گزشتہ دنوں مرکزی مجلسِ شوریٰ کے  رکن حاجی فضیل رضا عطاری کا دینی کاموں کے سلسلے میں رینچھوڑ لائن کابینہ کراچی کا شیڈول رہا۔ رکنِ زون بلال عطاری، شاہد عطاری اور فیضا ن عطاری سمیت دیگر ذمہ داران بھی ان کے ہمراہ موجود تھے۔

اس دوران ر کنِ شوریٰ نے مختلف اسپیشل پرسنز سمیت ان کے سرپرستوں سے ملاقات کی اور انہیں دعوتِ اسلامی کے تحت منعقد ہونے والے ہفتہ وار سنتوں بھرےاجتماع میں شرکت اور مدنی قافلوں میں سفر کرنے کے حوالے سے ذہن دیا۔

پچھلے دنوں دعوتِ اسلامی کے اسپیشل پرسنز ڈیپارٹمنٹ کے تحت ایک ماہ کا مدنی قافلہ ملتان ریجن سفر پر رہا جس دوران یہ مدنی قافلہ تین دن کے لئے کبیر والا سفر  پر روانہ ہواجس میں دعوتِ اسلامی کے ذمہ داران کے ہمراہ اسپیشل پرسنز نے بھی شرکت کی۔

اس موقع پر رکنِ ریجن ملتان اسپیشل پرسنز ڈیپارٹمنٹ دعوتِ اسلامی عابد حسین عطاری نے اسپیشل پرسنز کے درمیان سیکھنے سکھانے کا حلقہ لگایا اور انہیں اشاروں کی زبان میں ’’نماز پڑھنے کی فضیلت‘‘کے موضوع پر سنتوں بھرا بیان کیا۔

بعدازاں اس مدنی قافلے کے اختتام پر شرکا نے اچھی اچھی نیتوں کا اظہار کرتے ہوئے اپنے علاقوں میں دعوتِ اسلامی کے 12 دینی کاموں میں حصہ لینے کا اظہار کیا۔ (رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوت اسلامی کے شعبہ  کفن دفن کے زیر اہتمام 9 دسمبر 2021ء کو کوئٹہ خضدار کابینہ میں تربیتی اجتماع کا انعقاد ہوا جس میں کم و بیش 155 اسلامی بہنوں نے شرکت کی۔

کابینہ سطح ذمہ دار اسلامی بہن نے اسلامی بہنوں کو غسل میت دینے کا طریقہ اور کفن کو پیمائش کرنے کا طریقہ سکھایا نیز مدنی مذاکر ہ دیکھنے اور

دینی کاموں میں عملی طور پر حصہ لینے کا ذہن دیا جس پر اسلامی بہنوں نے اچھی اچھی نیتیں پیش کیا۔ 

پچھلے دنوں اسپیشل پرسنز ڈیپارٹمنٹ دعوتِ اسلامی  کے تحت پاکستان سطح کے ذمہ دارقاری محمد خالد عطاری نے دینی کاموں کے سلسلے میں پاکستان کے شہر سرگودھا کا دورہ کیا جس دوران انہوں نے رکنِ ریجن فیصل آباد اسپیشل پرسنز ڈیپارٹمنٹ مولانا علی عمران عطاری مدنی سے ملاقات کی۔

ذمہ داراسلامی بھائیوں نے سرگودھا میں قائم سفید چھڑی مرکز برائے نابیناافراد کا وزٹ کیا جہاں انہوں نے اسٹوڈنٹس اور ٹیچرز سے ملاقات کی نیز انہیں اسپیشل پرسنز ڈیپارٹمنٹ کا تعارف پیش کرتے ہوئے بریل رسائل لکھنے میں دعوت اسلامی کی خدمات کو بیان کیا۔

