ہفتہ وار مدنی مذاکرے میں امیر اہل ِسنت  دَامَتْ بَرَکَاتُہُمُ الْعَالِیَہ کسی ایک مدنی رسالے کے مطالعے کی ترغیب ارشاد فرماتے ہیں اوررسالہ پڑھنے اور سننے والوں کو اپنی دعاؤں سے بھی نوازتے ہیں۔ مطالعہ کرنے یا سننے والے خوش نصیبوں کی کارکردگی امیر اہلِ سنت دَامَتْ بَرَکَاتُہُمُ الْعَالِیَہ کی بارگاہ میں پیش بھی کی جاتی ہے۔

پچھلے ہفتے امیر اہل ِسنت دَامَتْ بَرَکَاتُہُمُ الْعَالِیَہ نے رسالہ ”وضو کا ثواب“ پڑھنے یا سننے کی ترغیب دلائی۔

اسی سلسلے میں یورپین یونین ریجن کی تقریبًا 4 ہزار 99 اسلامی بہنوں نے رسالہ”وضو کا ثواب“ پڑھنے/ سننے کی سعادت حاصل کی۔

دعوت اسلامی کے زیر اہتمام گزشتہ دنوں اٹلی( Italy )کے شہر گلراتے( Gallarate) میں بذریعہ اسکائپ دعائے حاجات اجتماع کا انعقاد کیا گیا جس میں تقریبا 21 اسلامی بہنوں نےشرکت کی۔

یورپین یونین ریجن نگران اسلامی بہن نے ”قبولیت دعا مع دعا مانگنے کا طریقہ“کے موضوع پر بیان کیا اور اجتماعِ پاک میں شریک اسلامی بہنوں کو متفرق روحانی علاج بتائے نیز 100 مرتبہ یا سَمِیعُ کا اجتماعی ورد بھی کروایا گیا۔

امیرِ اہلِ سنت دَامَتْ بَرَکَاتُہُمُ الْعَالِیَہ ہر ہفتے ایک رسالے کے مطالعے کی ترغیب دلاتے ہیں اور رسالہ پڑھنےیاسننے والوں کو اپنی دعاؤں سے بھی نوازتے ہیں۔

اس ہفتے امیرِ اہلِ سنت نے عاشقانِ رسول کو رسالہ ” سردی کے بارے میں دلچسپ معلومات “ پڑھنے / سننے کی ترغیب دلائی ہے اور پڑھنے /سننے والوں کو اپنی دعاؤں سے بھی نوازا ہے۔

دعائے عطار

یا اللہ پاک! جو کوئی 17 صفحات کا رسالہ ”سردی کے بارے میں دلچسپ معلومات “ پڑھ یا سُن لے اس کو جہنم کے ہر عذاب خُصوصاً جہنم کے ٹھنڈک کے شدید عذاب سے بچاکر جنتُ الفردوس میں بے حساب داخلے سے نواز دے۔ امین

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

اسلامی بہنوں کی مجلس اوراد عطاریہ کے زیر اہتمام 27 دسمبر 2020 ء کو گوادر زون ، کابینہ حب چوکی میں گڈانی اسٹاپ کے اوراد عطاریہ کے بستہ پر ریجن مشاورت اسلامی بہن نے شرکت کی جس میں انہوں نے   اورادِ عطاریہ کی بستہ ذمہ دار اسلامی بہنوں کی تربیت کی۔

دوران تربیت ذمہ داران کو وقت پر آنے اور تعویذات لینے والی اسلامی بہنوں پر انفرادی کو شش کے ذریعے انہیں دعا ئے شفاء اجتماع میں جانے کی ترغیب دلانے کا ذہن دیا۔ مزید سنتوں بھرے اجتماع میں اوراد عطاریہ کا بستہ لگانے کی ترغیب دی نیز اس موقع پر ریجن مشاورت اسلامی بہن نے زون ذمہ دار اور کابینہ ذمہ دار کا مدنی مشورہ بھی لیا۔

اسلامی بہنوں کی مجلس دار السنہ کے زیر اہتمام 19 دن پر مشتمل آن لائن ”اسلامی زندگی“  کورس ہوا 36 اسلامی بہنوں نے اس کورس کو مکمل کیا ۔

