عاشقانِ رسول کی مدنی تحریک دعوت  کی مدنی تحریک دعوتِ اسلامی کے عالمی مدنی مرکز فیضانِ مدینہ میں معروف صحافی و کالم نگار جاوید چوہدری نے دورہ کیا۔ رکنِ شوریٰ مولانا حاجی عبدالحبیب عطاری اورمجلس رابطہ کے ذمّہ داران نے ان کو خوش آمدید کہا ۔ اس موقع پر جاوید چوہدری کو دعوتِ اسلامی کے تحت چلنے والے شعبہ جات کے حوالے سے تفصیلاً بریفنگ دی گئی اور انہیں بتایا کہ کس طرح ذمّہ داران ملک و بیرون ملک دینِ اسلام کی تعلیمات کو عام کرنے میں مصروف عمل ہیں۔علاوہ ازیں جاوید چوہدری نےصدر میں واقع مدرسۃ المدینہ آن لائن اور دارالافتاء اہلسنّت کا دورہ بھی کیا۔

جبکہ عالمی مدنی مرکز فیضان مدینہ میں نگران شوریٰ مولانا محمد عمران عطاری مَدَّظِلُّہُ الْعَالِی، رکنِ شوریٰ حاجی محمد امین عطاری و دیگر ذمّہ داران سے جاوید چوہدری کی ملاقات ہوئی جبکہ امیر اہلِ سنّت دَامَتْ بَرَکَاتُہُمُ الْعَالِیَہ کی بارگاہ میں بھی حاضری دی۔امیر اہلِ سنّت دَامَتْ بَرَکَاتُہُمُ الْعَالِیَہ نے جاوید چوہدری کو اپنی دعاؤں سے نوازا۔

واضح رہےکہ گزشتہ روز دارالمدینہ کے سی ای او نے جاوید چوہدری کو دارالمدینہ کے نصاب کی تیاری میں اپنی خدمات سرانجام دینے والے ماہرین تعلیم سے معلومات کا تبادلہ کروایاجسے جان کر صحافی جاوید چوہدری نے خوشی اور نیک خواہشات کا اظہار کرتے ہوئے دعوتِ اسلامی کے مدنی کاموں کو خوب سراہا۔

دعوتِ اسلامی  کی مجلس رابطہ برائے تاجران کے تحت13 جولائی 2019ء بروز ہفتہ عالمی مدنی مرکز فیضان ِمدینہ کراچی میں سنّتوں بھرے اجتماع کا انعقاد کیا جارہا ہے جس میں کراچی سمیت حیدر آباد اور ملک کے دیگر شہروں سے بزنس کمیونٹی سے وابستہ عاشقانِ رسول شرکت کریں گے۔ اس اجتماع پاک میں مبلغینِ دعوتِ اسلامی مختلف موضوعات پراصلاحی بیانات فرمائیں گے جبکہ امیر اہلِ سنّت دَامَتْ بَرَکَاتُہُمُ الْعَالِیَہ مدنی مذاکرے کے ذریعے خصوصی تربیت بھی فرمائیں گے۔

عاشقانِ رسول کی مدنی تحریک دعوتِ اسلامی نے جہاں دنیا بھر کے لوگوں کی اصلاح  کا بیڑہ اٹھایا وہیں عاشقانِ رسول کو علم دین کی مَہک اور نور سے روشناس کرانے کے لئے آج سے کم وبیش 24سال قبل شہر کراچی کے علاقے گودھرا کالونی نیو کراچی میں ایک دینی ادارہ بنام ”جامعۃ المدینہ“ کا قیام کیا جو بعد میں گلستان جوہر منتقل ہوااور پھر کچھ ہی عرصے میں جامعۃ المدینہ کی نئی شاخوں کا مختلف شہروں میں قیام عمل میں آنے لگا اور 1440سن ہجری بمطابق 2019ءمیں نا صرف ملک بلکہ بیرون ملک میں بھی دعوتِ اسلامی کے جامعات المدینہ للبنین اور للبنات قائم ہیں جن میں ہزاروں اسلامی بھائی اور اسلامی بہنیں علمِ دین کے نور سے اپنے سینوں کو منوّر کرنے کی سعادت پارہے ہیں ،اَلْحَمْدُ لِلّٰہِ عَزَّ وَجَلَّ مجلسِ جامعۃ المدینہ کے تحت عالمی مدنی مرکز فیضانِ مدینہ کراچی میں 11جولائی2019ء بروز جمعرات سالانہ تقسیمِ انعامات اجتماع کا انعقاد کیا گیا جس میں شیخ الحدیث والتفسیر مولانا مفتی محمد قاسم عطاری مَدَّظِلُّہُ الْعَالِی نے سنّتوں بھرا بیان فرمایا اور طلبۂ کرام کو علمِ دین کی اہمیت و فضیلت سے متعلق مدنی پھول دئیے۔ علاوہ ازیں سالانہ امتحان میں نمایاں کارکردگی حاصل کرنے والے طلبۂ کرام میں انعامات بھی تقسیم کئے گئے۔

