دعوتِ اسلامی کےمدنی ماحول میں ہر اسلامی ماہ کی پہلی پیر کو ”یومِ قفلِ مدینہ“ منایا جاتا ہے جس میں امیر اہلِ سنّت دَامَتْ بَرَکَاتُہُمُ الْعَالِیَہ کا تحریر کردہ رسالہ” خاموش شہزادہ“ پڑھ کر سنایا جاتا ہے۔

اسی سلسلے میں دعوتِ اسلامی کےتحت مبلغین نے یو ایس اے، عمان، اٹلی، بحرین اور جارڈن کے عاشقانِ رسول کے درمیان سنّتوں بھرے بیانات کئے اور انہیں قفلِ مدینہ لگانے کا ذہن دیا جس پر اسلامی بھائیوں کی کثیر تعداد نے قفل مدینہ لگانے پر آمادگی ظاہر کی اور نیتوں کا اظہار بھی کیا۔

چل مدینہ کے خوش نصیب مسافرین اس وقت امیرِ اہلِ سنّت اور نگرانِ شوریٰ و اراکینِ شوریٰ کے ہمراہ حجازِ مقدس میں موجود ہیں۔

مکہ ٔپاک میں خوش نصیب عازمینِ حج کےلئے تربیت کا سلسلہ ہوا جس میں مرکزی مجلس شوریٰ کے نگران مولانا محمدعمران عطاری مَدَّظِلُّہُ الْعَالِینے شرکا کی تربیت کی۔

اسی طرح حجاز مقدس ہی میں مولانا حاجی عبدالحبیب عطاری نے بھی عا زمینِ حج کی تربیت کی اور شکر کے موضوع پر نکات دئیے۔

دعوتِ اسلامی کے تحت بغدادی ریجن یوگینڈا میں عازمینِ حج کے لئے مدنی حلقے کا انعقاد کیا گیا۔ ریجن ذمّہ دارا نے سنّتوں بھرا بیان کی ااور شرکا کو مناسکِ حج بیان کرتے ہوئے ان کی تربیت کی اور اہم نکات بیان کئے۔

دعوتِ اسلامی کے تحت فیضانِ سنّت ڈویژن کمپالا(Kampala) کے عاشقانِ رسول نے تین دن کے مدنی قافلے میں سفر کی سعادت حاصل کی اور مدنی قافلے کے جدول کے مطابق اہل ِ علاقہ میں اسلام کی دعوت پیش کی جس کی برکت سے دو غیر مسلموں نے اسلام قبول کرنے کی سعادت حاصل کی اور دعوتِ اسلامی کے مدنی ماحول سے وابستہ ہو گئے۔ 

دعوتِ اسلامی کے تحت ساؤتھ افریقہ کے شہر  جوہانسبرگ (Johannesburg)کے علاقے کورومن میں اسلامی بھائیوں نے مدنی قافلے میں سفرکیا جہاں پر سنّتوں کی خوب دھومیں مچائیں اور مدنی حلقے لگائے گئے جن میں مبلغینِ دعوتِ اسلامی نے سنّتوں بھرے بیانات کئے۔ دورانِ مدنی قافلہ نیکی کی دعوت کی برکت سے ایک غیرمسلم نے اسلام قبول کیا جس کا نام احمد رکھا گیا۔

اسی طرح مدنی قافلے کے مسافروں نے مدنی مرکزفیضانِ مدینہ جوہانسبرگ نارتھ کورومن سےجامع مسجد بلال میں سفر کیا اور مدنی قافلے کے جدول کے مطابق مدنی کاموں میں شرکت کی۔ اس دوران مبلغِ دعوتِ اسلامی کی انفرادی کوشش کی برکت سے دینِ اسلام سے متاثر ہوکردو غیرمسلموں نے اسلام قبول کیا جن کے نام محمد احمد اور محمد بلال رکھے گئے۔

دنیا بھر میں قراٰن وسنّت کی تعلیمات کو عام کرنے والی عاشقان رسول کی مدنی تحریک دعوتِ اسلامی جو کم و بیش دنیا کے بیشتر ممالک میں سنّتوں کی دھومیں مچارہی ہے اور دعوتِ اسلامی کا مدنی پیغام اسلامی بھائیوں تک پہنچا رہی ہے۔

پچھلے دنوں ایسٹ افریقہ کے جزیرے پیمبا(Pemba) کے شہر چاکی(Chake) میں دعوتِ اسلامی کے تحت عاشقانِ رسول نے مدنی قافلے میں سفر کیا اور مدنی قافلے کے جدول کے مطابق مدنی کاموں میں شرکت کی۔ ان اسلامی بھائیوں نے مدنی حلقے لگائےجن میں مبلغینِ دعوتِ اسلامی نے سنّتوں بھرے بیانات کئے اور نیکی کی دعوت کوخوب عام کیا۔