شعبہ ٹرانسپورٹ دعوت اسلامی  کے زیر اہتمام 16 جون 2021 بروز بدھ کراچی نیو ٹرک اسٹینڈ ماڑی پور میں گڈز مالکان ٹرک مالکان کے درمیان ترحلقہ ہوا جس میں مبلغ دعوت اسلامی محمد ذیشان مدنی عطاری نے دین متین کی خدمت کرنے کے متعلق کلام کرتے ہوئے کہا کہ دین کی خدمت اور دین داری ہی ہماری زندگی کا اصل مقصد ہے۔ (رپورٹ:عبدالوہاب عطاری ایسٹ ملیر زون)

کراچی ( اسٹاف رپورٹر )دعوتِ اسلامی کی مجلس رابطہ   کے ذمہ دار محمد یوسف سلیم عطاری  اور FGRF کے اسلامی بھائیوں نے پرصدرِ پاکستان ڈاکٹر عارف علوی سے گورنر سندھ ہاؤس میں ملاقات کی۔ وفد نے دعوتِ اسلامی کے فلاحی ڈیپارٹمنٹ FGRF کے تحت ہونے والے رفاعی کاموں سے صدرِ پاکستان کو آگاہ کیا ۔

اس موقع پر محمد یوسف سلیم عطاری نے کہا کہ گرین پاکستان کے تحت لاکھوں پودے لگائے جا چکے ہیں جن کی حفاظت کا مکمل بندوبست بھی کیا گیا ہے ۔اسپیشل پرسنز کے لئے ریہیبلیٹیشن سینٹرز قائم کئے گئے ہیں جن میں خصوصی آلات کی مدد سے تربیت یافتہ اسٹاف کے تحت ان کا علاج کیا جا رہا ہے جبکہ اب تک 44ہزار سے زائد بلڈ بیگ دعوت اسلامی ڈونیٹ کر چکی ہے ۔

صدر پاکستان نے دعوت اسلامی کے ویلفیئر کے کاموں پر زبردست خراج تحسین پیش کیا۔ ‏وفد نے گرین پاکستان ویژن سے متعلق اپنی سرگرمیوں میں حکومت سے تعاون کی درخواست کی۔صدر پاکستان نے کہا کہ مساجد معاشرتی خدمات کو عوام تک پہنچانے کے لئے بہترین ذریعہ ہیں۔‏صدرمملکت نے وفد کےممبران پر زور دیاکہ وہ اپنےمعاشرتی کام کےساتھ ساتھ عوام کو بیماریوں سے بچاؤ کے بارے میں بھی آگاہی فراہم کریں اورحکومتی پروگراموں جیسےکامیاب جوان، اخوت اور اسکل ڈویلپمنٹ وغیرہ سےفائدہ اٹھائیں تاکہ وہ فلاحی کاموں میں مزیدمہارت حاصل کریں اوراپنے کاز کو آگے بڑھاسکیں۔‏صدر مملکت نے دعوت اسلامی کے ذریعے ملک بھر میں جاری تعلیمی، معاشرتی اور شجرکاری کی سرگرمیوں کو بھی خوب سراہا۔

دعوتِ اسلامی کا شعبہ فیضان گلوبل ریلیف فاؤنڈیشن دن بدن ترقی کرتے ہوئے اپنی فلاحی  خدمات کو دنیا بھر میں عام کررہا ہےاور اس شعبے کے ذریعے پریشان حال لوگوں کی حتیٰ الامکان مدد کرنے کی کوشش کی جارہی ہے۔ اس شعبے کے فلاحی کاموں کو نہ صرف پاکستان بلکہ بین الاقوامی سطح پر بھی سراہا جارہا ہے۔

اسی سلسلے میں افریقہ کے ملک ملاوی کی گورنمنٹ کی جانب سے دعوتِ اسلامی کے فلاحی شعبے FGRF کو شاندار خدمات پیش کرنے پر تعریفی لیٹر جاری کیا گیا جس میں شعبے کی خدمات کو سراہا گیا۔ 

