسول نے فیضان مدینہ آکر جبکہ دیگر مقامات پر ہزاروں عاشقان رسول بذریعہ مدنی چینل شریک ہوئے۔

مدنی مذاکرے میں شیخ طریقت، امیر اہلِ سنت علامہ محمد الیاس عطار قادری دامت بَرَکَاتُہمُ العالیہ نے عاشقان رسول کی جانب سے کئے گئے سوالات کے علم و حکمت سے بھر پور جوابات دیئے اور مسلمانوں کی دینی و معاشرتی رہنمائی کے لئے مدنی پھول ارشاد فرمائے۔

مدنی مذاکرے کے چند مدنی پھول ملاحظہ کیجئے:

سوال: حلال کھانے کےکیا فوائدہیں؟

جواب: بہت فوائدہیں ،حلال کھائیں اگرچہ تھوڑاہی ہو،اس تھوڑے میں بھی برکت ہوگی ،اگرکسی نے حرام کمایاتو نہ تو سب کھا سکیں گے اورنہ ہی ساراپہن سکیں گے ،اولادکےلیے چھوڑجائیں گے ،ان کےلیے ترلقمے ہوں گے مگرمرنے والے کے لیے قبرمیں سانپ بچھوہوسکتے ہیں ،زندگی چنددن کی ہے،حرام کمانے والے توبہ کریں اورمعافی تلافی کرلیں۔

سوال: نیک اعمال کا رسالہ جمع کروانے کے بارے میں آپ کیا فرماتے ہیں؟

جواب: اگر کوئی دعوتِ اسلامی کا ذمہ دارہے یانہیں،نیکیاں تو سب کوہی کرنی چاہئیں ،نیکیاں کرنے کے لیے سب اپنےاعمال کا جائزلے کر روزانہ نیک اعمال کا رسالہ پرکریں اورہر عیسوی مہینے کی پہلی(1st ) تاریخ کو اپنے ذمہ دارکو جمع کروائیں ، خواہ اسلامی بھائی ہویا اسلامی بہن ،کسی ذمہ داری پر ہویانہ ہو،مجھے بھی چاہئے مَیں جمع کرواؤں،اراکین شوریٰ کو بھی جمع کروانا چاہئے ۔یہ بھی جنت میں لے جانے والانسخہ ہے ،اسے دیکھ کر ،پڑھ کر نیک اعمال کرنے کا ذہن بنتاہے، جس طرح ہاتھ میں تسبیح ہو تو ذکر واذکار کرنے،دُرود شریف پڑھنے کا ذہن بنتاہے۔

سوال:جب کوئی مدینہ شریف سے ہوکرآئے تو اس سے کیا سوال کیا جائے؟

جواب: جب کوئی مدینہ شریف جارہا ہوتو سرکارِمدینہ صلی اللہ علیہ والہ وسلم کو اپناسلام عرض کرنے کا کہاجائےاورجب واپس آئے تو یہ نہ پوچھا جائے کہ میراسلام عرض کیاتھا یا نہیں ؟یہ آزمائش کا باعث ہوسکتاہے،اس طرح کےاور سوالات بھی پوچھے جاتے ہیں مثلاً میرے گھرکا کھانا کیسالگاوغیرہ ،اس طرح کے سوالات نہ کئے جائیں جس سے سامنے والا جھوٹ میں مبتلاہوجائے ۔

سوال: کیاپیارے آقاصلی اللہ علیہ والہ وسلم نے اذان دی ہے؟

جواب: جی ہاں ایک مرتبہ اذان دی ہے ۔

سوال: اپنے والدین کو کس طرح نمازکی دعوت دی جائے؟

جواب: اگروالدین نمازنہ پڑھیں تو اچھے اندازسے،عاجزی سے، نرم اندازمیں نمازپڑھنے کا کہیں اورجب ان کو غصہ آجائے تو اب نہ کہیں ،ان کے ساتھ ہرگزبحث نہ کریں اورنہ ہی سختی کریں۔

