دعوتِ اسلامی کی مجلس ویٹرنری ڈاکٹرز کے تحت9 اکتوبر2019ء بروز بدھ کو پنجاب کے شہر جلالپور بھٹیاں میں نیکی کی دعوت کا سلسلہ ہوا جس میں ذراعت سے وابستہ شخصیات، ویٹرنری میڈیکل اسٹور اور ویٹرنری اسپتال میں ڈاکٹرز نے شرکت کی۔  رکن زون نے شرکا کو نیکی کی دعوت پیش کرتے ہوئے دعوتِ اسلامی کے مختلف شعبہ جات اور مجلس ویٹرنری ڈاکٹرز کا تعارف پیش کیا۔ علاوہ ازیں انہیں 11 اکتوبر2019ء سے مدنی مرکز فیضان مدینہ جلالپور بھٹیاں میں ہونے والے فیضان نماز کورس میں شرکت کی ترغیب دلائی۔(رپورٹ،غلام حسن عطاری رکن زون مجلس ویٹرنری ڈاکٹرز مجلس گجرانوالہ)

دعوتِ اسلامی کی مجلس ویٹرینری ڈاکٹرز کے تحت 14 ستمبر2019ء کو  ایکسپو سینٹر جوہر ٹاؤن لاہور میں مدنی دورہ اورنیکی کی دعوت کا سلسلہ ہوا ۔ذمّہ داران نے لاہور ریجن ذمہ دار کے ہمراہ پولٹری کمپنیوں کے آنرز ، فیڈ مل آنرز، فیڈ مل پروڈکشن منیجرز، پولٹری میڈیسن کمپنیز کے نیشنل سیلز منیجرز اور کنٹری مارکیٹنگ منیجرز سے ملاقات کی اور انہیں نیکی کی دعوت پیش کرتے ہوئے دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے دعوتِ اسلامی کے ہفتہ وار اجتماع میں شرکت کرنے کا ذہن دیا نیز12 اکتوبر2019ءکی عصر سے 13 اکتوبر2019ء کی عصر تک دیوانِ خاص مسجد نزد قذافی اسٹیڈیم لاہور میں ہونے والے ویٹرینری ڈاکٹرز اجتماع میں شرکت کی دعوت دی۔(رپورٹ، ڈاکٹر محمد احمد ضیاء عطاری،شعبہ کارکردگی ذمّہ دار)