پچھلے دنوں ڈپٹی اٹارنی جنرل نے مدنی مرکز فیضان مدینہ جوہر ٹاؤن لاہور کا دورہ کیا جہاں انہوں رکن شوریٰ حاجی یعفور رضا عطاری سے ملاقات کی۔

رکن شوریٰ نے انہیں دعوت اسلامی کے تحت ہونے والے دینی و فلاحی کاموں کا تعارف پیش کیااور نیکی کی دعوت پیش کی۔ اس موقع پر ڈپٹی اٹارنی جنرل نے اپنی پراپرٹی دعوت اسلامی کو پیش کرنے کی نیت کی۔

ویسٹ مڈلینڈ پولیس کی جانب سے انسپکٹر عامر عابد نے مدنی مرکز فیضان مدینہ اسٹچفورڈ یوکے کا دورہ کیاجہاں انہیں دعوت اسلامی کے دینی و فلاحی کاموں کا تعارف پیش کیا گیا۔انسپکٹر عامر عابد نے دعوت اسلامی کے ذریعے جرائم کو کم کرنے کے منصوبوں پر تبادلۂ خیال کیا جبکہ دعوت اسلامی کی جانب سے جرائم کو کم کرنے اور ہمارے معاشرے کو بہتر بنانے کی خدمات کو سراہا۔

Social Media Influencerکی ٹیم نے مدنی مرکزفیضان مدینہ فیصل آباد مدینہ ٹاؤن میں مرکزی مجلس شوریٰ کے نگران مولانا محمد عمران عطاری مُدَّظِلُّہُ الْعَالِی سے ملاقات کی۔ نگران شوریٰ نے انہیں نیکی کی دعوت دی اور دعوت اسلامی دیگر کا شعبہ جات کا تعارف پیش کرتے ہوئےانہیں اپنے شعبے ذریعے نیکی کی دعوت کو عام کرنے کی ترغیب دلائی۔

اختتام پر ملاقات کا سلسلہ بھی ہوا۔

شعبہ فنانس ڈیپارٹمنٹ دعوت اسلامی کے زیر اہتمام 17جون 2021 بروز جمعرات لاہور جوہر ٹاؤن فیضان مدینہ ریجنل ہیڈ عدیل گوندل کی زیر نگرانی ریجنل سپر وائزرز اور ڈی ایم انچارج کی میٹنگ ہوئی جس میں ریجنل ہیڈ محمد عدیل عطاری نے جامعہ و مدرستہ المدینہ بوائز اینڈ گرلز کی ایگزیز اور فنانس کے دیگر کاموں پر کلام کیا۔ ( رپورٹ: آصف عطاری دفتر ذمہ دار معاون نگران فنانس ڈیپارٹمنٹ پاکستان)

پچھلے دنوں نگران راولپنڈی سٹی کابینہ اشتیاق عطاری کے والد محترم رضائے الٰہی سے انتقال کرگئے۔

اسی سلسلے میں جانشین امیر اہلِ سنت مولانا حاجی عبید رضا عطاری مدنی مُدَّظِلُّہُ الْعَالِی رکن شوریٰ حاجی محمد اظہر عطاری کے ہمراہ ان کی رہائش گاہ پہنچے جہاں انہوں نے اشتیاق عطاری اور مرحوم کے دیگر لواحقین سے تعزیت کی۔جانشین امیر اہل سنت نے مرحوم کے ایصالِ ثواب کے لئے فاتحہ خوانی کی اور دعائے مغفرت فرمائی۔ 

18 جون 2021  ڈسٹرکٹ بار ایسوسی ایشن ملیر کے وفد نے فیضانِ مدینہ کراچی کا دورہ کیا۔ دورے کے دوران رکن شوریٰ اطہر علی عطاری نے وکلاء کو مختلف مدنی پھول دیتے ہوئے دعوتِ اسلامی کے مختلف شعبہ جات، جامعۃ المدينۃ، مدرسۃ المدينۃ، دار المدينۃ انٹرنیشنل اسلامک اسکولنگ سسٹم اور دار المدينۃ انٹرنیشنل یونیورسٹی کا تفصیلی تعارف پیش کیا اور فیضان گلوبل ریلیف فاؤنڈیشن کے متعدد پراجیکٹس پر بھی تفصیلی بریفنگ دی۔