سوال: حضرت خضرعلیہ السلام کون ہیں؟

جواب: حضرت خضرعلیہ السلام اللہ پاک کے نبی ہیں ،یہ حیاتِ ظاہری کے ساتھ زندہ ہیں اورسمندرکی حفاظت کرتے ہیں۔

سوال: آپ حسن رضا(امیرِ اہلسنت کے رضاعی پوتے) کوپیا رسے کس نام سے پکارتے ہیں؟

جواب: میں حسن رضا کو مٹھوکہتاہوں۔

سوال: مدنی مذاکرے میں جانشین وخلیفۂ امیراہلسنت مولانا عبیدرضا عطاری مدنی مدظلہ العالی کے کن استاذصاحب کا ذکر ہوا،امیراہل سنت نے ان کے بارے میں کیا فرمایا؟

جواب: حضرت مولانا مفتی محمدامین عطاری ،جانشینِ امیرِ اہلسنّت مولانا عبید رضا عطاری مدنی کے استاذ صاحب تھے ،یہ بچپن سے ہی دعوتِ اسلامی سے وابستہ تھے ،پکے دعوت اسلامی تھے ،کچھ سال پہلے وفات پاگئےہیں،اللہ پاک ان کی بے حساب بخشش و مغفرت فرمائے۔

سوال: خوفِ خداکیسے پیداہو؟

جواب: خوفِ خداکے فضائل پڑھیں ،مکتبۃ المدینہ کی کتاب ”خوفِ خدا“پڑھئے ،خائفین (خوفِ خدارکھنے والوں )کی صحبت میں رہیں ،یوں تو ہر مسلمان اللہ پاک سے ڈرتاہے کوئی کم اورکوئی زیادہ،اس وصف کو بڑھاناچاہئے ،دعوت اسلامی کے دینی ماحول سے وابستہ رہیں گے تو خوفِ خدامیں اضافہ ہوگا۔

سوال: اِس ہفتے کارِسالہ ” نماز پڑھنے کے باوُجُود گناہ کیوں ہوجاتے ہیں؟ “ پڑھنے یاسُننے والوں کو امیرِاہلِ ِسُنّت مدظلہ العالی نے کیا دُعا دی ؟

جواب: یارَبَّ المصطفےٰ! جو کوئی 17 صفحات کا رسالہ ”نماز پڑھنے کے باوُجُود گناہ کیوں ہوجاتے ہیں؟“ پڑھ یا سن لے اُسے مخلص نمازی بناکر ہر گناہ سے بچا اور اُسے جنت الفردوس میں اپنے پیارے پیارے سب سے آخری نبی صلَّی اللہ علیہ واٰلہٖ وسلَّم کا پڑوسی بنا۔ اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم

12 دسمبر 2022ء بروز پیر پاکستان کے شہر لیہ میں شعبہ اصلاحِ اعمال دعوتِ اسلامی کے زیرِ اہتمام سحری اجتماع کا انعقاد کیا گیا جس میں قرب و جوار کے عاشقانِ رسول نے شرکت کی۔

دورانِ سحری اجتماع مختلف دینی ایکٹیویٹیز کا سلسلہ رہا جن میں مبلغِ دعوتِ اسلامی و نگرانِ ڈیرہ غازی خان حاجی محمد اقبال عطاری نے شرکا کی تربیت و رہنمائی کرتے ہوئے انہیں نفل روزوں کی فضیلت 72 نیک اعمال رسالے پر عمل کرنے کی ترغیب دلائی۔

علاوہ ازیں شرکائے اجتماع نے باجماعت نمازِ تہجد ادا کی اور روزہ رکھنے والے عاشقانِ رسول نے سحری کی جبکہ اذانِ فجر کے بعد اسلامی بھائیوں نے علاقے میں فجر کی نماز کے لئے لوگوں کو جگایا۔