مدنی قاعدہ،اسلامی بہنوں کی نماز سے وضو، غسل، نماز کا طریقہ اور عربی نماز سکھایا گیا ساتھ ہی مہلکات میں گناہوں کی معلومات اور ان کا علاج بھی بتایا گیا نیز حقوق العباد بتائےاور بالخصوص ایک عورت کو ماں، بیٹی، بہو،ساس کے روپ میں کیسا کردار ادا کرنا چاہیے یہ بھی سمجھایا گیا اس کے علاوہ بہت کچھ سیکھنے کا موقع ملا۔

دعوتِ اسلامی کے زیر اہتمام پچھلے دنوں سندھ دادو کابینہ کی خیر پور ڈویژن میں کابینہ نگران اور کابینہ کی مشاورت  کا جدول بنا۔ کابینہ ذمہ دار اسلامی بہن نے مدنی مشورہ کیا جس میں خیرپور، میھڑ ، دادو ڈویژن کی ذمہ داران نے شرکت کی۔

مدنی مشورے میں ذمہ دارن کے 30 نکات پر بیان کیا گیا۔خیرپور اور دادو کی ڈویژن نگران کی بھی تقرری کی گئی ذمہ داران نے اچھی اچھی نیتیں بھی پیش کیں۔

دعوتِ اسلامی کے زیر اہتمام پچھلے دنوں  پاکستان حیدرآباد ریجن، لاڑکانہ زون، دادو کابینہ میں خیرپور ڈویژن میں مدنی مشورہ ہوا جس میں ذمہ دار اسلامی بہنوں نے شرکت کی۔

مبلغۂ دعوتِ اسلامی نے اخلاقیات کے موضوع پر سنتوں بھرا بیان کرتے ہوئے شریک اسلامی بہنوں کوحسنِ اخلاق اپنے کا ذہن سازی کی اور کردار کو بہتر بنانے کے طریقے بیان کئے۔ اس موقع پر کابینہ اصلاح عمال ذمہ دار اسلامی بہن نے اپنے شعبے کو مضبوط بنانے کیلئے نکات پیش کئے جس میں خیر پور کی نیک اعمال ڈویژن ذمہ دار اور ککر ڈویژن اور دادو کی نیک اعمال ذمہ دار اسلامی بہنوں نے شرکت کی۔ تکرریاں مکمل کرنے اور وقت پر کاکردگی جمع کروانے اور اجتماعات میں جاکر اپنے شعبے کی مضبوطی کے لئےکوشش کرنے کا ذہن دیا نیز آخر میں ذمہ داران نے اپنی نیتوں کا اظہار فرمایا۔

اسلامی بہنوں کی مجلس اصلاح اعمال کے زیر اہتمام پچھلے دنوں پاکستان، حیدرآباد ریجن ، کابینہ سجاول ، ڈویژن چوھڑ جمالی میں اصلاح اعمال اجتماع کا انعقاد کیا گیاجس میں 43 اسلامی بہنوں نے شرکت کی۔

مبلغۂ دعوت اسلامی نے سنتوں بھرا بیان کرتے ہوئےعمل کرنے کی ترغیب دلائی اور ان پر عمل کرنے کی برکتیں بھی بتائیں گئیں نیز اسلامی بہنوں نے اچھی اچھی نیتیں بھی کیں۔ نیک اعمال کے رسالے تقسیم کئے۔

جنوبی افریقی ملک موزمبیق حکام نے آئندہ چند روز میں”بیرا موزمبیق“ میں شدید طوفان اور زلزے کی پیشن گوئی کردی تھی، سائیکلون اور زلزلے کے باعث شدید نقصان کا خدشہ بھی ظاہر کیا گیاتھا۔

شیخِ طریقت، امیر اہلِ سنت حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے ”بیرا موزمبیق“ میں سائیکلون اور زلزے کی پیشن گوئی کی اطلاع ملنے پر وہاں کے عاشقانِ رسول کے نا م ایک آڈیو پیغام جاری کیا۔

صوتی پیغام کے آغاز میں امیرِ اہلِ سنت نے بارگاہِ خداوندی میں مسلمانوں کی حفاظت کی دعائیں کرتے ہوئے کہا ”یا رب المصطفےٰ جل جلالہ و صلی اللہ علیہ وآلہ وسلم بیرا موزمبیق میں سائیکلون اور زلزلے کی پیشن گوئی ہے ،پروردگارِ عالم!اپنے محبوب کی دُکھیاری امّت پر رحمت کی نظر فرما، اے اللہ !تمام عاشقانِ رسول کی حفاظت فرما، یا اللہ !یہ سائیکلون، یہ طوفانی بارشیں اور زلزلے بغیر تباہی مچائے گزر جائیں۔ اے اللہ !تیرے محبوب کی امت محفوظ رہے، الٰہ العالمین! تمام مسلمانوں کی حفاظت فرما، صبر عطا فرما، ہمت عطا فرما، رحمت کی نظر فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

