نیو سوسائٹیز ڈیپارٹمنٹ دعوت اسلامی  کے زیرِ اہتمام سرگودھا میں واقع حمزہ گارڈن میں محفل میلاد کا انعقاد ہوا جس میں ڈویژن مشاورت کے نگران عادل رضا عطاری نے بیان کیا اور نیکی کی دعوت دیتے ہوئے حاضرین کو مدنی مذاکرہ دیکھنے کا ذہن دیا جس پر انہوں نے نیک خیالات کا اظہار کیا۔ (رپورٹ:محمد فاروق عطاری نیوسوسائٹیز ڈیپاٹمنٹ آفس ذمہ دار،کانٹینٹ:رمضان رضا عطاری)

دعوت اسلامی کے نیوسوسائٹیز ڈیپارٹمنٹ کے تحت 23 ستمبر2023ء  بروز ہفتہ انجینئر ٹاؤن لاہور کی جامع مسجد زینب میں اجتماع میلاد کا انعقاد ہوا جس میں کثیر عاشقانِ رسول نے شرکت کی ۔

رکن شوری حاجی یعفور رضا عطاری نے ’’معجزات مصطفٰی صلی اللہ علیہ وسلم ‘‘کے موضوع پر بیان کیا۔دورانِ بیان اسلامی بھائیوں کو مدنی قافلے میں سفر کرنے اور اجتماع میلاد میں شرکت کرنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد فاروق عطاری نیوسوسائٹیز ڈیپاٹمنٹ آفس ذمہ دار،کانٹینٹ:رمضان رضا عطاری)

دعوت اسلامی کے شعبہ نیو سوسائٹیز ڈیپارٹمنٹ کے تحت 17 ستمبر 2023ء کو آن لائن مدنی مشورہ ہوا جس میں پنجاب کے مختلف ڈیپارٹمنٹس (مدرسۃ المدینہ بوائز/گرلز، مدرسۃ المدینہ شارٹ ٹائم، مدرسۃ المدینہ بالغان، ائمہ مساجد، شعبہ معاونت برائے اسلامی بہنیں، فنانس ڈیپارٹمنٹ، ڈونیشن سیل ڈیپارٹمنٹ، پراپرٹی ڈیپارٹمنٹ اور شعبہ عطیات بکس) کے ذمہ داران نے شرکت کی۔

رکن شوریٰ قاری سلیم عطاری نے اسلامی بھائیوں کی تربیت کی اور مدنی پھول بیان کرتے ہوئے انہیں اخلاص کے ساتھ دینی کام کرتے رہنے کی ترغیب دلائی جس پر شرکا نے اچھی اچھی نیتوں کا اظہار کیا۔

اس کے علاوہ نگران مجلس نیو سوسائٹیز ڈیپارٹمنٹ حاجی غلام الیاس عطاری نے ”دعوت اسلامی کے دیگر شعبہ جات نیو سائٹیز میں کیسے معاون و مدد گار بن سکتے ہیں؟“ کے موضوع پر کلام کیا اور سابقہ کارکردگی کا جائزہ لیتے ہوئے آئندہ کے اہداف دیئے۔ (رپورٹ: محمد فاروق عطاری، آفس ذمہ دار شعبہ نیو سوسائٹیز ڈیپارٹمنٹ)

ہر طبقے کے لوگوں کو دین کی باتیں بتانے اور انہیں ضروریاتِ دین سکھانے والی عاشقانِ رسول کی دینی تحریک دعوتِ اسلامی کے تحت 13 ستمبر 2023ء بروز بدھ نیوسوسائٹیز ڈیپارٹمنٹ لاہور کے ذمہ داران کا مدنی مشورہ ہوا۔

اس مدنی مشورے میں نگرانِ ڈیپارٹمنٹ حاجی غلام الیاس عطاری نے مختلف امور پر کلام کرتے ہوئے ڈیپارٹمنٹ کے سابقہ کاموں کا جائزہ لیا اور آئندہ کے اہداف دیئے۔

حاجی غلام الیاس عطاری نے ذمہ دار اسلامی بھائیوں کو دعوتِ اسلامی کے دینی کاموں میں مزید بہتری لانے کی ترغیب دلائی جس پر انہوں نے اچھی اچھی نیتیں کیں۔(رپورٹ: محمد فاروق عطاری نیوسوسائٹیز ڈیپاٹمنٹ آفس ذمہ دار ، کانٹینٹ:غیاث الدین عطاری)