دعوتِ اسلامی کے تحت 11 دسمبر 2022ء بروز اتوار ڈسٹرکٹ عمر کوٹ کی تحصیل پتھورو میں مدنی مشورہ ہوا جس میں نئے پرانے اسلامی بھائیوں نے شرکت کی۔

اس مدنی مشورے میں پیرپور خاص ڈویژن کے نگران حافظ زین عطاری نے دعوتِ اسلامی کے 12 دینی کاموں کے حوالے سے گفتگو کرتے ہوئے اسلامی بھائیوں کے درمیان تنظیمی ذمہ داریوں کا اعلان کیا جس پر شرکائے مدنی مشورہ نے اچھی اچھی نیتوں کا اظہار کیا۔(کانٹینٹ:غیاث الدین عطاری)

11 دسمبر 2022ء بروز اتوار پاکستان کی تحصیل عمر کوٹ میں  دعوتِ اسلامی کے تحت مدنی مشورے کا انعقاد ہوا جس میں نئے پرانے اسلامی بھائیوں نے شرکت کی۔

نگرانِ میرپور خاص ڈویژن حافظ زین عطاری نے ذمہ داران سے دعوتِ اسلامی کے 12 دینی کاموں کا فالو اپ لیتے ہوئے انہیں بھر پور انداز میں دینی کام کرنے کا ذہن دیا۔

کتابیں انسان کی بہترین دوست ہیں۔ یہ معاشرے کو تعلیم یافتہ ،مہذب اور تحمل مزاج بنانے میں اہم کردار ادا کرتی ہیں، ان کی بدولت اسلاف کے افکار اور ان کے کارناموں سے واقفیت پیدا ہوتی ہے۔

دورِ جدید میں اگرچہ مطالعہ کے نئے ذرائع متعارف ہو چکے ہیں مگر کتاب کی اہمیت اور افادیت اپنی جگہ برقرار ہے۔ دنیا بھر میں کُتُب بینی کی اہمیت اور اس کا ذوق پروان چڑھانے کے لئے کُتُب میلوں کا انعقاد کیا جاتا ہے۔

گزشتہ روزکراچی عالمی کُتُب میلے )کراچی انٹرنیشنل بک فیئر) کا انعقاد ہوا، جس میں ڈیڑھ سو سے زائد اسٹال لگائے گئے تھے، ان اسٹالز میں دارالمدینہ انٹرنیشنل یونیورسٹی پریس اور مکتبۃ المدینہ کے اسٹالز بھی موجود تھے۔

اس موقع پر نگرانِ شعبہ دارالمدینہ و مرکزی مجلسِ شوریٰ کے رکن حاجی محمد اطہر عطاری،نگران شرعی ایڈوائزر مولانا کفیل عطاری مدنی،دارالمدینہ انٹرنیشنل یونیورسٹی کے وائس چانسلر ڈاکٹر دانش گوڈیل، ڈائریکٹراوورسیزاینڈ اسٹرٹیجک بورڈ ممبرعرفان حسن، نگرانِ پنجاب زبیر عطاری مدنی اور نگرانِ سندھ مدنی رضا عطاری نے خصوصی طور پر دارالمدینہ کے اسٹال کا دورہ کیا جہاں دارالمدینہ انٹرنیشنل یونیورسٹی پریس کے ڈائریکٹر سیّد فاروق شاہ صاحب نے انہیں خوش آمدید کہا۔

اس کتاب میلے میں دارالمدینہ انٹرنیشنل یونیورسٹی پریس کی سو سے زائد پری پرائمری، پرائمری اور سیکنڈری کی کتابیں موجود تھیں جن میں ”اسلامیات کا راہ اسلام سلسلہ“، ”روشن سفر اردو سلسلہ“، ”ڈائنامک انگلش“، ”یونیک پرائمری Mathematics“ شامل تھیں۔

واضح رہے کہ دارالمدینہ نےطلبہ کی اردو اور انگریزی لکھائی بہتر بنانے کے لئے پیاری اردو خوش خطی اور انگلش کرسیو رائٹنگ بھی ترتیب دی ہیں۔ (رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)