امیر اہلِ سنّت نے” بیرا“ کے مقامی عاشقانِ رسول کو یاقہارُ 100بار پڑھ لینے اور یا سلامُ کابکثرت ورد کرنے اورخوب اذانیں دینے کے متعلق بھی ترغیب دلائی کہ وہ ”یا قہارُ“ سو مرتبہ پڑھیں تو اِنْ شَآءَ اللہ عَزَّ وَجَلَّ آفات و بلیات سے حفاظت ہوگی۔ ”یا سلامُ ،یا سلامُ“ چلتے پھرتے ،اٹھتے بیٹھتے پڑھنا شروع کردیں، اللہ نے چاہا تو دونوں جہاں کی سلامتیاں مقدر ہوں گی ۔اس کے علاوہ نعوذ باللہ طوفان شروع ہوبھی گیا ہو تب بھی وہاں چاروں طرف خوب اذانیں دیں، میرے رب نے چاہا تو اذانوں کی برکت سے یہ آفت تباہیاں مچائے بغیر چلی جائے گی۔ اَللّٰھُمَّ اِنِّی اَسْئَلُکَ الْمُعَافَاۃَ فِی الدُّنْیَا وَالآخِرَة،(یعنی اے اللہ پاک! تجھ سے دنیا و آخرت کی عافیت کا سُوال ہے)اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

بیرا کے ایک مقامی ذمہ دار اسلامی بھائی نے بتایا کہ ہمارے علاقے میں شدید طوفان اور زلزلے کی پیشن گوئی تھی مگر اللہ اور اس کے رسول صلَّی اللہ علیہ واٰلہٖ وسلَّم کے کرم اور مرشدِ کریم کی دعا کی برکت سے اَلْحَمْدُ لِلّٰہِ عَزَّ وَجَلَّ طوفان بخیر و عافیت ختم ہو گیا ہے اور اب تمام لوگ محفوظ ہیں ۔

دعوت اسلامی کی مجلس شارٹ کورسز کے زیر اہتمام یکم جنوری 2021ء سےاسلامی بہنوں کے لئے 3ماہ پر مشتمل  ”کورس حب العربیہ“ شروع ہوچکاہے۔ دعوت اسلامی عربی سیکھنے میں دلچسپی رکھنے والی اسلامی بہنیں اور بالخصوص جامعۃ المدینہ کی طالبات کے لئےسنہری موقع فراہم کررہی ہے۔

کورس میں شرکت کرنے والی اسلامی بہنیں کو ٭ صرف و نحو کے متعلق قواعد ٭اردو اور عربی ٹرانسلیٹ کرنے کا طریقہ ٭ ڈیلی بولنے والے Arabic Sentencesاور اس کے علاوہ بہت کچھ سیکھنے کا موقع مل سکے گا۔

ایڈمیشن کے لئے صرف اسلامی بہنیں ہی صبح 8:00 تا شام 4:00 بجےتک رابطہ کرسکتی ہیں۔

مزید معلومات کے لئے اس نمبر یا ای میل ایڈریس پر رابطہ کریں:

03016623612

پچھلے دنوں دعوت اسلامی کے شعبہ رابطہ برائے شخصیات یوکے کے تحت مدنی مشورہ ہوا جس میں شعبہ رابطہ برائے شخصیات یوکے برمنگھم ریجن کے اسلامی بھائیوں نے شرکت کی۔

نگران ریجن برمنگھم یوکے سید فضیل رضا عطاری نے شعبے کی کارکردگی کا جائزہ لیا اور یوکے کی شخصیات میں دینی کام کرنے کے حوالے سے گفتگو کی۔

دعوت اسلامی  کے تحت یوکے برمنگھم میں 30 دسمبر 2020ء کو شعبہ دار المدینہ کا مدنی مشورہ ہواجس میں دارالمدینہ یوکے برمنگھم ریجن کے اسلامی بھائیوں نے شرکت کی۔

نگران ریجن برمنگھم یوکے سید فضیل رضا عطاری نے شعبے کے تعلیمی و انتظامی کارکردگی کا جائزہ لیا اور ان میں مزید بہتری لانے کے حوالے سے گفتگو کی۔