بعدازاں وہاں موجود اسلامی بھائیوں نے دعوت اسلامی اور اسپیشل پرسنز ڈیپارٹمنٹ کی کاوشوں کو سراہا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے شعبہ شب و روز  (اسلامی بہنیں)کے تحت 14 دسمبر 2021ء کو بذریعہ کال مدنی مشورے کا انعقاد ہوا جس میں ریجن سطح شعبہ شب و روز ذمہ داراسلامی بہنوں نے شرکت کی۔

تلاوتِ قراٰن پاک اور نعت رسول ﷺ کے ساتھ مدنی مشورے کا آغاز ہوا ۔ اس کے بعد پاکستان ذمہ دار اسلامی بہن نے ”مسلمان کو کیسا ہونا چاہیے“اور” غم دنیا سے نجات پانے “سے متعلق مدنی پھول بتائے اور کارکردگی شیڈول میں بہتر کارکردگی پر ذمہ داراسلامی بہن کی حوصلہ افزائی کی۔ 

گزشتہ  دنوں اسپیشل پرسنز ڈیپارٹمنٹ دعوت اسلامی کے تحت نگرانِ شعبہ محمد حنیف عطاری اور رکنِ زون چنیوٹ غلام مصطفی عطاری نے پنجاب کے شہر چنیوٹ میں قائم ڈیف ویلفیئر ایسوسی ایشن کا وزٹ کیا جہاں انہوں نےایسو سی ایشن کے صدر علی حید ر ہاشمی سمیت دیگر اسپیشل پرسنز سے ملاقات کی۔

اس دوران ذمہ داراسلامی بھائیوں نے سیکھنے سکھانے کا حلقہ لگایا اور حلقے میں شریک عاشقانِ رسول کو دعوتِ اسلامی کے زیرِ اہتمام منعقد ہونے والے ہفتہ وار سنتوں بھرے اجتماع میں شرکت کرنے اور مدنی چینل کے ذریعے مدنی مذاکرہ دیکھنے کی دعوت دی۔

بعد ازاں لالیاں پنجاب پاکستان ضلع چنیوٹ میں قائم ایک ڈیف کلب کے وزٹ کا بھی سلسلہ رہا جہاں اسپیشل پرسنز سے ملاقات اور انہیں ہفتہ وار سنتوں بھرے اجتماع میں شرکت کرنے کی دعوت دی گئی۔(رپورٹ: محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے شعبہ مدرسۃ المدینہ( اسلامی بہنیں) کے تحت 15 دسمبر 2021ءکو گلبہار ڈویژن میں مدنی مشورہ ہوا جس میں کم و بیش 22 اسلامی بہنیں موجود تھیں۔

پاکستان مشاورت سطح شعبہ ذمہ دار اسلامی بہن نے مدرسات کو دینی کام اور تعلیمی معیارکوبڑھانے کے حوالے سے ذہن دیا نیز طالبات کی دینی کام کرنے کے متعلق ذہن سازی کرنےکی ترغیب دلائی جس پر اسلامی بہنوں نے اچھی اچھی نیتوں کا اظہار کیا۔

دعوتِ اسلامی کے زیر اہتمام حیدرآباد ریجن کی ماہ نومبر 2021ء میں ہونے والے اسلامی بہنوں کے دینی کاموں کی ماہانہ کارکردگی ملاحظہ کیجئے:

اس ماہ انفرادی کوشش کے ذریعے دینی ماحول سے منسلک ہونے والی اسلامی بہنوں کی تعداد : 627

روزانہ گھر درس دینے والی اسلامی بہنوں کی تعداد :11ہزار904

روزانہ امیر اہل سنت دَامَتْ بَرَکَاتُہُمُ الْعَالِیَہ کا بیان/مدنی مذاکرہ سننے والی اسلامی بہنوں کی تعداد : 12ہزار637

