دعوت اسلامی کے زیر اہتمام 22 جون 2020 ء کو اراکین عالمی مجلس اور مجلس بیرون ملک کی اسلامی بہنوں کا بذریعہ اسکائپ اجلاس ہوا جس میں پاکستان سمیت امریکا ، کینیڈا ، ساؤتھ افریقہ اور کوریا میں رہائش پذیر اراکین مجلس  نے بذریعہ اسکائپ شرکت کی۔ عالمی مجلس کی نگران نے بعض امور پر تربیت فرمائی اور دعوت اسلامی کے مدنی کاموں میں آنے والے مسائل پر کلام ہوا۔

22 جون 2020ء کو دعوت اسلامی کے  شب و روز کی ذمہ دار اسلامی بہن کا بنگلہ دیش کی بڑی سطح کی ذمہ دار اسلامی بہنوں کے ساتھ اجلاس ہوا جس میں شب و روز کی ذمہ دار نےمدنی خبریں دینے کا انداز اور کس کس مدنی کام کی خبر دینی ہے اس کے بارے میں بتایا ۔ذمہ داران نے کام پر توجہ رکھنے کی نیت کی اور اس شعبے پر تقرری کرنے کے لیے اہداف طے کئے۔

اسلامی بہنوں کی مجلس علاقائی دورہ کے زیر ِ اہتمام 21  جون 2020ء کو اٹلی کے شہر بریشاء میں بذریعہ فون علاقائی دورے کا سلسلہ ہوا۔ جس میں کابینہ نگران اسلامی بہن نے مقامی اسلامی بہنوں کو بذریعہ کال نیکی کی دعوت پیش کی اور دعوتِ اسلامی کے مدنی کاموں سے متعلق آگاہی فراہم کرتے ہوئے ون ڈے سیش میں بذریعہ اسکائپ شرکت کرنے کی دعوت دی ۔

دعوتِ اسلامی کے زیر اہتمام20  جون 2020ء بروز ہفتہ یورپین یونین ریجن کے ملک سویڈن میں بذریعہ اسکائپ ”ون ڈے سیشن “ کا انعقاد کیا گیا جس میں 10 مقامی اسلامی بہنوں نے شرکت کی۔ مبلغہ دعوتِ اسلامی نے “صِلہ رحمی “ کے موضوع پر سنتوں بھرا بیان کیا اور سیشن میں شریک اسلامی بہنوں کو قراٰن و حدیث کی روشنی میں صلہ رحمی کا حکم اور فضائل بیان کرتے ہوئے رشتہ داروں سے اچھے سلوک کرنے کی ترغیب دلائی۔

مسلمانوں کو گناہوں سے بچانے ،نیک بنانے ،خوف خدا عشق مصطفی صلَّی اللہ علیہ واٰلہٖ وسلَّم کی لازوال دولت دلانے کے عظیم جذبہ کے تحت اسلامی بہنوں کی مجلس مدنی انعامات کے زیر اہتمام 21جون2020ء کویت کے ڈویژن فروانیہ بذریعہ اسکائپ مدنی انعامات اجتماع کا انعقاد کیا گیا جس میں11 اسلامی بہنوں نے شرکت کی۔ مبلغہ دعوت اسلامی نے سنتوں بھرا بیان کیا اور اجتماع میں شریک اسلامی بہنوں کو مدنی انعامات کے ذریعے نیک اعمال بڑھانے اور اس پر استقامت پانے کا ذہن دیا ۔ مبلغہ اسلامی بہن نے انہیں روزانہ محاسبہ کرنے اور رسالہ جمع کراونے کی نیتیں کروائی گئی۔

بعد ازاں مدنی انعامات کی ذمہ دار اسلامی بہن نے مدنی انعامات کی نیتوں کی وضاحت کی ، درود شریف کی فضیلت بیان کرتے ہوئے اسلامی بہنوں کی تربیت کی۔

دعوت اسلامی کی مجلس آن لائن للبنات کے تحت 22 جون 2020ء سے یوگینڈا میں ڈیلی کلاسز کا آغاز ہوا جس میں 19 اسلامی بہنوں نے شرکت کی اور قراٰن پاک کی تفسیر صراط الجنان سننے کی سعادت حاصل کی۔

