دعوتِ اسلامی کےزیرِا ہتمام گزشتہ دنوں شعبہ رابطہ برائے شخصیات کے ذمہ دار اسلامی بھائیوں نے گوجرانوالہ میں ڈی ایس پی کوتوالی اسد اسحاق، ڈی ایس پی خیالی میاں معظم، پی ایس او ٹو ڈی پی او ہارون، ریڈر سی پی او ابو بکر گورائیہ اور آ رو سول لائن انسپکٹر اطہر سے ملاقات کی۔

دورانِ ملاقات شخصیات کو دعوتِ اسلامی کے تحت ہونے والی دینی و فلاحی خدمات کے بارے میں بریفنگ دی گئی جس پر انہوں نے دعوتِ اسلامی کی کاوشوں کو سراہتے ہوئے اپنی طرف سے مکمل تعاون کی یقین دہانی کروائی۔

بعدازاں سب انسپکٹر ابوبکر اور سب انسپکٹر ہارون نے دعوتِ اسلامی کے شعبہ ایف جی آر ایف کے لئے چندہ بھی دیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

گزشتہ دنوں پاکستان کے شہر حیدر آباد میں رابطہ برائے شخصیات دعوتِ اسلامی کے ذمہ دار اسلامی بھائیوں کی پی اے ٹو کمشنر غلام قادر، اسسٹنٹ ٹو الیکشن کمشنر مزمل اور کورس پونڈینٹ ٹو ڈی آئی جی میڈیا سیل آفس الطاف سے ملاقات ہوئی۔

اس موقع پر ذمہ داران نے کمشنرز سے چند اہم نکات پر گفتگو کرتے ہوئے انہیں دعوتِ اسلامی کی عالمی سطح پر ہونے والی دینی و فلاحی خدمات کے بارے میں بتایا نیز کمشنرز کو مدنی مرکز فیضانِ مدینہ کا وزٹ کرنے کی دعوت دی۔بعدازاں ذمہ داران نے انہیں دعوتِ اسلامی کے مکتبۃ المدینہ سے شائع کردہ رسائل تحفے میں دیئے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں مدنی مرکز فیضان مدینہ سبی میں قبائلی رہنما آل پاکستان ہانبھی اتحاد کے چیف آرگنائزر حاجی گل زمان ہانبھی نے وزٹ کیا ، صوبائی ذمہ دار کوآرڈینیشن ڈیپارٹمنٹ محمد وقار عطاری ، ڈویژن نگران سبی  حاجی غلام حیدر عطاری نے ان کا استقبال کیا اور ملاقات کی ۔

دوران ملاقات مبلغ دعوت اسلامی نے دعوت اسلامی کا تعارف اور اس کی خدمات بیان کی، نیز راہ خدا میں مدنی قافلے میں سفر کرنے کی دعوت پیش کرتے ہوئے آخر میں ملک و قوم کی سلامتی اور حاجی گل زمان ہانبھی کے والد حاجی اللہ بچایا ہانبھی کی صحت یابی کے لئے دعا کی۔ (کانٹینٹ: محمد مصطفی انیس انصاری ) 

گزشتہ روز چولستان میں نگران بھاولپور حاجی محمد اعجاز عطاری ، صوبائی ذمہ دار FGRF اور دیگر ذمہ داران نے چولستان کے مختلف چکوک اور ٹوبہ جات کا وزٹ کیا اور دعوت اسلامی کے تحت چولستان میں ہونیوالے ریلیف آپریشن کا جائزہ لیا ساتھ ہی اندرون چولستان پنجاب گورنمنٹ کے ریلیف آپریشن کیمپ کا بھی دورہ کیا ۔

گزشتہ روز میرپور خاص میں دعوت اسلامی کے شعبے رابطہ برائے تاجران اور  رابطہ برائے شخصیات کے اسلامی بھائیوں نے ضلعی انتظامیہ اور انجمن تاجران میر پورخاص کی جانب سے عوام کو گرمی کی شدت سے بچانے کے لئے پوسٹ آفس چوک پر لگائے گئے ہیٹ اسٹروک کیمپ میں شرکت کی ۔

