دعوت اسلامی کے شعبہ اسپیشل پرسنز ڈیپارٹمنٹ کے زیر اہتمام حیدر آباد میں ماہانہ اجتماع ہوا جس میں اسپیشل افراد (گونگے، بہرے اور نابیناافراد) نے شرکت کی۔ رکن ریجن حیدر آباد محمد حسین شاہ عطاری نے سنتوں بھرا بیان فرمایا جس کی اشاروں کی زبان میں ترجمانی رکن زون سکھر محمد زاہد عطاری نے کی۔(رپورٹ: محمد سمیر عطاری، میڈیا ڈیپارٹمنٹ اسپیشل پرسنز)

دعوت اسلامی کا شعبہ انٹرنیشنل ٹریول ڈیپارٹمنٹ کے نگران سید احسن عطاری نے شعبے کے دینی کاموں کے سلسلے میں پاکستان کے مختلف شہروں کا دورہ کیا جہاں انہوں نے اراکین شوریٰ سے ملاقات کی اور مبلغین و ذمہ داران کے ساتھ مدنی مشورے کئے۔

تفصیلات:

٭11جون 2021ء کو پاکپتن زون میں ذمہ داران سے ملاقات کی اور مدنی مشورہ کیا۔

مدنی مرکز فیضان مدینہ جوہر ٹاؤن لاہور میں بیرون ملک سفر کے خواہشمند 13 مبلغین کیساتھ ملاقات اور انٹرویو کا سلسلہ ہوا۔ مبلغین میں لاہور، نارووال، گجرانوالہ اور رائیونڈ کے مبلغین شریک تھے۔

٭12 جون 2021ء کو رکن شوریٰ حاجی یعفور رضا عطاری سے نگران شعبہ سید احسن عطاری کی ملاقات، شعبے کی مختصر کارکردگی پیش کی۔

فیصل آباد ریجن کے نگران زون عرفان عطای مدنی کیساتھ مدنی مشورہ ہوا۔ بعد ازاں جامعۃ المدینہ، مدرسۃ المدینہ، مدنی قافلہ، آئمہ مساجدریجن اور مدرسۃ المدینہ ریجن کے اراکین زون کا مدنی مشورہ لیا جس میں شعبہ جات کے اسلامی بھائیوں نے شرکت کی۔مدنی مشورے میں شعبہ جات کے اسلامی بھائیوں نے اپنے اپنے شعبے سے بیرون ملک کے لئے اہل اسلامی بھائی تلاش کرکے دینے کی نیت کی جبکہ اس کے فیڈبک کے لئے یہ طے پایا کہ نگران زون کے ساتھ آئندہ ماہ 6 جولائی 2021ء کو مدنی مشورہ ہوگا۔

دورۃ الحدیث شریف کے طلبہ کرام کے درمیان رکن شوریٰ حاجی مولانا عبد الحبیب عطاری نے بیان فرمایا جس میں بیرون ملک سفر کی تیاری کے حوالے سے تنظیمی ضروریات کیا کیا ہیں ان کے متعلق گفتگو ہوئی۔ طلبہ کرام کی تربیت فرمائی اور سوال و جواب کا سلسلہ ہوا۔

پاکپتن زون کے نگران کے ساتھ مدنی مشورہ ہوا۔ بعد ازاں جامعۃ المدینہ فیضان آن لائن اکیڈمی کے مدنی اسلامی بھائیوں کا مدنی مشورہ ہوا جس میں بیرون ملک سفر کے تعلق سے تربیت اور سوال جواب کا سلسلہ ہوا۔

٭13 جون 2021ء کو مدنی مرکزفیضان مدینہ ملتان میں ٹریننگ سیشن کا سلسلہ ہوا جس میں ملتان زون کے مبلغین نے شرکت کی۔نگران شعبہ سید احسن عطاری نے ملک و بیرون ملک دینی کام کرنے کے حوالے سے تربیت کی اور ”مدنی مقصد کورس“ کرنے کی ترغیب دلائی۔

نگران زون راشد عطاری کے ساتھ مدنی مشورہ ہوا جس میں بیرون ملک کے اہل مبلغین تلاش پر مشاورت ہوئی۔

رکن شوریٰ حاجی محمد اسلم عطاری کے ساتھ مدنی مشورہ ہوا جس میں 2026ء تک کے اہداف طے کے گئےاور شعبے کے دینی کاموں کے حوالے مشاورت ہوئی۔ (رپورٹ: سید احسن عطاری، نگران شعبہ انٹرنیشنل ٹریول ڈیپارٹمنٹ )

19 جون 2021ء بروز ہفتہ بھیرہ شریف کے اطراف میں واقع ایک  گاؤں چک مبارک انور بیگ کالونی میں جامع مسجد فیضانِ عثمان ِ غنی اور مدرسۃ المدینہ کا افتتاح کردیا گیا۔ اس موقع پر افتتاحی تقریب کا اہتمام کیا گیا جس میں نگرانِ کابینہ قاری محمد نوید عطاری نے سنتوں بھرا بیان فرمایا اور شرکا کو مسجد آباد کرنے اور نمازوں کی پابندی کرنے کا ذہن دیا۔ تقریب میں علمائے کرام، قریبی مساجد کے امام صاحبان اور شخصیات سمیت مقامی عاشقانِ رسول نے شرکت کی۔

