پچھلے دنوں جھنگ روڈ بھرووال کالونی فیصل آباد میں محمد سلیم پاشا عطاری (ڈرائی فروٹ کے تاجر) کے گھر پر سیکھنے سکھانے کے مدنی حلقے کا اہتمام ہوا جس میں تاجران و دیگر شخصیات سمیت عاشقان رسول نے شرکت کی۔

اس موقع پر نگران پاکستان مشاورت حاجی محمد شاہد عطاری کی آمد ہوئی ۔ نگران پاکستان مشاورت نے پیارے آقاﷺ کی شان میں اعلیٰ حضرت امام احمد رضا خان علیہ الرحمہ کا لکھا ہوا قصیدہ معراجیہ پڑھا اور پیارے آقا ﷺ کی سیرت کے بارے میں بیان کی۔

نماز روزے کی پابندی کرنے اور نیکی کے کاموں میں حصہ لیتے رہنے کے بارے میں ذہن دیا جبکہ دعوت اسلامی کے دینی کاموں کے لئے عطیات جمع کرنے اور دیگر کو اس کی ترغیب دلانے کے بارے میں ذہن دیا ۔آخر میں نگران پاکستان مشاورت نے دعا کروائی۔(رپورٹ: عبد الخالق عطاری ، آفس ذمہ دار / کانٹینٹ : محمد مصطفیٰ انیس)

پچھلے دنوں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی دیگر ذمہ داران کے ہمراہ مبلغِ دعوتِ اسلامی حاجی محمد خالد عطاری (مرحوم) کے گھر پر آمد ہوئی۔

اس موقع پر نگرانِ پاکستان مشاورت حاجی محمد شاہد عطاری نے مرحوم کے اہلِ خانہ سے ملاقات کرتے ہوئے انہیں نیکی کرنے اور بھلائی کے کاموں میں حصہ لیتے رہنے کا ذہن دیا نیز وہاں موجود اسلامی بھائیوں کو حضور صلی اللہ علیہ و سلم کی پیاری سنت عمامہ شریف اپنے سروں پر سجانے کی ترغیب دلائی۔علاوہ ازیں مرحوم کے ایصالِ ثواب کے لئے فاتحہ خوانی پڑھی گئی جبکہ نگرانِ پاکستان مشاورت نے مرحوم کے لئے دعا کروائی۔(رپورٹ:عبدالخالق عطاری نیوز فالواپ ذمہ دار نگران پاکستان مشاورت، کانٹینٹ:غیاث الدین عطاری)

جڑانوالہ شہر صوبۂ پنجاب میں دعوتِ اسلامی کے زیرِ اہتمام حافظ محمد شہباز عطاری کی رہائش گاہ پر سیکھنے سکھانے کا حلقہ لگایا گیا جس میں تاجر حضرات اور شخصیات سمیت دیگر عاشقانِ رسول نے شرکت کی۔

اس حلقے میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے عاشقانِ رسول سے گفتگو کرتے ہوئے انہیں مختلف مدنی پھولوں سے نوازا۔

دورانِ گفتگو نگرانِ پاکستان مشاورت نے عالمی سطح پر دینی و فلاحی کام کرنے والے دعوتِ اسلامی کے شعبہ جات کے لئے زیادہ سے زیادہ عطیات جمع کرنے اور دیگر کو اس کی ترغیب دلانے کا ذہن دیا جس پر انہوں نے اچھی چھی نیتیں کیں۔

علاوہ ازیں نگرانِ پاکستان مشاورت نے حلقے میں شریک اسلامی بھائیوں کو دعوتِ اسلامی کے دینی ماحول سے منسلک رہتے ہوئے نیکی کرنے اور نیکی کے کاموں حصہ ملانے کی ترغیب دلائی۔آخر میں تاجران اور شخصیات نے نگرانِ پاکستان مشاورت سے ملاقات بھی کی۔(رپورٹ:عبدالخالق عطاری نیوز فالواپ ذمہ دار نگران پاکستان مشاورت، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت جڑانوالہ میں محمد سلطان کے گھر پر سیکھنے سکھانے کا حلقہ لگایا گیا جس میں تاجران اور شخصیات سمیت دیگر اسلامی بھائیوں نے شرکت کی۔

اس دوران مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے وہاں موجود اسلامی بھائیوں کی دینی و اخلاقی اعتبار سے تربیت کرتے ہوئے انہیں قیمتی مدنی پھولوں سے نوازا۔

نگرانِ پاکستان مشاورت نے دنیا بھر میں دینی و فلاحی کام کرنے والے دعوتِ اسلامی کے شعبہ جات کے لئے زیادہ سے زیادہ سے ڈونیشن جمع کرنے اور دوسروں کو اس کی ترغیب دلانے کا ذہن دیا جس پر تاجران اور شخصیات نے ہاتھوں ہاتھ ڈونیشن جمع کروایا۔

