دعوت اسلامی کے تحت 3 نومبر 2019ء کو ذمّہ دار اسلامی بہنوں کا بسمت آکولہ زون  ہند میں مدنی مشورہ ہوا جس میں شافعی ریجن کی ذمّہ دار اسلامی بہنوں نے شرکت کی ۔مدنی مشورے میں ناندیڑ کابینہ کے مدنی کاموں کا جائزہ لیتے ہوئے نئے مقام پر مدنی کام شروع کرنے کا ذہن دیا گیا اور ہاتھوں ہاتھ تاریخ بھی طے کی گئی جبکہ مقامی اسلامی بہنوں کے درمیان سنتوں بھرے بیان کا سلسلہ ہوا جس میں اسلاف کرام اور بزرگان دین کی راہ خدا میں قربانیوں کا ذکر کرتے ہوئے انہیں بھی دین کے کاموں میں تعاون کرنے کی ترغیب دلائی۔ اجتماع میں شریک اسلامی بہنوں نے اچھی اچھی نیتوں کا اظہار بھی کیا۔

دعوت اسلامی کی مجلس آن لائن شارٹ کورسز للبنات کے تحت 4نومبر 2019ء کوجرمنی میں  19دن کے”فیضانِ سورہ بقرہ “کورس کا آغاز ہوا جس میں کم وپیش 11اسلامی بہنیں شریک ہیں ۔ کورس میں شریک اسلامی بہنوں کو سورہ بقرہ کی تلاوت، ترجمہ اور تفسیر کے ساتھ ساتھ معاملات اور دیگر شرعی مسائل سکھائے جارہے ہیں۔

دعوت اسلامی کے تحت اسلامی بہنوں کے لئے 8نومبر2019ء کوچابہار اور  زاہدان ،9نومبر2019ءکو جزیرہ قشم اور 6نومبر 2019ء کوایک اور مقام پر اجتماع میلاد کا انعقاد کیا جائیگاجن میں مبلغات اسلامی بہنیں سنّتوں بھرا بیان کریں گی۔ قرب وجوار کی تمام اسلامی بہنوں سے شرکت کرنے کی مدنی التجاہے۔

دعوت اسلامی کی مجلس شارٹ کورسز کے تحت اسلامی بہنوں کے لئے ماہ اکتوبر 2019ء میں قطر، ایران، عرب شریف، اسپین، ہند، کلکتہ، دہلی،کانپور اور موڈاسا سمیت 11مقامات پربذریعہ آن لائن کفن دفن کورس کروایا گیا جس میں کم وبیش 93اسلامی بہنوں نے شرکت کی۔ کورس میں شریک  اسلامی بہنوں کو تجہیزو تکفین کے فضائل، میت کوغسل دینےاور کفن پہنانے کا طریقہ اور دیگر شرعی مسائل سکھائے گئے۔

دعوت اسلامی کی مجلس مدرسۃ المدینہ بالغات کے تحت ایران کے شہر زاہدان اور قشم میں مدرسۃ المدینہ بالغات کا آغاز کیا گیا جس میں کثیر  تعداد میں اسلامی بہنوں نے داخلہ لیا ۔ داخلے لینے والی اسلامی بہنوں کو درست مخارج کے ساتھ قراٰنِ پاک پڑھنے اور دیگر شرعی مسائل کےبارےمیں معلومات فراہم کی جارہی ہے۔ 

دعوت اسلامی کے تحت اسلامی بہنوں کے لئے 10نومبر 2019ءکو نیوزی لینڈ کے شہر آکلینڈ میں کابینہ سطح پر  اجتماع میلاد کا انعقاد کیاجائیگا جس میں مبلغۂ دعوتِ اسلامی سنّتوں بھرا بیان کریں گی۔ قرب و جوار میں رہنے والی اسلامی بہنوں سے اس اجتماعِ میلاد میں شرکت کرنے کی مدنی التجا کی جاتی ہے۔