اسلامی بہنوں کے مدرسۃ المدینہ کی تعداد: 844

مدرسۃالمدینہ بالغات میں پڑھنے والی اسلامی بہنوں کی تعداد:8ہزار296

ہفتہ وار سنتوں بھرے اجتماعات کی تعداد : 1ہزار527

ہفتہ وار اجتماعات میں شرکت کرنے والی اسلامی بہنوں کی تعداد: 33ہزار773

ہفتہ وار علاقائی دورہ میں شرکت کرنے والی اسلامی بہنوں کی تعداد: 2ہزار 389

ہفتہ وار رسالہ پڑھنے اور سننے والی اسلامی بہنوں کی اوسط تعداد: 1لاکھ27ہزار371

وصول ہونے والے نیک اعمال کے رسائل کی تعداد : 8ہزار290

دعوتِ  اسلامی کے شعبہ روحانی علاج (اسلامی بہنیں)کے تحت 12 دسمبر 2021ء کو ایسٹ زون 2 میں شعبہ مدرستہ المدینہ کے تحت صدیق آباد میں ہونے والے رہائشی کورس میں ملک اور بیرون ملک سے آنے والی اسلامی بہنوں کے لئے روحانی علاج کا بستہ لگایا گیا جس میں زون ذمہ دار اور مشاورت کی اسلامی بہنوں نے تعویذات عطاریہ و اوراد ووظا ئف دیئے۔تقریبا ً 65 اسلامی بہنوں نے 455تعویذات لئے اور 125 اورادو وظا ئف حاصل کئے۔

٭ اسی طرح فیصل آباد زون میں قائم دارالسنہ للبنات میں ہونے والے رہائشی کورس میں 11دسمبر2021ء بروز ہفتہ کو روحانی علاج کا بستہ لگایا گیا جس سے 305تعویذات عطاریہ دیئے گئے۔

دعوت اسلامی کے شعبہ رابطہ برائے شخصیات کے تحت 14 دسمبر 2021ء کو ذمہ دار اسلامی بہن نے علاقائی دورہ کیا جس میں شخصیات اسلامی بہنوں سے ملاقات کی اورانہیں دعوت اسلامی کے مختلف کورسز جوائن کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

٭اسی طرح 14 دسمبر 2021ء کو گلگت کابینہ میں جامعۃ المدینہ کا افتتاح ہوا جس میں معلمات اور شخصیات اسلامی بہنوں نے شرکت کی۔

اس موقع پر مبلغہ دعوت اسلامی نے ”علم دین کے فضائل“ کے موضوع پر سنتوں بھرا بیان کیاجس میں اسلامی بہنوں کو ہفتہ وار سنتوں بھرے اجتماع میں شرکت کرنے اور جامعۃ المدینہ گرلز میں داخلہ لینے کا ذہن دیا جس پر شخصیات اسلامی بہنوں نے نیتیں پیش کیں۔

پچھلے دنوں دعوتِ اسلامی کے اسپیشل پرسنز ڈیپارٹمنٹ کے تحت نگران ِ شعبہ محمد حنیف عطاری نے دینی کاموں کے سلسلے میں رکنِ زون چنیوٹ غلام مصطفی عطاری کے ہمراہ پنجاب کے شہر    چنیوٹ میں قائم جامعۃ المدینہ بوائز کا وزٹ کیا ۔

ذمہ داران نے دورانِ وزٹ جامعۃ المدینہ بوائزچنیوٹ کےناظم صاحب، اساتذۂ کرام اور طلبۂ کرام سے ملاقات کی اور طلبہ کے درمیان سیکھے سکھانے کا حلقہ لگایا جس میں انہیں دعوتِ اسلامی کی دینی ایکٹیویٹیز میں شمولیت اختیار کرنے کا ذہن دیا جس پر طلبۂ کرام نے اچھی اچھی نیتوں کا اظہار کیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

حاجی عثمان اظہر عطاری کے گھر شہزادےکی ولادت ہوئی

امیر اہل سنت علامہ محمد الیاس عطار قادری دامت بَرَکَاتُہمُ العالیہ نے اپنے آڈیو پیغام کے ذریعے حاجی عثمان اظہر عطاری سمیت سارے خاندان والوں کو مبارکباد دی اور مدنی منےکانام رکھتے ہوئے دعاؤں سے نوازا اور مدنی پھول ارشاد فرمائے۔