بعدازاں نگرانِ پاکستان مشاورت حاجی محمد شاہد عطاری نے محمد سلطان کی والدہ مرحومہ کے ایصالِ ثواب کےلئےفاتحہ خوانی کی اور اُن کی مغفرت کی دعا کی۔(رپورٹ:عبدالخالق عطاری نیوز فالواپ ذمہ دار نگران پاکستان مشاورت، کانٹینٹ:غیاث الدین عطاری)

19 فروری 2023ء  بروز اتوار رکنِ شوریٰ حاجی محمد امین عطاری نے سول اسپتال کراچی میں ایڈمنٹ درس نظامی کے طالب علم عاشق علی عطاری کی اسپتال جاکر عیادت کی۔

اس موقع پر رکنِ شوریٰ نے عاشق علی عطاری کو دَم کرتے ہوئے ان کی جلد صحت یابی کے لئے دعائے خیر کروائی۔(کانٹینٹ:رمضان رضا عطاری)

18 فروری 2023ءبروز ہفتہ دعوتِ اسلامی کے مدنی مرکز فیضانِ مدینہ کراچی میں ٹرانسلیشن ڈیپارٹ کے اسلامی بھائیوں کا مدنی مشورہ ہوا جس میں رکنِ شوریٰ حاجی محمد امین عطاری نے سنتوں بھرا بیان کیا۔

بیان کے بعد رکنِ شوریٰ نے اسلامی بھائیوں کی سابقہ کارکردگی کا جائزہ لیتے ہوئے انہیں آئندہ کے لئے اہداف دیئے اور مزید شعبے کے دینی کام کرنے حوالے سے اپڈیٹس مدنی پھول دیئے جس پر اسلامی بھائیوں نے اچھی اچھی نیتیں کیں۔(کانٹینٹ:رمضان رضا عطاری)

دعوت اسلامی کے زیر اہتمام 18 فروری 2023ء کی شب تاج محل مارکی ریلوے پھاٹک پنڈی روڈ فتح جنگ میں اجتماع شب معراج کا انعقاد کیا گیا جس میں کثیر تعداد میں عاشقان رسول، مدرسۃ المدینہ کے مدرسین و ناظمین اور بچوں سمیت ان کے سرپرستوں نے شرکت کی۔

مرکزی مجلس شوریٰ کے رکن حاجی وقار المدینہ عطاری نے ”شب معراج مصطفٰےﷺ“ کے موضوع پر سنتوں بھرا بیان کیااور شرکا کو اس رات ملنے والا تحفہ ”نماز“ کو پابندی سے ادا کرنےکی ترغیب دلائی۔

آخر میں تقسیم اسناد کا سلسلہ ہوا جس میں حفظ مکمل کرنے والے بچوں کو سند دی گئی جبکہ رکن شوریٰ نے ان کے سروں پر دستار سجایا۔

دعوتِ اسلامی کے تحت ہونے والے دینی کاموں کے سلسلے میں 17 فروری 2023ء بروز جمعہ تحصیل دینہ کے یوسی نگران اسلامی بھائیوں کا مدنی مشورہ ہوا جس میں دیگر اہم ذمہ داران کی بھی شرکت رہی۔

معلومات کے مطابق اس مدنی مشورے میں مرکزی مجلسِ شوریٰ کے رکن حاجی بغداد رضا عطاری نے دعوتِ اسلامی کے 12 دینی کاموں کے متعلق گفتگو کرتے ہوئے ذمہ داران کو تقرری اور رمضان اعتکاف سمیت دیگر اہم امور پر تبادلۂ خیال کیا۔

رائل تاج مارکی جھنگ روڑ چوکی دارالسلام ٹوبہ میں دعوتِ اسلامی کے زیرِ اہتمام عظیم الشان اجتماعِ معراج کا انعقاد کیا گیا جس میں ٹوبہ شہر اور اطراف سے کثیر اسلامی بھائیوں نے شرکت کی۔

قراٰنِ پاک کی تلاوتِ سے اس اجتماعِ پاک کا آغاز ہوا جبکہ نعتِ پڑھنے والے اسلامی بھائیوں نے حضور پر نور صلی اللہ علیہ و سلم کی بارگاہِ اقدس میں نذرانۂ عقیدت پیش کیا۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”سفرِ معراج“ کے موضوع پر سنتوں بھرا بیان کرتے ہوئے دورانِ سفرمیں ہونے والے واقعات بیان کئے۔

دورانِ بیان نگرانِ پاکستان مشاورت نے نمازوں کی پابندی کرنے، نیکی کی کاموں میں حصہ لینے، دعوتِ اسلامی کے دینی کاموں میں شمولیت اختیار کرنےکے حوالے سے شرکا کی ذہن سازی کی۔

اس کے علاوہ نگرانِ پاکستان مشاورت حاجی محمد شاہد عطاری نے رمضان عطیات جمع کرنے اور دوسروں کو اس کی ترغیب دلانے نیز رمضان میں اعتکاف کرنے کا ذہن دیا۔

ملک پاکستان میں حج اسکیم 2023ء کا اعلان کردیا گیا ہے، ہر سال کی طرح اس سال بھی سرکاری حج سکیم کا فیصلہ قرعہ اندازی سے ہو گا جس کی درخواستیں وصول کرنے کا سلسلہ یکم فروری 2023ء سے شروع ہو چکا ہے۔ قرعہ اندازی کے بعد سال 2023ء میں ملک پاکستان سے 1لاکھ 79 ہزار210 افراد حج کرنے کی سعادت حاصل کرسکیں گے۔

