ہیڈلائنز:09 اکتوبر سے مانٹریال کینیڈا میں جامعۃ المدینہ کی کلاسز کا باقاعدہ آغاز ہوگیا

تفصیلات:دینی مدارس اسلام کے قلعے، ہدایت کے سرچشمے، دین کی پناہ گاہیں اور اشاعتِ دین کا بہت بڑا ذریعہ ہوتے ہیں۔ ان مدارس و جامعات کی اہمیت کو مدِنظر رکھتے ہوئے عاشقانِ رسول کی مدنی تحریک دعوتِ اسلامی نے آج سے تقریبا تیس سال قبل 1401ھ بمطابق 1981ء میں کراچی پاکستان میں جامعۃ المدینہ کی پہلی شاخ کی بنیاد رکھی۔ حضرت حق تعالیٰ نے اس نیک کام میں ایسی برکت ڈالی کہ جامعات المدینہ کا سلسلہ بڑھتا چلا اور اس وقت پاکستان، ہند ، نیپال، بنگلہ دیش، یوکے ، ساؤتھ افریقہ، سری لنکا، کینیا، موزمبیق اور موریشس میں جامعۃ المدینہ کی سینکڑوں شاخیں قائم ہوچکی ہیں جہاں لاکھوں طلبہ کو بلامعاوضہ تعلیم کے زیور سے آراستہ کرنے کے ساتھ ساتھ ان کو رہائش، خوراک اور مفت طبی سہولت فراہم کی جاتی ہے۔

اسی مقصد کے تحت دعوتِ اسلامی کی مجلس جامعۃ المدینہ نے مانٹریال کینیڈا میں ایک دینی درسگاہ جامعۃ المدینہ مانٹریال کا آغاز کیا ہے جس کی باقاعدہ کلاسز کا آغاز 9 اکتوبر 2019ء بروز بدھ سے ہوچکا ہے۔ جہاں قرآن و حدیث، تفسیر، فقہ و اصول فقہ، معانی و ادب ، صرف و نحو، منطق و فلسفہ جیسے ضروری علوم کا ایک مکمل نصا ب انتہائی پاکیزہ اور نورانی ماحول میں پڑھایا جاتا ہے۔ اللہ نے چاہا تو اِنْ شَآءَ اللہ یہ جامعۃ المدینہ بھی دین کی ایسی مشعلیں روشن کرے گا جن کی کرنوں سے ایک عالم منّور ہوتا رہے گا۔

جانشین و صاحبزادۂ عطار مولانا عبید رضا عطاری مدنی مَدَّظِلُّہُ الْعَالِی اور رکنِ شوریٰ حاجی اظہر عطاری 10 اکتوبر کو یورپ کے مدنی دورے پر روانہ ہورہے ہیں۔ مجلس بیرونِ ملک کی جانب سے ان کا شیڈول جاری کردیا گیا ہے جس کے مطابق جانشین عطار اور رکن شوریٰ یور پ کے مختلف ممالک میں سنتوں بھرے اجتماعات ،مدنی حلقوں اور مدنی مشوروں میں مدنی پھول ارشاد فرمائیں گے اور شخصیات سے ملاقاتوں کا سلسلہ بھی ہوگا۔

شیڈول تصویر میں ملاحظہ کیجئے۔

دعوتِ اسلامی کہاں نہیں۔۔۔؟  دنیا کے نقشے پر موجود قدیمی ملک یونان جو مشرقی یورپ پر واقع ہے، جسے گریس بھی کہا جاتا ہے۔ اَلْحَمْدُ لِلّٰہِ عَزَّ وَجَلَّشیخِ طریقت، امیرِ اَہلِ سنّت علامہ محمد الیاس عطّاؔر قادری رضوی دَامَتْ بَرَکَاتُہُمُ الْعَالِیَہ کی کوششوں سے آج دعوتِ اسلامی کے مدنی کام یہاں بھی بھرپور انداز میں جاری و ساری ہیں اور عاشقان رسول امیر اہلِ سنّت دَامَتْ بَرَکَاتُہُمُ الْعَالِیَہ کے فرمان پر دین کا پیغام عام کرنے کے لئے شب و روز اپنی خدمات سرانجام دے رہے ہیں۔ عالمی مدنی مرکزفیضان مدینہ کراچی میں جاری سنتوں بھرے اجتماع میں آئے ہوئے یونان کے مبلغ دعوت اسلامی سے مدنی چینل نے یونان میں ہونے والے مدنی کاموں کے حوالے سے گفتگو کی اور کہا کی یونان میں بھی اللہ عزوجل اور نبی آخرالزماں حضرت محمد مصطفی صلَّی اللہ علیہ واٰلہٖ وسلَّم کی تعلیمات کو عام کرنے کےلئے دعوتِ اسلامی کے مدنی کام جاری ہیں۔