اجتماع پاک میں شرکت کی خواہش مند اسلامی بہنیں درج ذیل میل آئی ڈی پر رابطہ کریں۔

میل آئی ڈی : Bintehasanattaria@outlook.com

اَلْحَمْدُ لِلّٰہِ عَزَّ وَجَلَّ مجلس شارٹ کورسز للبنات کے تحت ماہِ اکتوبر 2019ء میں عرب شریف ٭کویت ٭ ہند ٭ بروڈا ٭ اجمیر ٭ اندور ٭ ناگور سمیت 15مقامات پر پانچ دن کے”زندگی پُرسکون بنائیے“کورس کا انعقاد کیا گیا جن میں کم وپیش 170 اسلامی بہنوں نے شرکت کی ۔ مبلغاتِ دعوت اسلامی نے سیرت خاتونِ جنّت وازواج مطہراترضی اللہ عنھن پر سنّتوں بھرے بیانات کئے اور کورس میں شریک اسلامی بہنوں کو شادی کے مسائل اور اہم ترین فقہی معلومات کے بارے میں آگاہی فراہم کیں۔

اسلامی بہنوں کو شرعی طریقے کے مطابق میت کا کفن دفن وغیرہ سکھانے کے لئے ستمبر2019ء میں ہند کے شہروں (اجمیر، سانگا، چھتر پور، بیاور، جودھپور، بیکانیر، اوڈاڈون، بروڈا، مدینہ گام، بھوج، نالیا، آنند کھمبات، بھڑوچ، جمشید پور وغیرہ اور U.K کے شہروں (لیوٹن، نوٹنگھم، برٹن، بلیک برن، سلاؤ، ایکرنگٹن، لنکاشائر، کووینٹری، ویسٹ مِڈلینڈ) میں کفن دفن اجتماعات ہوئے جن میں سینکڑوں اسلامی بہنوں نے شرکت کی اور کفن دفن کا درست طریقہ سیکھا۔

٭شیخِ طریقت امیرِ اہلِ سنّت دَامَتْ بَرَکَاتُہُمُ الْعَالِیَہ کے عطا کردہ اسلامی بہنوں کے 63 مدنی انعامات کو اپنی زندگی میں عملی طور پر نافذ کرنے کے لئے ہند کے مختلف شہروں (بریلی شریف، ممبئی، ناگپور، بھنڈارہ، آکولہ، بسمت، سرسی، حیدرآباد، مراد آباد، کانپور، گوپی گنج، فتح پور، شاہ جہاں پور، آگرہ، گورکھپور، جامنگر، احمد آباد، کوٹہ، دہلی سمیت دیگر شہروں)، U.K کے شہروں برمنگھم، برسٹل، اسٹوک، لیسٹر، ڈربی، پیٹر بورو اور برٹن میں ساڑھے تین گھنٹے کے مدنی انعامات اجتماعات ہوئے جن میں تقریباً 2970 اسلامی بہنوں نے شرکت کی سعادت حاصل کی۔

٭مجلس شارٹ کورسز کے تحت 3 اکتوبر 2019ء سے جرمنی میں آٹھ دن پر مشتمل ہفتہ وار سنتوں بھرا اجتماع کورس کا آغاز ہوا جس میں شریک ذمہ دار اسلامی بہنوں کی ہفتہ وار اجتماعِ پاک کے انتظامات چلانے کے متعلق تربیت کی گئی ٭10 اکتوبر 2019ء سے بنگلہ دیش کے شہر سید پور میں ”آئیے اپنی نماز درست کیجئے کورس“ کے دو درجے شروع ہوئے جن میں مقامی اسلامی بہنوں نے شرکت کی سعادت پائی ٭مجلس آن لائن شارٹ کورسز کے تحت 7اکتوبر 2019ء کو آئرلینڈ میں 12 دن پر مشتمل انگلش کورس ”Let’s reform our prayers“ کا آغاز ہوا ٭9اکتوبر 2019ء کو ریاض عرب شریف میں 5 دن پر مشتمل کورس ” زندگی پرسکون بنائیے“ کا سلسلہ ہوا ٭بمبئی ہند میں قائم دارُالسنہ للبنات میں مجلس مدرسۃُ المدینہ للبنات کے تحت ”26 دن ناظرہ رہائشی کورس“ ہوا جس میں ہند کے مختلف شہروں سے اسلامی بہنوں نے شرکت کی اور مکمل قراٰنِ کریم تجوید ومخارج کے ساتھ سیکھنے اور پڑھنے کی سعادت حاصل کی نیز فقہی مسائل و نماز کے فرائض و واجبات اور دیگر شرعی مسائل سیکھنے کی سعادت حاصل کی نیز کورس کے اختتام پر اسلامی بہنوں نے اچھی اچھی نیتیں کیں۔