آج کا سوال

سوتے ہوئے منہ سے نکلنے والے پانی کا حکم

سوال:اگر کسی کے منہ سے رات کو سوتے ہوئے پانی نکلتا ہو تو یہ پاک ہے یا ناپاک؟

جواب:بعض کے منہ سے رات کو سوتے ہوئے بغیر جھاگ کا پانی نکلتا ہے اور بعض کے جاگتے ہوئے بھی نکلتا ہے، اسے عموماً لوگ ”رال“ بولتے ہیں جو کہ تھوک ہی ہوتا ہے، چاہے اس میں بدبو آئے یا نہ آئے یہ ”پاک “ہے۔( ماخوذازفتاویٰ رضویہ،1الف/352)

وَاللہُ اَعْلَمُ وَ رَسُوْلُہُ اَعْلَم عَزَّوَجَلَّ وَ صَلَّی اللّٰہُ عَلَیْہِ وَاٰلِہٖ وَسَلَّم

صَلُّوْا عَلَی الْحَبِیْبْ! صَلَّی اللہُ عَلٰی مُحَمَّد

عاشقانِ رسول کو  ہر ہفتے امیر اہلِ سنّت دَامَتْ بَرَکَاتُہُمُ الْعَالِیَہ کے کتب و رسائل میں سے ایک رسالہ پڑھنے کا ہدف دیا جاتا ہے۔ امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ نے عاشقان رسول کو اس ہفتے رسالہ” گرمی سے حفاظت“ کے مدنی پھول پڑھنے یا سننے کی ترغیب دلائی اور دعاؤں سےبھی نوازا۔

ماہ ذوالقعدۃ الحرام 1440سن ہجری کی دسویں شب دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرے کا سلسلہ ہوا جس میں کثیر عاشقانِ رسول نے شرکت کی۔ امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ نے عاشقانِ رسول کے سوالات کے جوابات عطا فرمائے ۔

ہفتہ وار مدنی مذاکرے کے بعد خصوصی مدنی مذاکرے کا سلسلہ بھی ہو اجس میں خوش نصیب عاشقانِ رسول نے امیر اہلِ سنت دَامَتْ بَرَکَاتُہُمُ الْعَالِیَہ کے حکمت بھرے مدنی پھولوں سے فیض پایا نیز خوش بختوں نے امیر اہلِ سنّت کے ساتھ ماہ حرام کے نفل روزے کی سحری کی سعادت بھی پائی ۔

11جولائی2019ء کو صادق آباد کے قریب ولہاراسٹیشن پر ٹرین اکبر ایکس پریس حادثے  کا شکار ہوگئی جس میں کئی مسافرین موقع پر ہی جا ں بحق ہو گئے جبکہ کئی افراد کو زخمی حالت میں اسپتال منتقل کیا گیا۔ امیرِ اَہلِ سنّت علامہ محمد الیاس عطّاؔر قادریدَامَتْ بَرَکَاتُہُمُ الْعَالِیَہ نے حادثے میں انتقال کرنے والے افراد کے لواحقین سے تعزیت اورزخمیوں سے عیادت کرتے ہوئے دعافرمائی کہ اللہ پاک ٹرین حادثے میں انتقال کرنے والوں کی مغفرت فرمائے اورزخمیوں کوصحت عطاکرے۔

امیر اہلِ سنّت علا مہ محمد الیاس عطّار قادری دَامَتْ بَرَکَاتُہُمُ الْعَالِیَہ نے سید محمد شاہ، سید نصیب شاہ اور سید الطاف شاہ کی والدہ ماجدہ سیدہ عائشہ کے انتقال پر ان کے صاحبزادوں اور دیگر سوگواروں سے تعزیت کرتے ہوئے مرحومہ کے لئے ایصالِ ثواب فرمایا ۔

امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ نے طاہر محمود عطّاری ، زبیر عطّاری ، عبد الغنی ،صغراں بی بی، سیّد ذکی شاہ ، فضل عالم کی اہلیہ اور مجلس تجہیز وتکفین ذمّہ دار عبدالرءوف عطّاری کی نومولود بچی کی انتقال کی اطلاع ملنے پر تمام مرحومین کے سوگواروں سے تعزیت کی اورمرحومین کے لئے دعائے مغفرت کرتے ہوئے سوگواران کو مدنی پھول دئیے۔

مولانا سید محمد ہاشم شاہ نعیمی نقشبندی صاحب رحمۃ اللہ علیہ کاگزشتہ روز میمن گوٹھ ملیر میں انتقال ہوگیا اِنَّا لِلہِ وَاِنَّا اِلَیْہِ رٰجِعُوْن۔ امیرِ اَہلِ سنّت علامہ محمد الیاس عطّاؔر قادریدَامَتْ بَرَکَاتُہُمُ الْعَالِیَہ نے حضرت کےانتقال کی اطلاع ملنے پر ان کے صاحبزادوں اور سوگواروں سے تعزیت فرمائی اورحضرت کو ایصالِ ثواب کرتے ہوئے ان کے بلندی ِدرجات کے لئے دعا کی۔

 آج کا سوال

سب سے پہلے کس کی وراثت تقسیم ہوئی؟

سوال:اسلام میں سب سے پہلے کس کی وراثت تقسیم کی گئی؟

جواب:اسلام میں سب سے پہلے صحابیِ رسول حضرتِ سیّدنا سعَد بن ربیع رضی اللہ عنہ کی وراثت تقسیم کی گئی۔

(ماخوذ اَز ترمذی، 4/28، حدیث:2099)

وَاللہُ اَعْلَمُ وَ رَسُوْلُہُ اَعْلَم عَزَّوَجَلَّ وَ صَلَّی اللّٰہُ عَلَیْہِ وَاٰلِہٖ وَسَلَّم

صَلُّوْا عَلَی الْحَبِیْبْ! صَلَّی اللہُ عَلٰی مُحَمَّد

امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ نے خلیفۂ مفتی اعظم ہند حضرت علامہ مولانا مفتی حبیب یار خان قادری رحمۃ اللہ علیہ(ناظم اعلیٰ دارالعلوم نوری ہند) کے انتقال پر ان کے صاحبزادے مولانا احمدیار خان ازہری سے تعزیت کا اظہار کیا اور مرحوم مفتی صاحب کو ایصالِ ثواب کرتے ہوئے بلندیِ درجات کے لئے دعاکی۔

سوال:جو شخص کسی چیز کے نیچے دَب کر مَر جائے تو اُسے شہید کہہ سکتے ہیں؟

جواب:جی ہاں! مسلمان کسی چیز مثلاً دیوار، بڑے پتھر یا لوہے وغیرہ کے نیچے دَب کر مَر جائے تو وہ شہید ہے۔

وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ تعالٰی علیہ واٰلہٖ وسلَّم

صَلُّوْا عَلَی الْحَبِیْب! صلَّی اللہ تعالٰی علٰی محمَّد

سوال:کیا محرمُ الحرام میں قربانی کا بچا ہوا گوشت کھا سکتے ہیں؟

جواب:جی ہاں! محرمُ الحرام میں قربانی کا بچا ہوا گوشت کھا سکتے ہیں اس میں کوئی حرج نہیں ہے۔ بعض لوگ یہ کہتے ہیں کہ محرمُ الحرام میں خاص طور پر عاشورا (یعنی دس¹⁰محرم الحرام) کے دن گوشت نہیں کھانا چاہئے، یہ غلط ہے۔ پورے سال میں ایسا کوئی دن نہیں ہے کہ جس میں مطلقاً گوشت کھانا منع ہو۔

وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ تعالٰی علیہ واٰلہٖ وسلَّم

صَلُّوْا عَلَی الْحَبِیْب! صلَّی اللہ تعالٰی علٰی محمَّد