اسلام آباد جی 11 میں قائم دعوتِ اسلامی کے مدنی مرکز فیضانِ مدینہ میں 15 ستمبر 2022ء بروز جمعرات جامعۃالمدینہ بوائزکے طلبۂ کرام کی تربیت کے لئے ایک نشست کا انعقاد کیا گیا جس میں اساتذۂ کرام نےبھی شرکت کی۔

نگرانِ شعبہ حاجی مشکور عطاری نے اس نشست میں سنتوں بھرا بیان کرتے ہوئے طلبۂ کرام کو مدنی قافلوں میں سفر کرنے کی ضرورت و اہمیت بیان کی اور انہیں مدنی قافلے میں سفر کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:بدر منیر عطاری سوشل میڈیا پنجاب، شعبہ مدنی قافلہ ، کانٹینٹ:غیاث الدین عطاری)

دعوتِ اسلامی کے تحت 14 ستمبر 2022ء بروز بدھ پاکستان کے شہر لاہور میں شعبہ مدنی قافلہ کا مدنی مشورہ ہواجس میں تحصیل ذمہ داران سمیت یوسی نگران اسلامی بھائیوں نے شرکت کی۔

اس مدنی مشورے میں نگرانِ شعبہ مدنی قافلہ حاجی مشکورعطاری نے شعبے کے دینی کاموں کے متعلق اہم امور پر گفتگو کی اور ذمہ داران کو 12 دینی کاموں میں عملی طور پر حصہ لینے کا ذہن دیا۔

مزید نگرانِ شعبہ نے زیادہ سے زیادہ عاشقان رسول کو 3 دن، 12 دن اور 1 ماہ کے مدنی قافلے میں سفر کروانے، نیکی کی دعوت کے آداب نیز مدنی قافلوں کی تیاریوں کے حوالے سے تبادلۂ خیال کیا۔(رپورٹ:علی حسنین عطاری یوسی ذمہ دار شعبہ مدنی قافلہ ، کانٹینٹ:غیاث الدین عطاری)

قراٰنِ پاک کی تعلیم عام کرنے اور مساجد آباد کرنے والی عاشقانِ رسول کی دینی تحریک دعوتِ اسلامی کے تحت سندھ بھر میں سیلاب زدگان کے لئے جائے نماز قائم کئے جارہے ہیں۔

اس موقع پر شعبہ مدنی قافلہ کے تحت 12 ماہ سفر کرنے والے عاشقانِ رسول نماز پڑھانے کے ساتھ ساتھ سیلاب زدگان کے بچوں کو قراٰنِ پاک کی تعلیم دے رہے ہیں۔

اسی طرح 12 ماہ کے عاشقانِ رسول مقامی اسلامی بھائیوں کو نیکی کی دعوت دیتے اور اُن کی دینی و اخلاقی تربیت کرتے رہتے ہیں۔(رپورٹ:علی حسن عطاری شعبہ 12 ماہ صوبہ سندھ ، کانٹینٹ:غیاث الدین عطاری)

2ستمبر2022ء  بروز جمعہ یوم دعوتِ اسلامی کے موقع پرشیخِ طریقت امیرِ اہلسنت حضرت علامہ مولانا محمد الیاس عطار قادری رضوی ضیائی دامت بَرَکَاتُہمُ العالیہ کی ترغیب پرسیلاب زدگان کی خیر خواہی اور غم خواری نیز دینی امور کے حوالے سے رکنِ مرکزی مجلسِ شوریٰ حاجی محمد عقیل عطاری مدنی نے ذمہ دار اسلامی بھائیوں کے ہمراہ 3 دن کے مدنی قافلے میں سفر کیا۔

یہ مدنی قافلہ پنجاب پاکستان کے شہر ڈیرہ غازی خان کی جامع مسجد خیر الواریٰ پہنچا جہاں شرکائے مدنی قافلہ کی تربیت کے لئے سیکھنے سکھانے کا حلقہ لگایا گیا جس میں رکنِ شوریٰ نے سنتوں بھرا بیان کرتے ہوئے عاشقانِ رسول کی فکر آخرت کے حوالے سے ذہن سازی کی۔

رکنِ شوری نے دورانِ بیان دعوت اسلامی کی دینی خدمات بالخصوص فلاحی شعبے FGFR دعوتِ اسلامی کی جانب سے پیارے آقاﷺ کی دکھیاری امت کے لئے مختلف مواقع پر کی جانے والی خدمات اور موجودہ سیلاب سے متاثرین افراد کی خیر خواہی کے بارے میں بتایا۔ مزید رکنِ شوریٰ نے مدنی قافلے کے شرکا کو دعوت اسلامی کے دینی ماحول سے ہمیشہ وابستہ رہنے کی ترغیب دلائی۔(کانٹینٹ:غیاث الدین عطاری)

