دعوتِ اسلامی کی مجلس مدرسۃ المدینہ کے تحت عالمی مدنی مرکز فیضانِ مدینہ کراچی میں سنّتوں بھرا اجتماع ہوا جس میں ناظمین ، مفتشین، کابینہ ناظمین اور اراکینِ مجلس نے شرکت کی ۔ رکنِ شوریٰ حاجی محمدامین عطاری نے سنّتوں بھرابیان کیااور ہفتہ وار اجتماع ،مدنی مذاکرے میں شرکت اورمدنی قافلوں میں سفر کرنے کی ترغیب دلائی نیزعید الاضحیٰ کے موقع پر دعوتِ اسلامی کے لئےکھالیں جمع کرنےکے حوالے سے نکات دیئے۔

دعوتِ اسلامی کی مجلس امامت کورس کے تحت عالمی مدنی مرکز فیضانِ مدنی کراچی میں مدنی حلقہ ہوا جس میں امامت کورس کرنے والے اسلامی بھائیوں نے شرکت کی ۔رکنِ شوریٰ حاجی سیّد لقمان عطاری نے شرکاکی تربیت کی اوردعوتِ اسلامی کے 12مدنی کاموں میں بڑھ چڑھ کر حصّہ لینے کی ترغیب دلائی۔

دعوتِ اسلامی کے تحت عالمی مدنی مرکز فیضانِ مدینہ کراچی میں شعبہ جات کے ذمّہ داران کا مدنی مشورہ ہوا جس میں فیضانِ مدینہ کراچی میں قائم تمام شعبہ جات کے ذمّہ داران نے شرکت کی ۔نگرانِ شوریٰ مولانا محمد عمران عطاری مَدَّظِلُّہُ الْعَالِی نے شرکا کی تربیت کی اورکار کردگی کا جائزہ لیتے ہوئے مدنی پھولوں سے نوازا۔