29 اگست 2023ء بروز منگل نیوسوسائیٹیز ڈیپارٹمنٹ دعوتِ اسلامی کے تحت ساہیوال میں ڈویلپرز اجتماع  بنام”تجارت کورس“ ہوا جس میں کالونی مالکان، فیکٹری مالکان، چیمبر آف کامرس کے موجودہ صدر کاشف ریاض، 2 ایکس صدر ، عاصم رفیق اور محمد وسیم سمیت دیگر ڈویلپرز نے شرکت کی۔

اس اجتماعِ پاک میں دعوتِ اسلامی کی ڈاکومنٹری کے علاوہ دعوتِ اسلامی کو مساجد تعمیر کرواکر دینے کے حوالے سےمبلغِ دعوتِ اسلامی نے وہاں موجود شرکا اسلامی بھائیوں کی ذہن سازی کرتے ہوئے وقت اور مال کے ذریعے دین کی خدمت کرنے کی ترغیب دلائی۔بعدازاں سوال و جواب کا بھی سلسلہ رہا۔

دعوت ِاسلامی کے شعبہ نیو سوسائٹیز کے تحت 30 اگست 2023 ء بروز پیر مدنی  مرکز فیضان مدینہ سکھر میں بلڈرز کے درمیان سیکھنے سکھانے کے حلقے کا سلسلہ ہوا جس میں شعبہ نیو سوسائٹیز کی رہائشی شخصیات نے شرکت کی ۔

رکنِ شوریٰ و صوبائی نگران حاجی قاری محمد ایاز رضا عطاری نے مسجد بنانے کے فضائل و برکات پر مدنی پھول دیئے، اپنی زندگی نیک کاموں میں گزارنےکا ذہن دیا اور دعوت اسلامی کے دینی کام،ہفتہ وار اجتماع و مدنی مذاکرے میں شرکت کرنے کی دعوت دی ۔

علاوہ ازیں اپنی سوسائٹی کے مساجد کے پلاٹ دعوت اسلامی ٹرسٹ سے الحاق کروانے اور 2ستمبر2023ء کو ہونے والے یوم دعوت اسلامی کےاجتماع میں شرکت کرنے کی دعوت دی۔ (کانٹینٹ:رمضان رضا عطاری)

29اگست  2023ء بروز منگل دعوتِ اسلامی کے شعبہ نیو سوسائٹیز کے تحت لاڑکانہ سٹی میں بلڈرز کے درمیان سیکھنے سکھانے کےحلقے کا سلسلہ ہوا جس میں مرکزی مجلسِ شوریٰ کے رکن و صوبائی نگران حاجی قاری محمد ایاز رضا عطاری نے’’ مسجد بنانے کے فضائل‘‘ کے موضوع پر بیان کیا۔

دورانِ بیان رکنِ شوریٰ نے بلڈرز کو اپنی زندگی کے شب و روز نیک کاموں میں گزارنے اور دعوت اسلامی کے تحت ہونے والے دینی کام کرنے کی ترغیب دلائی نیز انہیں ہفتہ وار سنتوں بھرے اجتماع اور مدنی مذاکرے میں شرکت کرنےکا ذہن دیتے ہوئے 2ستمبر کو ہونے والے یوم دعوت اسلامی کےاجتماع میں شرکت کی دعوت بھی دی۔(کانٹینٹ:رمضان رضا عطاری)

23 اگست 2023ءبروز بدھ نیو سوسائٹیز ڈیپارٹمنٹ اور گھریلو صدقہ بکس کے ذمہ داران کا مشترکہ آن لائن مدنی مشورہ منعقد ہوا جس میں گھریلو صدقہ بکس کے نگران محمد عمران سرور عطاری اور نیوسوسائٹیز ڈیپارٹمنٹ کے صوبائی و ڈویژن ذمہ داران سمیت دیگر اسلامی بھائی شریک ہوئے۔

دورانِ مدنی مشورہ نگرانِ نیوسوسائٹیز ڈیپارٹمنٹ حاجی غلام الیاس عطاری نے اسلامی بھائیوں کی تربیت کرتے ہوئے انہیں نیوسوسائٹیز میں گھریلو صدقہ بکس کے نظام کے حوالے سے اہم نکات سمجھائے اور دعوتِ اسلامی کے 12 دینی کاموں کو احسن انداز میں کرنے کے متعلق اہداف دیئے۔(رپورٹ: محمد فاروق عطاری نیوسوسائٹیز ڈیپاٹمنٹ آفس ذمہ دار ، کانٹینٹ:غیاث الدین عطاری)