شیخ طریقت امیر اہلِ سنت دَامَتْ بَرَکَاتُہُمُ الْعَالِیَہ کے عطا کردہ اسلامی بہنوں کے63 مدنی انعامات کو اپنی زندگی میں عملی طور پر نافذ کرنے کے لئےاسلامی بہنوں کی مجلس مدنی انعامات کے زیر ِ اہتمام 22جون 2020ء کویت کے شہر خیطان ڈویژن میں بذریعہ اسکائپ مدنی انعامات اجتماع کا انعقاد کیا گیاجس میں 18 اسلامی بہنوں نے شرکت کی۔مبلغہ دعوت اسلامی نے سنتوں بھرا بیان کیا اور اجتماع میں شریک اسلامی بہنوں کو مدنی انعامات کے ذریعے نیک اعمال بڑھانے اور اس پر استقامت پانے کا ذہن دیا ۔ مبلغہ دعوت اسلامی نے روزانہ محاسبہ کرنے اور رسالہ جمع کروانے کی نیتیں بھی کروائی۔ 

دعوتِ اسلامی کے زیر اہتمام22 جون 2020ء  کو مانچسٹرریجن چیٹھم ہل اوربری میں آن لائن سنتوں بھرےاجتماعات کا انعقاد کیا گیا جن میں 65 اسلامی بہنوں نے شرکت کی۔ مبلغاتِ دعوت اسلامی نے کرونا وائرس اور دیگر بیماریوں پر قابو پانے کے لئے دوائی کے ساتھ ساتھ اورادو وظائف بیان کئے نیز صبر و شکر کے ساتھ رب کی رضا پر راضی رہنےاور دعوتِ اسلامی کے مدنی ماحول سے وابستہ رہنے کی ترغیب دلائی۔

اسلامی بہنوں کی مجلس کفن دفن کے زیر ِ اہتمام21جون2020ء  کوبریڈفورڈ ریجن کے ویسٹ یارکشائر کابینہ میں کفن دفن ریجن اسلامی بہن نے بذریعہ اسکائپ25 اسلامی بہنوں کو ٹیسٹ کی تیاری کروائی اور ٹیسٹ دیکر مجلس کفن دفن کے تحت مدنی کاموں میں حصہ لینے کا ذہن دیا جس پر اسلامی بہنوں نے ٹیسٹ دینے اور مدنی کاموں میں حصہ لینے کی ترغیب دلائی۔

دعوتِ اسلامی کے زیر اہتمام21 جون 2020ء کو بریڈ فورڈ ریجن میں ویسٹ یارکشائر اور ساؤتھ یارکشائر میں دو مقامات پر آن لائن سنتوں بھرےاجتماعات کا انعقاد کیا گیا جن میں 40 اسلامی بہنوں نے شرکت کی۔ مبلغاتِ دعوت اسلامی نے سنتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے اور ہفتہ وار اجتماع میں شرکت کرنے کی ترغیب دلائی۔ 

دعوتِ اسلامی کے زیر اہتمام21 جون 2020ء  کو برمنگھم ریجن ایسٹ مڈلینڈز کابینہ کے پانچ ڈویژن (نوٹنگھم ، ڈربی ، پیٹربورو ، لیسٹر، برٹن) میں آن لائن سنتوں بھرے اجتماعات کا انعقاد کیا گیا جن میں 150 اسلامی بہنوں نے شرکت کی۔ مبلغاتِ دعوت اسلامی نےسنتوں بھرا بیان کیا اور اجتماعِ پاک میں شریک اسلامی بہنوں کو صبر و شکر کے ساتھ رب کی رضا پر راضی رہنےاور دعوتِ اسلامی کے مدنی ماحول سے وابستہ رہنے کی ترغیب دلائی۔

دعوتِ اسلامی کے زیر اہتمام21 جون 2020ء کو یوکے مانچسٹرریجن میں 8 مقامات(بولٹن کے 2 علاقے ، چیٹھم ہل ، روچڈیل 2 کے علاقے ، اولڈھم، وارنگٹن ، بری) پرآن لائن سنتوں بھرے اجتماعات کا انعقاد کیا گیا جن میں 254 اسلامی بہنوں نے شرکت کی۔ مبلغاتِ دعوت اسلامی نے کرونا وائرس اور دیگر بیماریوں پر قابو پانے کے لئے دوائی کے ساتھ ساتھ اورادو وظائف بیان کئے نیز صبر و شکر کے ساتھ رب کی رضا پر راضی رہنےاور دعوتِ اسلامی کے مدنی ماحول سے وابستہ رہنے کی ترغیب دلائی۔