دعوت اسلامی کا شعبہ حج و عمرہ بھی سال 2023ء میں حج ادا کرنے کے خواہشمند افراد کو معاونت فراہم کرنے میں پیش پیش ہے۔ اسی سلسلے میں شعبہ حج و عمرہ نے حج معاونت فارم جاری کردیا ہے جسے عازمین حج مکتبۃ المدینہ سے حاصل کرسکتے ہیں۔ اس کے علاوہ نیچے دیئے لنک پر کلک کرکے فارم کو ڈاؤن لوڈ کیا جاسکتا یا لنک پر کلک کرکے فارم کو فل کرنے کےبعد آن لائن بھی سبمنٹ(Submit) کرسکتے ہیں۔

https://hajj-facilitation.dibaadm.com/

شعبہ جامعۃ المدینہ (دعوت اسلامی) کے زیر اہتمام 16 فروری 2023ء بروز جمعرات عالمی مدنی مرکز فیضان مدینہ کراچی میں سالانہ تقریب ”ختم بخاری شریف“ کے سلسلے میں عظیم الشان اجتماع کا انعقاد کیا گیا جس میں مرکزی جامعۃ المدینہ فیضان مدینہ کراچی کے طلبہ براہ راست جبکہ ملک و بیرون ملک میں قائم جامعۃ المدینہ بوائز / گرلز کے طلبہ و طالبات ہزاروں کی تعداد میں بذریعہ مدنی چینل شریک ہوئے۔

خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے امام بخاری حضرت ابو عبد اللہ محمد بن اسماعیل البخاری رحمۃُ اللہِ علیہ کی سیرت پر گفتگو کرتے ہوئے احادیث مبارکہ پر آپ کی خدمات کو بیان کیا۔جانشین امیر اہلسنت دامت بَرَکَاتُہمُ العالیہ نے بیان کرتے ہوئے فرمایا کہ امام بخاری رحمۃُ اللہِ علیہ کو امیر المؤمنین فی الحدیث، حافظ الحدیث، مفتی، محدث اور حبر الاسلام کے القابات سے پکارا جاتا تھا۔ آپ رحمۃُ اللہِ علیہ کے اساتذۂ کرام کی تعداد 1 ہزار 80 ہے جبکہ بوقتِ وصال آپ کے محدث شاگردوں کی تعداد90 ہزار تھی۔اس کے علاوہ سرتاپا ادب و تعظیم کے پیکر ہونے کے ساتھ ساتھ آپ کا شمار بھی اُن باکمال ہستیوں میں ہوتا ہے جو ”فنافی الرَّسول“ کے منصبِ عظیم پر فائز تھے۔

سیرت کے بعد جانشین امیر اہلسنت دامت بَرَکَاتُہمُ العالیہ نے ”بخاری شریف“ کی آخری حدیث پڑھائی اور ترجمہ پڑھ کر سنایا۔شیخ الحدیث مفتی محمد حسان عطاری مدنی حفظہ اللہ نے آخری حدیث کے تمام راویان کا نام ذکر کیا اور متعلقہ حدیث کے بارے میں مدنی پھول ارشاد فرمائے۔

مختلف مقامات پر ہونے والے ”اجتماع بخاری شریف“ میں مفتیانِ کرام ، اراکین شوریٰ ، اراکینِ مجلس جامعۃ المدینہ، اساتذۂ کرام اور ناظمین بھی شریک تھے۔

دعوتِ اسلامی کے زیرِ اہتمام 16 فروری 2023ء  کو جڑانوالہ سیون سیز مارکی میں ہفتہ وار سنتوں بھرے اجتماع کا انعقاد ہواجس میں جامعۃالمدینہ کے طلبہ و اساتذہ ٔ کرام کے علاوہ کثیر اسلامی بھائیوں نے شرکت کی۔

اجتماع کی ابتدا تلاوت قراٰن پاک اور نعت رسول ﷺ سے ہوئی، نگرانِ پاکستان مشاورت حاجی محمد شاہد عطاری نے’’فیضانِ جنید بغدادی رحمۃ اللہ علیہ‘‘ کے موضوع پر سنتوں بھرا بیان کیا جس میں اسلامی بھائیوں کو نیکی کرنے اور نیکی کے کاموں میں حصہ لیتے رہنے کے بارے میں ذہن دیا نیز دعوتِ اسلامی کے دینی کاموں میں حصہ لیتے رہنے کی ترغیب بھی دلائی ۔

بیان کے بعد ذکرو دعا کا سلسلہ ہوا ۔ نگران پاکستان مشاورت نے دعا کروائی۔ بعد ِاجتماع اسلامی بھائیوں نے نگرا ن پاکستان مشاورت سے ملاقات بھی کی ۔(رپورٹ: عبدالخالق عطاری، کانٹینٹ:رمضان رضا عطاری)