دعوت  اسلامی کے زیر اہتمام 29 اگست 2022ء کو لاہور میں شعبہ مدنی قافلہ کے مدنی مشورے کا انعقاد ہوا جس میں ڈسٹرکٹ تحصیل و ٹاؤن ذمہ داران نے شرکت کی۔

صوبائی ذمہ دار محمد شہباز عطاری نے حسن اخلاق، نیکی کی دعوت اورمداہنت کے حوالے سے دینی معلومات فراہم کرتے ہوئے شعبے کے دینی کام کرنے پر اسلامی بھائیوں کی تربیت کی۔ بعدازاں کارکردگی کا جائزہ لیتے ہوئے آئندہ کے لئے اہداف دیئےجس پر اسلامی بھائیوں نے عمل پیرا ہونے کی اچھی نیت کا اظہار کیا۔ (کانٹینٹ:رمضان رضا عطاری)

دعوتِ اسلامی کے شعبہ مدنی قافلہ کے تحت 23 اگست 2022ء بروز منگل پاکستان کے شہر ملتان میں قائم مدنی مرکز فیضانِ مدینہ میں مدنی مشورے کا انعقاد ہوا جس میں ڈویژن و ڈسٹرکٹ ذمہ دار اسلامی بھائیوں کی شرکت رہی۔

صوبائی ذمہ دار محمد شہباز عطاری نے ذمہ داران سے 1 ماہ کے مدنی قافلے سفر کروانے کے حوالے سے گفتگو کی اور ہر ماہ 3 دن، 12 دن کے مدنی قافلوں کے متعلق اہداف طے کئے۔

اس کےعلاوہ صوبائی ذمہ دار نے 2 ستمبر 2022ء کو یومِ دعوتِ اسلامی کی تیاریوں کے سلسلے میں مختلف موضوعات پر کلام کیا جس پر وہاں موجود ذمہ داران نے اچھی اچھی نیتوں کا اظہار کیا۔

بعدازاں ذمہ دار نے یوسی اور وارڈ سطح پر یومِ تعطیل اعتکاف، علاقائی دورہ نیز شعبہ مدنی قافلہ کے ذمہ داران کا تقرر کیا۔(رپورٹ:بدرمنیر عطاری شعبہ مدنی قافلہ سوشل میڈیا پنجاب، کانٹینٹ:غیاث الدین عطاری)

دعوتِ اسلامی کے شعبہ جات کے ذریعے ہونے والے دینی کاموں کا فالو اپ لینے کے لئے 18 اگست 2022ء بروز جمعرات پنجاب پاکستان کی تحصیل چشتیاں میں مدنی مشورہ ہوا جس میں شعبہ مدنی قافلہ کے تحصیل اور یوسی ذمہ داران نے شرکت کی۔

صوبائی ذمہ دار محمد شہباز عطاری نے اس مدنی مشورے میں شعبے کے دینی کاموں کے حوالے سے گفتگو کرتے ہوئے مختلف موضوعات پر کلام کیا جن میں شعبے کو خود کفیل بنانا، تقرری، مدنی قافلے کے جدول کو بہتر بنانا اور جامعۃ المدینہ بوائز کے مدنی قافلے سفر کروانا شامل تھا۔

بعدازاں صوبائی ذمہ دار نے شرکا کو دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر ذمہ داران نے اچھی اچھی نیتوں کا اظہار کیا۔(رپورٹ:بدرمنیر عطاری شوشل میڈیا شعبہ مدنی قافلہ پنجاب، کانٹینٹ:غیاث الدین عطاری)

10 اگست 2022ء بروز بدھ دعوتِ اسلامی کے زیرِ اہتمام پاکستان کے صوبہ سندھ میں 12 ماہ کےمدنی قافلے میں سفر کرنے والے عاشقانِ رسول کے لئے ماہانہ نشست کا انعقاد کیا گیا۔

اس نشست میں دعوتِ اسلامی کی مرکزی مجلسِ شوریٰ کے رکن حاجی محمد فاروق جیلانی عطاری  نے ”انفرادی عبادت“  کے موضوع پر سنتوں بھرا بیان کرتے ہوئے شرکائے مدنی قافلہ کی دینی و اخلاقی اعتبار سے تربیت کی۔

اس کے علاوہ رکنِ شوریٰ نے انہیں دعوتِ اسلامی کے 12 دینی کاموں کو زیادہ سے زیادہ بڑھانے کا ذہن دیا۔بعدازاں رکنِ شوریٰ نے عاشقانِ رسول کے درمیان تحائف تقسیم کئے۔(رپورٹ:علی حسن عطاری، کانٹینٹ:غیاث الدین عطاری)

