دعوتِ اسلامی کی مجلس جامعۃ المدینہ کے تحت عالمی مدنی مرکز فیضانِ مدینہ کراچی کے درجہ دورۂ حدیث شریف میں تربیتی اجتماع ہوا جس میں کراچی میں قائم 64 جامعات المدینہ کے اساتذہ ٔکرام اور ناظمین نے شرکت کی۔ کراچی ریجن کے ذمّہ داراسلامی بھائی نے شرکا کی تربیت اور اہم معاملات پر تبادلہ خیال کیا۔ اس موقع پر تعلیمی امور کےریجن ذمّہ دار نے بھی ان عاشقانِ رسول کی تربیت کی اور پوچھے گئے سوالات کے جوابات بھی دئیے۔

واضح رہے کہ جامعات المدینہ کے تمام اساتذہ ٔکرام اور ناظمین کی تربیت کا یہ سلسلہ سالانہ بنیادوں پر ہوتا رہتا ہے جس میں پچھلی کارکردگی کا جائزہ لیاجاتاہےجسکا مقصد اس شعبہ کی ترقی، شعبہ کی مزید بہتری کےلئے اقدامات کو بڑھانا اور آئندہ کے اہداف مقرر کرنا ہوتاہے۔ 

دعوتِ اسلامی کے عالمی مدنی مرکز فیضانِ مدینہ کراچی میں مجلس رابطہ برائے شوبز کے تحت سنّتوں بھرا اجتماع ہو اجس میں اندرونِ ملک سے آئے ہوئے شوبز سے وابستہ افراد نے شر کت کی۔رکنِ شوریٰ حاجی محمد امین عطاری اور دیگر مبلغینِ دعوتِ اسلامی نے شادی بیاہ،تجارت ،صفائی اور دیگر معاشی مسائل پر سنّتوں بھرا بیان کیا۔اجتماع کے اختتام پر شرکا نے نماز کورس کرنے اور شوبز کے دیگر افراد کو نیکی کی دعوت دینے کی نیت کی۔

مدینے کا ذکر عاشقِ مدینہ بلکہ کئی دلوں میں عشقِ مدینہ کی شمع فروزاں کرنے والے  امیرِ اہلِ سنت حضرت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ کی ہمراہی میں کیا جائے تو ذکرِ مدینہ کا لطف ہی دوبالا ہوجاتا ہے۔تمام عاشقانِ مدینہ کے لئے زبردست خوشخبری! کہ15 ستمبر 2019ء بروز اتوار دعوتِ اسلامی کے عالمی مدنی مرکز فیضانِ مدینہ پرانی سبزی منڈی کراچی میں اسقبالِ حجاج کرام کے سلسلے میں عظیم الشان محفلِ نعت کا اہتمام کیا جارہا ہے۔محفلِ پاک میں بانیِ دعوتِ اسلامی حضرت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ خصوصی طور پر شرکت فرمائیں گے جبکہ اس سال حج پر جانے والے حجاجِ کرام کو بھی محفل میں شرکت کی خاص دعوت دی گئی ہے۔بانیِ دعوتِ اسلامی سے ملاقات کے خواہشمند اسلامی بھائی اسی سال حج سے مشرف ہونے کا ثبوت دیکر عشاء کی نماز سے لیکررات 10:30 تک ٹوکن حاصل کرسکیں گے۔یاد رہے! عالمی مدنی مرکز فیضانِ مدینہ کراچی میں عشاء کی نماز 8:30 پر ادا کی جائے گی۔تمام عاشقانِ رسول سے اس محفلِ پاک میں شرکت کی درخواست کی جاتی ہے۔

دعوتِ اسلامی  کے زیرِ انتظام عالمی مدنی مرکز فیضانِ مدینہ کراچی میں مجلس تحفظِ اوراقِ مقدسہ کے ذمہ داران کا 9، 10، 11 ستمبر 2019ء کوتین دن کا تربیتی اجتماع منعقد ہوا۔ اجتماعِ پاک میں ملک بھر سے مجلس تحفظِ اوراقِ مقدسہ کے کم و بیش 4650 ذمہ داران نے شرکت کی سعادت حاصل کی۔ امیرِ اہلِ سنت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ نے مدنی مذاکروں، جانشینِ امیرِ اہلِ سنت مولانا عبید رضا عطاری مدنی مَدَّظِلُّہُ الْعَالِی اور اراکینِ شوریٰ و دیگر مبلغینِ دعوتِ اسلامی نے سنتوں بھرے بیانات کے ذریعے شرکا کی تربیت کی۔ اجتماع کے آخری روز رکنِ شوریٰ حاجی ابو ماجد محمد شاہد عطاری مدنی نے شرکا کے درمیان سنتوں بھرا بیان فرمایا اور انہیں اپنی مجلس کا کام مزید بہتر انداز میں کرنے کے متعلق قیمتی نکات پیش کئے۔