دعوتِ اسلامی  کے تحت بنگلہ دیش کے شہر بریشال میں زون سطح کے ذمّہ داران کی تربیت کا سلسلہ ہوا۔ بنگلہ دیش مشاورت کے نگران نے ذمّہ داران کی تربیت کی اور بریشال میں ہونے والے دعوت اسلامی کے مدنی کاموں کا جائزہ لیا۔ علاوہ ازیں نگران بنگلہ دیش مشاورت نے ان اسلامی بھائیوں کو پورے زون میں مدنی کاموں کو مزید بہتر بنانے کا ذہن دیا۔

امیراہل سنّت علامہ محمدالیاس عطارقادری دَامَتْ بَرَکَاتُہُمُ الْعَالِیَہ کے فرمان پرعمل کرتے ہوئے بنگلہ دیش کے شہر کومیلا کے عاشقان رسول نے قافلے میں سفر کی سعادت پائی اور جدول کے مطابق مدنی کاموں میں شرکت کی۔ قافلے میں شریک عاشقان رسول نے علاقائی دورہ کیا اور مختلف اسکولوں، دکانوں اور دیگر مقامات پر اسلامی بھائیوں کونیکی کی دعوت دیتے ہوئے دعوتِ اسلامی کے مدنی کاموں کا تعارف پیش کیا اور انہیں ہفتہ وار اجتماع میں شرکت کرنے اور قافلوں میں سفر کرنے کی ترغیب دلائی۔

دعوتِ اسلامی کی مجلس بیرون ممالک کی جانب سے ایک اور مجلس  بنام ”ویک اینڈ اسلامک اسکول سسٹم“ بنائی گئی ہے جس میں اب چھٹی والے دن دینی تعلیمات کے حوالے سے کلاسز کاآغاز کردیاگیاہے۔اس مجلس کے متعلق مدنی چینل سے بات کرتے ہوئے رکن ِشوری حاجی بلال عطاری نے کہا کہ دعوتِ اسلامی اَلْحَمْدُ لِلّٰہِ عَزَّ وَجَلَّ تقریباً 108 شعبہ جات میں دین متین کی خدمت سر انجام دے رہی ہے ان ہی شعبہ جات میں ایک شعبہ ہمارا ویک اینڈ اسلامک اسکول ہے جس میں 6سال سے 14سال کی عمر تک کے بچوں اور بچیوں کو چھٹی والے دن دو سے ڈھائی گھنٹے اسلامی تعلیمات کے چار پیریڈ ہوتے ہیں۔ رکنِ شوریٰ کا مزید کہنا تھا کہ اِنْ شَآءَ اللہ عَزَّ وَجَلَّامریکہ اور آسٹریلیا کے مختلف شہروں میں جلد ویک اینڈ اسلامک اسکول کا آغاز ہوجائیگا۔

دنیا بھر میں قراٰن سنّت کی تعلیمات کو عام کرنے والی عاشقانِ رسول کی مدنی تحریک دعوت اسلامی کے تحت   بنگلہ دیش کے شہر راجشاہی میں سنّتوں بھرے اجتماع کا انعقاد کیاگیا جس میں اہل علاقہ اور مقامی ذمّہ داران نے شرکت کی۔ مبلغِ دعوتِ اسلامی نے سنّتوں بھرا بیان کیا اور شرکا کو دعوت ِاسلامی کے قافلوں میں سفر کرنے، ہفتہ وار اجتماع میں شرکت کرنے اور مدنی ماحول سے وابستہ رہنے کا ذہن دیا۔

 مولانا سعیدالرحمان صاحب کی بنگلہ دیش کے شہر سید پور میں واقع جامعۃ المدینہ آمد ہوئی۔ آپ نے طلبہ کرام میں سنّتوں بھرا بیان کیا ۔ آخر میں طلبہ کرام نے مولانا سعیدالرحمان صاحب سے ملاقات کی سعادت بھی پائی۔

دعوتِ اسلامی کی مرکزی مجلس شوریٰ کے اراکین مولانا حاجی عبدالحبیب عطاری اور رکن شوریٰ حاجی سیدمحمدابراہیم عطاری نے ترکی میں مختلف صحابہ کرام رضی اللہ عنہم کے مزارات پر حاضری دی۔قافلے میں شریک عاشقانِ رسول نے سیدنا حضرت ایوب انصاری رضی اللہ عنہ کے مزار حاضری دی اور فاتحہ خوانی کی۔بعد میں تمام عاشقان رسول نے مزار کے مختلف حصوں کا دورہ بھی کیا۔