دعوت اسلامی کے اس وفد میں ایڈوکیٹ احمد سعیدقائم خانی عطاری ، افضل عطاری ، اسلم عطاری اور اویس عطاری نے انجمن تاجران کے ساتھ مل کر اسلامی بھائیوں کو پانی پلایا اور انتظامیہ کے اس اقدام کی تعریف کی اور خراج تحسین پیش کیا۔ اس موقع پر صدر انجمن تاجران انیس الرحمٰن شیخ، جنرل سیکریٹری امین میمن و دیگر موجود تھے۔(کانٹینٹ: محمد مصطفی انیس انصاری ) 

گزشتہ دنوں شعبہ رابطہ برائے شخصیات  کے ذمہ داران نے سربراہ سنی تحریک محمد ثروت اعجاز قادری ، صوبائی رہنما سنی تحریک نور کاظمی اور ڈی ایس پی محمد پریل موریو سے ملاقات کی ۔

دوران ملاقات دعوت اسلامی کا تعارف اور اس کی خدمات بیان کی گئی ، عالمی مدنی مرکز فیضان مدینہ کراچی کا وزٹ کرنے کی دعوت پیش کی نیز مکتبۃ المدینہ کی مطبوعہ ”فیضان فرض علوم “اور ”ماہنامہ فیضان مدینہ “تحفے میں پیش کئے گئے۔(کانٹینٹ: محمد مصطفی انیس انصاری ) 

16 مئی  2022 ء بروز پیر لاہور ڈویژن ضلع شیخو پورہ میں شعبہ رابطہ برائے شخصیات پنجاب کے صوبائی ذمہ دار محمد لیاقت عطاری،پنجاب پولیس مجلس کے ذمہ دار محمد رفیق عطاری اور لاہور ڈویژن کے ذمہ دار محمد اقبال عطاری کے ساتھ ڈپٹی کمشنر آفس،ڈی پی او آفس،نادرا افس، افتخار پولیس لائن،واپڈا ڈی سی ایم آفس اور ڈیرہ (ایم پی اے و سابق وزیر میاں خالد محمود) میں دورہ کیا جہاں ڈی پی او فیصل مختار ، سیکورٹی انچارج منظور احمد ، ڈپٹی کمشنر شیخو پورہ رانا شکیل ، ایڈیشنل ڈپٹی کمشنر ریونیو سرمد تیمور ، ایڈیشنل کمشنر جنرل محمد موسیٰ بخاری، انجینئر انچارج ریسکیورانا اعجاز اور انچارج اسلحہ برانچ محمد طاہر بیگ وغیرہ سے ملاقات کی ۔

دوران ملاقات سیکھنے سکھانے کے لئے مدنی حلقے کا اہتمام کیا گیا جس میں پولیس کے افسران اور ملازمین نےشرکت کی ، مدنی حلقے میں دعوت اسلامی کے شعبہ جات کا تعارف اور ڈیجیٹل سروسز کا تعارف کروایا گیا اور اصلاح اعمال کے موضوع پر گفتگوہوئی ۔(کانٹینٹ: محمد مصطفی انیس انصاری )

پچھلے دنوں سکھر ڈویژن صوبہ سندھ کےذمہ دار اسلامی بھائیوں نےایڈمنسٹریٹر سکھر علی رضا انصاری سے ملاقات کی جس میں دعوت اسلامی کے مختلف شعبہ جات کا تعارف کروایا اور دعوت اسلامی کی مختلف دینی خدمات کے بارے میں بتایا ۔