اَلْحَمْدُ لِلّٰہِ عَزَّ وَجَلَّ دعوتِ اسلامی 108 سے زائد شبہ جات میں دینِ متین کی خدمت میں کوشاں ہے۔ 108 شعبہ جات میں ایک شعبہ مجلس رابطہ بالعلماء بھی ہے، جس کے کاموں علمائے کرام سے ملاقاتیں کرنا،عاشقانِ رسول کے جامعات و مدارس میں حاضری دینا اور علما کو مدنی مراکز اور دیگر شعبہ جات کا وزٹ کروانا بھی شامل ہے۔ گزشتہ روز 11 ستمبر 2019ء بروز منگل دعوتِ اسلامی کے جامعہ نعیمیہ قمرالاسلام ، پیر محل ضلع دارالسلام ٹوبہ پنجاب سے تشریف لائے مفتی محمد وسیم سیالوی صاحب عالمی مدنی مرکز فیضانِ مدینہ کراچی کے دورے پر تشریف لائے۔ مجلس رابطہ بالعلماء کے ذمہ دار اسلامی بھائی نے ان کا استقبال کیا اور انہیں شعبہ المدینۃ العلمیہ سمیت مختلف شعبہ جات کا وزٹ کروایا، مفتی صاحب نے اپنے دورے کے اختتام پر مدنی چینل کو تاثرات دیتے ہوئے دعوتِ اسلامی کی خدماتِ دینیہ کو خوب سراہا۔

دعوتِ اسلامی کے عالمی مدنی مرکزفیضانِ مدینہ کراچی میں ڈاکٹر خالد مقبول صدیقی (رکنِ قومی اسمبلی و وزیر انفارمیشن ٹیکنالوجی)، عبدالحسیب (سابق رکن سندھ اسمبلی)، عبدالحق(سابق ٹاؤن ناظم اورنگی ٹاؤن )اور دیگر شخصیات کی آمد ہوئی۔مجلس رابطہ کے ذمّہ داران نے ان شخصیات کو خوش آمدید کہااور مبلغ دعوت ِاسلامی نے شخصیات کو دعوتِ اسلامی کے مدنی کاموں کےحوالے سے آگاہی فراہم کی۔ خالد مقبول صدیقی،اور عبدالحسیب سمیت تمام شخصیات نے محرم الحرام کےسلسلےمیں منعقدہونےوالےمدنی مذاکرے میں شرکت کی اور امیر اہلِ سنّت دَامَتْ بَرَکَاتُہُمُ الْعَالِیَہ کے نکات سے فیض یاب ہوئے ۔

دعوتِ اسلامی کے عالمی مدنی مرکز فیضانِ مدینہ کراچی  میں قائم درجہ دورۃ الحدیث میں 7 ستمبر 2019ء کو ”ختمِ نبوّت ڈے“کی مناسبت سے سنّتوں بھرا اجتماع ہوا جس میں استاذ الحدیث مولانا محمد حسان عطاری مدنی مَدَّظِلُّہُ الْعَالِی نے ”عقیدہ ختمِ نبوت“ کے عنوان پر سنّتوں بھرا بیان کیا اور حضور صلَّی اللہ علیہ واٰلہٖ وسلَّم کےآخری نبی ہونے پر روشنی ڈالی۔یہ سنتوں بھرا اجتماع ملک وبیرونِ ملک کے جامعات المدینہ کے اساتذہ و طلبۂ کرام اور دنیا بھر کے ناظرین کے لئے مدنی چینل پر براہِ راست ٹیلی کاسٹ کیا گیا۔

دعوتِ اسلامی کی مجلس المدینۃ العلمیہ کے تحت عالمی مدنی مرکز فیضانِ مدینہ کراچی میں5ستمبر2019 ء کو اجلاس ہوا جس میں مجلس المدینۃ العلمیہ کے تمام شعبہ ذمّہ داران نے شرکت کی، رکنِ شوریٰ حاجی ابو ماجد محمد شاہد عطاری مدنی نے اہم امور پر تبادلۂ خیال کیا۔