22 اگست 2023ء بروز منگل دعوتِ اسلامی کے تحت نیوسوسائٹیز ڈیپارٹمنٹ اور ڈونیشن سیل ڈیپارٹمنٹ کا مشترکہ آن لائن مدنی مشورہ ہوا جس میں نگرانِ ڈونیشن سیل ڈیپارٹمنٹ ڈاکٹر عبد القیوم عطاری اور نیوسوسائٹیز ڈیپارٹمنٹ کے چند صوبائی و ڈویژن ذمہ داران سمیت ڈیپارٹمنٹس کے دیگر اسلامی بھائی شریک ہوئے۔

17 اگست 2023ءبروز جمعرات دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری مُدَّ ظِلُّہُ العالی نے نیو سوسائٹیز ڈیپارٹمنٹ کے ذمہ داران کا مدنی مشورہ فرمایا۔

مدنی مشورے میں نگران مجلس نیو سوسائٹیز ڈیپارٹمنٹ حاجی غلام الیاس عطاری اور پنجاب بھر کے نیو سوسائٹیز ڈیپارٹمنٹ کے ذمہ داران نے شرکت کی جس میں نگرانِ شوریٰ نے اسلامی بھائیوں سے سابقہ دینی کاموں کی کارکردگی کا جائزہ لیا اور ا نہیں آئندہ کے لئے اہداف دیئے جس پر انہوں نے اچھی اچھی نیتوں کااظہار کیا۔ اس موقع پر نگرانِ پاکستان مشاورت و رکنِ شوریٰ حاجی محمد شاہد عطاری بھی موجود تھے۔(رپورٹ:محمد فاروق عطاری نیوسوسائٹیز ڈیپاٹمنٹ آفس ذمہ دار، کانٹینٹ:رمضان رضا عطاری)

11 اگست 2023ءبروز جمعۃ المبارک مجلس نیو سوسائٹیز ڈیپارٹمنٹ اور شعبہ  ائمہ مساجد کے ذمہ داران کا مشترکہ آن لائن مدنی مشورہ ہوا جس میں نگرانِ مجلس نیوسوسائٹیز حاجی غلام الیاس عطاری نے اسلامی بھائیوں کو نیوسوسائٹیز میں ائمہ مساجد کے نظام کے حوالے سے نکات بتائے اور ان میں دعوت اسلامی کے 12 دینی کاموں کو احسن انداز میں کرنے کے متعلق اہداف دیئے۔

مدنی مشورے میں ائمہ مساجد کے نگرانِ مجلس فیضان عطاری، نیوسوسائٹی ڈیپارٹمنٹ کے صوبائی و ڈویژن ذمہ داران سمیت شعبہ جات کے اسلامی بھائیوں نے شرکت کی۔( رپورٹ:محمد فاروق عطاری نیوسوسائٹیز ڈیپاٹمنٹ آفس ذمہ دار، کانٹینٹ:رمضان رضا عطاری)

گزشتہ روز فیصل آباد کے مدنی مرکز فیضانِ مدینہ میں پاکستان مشاورت اور نیوسوسائٹیز ڈیپارٹمنٹ کے ذمہ داران کا مدنی مشورہ ہوا جبکہ دیگر ڈیپارٹمنٹس کے اراکین کی بھی شرکت رہی جن میں مدرسۃ المدینہ (بوائز، گرلز)، مدرسۃ المدینہ شارٹ ٹائم، ائمہ مساجد، معاونت برائے اسلامی بہنیں اور پراپرٹی ڈیپارٹمنٹ کے علاوہ بھی شعبہ جات موجود تھے۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”دعوتِ اسلامی کے دیگر شعبہ جات نیوسوسائٹیز میں کیسے معاون و مددگار بن سکتے ہیں؟“ کے موضوع پر کلام کیا۔

نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت کرتے ہوئے انہیں مدنی پھولوں سے نوازا اور انہیں اخلاص کے ساتھ دینی کام کرتے رہنے کی ترغیب دلائی جس پر انہوں نے اچھی اچھی نیتیں کیں۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)