ایڈمنسٹریٹر علی رضا نےدعوت اسلامی ایف جی آر ایف ہیٹ اسٹروک کیمپ کا بھی دورہ کیا اور وہاں موجود اسلامی بھائیوں کی کارکردگی کو سراہا اور اسے بہترین اقدام قرار دیا۔( کانٹینٹ: محمد مصطفی انیس انصاری) 

گزشتہ دنوں اصلاح امت و مسلمانوں کی خیر خواہی کے سلسلے میں شعبہ رابطہ برائے شخصیات کے ذمہ دار اسلامی بھائیوں نے سابق ایم این اے و صوبائی وزیر مرحوم قربان علی شاہ کے بیٹے سابق ایم پی اے و ڈویژنل صدر پی ٹی آئی ممتاز علی شاہ ،سندھ بار کونسل کے نو منتخب صدر شیر محمد وسان ،   ایم این اے (ر) و ڈائیریکٹر ایگریکلچر (رکن رابطہ کمیٹی ایم کیو ایم )قادر خانزادہ ، نگران سندھ کمیٹی ایم کیو ایم سلیم ، ڈسٹرکٹ انچارج خالد تبسم سے ملاقات کی۔

دوران ملاقات دعوت اسلامی کے مختلف شعبہ جات کا تعارف کروایا اور دعوت اسلامی کی مختلف دینی خدمات کے بارے میں بتاتے ہوئے عالمی مدنی مرکز فیضان مدینہ کراچی وزٹ کرنے کی دعوت پیش کی اور تحائف میں کتب ورسائل پیش کئے۔( کانٹینٹ: محمد مصطفی انیس انصاری) 

پچھلے دنوں شعبہ رابطہ برائے شخصیات کے تحت پی اے ٹو ، ڈی سی عبدالغنی اور پی اے ٹو ، اے ڈی سی ٹو  نیاز علی سے ذمہ دار اسلامی بھائیوں نے ملاقات کی ۔

دوران ملاقات دعوت اسلامی کے مختلف شعبہ جات کا تعارف کروایا اور دعوت اسلامی کی مختلف دینی خدمات کے بارے میں بتاتے ہوئے مدنی مرکز فیضان مدینہ آفندی ٹاؤن وزٹ کرنے کی دعوت پیش کی ۔( کانٹینٹ: محمد مصطفی انیس انصاری) 

گزشتہ دنوں شعبہ رابطہ برائے شخصیات کے اسلامی بھائی اور گلگت صوبائی نگران محمد عمران عطاری نے سٹی تھانہ ایس ایچ او افضل سکردو، ڈپٹی کمشنر سکردو حافظ کریم داد چغتائی، کمشنر  بلتستان شجاع عالم ، اسسٹنٹ کمشنر وقاص جوہر سکردو، اسسٹنٹ کمشنر اکرم خان تحصیل ڈاغونی، سی ایم کا پرسنل سیکرٹری مقصود شاہ گلگت بلتستان ، ایس پی استور شرین عطاری سے ملاقات کی۔

سکردو مدنی چینل شعبہ کے نگران انجم عطاری نے انہیں دعوت اسلامی کے شعبہ جات کا تعارف کرایا اور رسائل تحائف میں پیش کئے گئے اور مدنی مرکز کے وزٹ کی دعوت دی ۔( کانٹینٹ: محمد مصطفی انیس انصاری)

20 اپریل 2022 ء کو شعبہ رابطہ برائے شخصیات کے تحت لاہور میں صوبائی ذمہ دار محمد لیاقت عطاری کے گھر افطار اجتماع کا اہتمام کیا گیا جس میں  ذمہ داران نے شرکت کی ۔

اجتماع میں مبلغ دعوت اسلامی نے سنتوں بھرا بیان کیا ، علاقے میں دینی کام کرنے کے حوالے سے گفتگو ہوئی اور ذمہ داران کو عطیات جمع کرنے کے اہداف پورا کرنے کا ذہن دیا ۔(رپورٹ: شعبہ رابطہ برائے شخصیات ، کانٹینٹ : محمد مصطفی انیس )