نیک اولاد کی فضیلت

اپنی اولاد کی اچھی سے اچھی تربیت کیجئے تاکہ آپ کی اولاد نیک بنےاور آپ کو ہمیشہ فائدہ پہنچتا رہے۔ اولاد کو نیک بنانا اتنا فائدے کا کام ہے کہ حدیث پاک میں ہے” دنیا سے جانے کے بعد بھی مسلمان کو جن اعمال ا ور نیکیوں کا ثواب ملتا رہتا ہے ان میں سے نیک اولاد بھی ہے“۔

سگِ مدینہ محمد الیاس عطار قادری رضوی عفی عنہ کی جانب سے پیارے پیارے مدنی بیٹے حاجی عثمان اظہر عطاری کی خدمت میں السلام علیکم ورحمۃ اللہ و برکاتہ

ماشا اللہ الکریم شہزادے کی ولادت بہت بہت مبارک ہو۔عثمان بیٹا اللہ رب العزت کے پیارے پیارے آخری نبی مکی مدنی محمد عربی صلی اللہ علیہ وآلہ وسلم کے مبارک نام کی تعظیم اور اس سے برکت حاصل کرنے کے لیے صاحبزادے کا نام ر کھتا ہوں ”محمد“ اور پکارنے کے لیے صحابی رسول کی نسبت سے ”عمر“ ۔ میں آپ کو، اپنی مدنی بیٹی کو اور سارے خاندان کو مبار ک باد پیش کرتا ہوں اور پیارے پیارے پھول جیسے بچے کو سلسلہ عالیہ قادریہ میں داخل کرتا ہوں۔ اللہ ر ب العزت اس بچے کو آپ کے لیے اور ساری امت کے لیے باعث برکت بنائے۔

یا رب المصطفٰے جل جلالہ و صلی اللہ علیہ وآلہ وسلم یمان عطاری کو درازیٔ عمر بالخیر عطا فرما۔ اے اللہ پاک انہیں صحتوں راتوں عافیتوں ریاضتوں دینی خدمتوں بھری طویل زندگی عطا فرما۔ مولائے کریم انہیں اپنے والدین کی آنکھوں کی ٹھنڈک، دل کا چین اور فرمانبردار اور اطاعت گزار بنا۔ خاندان بھر میں نیکی کی دعوت پھیلنے کا ذریعہ بنا ، یا اللہ پاک پیارا پیارا پھول جیسا بچہ بڑا ہو کر باعمل عالمِ دین مفتی ٔاسلام اور دعوت اسلامی کا مخلص مبلغ بنے۔ ربِ کریم ان کی امی کی کمزور ی دور ہو، صحت ملے راحت ملے عافیت ملے اور سلامتی نصیب ہو۔ عافیت کے ساتھ انہیں لمبی عمر نصیب ہو۔ یا اللہ پاک تیری رضا کے سائے میں یہ نارمل لائف میں آکر دین و دنیا کے کام کرنے والی بنیں، الٰہ العالمین ان کے ابو کو بھی صحت دے راحت دے عافیت دے روزی روزگار میں خیر و برکت دے۔ سارا گھرانہ شادو آباد پھلتا پھولتا مدینے کے صدا بہار پھولوں کے صدقے مسکراتا رہے۔

امیر اہلسنت دامت بَرَکَاتُہمُ العالیہ نے مزید مدنی پھول ارشاد فرماتے ہوئے فرمایا کہ نیت کیجئے کہ اپنے پیارے پیار ے پھول جیسے بچے کو اللہ اس کو زندہ سلامت رکھے عالمِ دین حافظ قر آن مفتی اسلام ا ور مبلغ دعوت اسلامی بنانے کی بھر پور کوشش کر یں گے۔