دعوتِ اسلامی کی مجلس رابطہ باالعلماءکے تحت جامعہ رسولیہ شیرازیہ لاہور کے مولانا اویس مظہر قادری اور جامعہ فریدیہ ساہیوال کے قاری ارشاد احمد فریدی صاحب نے عالمی مدنی مرکزفیضان ِمدینہ کراچی  کا دورہ کیا مجلسِ ربطہ با العلماء کے ذمّہ داران نے ان علمائے کرام کوخوش آمدید کہا اور دعوتِ اسلامی کے تحت چلنے والے مختلف شعبہ جات سے متعلق تفصیلی بریفنگ دی۔علمائے کرام نے دعوتِ اسلامی کی دینی خدمات کو خوب سراہا اور امیرِ اہلِ سنّت دَامَتْ بَرَکَاتُہُمُ الْعَالِیَہ اور دعوتِ اسلامی کے لئے دعا بھی کی۔

دعوتِ اسلامی کی عالمی مدنی مرکز فیضانِ مدینہ بابُ المدینہ کراچی میں بروز بدھ بعد نمازعصر عاشقانِ رسول نے جانشینِ امیر اہلِ سنّت مولانا عبید رضا عطاری مدنی مَدَّظِلُّہُ الْعَالِیسے ملاقات کی سعادت پائی جبکہ صاحبزادۂ عطار نے ایک اسلامی بھائی کا نکاح بھی پڑھایا ۔

واضح رہے کہ ہر بدھ اور اتوار بعد نمازِ عصر عالمی مدنی مرکز فیضانِ مدینہ بابُ المدینہ کراچی میں ممکنہ صورت میں جانشینِ امیر اہلِ سنّت مولانا عبید رضا عطاری مدنی مَدَّظِلُّہُ الْعَالِی عاشقانِ رسول سے عام ملاقات فرماتےہیں۔

دنیا بھر میں قراٰن وسنّت کی تعلیمات کو عام کرنے والی عاشقانِ رسول کی مدنی تحریک دعوتِ اسلامی کے عالمی مدنی مرکزفیضانِ مدینہ بابُ المدینہ کراچی میں عطاری زون کی 11 کابیناؤں کے ذمّہ داران کا تربیتی مدنی حلقہ ہوا جس میں نگرانِ کابینہ، زون زمّہ داران، ڈویژن نگران، اراکینِ کابینہ اور علاقائی نگران نے شرکت کی۔ رکنِ شوریٰ حاجی محمد علی عطاری اوررکنِ شوریٰ حاجی محمد امین عطاری نے ان اسلامی بھائیوں کی مدنی تربیت فرمائی اورعطاری زون میں ہونے والے دعوتِ اسلامی کے مدنی کاموں کے حوالے سے کارکردگی کا جائزہ لیا نیز ان عاشقانِ رسول کو اپنے اپنے علاقوں میں 12 مدنی کاموں کو مزید مضبوط بنانے اور بڑھانے کے حوالے سے مدنی پھول دئیے۔

دعوتِ اسلامی کی مجلسِ مدرستہ المدینہ کے تحت عالمی مدنی مرکز فیضانِ مدینہ بابُ المدینہ کراچی میں مدارسُ المدینہ پاکستان کے مدرسین وناظمین اور مدنی عملےکا تین دن کا سنّتوں بھرا اجتماع2جولائی 2019ء سے شروع ہوچکا ہے جس کا باقاعدہ آغاز قراٰنِ پاک کی تلاوت و نعت سے ہوا ،اجتماعِ پاک میں بعد نماز فجر نگرانِ شوریٰ مولانا محمد عمران عطاری مَدَّظِلُّہُ الْعَالِی نے سنّتوں بھرا بیان فرمایا اور شرکا کو مدنی پھولوں سے نوازا۔علاوہ ازیں اراکینِ شوریٰ حاجی محمد امین عطاری مدنی قافلہ،قاری محمد سلیم عطاری اور محمد اطہر عطاری نے بھی سنّتوں بھرےبیانات کئےاور شرکا کی تربیت فرمائی۔

دعوتِ اسلامی کے عالمی مدنی مرکزفیضانِ مدینہ بابُ المدینہ کراچی میں 7 جولائی 2019ء کومحفلِ مدینہ کا انعقاد کیاجارہاہے جس میں عازمینِ حرمینِ شریفین امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ سے ملاقات کی سعادت پائیں گے اور امیر اہلِ سنّت دَامَتْ بَرَکَاتُہُمُ الْعَالِیَہاس سال حج پر جانے والے اسلامی بھائیوں کو پھولوں کے ہار بھی پہنائیں گے۔عازمینِ حج ملاقات کےلئے اپنا حج فارم دکھا کر امیر اہلِ سنّت دَامَتْ بَرَکَاتُہُمُ الْعَالِیَہسے ملاقات کےلئے ٹوکن حاصل کرسکیں گے۔