اس سے قبل رکنِ شوریٰ حاجی سید محمد ابراہیم عطاری اور دیگر اسلامی بھائیوں نے استنبول میں ہی سیدنا حضرت حافر رضی اللہ عنہ اور ایک صحابی رسول کے مزارپر حاضری دی تھی۔

بعد میں سیدابراہیم عطاری نےسیدنا حضرت عبدالصادق رضی اللہ عنہ کے مزار پر بھی حاضری دی اور فاتحہ خوانی کی۔ رکنِ شوریٰ مولانا حاجی عبدالحبیب عطاری اور رکنِ شوریٰ حاجی سید محمد ابراہیم عطاری اور تاجر وں پر مشتمل یہ قافلہ سنتوں کی دھومیں مچانے اور دعوت اسلامی کے مدنی کاموں کو بڑھانے کےلئے یورپی ممالک کے سفر پر روانہ ہوا تھا جو اپنا سفر مکمل کرکے وطن واپس پہنچا۔

روس کی سلطنت تاتارستان میں 3 روزہ عالمی کانفرس  بعنوان ”قرآن وسنت کی روشنی میں دورِ حاضر میں علماء کا کردار “منعقد ہوئی۔ جس میں دنیا کے مختلف ممالک عراق،لبنان،مصر،شام، ترکی، ایران ، مغرب اور پاکستان وغیرہ سے تشریف لائے ہوئے مشائخ کرام سمیت کثیر تعداد میں مقامی علمائے کرام اور دیگر اہم شخصیات نے شرکت کی۔

کانفرنس میں شریک علمائے کرام اس بات پر فکر مند تھے کہ آج کا مسلمان بے عملی کا شکار کیوں ہے؟ ‼ نیز ہماری نوجوان نسل علم اور ڈگریوں میں تو آگے بڑھ رہی ہے لیکن عمل اور فکرِ آخرت میں پیچھے کیوں جا رہی ہے؟ ‼کانفرنس کے دیگر شرکا نے بھی اصلاحِ امت کے انداز پر بحث کی۔ خصوصاً نوجوان نسل کو دین کے قریب کرنے کے لئے مؤثر لائحہ عمل اختیار کرنے پر زور دیا گیا۔

اس کانفرس میں دعوتِ اسلامی کو تین ممالک سے نمائندگی کا موقع ملا :٭شیخ عبد اللہ المدنی (پاکستان) ٭شیخ بلال مدنی (جرمنی) ٭شیخ شہاب الدین ( ترکی)،دو مبلغینِ دعوتِ اسلامی نے عربی زبان میں بیانات کئے اور مندرجہ بالا عنوانات کے ساتھ ساتھ بانی دعوتِ اسلامی علامہ مولانا محمد الیاس قادری دَامَتْ بَرَکَاتُہُمُ الْعَالِیَہ کا تعارف بھی پیش کیا۔

مبلغینِ دعوتِ اسلامی نے کانفرس میں موجود علما کو دعوتِ اسلامی کے تحت دعوتِ دین کے لئےقائم شدہ مختلف شعبہ جات کا تعارف کروایا اور انہیں بتایا کہ دنیا بھر میں سنتوں کو پھیلانے والی تحریک دعوتِ اسلامی نیک بننے اور بنانے والے کام، راہ خدا میں سفر، کتب ورسائل، مدنی چینل، ویب سائٹ اور سوشل میڈیا جیسے جدید ذرائع کی مدد سے نوجوان نسل کو دین کی تعلیمات فراہم کرنے میں اپنا واضح کردار ادا کررہی ہے، جسے کانفرس میں موجود حاضرین نے بے حد سراہا۔

اللہ کرم ایسا کرے تجھ پے جہاں میں

اے دعوتِ اسلامی تیری دھوم مچی ہے

دعوتِ اسلامی کی مرکزی مجلس شوریٰ کے رکن مولانا حاجی عبدالحبیب عطاری کے قافلے نے استنبول کی سب سے خوبصورت اور تاریخی سلطان مسجد ”نیلی مسجد“کا دورہ کیا اور وہاں موجود تبرکات، پیغمبروں اور صحابۂ کرام کے زیرِ استعمال رہنے والی اشیا کی زیارت کی اور مدنی چینل کے ناظرین کو بھی زیارت کروائی۔ رکنِ شوریٰ مولانا حاجی عبدالحبیب عطاری نے نیلی مسجد کے امام صاحب اور دیگر شخصیات سے ملاقاتیں بھی کیں اورانہیں دعوتِ اسلامی کا تعارف پیش کرتے ہوئے دعوت اسلامی کے عالمی مدنی مرکزفیضان مدینہ کراچی پاکستان آنے کی دعوت بھی پیش کی۔