28نومبر2019ء کو  دعوتِ اسلامی کے تحت ذمہ دار اسلامی بہنوں کا مدنی مشورہ ہوا جس میں مجلس اجارہ نگران عالمی سطح، سابقہ ریجن نگران اسلامی بہن اور سری لنکا کی کابینہ نگران اسلامی بہن نے شرکت کی۔ مدنی مشورے میں سری لنکا کی اجیر اسلامی بہن کے اجارے کے متعلق اہم امور پر مشاورت کی گئی اور تبادلۂ خیال کیا گیا۔

دعوتِ اسلامی کے تحت ہند کے شہر رائے پور میں کابینہ اور  تین ڈویژن کی تمام ذمہ دار اسلامی بہنوں کا مدنی مشورہ ہواجس میں کم وبیش 40 اسلامی بہنوں نے شرکت کی۔زون نگران اسلامی بہن نے ذمہ داران اسلامی بہنوں کی کارکردگی کا جائزہ لیتے ہوئے ان کی تربیت کی اور گھر درس کرنے، مدنی انعامات پر عمل کرنے اور ہفتہ وار رسالے فی ذیلی حلقہ 50 کی تعدادبڑھانے کی ترغیب اوراہداف دئیے۔

مسلمانوں کو گناہوں سے بچانے، نیک بنانےاور خوف خدا و عشقِ مصطفیٰﷺ کی لازوال دولت دلانے کے عظیم جذبے کے تحت امیر اہلِ سنّت دَامَتْ بَرَکَاتُہُمُ الْعَالِیَہ کے عطا کردہ اسلامی بہنوں کے 63 مدنی انعامات کو اپنی زندگی میں عملی طور پر نافذ کرنے کے لئے ہند کے شہر مالیگاؤں، بھساول اور پونڈا میں 28نومبر2019ء کو دو گھنٹے کے مدنی انعامات اجتماعات کا انعقاد کیا گیا جن میں 106 اسلامی بہنوں نے شرکت کی۔مبلغاتِ دعوتِ اسلامی نے سنتوں بھرے بیانات کئے اور اجتماعِ پاک میں شریک اسلامی بہنوں کو دعوتِ اسلامی کے مدنی ماحول سے وابستہ رہنے اور ہفتہ وار اجتماع میں شرکت کرنے کی ترغیب دلائی۔

اسلامی بہنوں کی مجلس آن لائن  شارٹ کورسز کے تحت 18 نومبر2019ء کو آسٹریلیا کے شہرسڈنی میں 12 دن پر مشتمل”حسن کردار“ کورس کا آغازہواجس میں 12اسلامی بہنوں نے شرکت کی۔ دورانِ کورس اسلامی بہنوں کو اخلاقیات ، کردار کی درستی ، حقوق و فرائض نیز باطنی بیماریوں اور ان کا علاج نیز شرعی مسائل سیکھنے کا موقع ملا۔

 اسلامی بہنوں کی مجلس آن لائن شارٹ کورسز کے تحت 4 نومبر2019ء کوجرمنی میں تفسیر قراٰن پر مشتمل 19دن کے''فیضان سورہ بقرہ'' کورس کا آغاز ہوا جس میں (Koblenz ، Bendorf ،Heidelberg، Offenbach،Frankfurt) سے 11 اسلامی بہنیں شامل ہیں۔ کورس میں شریک اسلامی بہنوں نے سورۂ بقرہ کی تلاوت و ترجمہ و تفسیر، معاملات اور دیگر کئی شرعی احکامات نیز نبی اکرمﷺ و صحابہ کرام علیہمُ الرضوان کی اطاعت کا جذبہ جیسے بہت سارے احکام سیکھنے کی سعادت حاصل کی۔