دعوتِ اسلامی کےعالمی مدنی مرکزفیضانِ مدینہ باب المدینہ کراچی میں مجلسِ طبّی علاج کے زیرِ اہتمام جامعۃ المدینہ و مدرسۃ المدینہ کے طلبہ اورعالمی مدنی مرکز فیضانِ مدینہ کے شعبہ جات میں کام کرنے والےاسلامی بھائیوں کیلئےتھیلیسیمیا (Thalassemia) کی آگاہی سے متعلق ایک کیمپ کا انعقاد کیا گیا جس میں تھیلسیمیا کی موذی بیماری سے متعلق آگاہی فراہم کی گئی اور کیمپ میں آنے والوں کے مفت ٹیسٹ کئے گئے۔ کیمپ کے حوالے سے ڈاکٹر کامران اسحٰق کا کہنا تھا کہ تھیلسیمیا خون کی ایک مہلک بیماری ہے جو کہ خون کے سرخ ذرّات کو متاثر کرتی ہے، تھیلیسمیا کی ایک بہت بڑی تعداد پاکستان میں رپورٹ ہوتی ہے، یہ موذی بیماری بچوں کےلئے جان لیوا ثابت ہوتی ہے۔ ایک اندازے کے مطابق ملک بھر میں تقریباً ایک کروڑ افراد معمولی تھیلسیمیا سے متاثر ہیں اس کے علاوہ ملک میں تقریباً 60 ہزاربچے شدید تھیلسیمیا کےمرض میں موجود رہتے ہیں جبکہ ہر سال 6 ہزار سے زائد بچے یہ بیماری لے کر پیدا ہوتے ہیں۔

اَلْحَمْدُ لِلّٰہِ عَزَّ وَجَلَّ دعوتِ اسلامی اپنی انتھک محنت اور لگن کے ساتھ دنیا بھر میں دینِ متین کے کاموں میں مصروف عمل ہے، اسی وجہ سے مختلف شعبہ ہائے زندگی سے تعلق رکھنے والی شخصیات دعوتِ اسلامی کے کاموں سے متاثر ہو کر عاشقانِ رسول کے عالمی مدنی مرکز فیضانِ مدینہ باب المدینہ کراچی کا وقتاً فوقتاً دورہ کرتے رہتے ہیں۔ ایسا ہی ایک دورہ KPK میں واقع نجی یونیورسٹی کے مالک عظمت علی نے کیا جن کا استقبال رکنِ شوریٰ محمد اطہر عطاری و دیگرمجلسِ رابطہ کے ذمّہ داران نے کیا اور انہیں دعوتِ اسلامی کے تحت چلنے والے شعبہ جات مجلسِ آئی ٹی، مجلسِ خدّام المساجد اور مجلسِ المدینۃ العلمیہ سمیت دیگر شعبہ جات کا دورہ کرایا اور ساتھ ہی تعارف بھی پیش کیا۔ یونیورسٹی کے مالک عظمت علی کا دعوتِ اسلامی کے کاموں کو سراہتے ہوئے کہنا تھا کہ آپ لوگوں کی محنت دیکھ کر مجھے بڑی خوشی ہوئی اللہ پاک آپ کے کاموں میں مزید ترقی عطا فرمائے۔اس موقع پر رکنِ شوریٰ حاجی ابو ماجدمحمد شاہد عطاری مدنی اور رکنِ شوریٰ حاجی محمد علی عطاری سمیت دیگرذمّہ داران سے ملاقات کا بھی سلسلہ ہوا۔

عاشقانِ رسول کی مدنی تحریک دعوتِ اسلامی کی مجلسِ خدام المساجد کے تحت عرب شریف کے ذمّہ داران کی مدنی تربیت کا سلسلہ ہوا۔ رکنِ شوریٰ سید لقمان عطاری نے عالمی مدنی مرکزفیضانِ مدینہ بابُ المدینہ کراچی میں واقع خدام المساجد کے دفتر سے بذریعۂ انٹرنیٹ ان اسلامی بھائیوں کی مدنی تربیت فرمائی اور دنیا بھر میں مزید مساجد بنانے کے متعلق مدنی پھولوں سے نوازا۔

دعوتِ اسلامی کے عالمی مدنی مرکز فیضانِ مدینہ بابُ المدینہ کراچی میں30جون2019ءبروز اتواربعد نماز عصر عاشقانِ رسول نے صاحبزادۂ عطار مولانا عبید رضا عطاری مَدَّظِلُّہُ الْعَالِی سے ملاقات کی سعادت حاصل کی۔ جانشینِ امیر اہلِ سنّت نے ملاقات کے بعد نکاح بھی پڑھایا ۔ واضح رہے کہ صاحبزادۂ عطاروجانشینِ امیر اہلِ سنّت مولانا عبید رضا عطاری مَدَّظِلُّہُ الْعَالِی ہر بدھ اور اتوار بعد نماز ِ عصر عالمی مدنی مرکز فیضانِ مدینہ بابُ المدینہ کراچی میں ممکنہ صورت میں عاشقانِ رسول سے عام ملاقات فرماتے ہیں ۔