نیز مجلس اصلاح برائے قیدیان کے متعلق بھی وفد کو آگاہ کیا۔ آخر میں وکلاء نے مدنی چینل کو اپنے تاثرات بھی ریکارڈ کروائے۔ وکلاء کے وفد میں شریک وکلاء کے نام یہ ہیں (1) ریاض احمد بھٹی جنرل سیکریٹری ڈسٹرکٹ بار ایسوسی ایشن ملیر(2) اظہر علی سمور نائب صدر ڈسٹرکٹ بار ایسوسی ایشن ملیر(3) ڈاکٹر ظفر اقبال ممبر مینیجنگ کمیٹی ڈسٹرکٹ بار ایسوسی ایشن ملیر(4) عمران ملک ایڈووکیٹ ہائی کورٹ(5) بدرالدین ویسترو ایڈووکیٹ ہائی کورٹ(رپورٹ:محمد صہیب یوسف عطاری ایڈووکیٹ شعبہ رابطہ برائے وکلاء ملیر کابینہ)

دعوتِ اسلامی کےزیراہتمام گزشتہ دنوں پاکستان سطح کی ذمہ اسلامی بہن کا ریجن سطح کی ذمہ دار اسلامی بہنوں کےہمراہ ماہانہ مدنی مشورے کا انعقادہوا جس میں ریجن سطح  کی ذمہ داراسلامی بہنوں نے شرکت کی۔

پاکستان سطح کی ذمہ اسلامی بہن نے شعبہ جات کی سابقہ کارکردگیوں کاجائزہ لیتےہوئےاسلامی بہنوں کوشعبہ جات میں بہتری لانے کے حوالےسےنکات بتائے اور ہفتہ وار سنتوں بھرے اجتماع کی کارکردگی کو مضبوط بنانےکاذہن دیا جس پراسلامی بہنوں نےاچھی نیتوں کااظہارکیا۔

دعوتِ اسلامی کے شعبہ کفن دفن للبنات کے تحت گزشتہ دنوں پاکستان میں کفن دفن ذمہ اسلامی بہنوں کا بذریعہ اسکائپ مدنی مشورہ ہوا جس میں( کراچی ، حیدر آباد ، ملتان ، فیصل آ باد ، لاہور اور اسلام آباد) ریجنز کی ذمہ داراسلامی بہنوں نے شرکت کی ۔

پاکستان سطح کی شعبہ ذمہ داراسلامی بہن نے شعبے میں بہتری لانےکےحوالے سے مدنی پھول دیئے اور مزید تقرری اور کارکردگی جدول کا فالو اَپ کیا نیز کفن دفن کورس کروانے کےحوالےسےنکات بتائےجس پر اسلامی بہنوں نے اچھی اچھی نیتیں پیش کیں ۔

دعوتِ اسلامی کے شعبہ تعلیم  للبنات کےزیر اہتمام گزشتہ دنوں فیصل آباد ریجن میں مدنی مشورے کاانعقادہوا جس میں ریجن تا زون سطح کی ذمہ دار اسلامی بہنوں نے شرکت کی ۔

شعبہ تعلیم کی ریجن سطح کی ذمہ داراسلامی بہن نے مدنی مشورے میں شریک اسلامی بہنوں کو مدنی مشورہ لینے کی اہمیت اور فوائد بتائے نیز کارکردگی بروقت دینے کاذہن دیا اور دعوت ِاسلامی کےدینی کاموں کے اہداف دیتے ہوئے شعبےکےدینی کاموں کو بڑھانے اورشعبے میں مضبوطی لانے کے حوالے سے ترغیب بھی دلائی جس پر اسلامی بہنوں نےاچھی نیتوں کااظہارکیا۔