دعوت اسلامی کے تحت 26 نومبر 2019ء کو سری لنکا کے شہر کولمبو میں محفل نعت برائے شخصیات اسلامی بہنیں کا انعقاد  کیا گیا جس میں مختلف مقامات سے شخصیات اسلامی بہنوں نے شرکت کی۔ محفل نعت کا موضوع عشق رسولﷺ تھا۔ دورانِ محفل اسلامی بہنوں کو دعوت اسلامی کا تعارف اور شعبہ جات کے متعلق بتایا گیا۔ آخر میں شخصیات اسلامی بہنوں کو مختلف مقامات پر دعوت اسلامی کی محافل رکھنے کا ذہن دیا گیا ۔

اسلامی بہنوں  کی مجلس کفن دفن کے تحت چائنہ ریجن کے ملک ساؤتھ کوریا انچن سنگدو میں کفن دفن اجتماع کا انعقاد ہوا جس میں مقامی اسلامی بہنوں نے شرکت کی۔ ریجن نگران اسلامی بہن نے اجتماع پاک میں شریک اسلامی بہنوں کوغسلِ میت کےمسنون طریقے سے متعلق آگاہی فراہم کی۔ اس موقع پراسلامی بہنوں نےمدنی ماحول سے وابستہ رہنے،غسل میت کےلئے جانے،کتاب تجہیزوتکفین مکمل پڑھنے اور ہفتہ وار سنتوں بھرے اجتماع میں شرکت کرنے کی نیتیں بھی پیش کی۔

دعوت اسلامی کے تحت 16نومبر 2019ءکو یوکے، کے شہر ولی میں اسلامی بہنوں کی کوششوں  سے اجتماع میلاد کا انعقاد کیا گیا جس میں کم و پیش 20 اسلامی بہنوں نے شرکت کی۔ کابینہ ذمہ دار نے سنتوں بھرا بیان کیا اور اجتماعِ میلاد میں شریک اسلامی بہنوں کو دعوت اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے سنتوں بھرے اجتماع میں شرکت کی ترغیب دلائی۔

دعوت اسلامی کےتحت 21نومبر 2019ءکو سری لنکا کے شہر کولمبو میں ایک شخصیت اسلامی بہن کے گھر اجتماع میلاد کا انعقاد کیاگیا جس میں شخصیات اور مقامی اسلامی بہنوں نے شرکت کی۔ مبلغۂ دعوت اسلامی نے سنّتوں بھرا بیان کیا اور اجتماعِ میلاد میں شریک اسلامی بہنوں کو صدقے کا ذہن دیتے ہوئےٹیلی تھون میں بڑھ چڑھ کر حصہ ملانے کی ترغیب دلائی۔ دو شخصیات اسلامی بہنوں نے رابطہ نمبر لیکر یونٹس دینے کی نیت کی۔

ملک و بیرونِ ملک میں دعوتِ اسلامی کے تحت چلنے والے جامعات المدینہ للبنات میں  کثیر طالبات علم دین سے روشنا س ہورہی ہیں۔

موزمبیق میں قائم جامعۃ المدینہ للبنات فیضان عطار ماپوتو کی ایک طالبہ بنت محمد عمران خان نے درس نظامی 1441ھ کے سالانہ امتحان میں 60.99 فیصد لیکر اوّل پوزیشن حاصل کی۔

اِنْ شَآءَ اللہ عَزَّ وَجَلَّ! 4 دسمبر2019ء کو دعوت اسلامی کی مجلس جامعات المدینہ للبنات کے تحت ملک و بیرون ملک کے جامعات المدینہ للبنات میں گیارہویں شریف کے سلسلے میں سنتوں بھرےاجتماعات کا انعقاد کیا جائے گا۔جن میں ذہنی آزمائش، مقابلہ حسن بیان ہوگا اور نمایاں کارکردگی والی طالبات کو تحائف بھی دئیے جائیں گے۔ ان اجتماع میں سرپرست و شخصیات اسلامی بہنیں بھی شرکت فرمائیں گی۔