دعوتِ اسلامی کےزیرِ اہتمام شہیدانِ کربلاکے ایصالِ ثواب کے لئے پاکستان بھر سے 3 دن، 12 دن اور ایک ماہ کے مدنی قافلے راہِ خدا عزوجل کے سفر پر روانہ ہوئے جس میں کثیر عاشقانِ رسول نے شرکت کی جن کی تعداد ہزاروں میں تھی۔

اسی سلسلے میں کراچی سندھ کے علاقے کلفٹن سے 3 دن (8، 9، اور 10 محرم الحرام) کا مدنی قافلہ سندھ کے شہر حیدر آباد پہنچا جہاں شرکائے مدنی قافلہ نے مختلف دینی ایکٹیویٹیز میں شرکت کی۔

دورانِ مدنی قافلہ یوسی نگران محمدعمیررضاعطاری نے اسلامی بھائیوں کے درمیان سیکھنے سکھانے کا حلقہ لگایا جس میں انہیں فرض علوم اور سنتیں و آداب سکھائے گئے نیز مقامی اسلامی بھائیوں کو نیکی کی دعوت دینے کا بھی سلسلہ رہا۔

یوسی نگران نے شرکائے مدنی قافلہ کو دعوتِ اسلامی کے 12دینی کاموں میں عملی طور پر حصہ لینےکا ذہن دیا جس پر انہوں نے اچھی اچھی نیتوں کا اظہا رکیا۔(رپورٹ:محمد عمیر عطاری ڈسٹرکٹ ساؤتھ کراچی مشاورت، کانٹینٹ:غیاث الدین عطاری)

پاکستان کے شہر لاہور سے ایک  ماہ کے مدنی قافلے میں سفر کرنے والے عاشقان رسول کے لئے مدنی مرکز فیضانِ مدینہ جوہر ٹاؤن لاہور میں مدنی قافلہ اجتماع ہواجس میں دیگر اسلامی بھائیوں نے بھی کثیر تعداد میں شرکت کی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے مختلف موضوعات پر شرکائے مدنی قافلہ کی تربیت و رہنمائی کی اور دعوتِ اسلامی کے 12 دینی کاموں زیادہ سے زیادہ عام کرنے کا ذہن دیا۔واضح رہے یہ مدنی قافلہ یکم اگست 2022ء بروز پیر لاہور سے عالمی مدنی مرکز فیضان مدینہ کراچی روانہ ہوا ہے۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

30 جولائی 2022ء بروز ہفتہ پاکستان کے دارالحکومت اسلام آباد میں قائم دعوتِ اسلامی کے مدنی مرکز فیضانِ مدینہ میں ایک تربیتی نشست کا انعقاد ہوا جس میں 12 ماہ مدنی قافلے کے مسافر اسلامی بھائیوں سمیت شعبہ 12 ماہ مدنی قافلہ کے اراکین نے شرکت کی۔

اس نشست میں نگران شعبہ مولانا شاکر مدنی عطاری نے ذمہ داران کی تربیت کرتے ہوئے مدنی قافلوں کو مضبوط بنانے کا ذہن دیا اور دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر ذمہ داران نے اچھی اچھی نیتوں کا اظہا رکیا۔(رپورٹ:علی حسن عطاری، کانٹینٹ:غیاث الدین عطاری)

26 جولائی 2022ء بروز منگل پنجاب پاکستان کے شہر ڈیرہ غازی خان  میں شعبہ مدنی قافلہ دعوتِ اسلامی کے تحت مدنی مشورے کا انعقاد کیا گیا جس میں صوبائی، ڈویژن، ڈسٹرکٹ اور تحصیل ذمہ دار اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی محمد اسلم عطاری نے شرکا کی دعوتِ اسلامی کے 12 دینی کاموں کے حوالے سے تربیت کی اور یکم اگست 2022ء کو ایک ماہ کے کم و بیش 30 مدنی قافلے سفر کروانے کے اہداف دیئے۔

مزید رکنِ شوریٰ نے8، 9، 10 محرم الحرام کو زیادہ سے زیادہ اسلامی بھائیوں کو مدنی قافلے میں سفر کروانے کا ذہن دیا جس پر ذمہ داران نے کم و بیش 22 ہزار عاشقانِ رسول کو سفر کروانے کی اچھی اچھی نیتیں کیں۔(رپورٹ: بدرمنیرعطاری شعبہ مدنی قافلہ سوشل میڈیا ذمہ دار پنجاب ،کانٹینٹ:غیاث الدین عطاری)