بعد ازاں المدینۃ العلمیہ میں تحریری خدمات پیش کرنے والے اسلامی بھائیوں کابھی اجلاس ہوا ۔ رکنِ شوریٰ حاجی ابو ماجد محمد شاہد عطاری مدنی نے شرکا کو اپنی صلاحیت بڑھانے کے حوالے اہم نکات دیئے اور ان کی تربیت کی۔

اَلْحَمْدُ لِلّٰہِ عَزَّ وَجَلَّ دعوتِ اسلامی کی مجلس تحفّظ اوراقِ مقدّسہ کے تحت 9محر م الحرام 1441ھ سے تین دن کا تربیتی اجتماع عالمی مدنی مرکز فیضانِ مدینہ کراچی میں جاری ہے جس میں ملک بھر سے عاشقانِ رسول شرکت کررہے ہیں۔ امیر اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ شرکا کے درمیان مدنی مذاکرہ فرمارہے ہیں جبکہ اراکینِ شوریٰ اور مبلغینِ دعوتِ اسلامی بھی سنتوں بھرے بیانات کے ذریعے شرکا کی تربیت کررہے ہیں ۔ 

 دعوتِ اسلامی کی مجلس مدرسۃ المدینہ بالغان کےتحت عالمی مدنی مرکز فیضانِ مدینہ کراچی میں 3 دن کا تربیتی اجتماع جاری و ساری ہے جس میں مبلغینِ دعوتِ اسلامی شرکا کی تربیت کررہے ہیں اسی ضمن میں آج مورخہ 7 ستمبر2019ء کو رکن شوریٰ حاجی ابو ماجد محمد شاہد عطاری مدنی نے سنّتوں بھرا بیان کیا اور شرکا کی تربیت کی۔

دعوتِ اسلامی کے عالمی مدنی مرکزفیضانِ مدینہ کراچی میں مجلس مدرسۃ المدینہ بالغان اور مجلس مدنی بستہ کے ذمّہ داران کا3دن کا سنّتوں بھرا تربیتی اجتماع جاری ہے۔ اس اجتماعِ پاک میں کشمیر، اسلام آباد، راولپنڈی، سوات، پشاور، ہزارہ، سیالکوٹ، گجرات، گوجرانوالہ، لاہور، فیصل آباد، پاکپتن، اوکاڑہ، سرگودھا، لیہ، ڈیرہ اسماعیل خان، ملتان، بہاولپور، بہاولنگر، سمہ سٹہ، خان پور، رحیم یار خان، سکھر، حیدرآباد، ڈیرہ اللہ یار اور گوادر سمیت پاکستان بھر سے سیکڑوں عاشقانِ رسول شریک ہیں۔ اس اجتماعِ پاک میں امیرِ اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ،نگرانِ شوریٰ و اراکینِ شوریٰ اور مبلغینِ دعوت ِاسلامی ان عاشقان رسول کی تربیت فرمارہے ہیں۔

پاکستان بھر سے بذریعۂ ٹرین قافلوں کی شکل میں کراچی پہنچنے والے یہ عاشقان رسول اِنْ شَآءَ اللہ عَزَّ وَجَلَّ تینوں دن ہونے والے مدنی مذاکروں میں بھی شرکت کریں گےنیز اجتماع کے بعد یہ عاشقانِ رسول حضرت امام حسین رضی اللہ عنہ اور شہدائے کربلا کے ایصالِ ثواب کے لئے 3 دن قافلوں میں سفر بھی کریں گے۔

بلوچستان کی قبائلی سیاسی و سماجی شخصیت سردار نور احمد بنگلزئی  کے والد محترم ریٹائرڈ پرنسپل ڈگری کالج سبی پروفیسر آزاد خان بنگلزئی کی دعوتِ اسلامی کے عالمی مدنی مرکز فیضانِ مدینہ کراچی آمد ہوئی۔مجلس رابطہ کے ذمّہ داران نے رکن شوریٰ مولانا حاجی عبدالحبیب عطاری کے ہمراہ ان کا استقبال کیا اور انہیں دعوتِ اسلامی کے مختلف شعبہ جات کا تعارف پیش کرتے ہوئے شعبہ جات کا وزٹ کروایا۔ پروفیسر آزاد خان بنگلزئی نے عالمی مدنی مرکز فیضانِ مدینہ کراچی امیرِ اہلِ سنّت دَامَتْ بَرَکَاتُہُمُ الْعَالِیَہ سے ملاقات بھی کی۔