گھر کے تمام افراد کی خدمتوں میں عرض ہے کہ نمازوں کی پابندی کرتے رہیں گناہوں سے پاک سنتوں بھری زندگی گزار یں دعوت اسلامی کے دینی ماحول سے ہر دم وابستہ رہیں۔ خاندان کے تمام اسلامی بھائی اپنے چہرے پرتھوڑی کے نیچے ایک مٹھی داڑھی سجائیں، داڑ ھی منڈانا یا ایک مٹھی سے گھٹانا حرام اور جہنم میں لے جانے والا کام ہے ۔ معا ذا للہ

اب تک جس نے داڑ ھی منڈائی ہویا ایک مٹھی سے گھٹائی ہو اس پر واجب ہے کہ فوراً توبہ کرے اور پکا عہد کر یں کہ نہ داڑ ھی کٹے نہ ایک مٹھی سے گھٹے۔ مردوں کے لئے زلفیں رکھنا سنت ہے۔ اللہ کریم کے پیارے پیارے کے آخری نبی محمد عربی صلی اللہ علیہ وآلہ وسلم نے کبھی آدھے مبار ک کان تک کبھی پورے مبارک کان تک اور کبھی مبارک کندھوں تک بال شریف بڑھائے ۔ زہے نصیب اس سنت پر بھی عمل کی سعادت نصیب ہوجائے۔

یاد رہے کہ مرد کے لیے بالوں کو اتنا بڑھانا کہ کندھوں کے نیچے پہنچ جائے حرام اور گناہ ہے جب کہ عورت کے لئے بالوں کو کاٹ کر کندھے سے اوپر کرلینا حرام و گناہ ہے اس مسئلے کی مزید تفصیلات کے لیےمطالعہ کریں۔ فتاویٰ رضویہ شریف جلد 21 صفحہ نمبر 600

ہر جمعرات کو اچھی اچھی نیتوں کے ساتھ دعوت اسلامی کے سنتوں بھرے اجتماع میں اول تا آخر شریک ہوں ۔وہیں رات بھی گزاریں۔ وہیں سوئیں، تہجد کی سعادت حاصل کریں، رقت انگیز دعائے تہجد کی بھی برکتیں لوٹیں۔

سنتیں سیکھنے سکھانے کے لئے ہرماہ کم از کم تین دن مدنی قافلوں میں عاشقانِ رسول کے ساتھ سنتوں بھرا سفر اختیار کریں گھر کی تمام اسلامی بہنیں ہر بدھ کو دووپہر کے وقت دعوت اسلامی کے اجتماع میں شریک ہوں گھر کے تمام افراد اچھی اچھی نیتوں کے ساتھ روزانہ اپنے اعمال کا جائزہ لے کر مکتبۃ المدینہ کے نیک اعمال رسالے میں دیئے ہوئے خانے پُر کریں اور ہر ماہ کی پہلی تاریخ کو اپنے یہاں کے دعوت اسلامی کے شعبہ اصلاحِ اعمال کے ذمہ دار کو جمع کروائیں ان شااللہ الکریم تقویٰ کا انمول خزانہ ہاتھ آئے گا اور عشقِ رسول کے جھلکتے جام نصیب ہوں گے۔ ہفتہ وار دینی رسالہ ضرور پڑھا یا سنُا کریں اگر پڑھ نہیں سکتے تو آڈیو میں بھی سنا جاسکتا ہے دعوت اسلامی کے اکلوتے ماہنامہ فیضان مدینہ کی اگربکنگ نہ کروائی تو کروالیں اور عمر بھر یہ سلسلہ جاری رکھیں اور پڑھتے بھی رہیں معلومات کا ڈھیروں ڈھیر خزانہ ہاتھ آئے گا۔

اورمزید کم از کم ایک فرد کو12 ماہ کے لئے ماہنامہ فیضانِ مدینہ کی بکنگ کروانے کے لیے تیار کیجئے اور ثواب کے حق دار بنیں، ہوسکے تو 2500 روپے یا اس کے زائد کے رسائل مکتبۃ المدینہ سے خرید کر تقسیم فرمادیجئے۔