چک مبارک کی ڈویژن کے ذمہ دار اسلامی بھائی نے دعوتِ اسلامی کے شب وروز کو بتایا کہ اَلْحَمْدُ لِلّٰہِ عَزَّ وَجَلَّ جامع مسجد فیضانِ عثمان ِ غنی میں باقاعدہ نمازوں اور مدرسۃ المدینہ میں بچوں کو قراٰنِ پاک کی تعلیم دینے کاآغاز ہوچکا ہے تاہم مزید تعمیراتی اور ترقیاتی کاموں کا سلسلہ اب بھی جاری ہے، جو عاشقانِ رسول تعمیراتی کاموں میں حصہ ملانا چاہیں وہ ان نمبرز پر رابطہ کرسکتے ہیں۔

0300-6065137

0343-0909765

دعوت اسلامی کا تعلیمی شعبہ جامعۃالمدینہ بوائز پاکستان کے زیر اہتمام 16 جون 2021ء کواسلام آباد کےایک جامعۃ المدینہ میں علمی نشست کا اہتمام کیا  گیا جس میں دورۃ الحدیث کے طلبۂ نے شرکت کی۔

مرکزی مجلس شوریٰ کے رکن حاجی محمد اسد عطاری مدنی نے ”وقت کی اہمیت“ کے موضوع پر بیان فرمایااور مدنی پھولوں سے نوازا۔

اختتام پر طلبہ کا مدنی مشورہ بھی کیا گیا۔ (رپورٹ: محمد امیر حمزہ عطاری، (پروجیکٹ مینیجر ) آئی ٹی ڈپارٹمنٹ آف جامعۃ المدینہ بوائز)

پچھلے دنوں دعوت اسلامی کی مرکزی مجلس شوریٰ کے رکن حاجی محمد اطہر عطاری نے لاہور ریجنل ڈائریکٹر زبیر عطاری مدنی نے دار المدینہ لاہور ریجن کے مختلف کیمپسز کا دورہ کیا۔

ان کیمپسز میں تعلیمی، تربیتی اور انتظامی امور کا جائزہ لیا گیااور توجہ طلب امور پر اسٹاف کی تربیت کی گئی۔ رکن شوریٰ نے ان کیمپسز میں مدنی پھول پیش کرتے ہوئے فرمایا کہ کسی بھی ادارے کے عہدیداران کو وقتاً فوقتاً اپنے ادارے کے اسٹاف کی کارکردگی کا جائزہ لینا ، ادارے کومزید مضبوط کرنے کے لئے ان کی تربیت کرنا ترقی کی راہوں پر گامزن رکھنے میں اہم کردار ادا کرتا ہے۔ (رپورٹ: محمد نبیل شیخ، میڈیا کوآرڈینیٹر دارالمدینہ)

19جون 2021ء مطابق 9 ذیقعدۃِالحرام 1442ھ کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے کےمزید مدنی پھول ملاحظہ فرمائیں

سوال : کیا زیادہ دعائیں مانگ سکتے ہیں ؟

جواب : دُعاعبادت ہے بلکہ عبادت کامغزہے ،اس لیے جتنی بھی دُعائیں کرلیں پھر بھی کم کم اورکم ہیں ۔

سوال: بوڑھوں کو آپ کیانصیحت فرمائیں گے ؟

جواب:مسلمان بوڑھے کومایوس نہیں ہوناچاہئے،اسلام میں بوڑھاہونے والے کے بھی فضائل ہیں ،میرامشورہ ہے کہ بوڑھے بے موقع گفتگونہ کریں ، بے جاغُصّہ نہ کریں ،مسکراتے رہیں ان شا ء اللہ الکریم ان کی عزت ہوگی ،جوان اولاد کو باربارٹوکنا،غُصّہ کرنا،گھرکے رازفاش کرنا وغیرہ ،اس سے عزت کم ہوجاتی ہے ،یہ کہنا کہ میں صحیح بات کرتاہوں ،کیا میں صحیح بات نہ کروں؟پہلی بات تو یہ ہے کہ جسے آپ صحیح کہہ رہے ہیں ضروری نہیں کہ وہ صحیح ہو،اگرصحیح بھی ہوتو ہرصحیح بات کوہرموقع پر نہیں کیا جاسکتا،اب بھی ہمارے ہاں اہلِ علم بوڑھوں کی بہت عزت ہوتی ہے ،سیدی قطبِ مدینہ(امیرِ اہلسنّت کے پیرصاحب حضرت ضیاء الدین احمد مدنی قادری رحمۃ اللہ علیہ) نے 107سال عمرپائی ،ان کی عزت کتنی زیادہ تھی؟لوگ ان سے محبت کرتےتھے،میں نےجب اِن کے فوت ہونے کی خبرسُنی تو میں قبرستان میں تھا ،ان کی محبت کی وجہ سے میں رونےلگا۔

سوال : سُستی کیسے دُورکی جائے ؟

جواب: سُستی دُورکرنے کاطریقہ ہے کہ چُستی پیداکرنے کی کوشش کی جائے ،تکلف کے ساتھ سُستی دُورکی جائے ،مَنْ جَدَّوَجَدَیعنی جس نے کوشش کی اُس نے پالیا ،جن جائزکاموں کے بارے میں سُستی ہے ان کو کرگزرے ،پھر ان کی عادت پڑجائےگی تو سُستی نہیں ہوگی ،سُستی کودورکرنےکے لیے چُستوں کی صحبت اختیارکی جائے۔

سوال: بندہ کس عمرمیں بوڑھاکہلاتا ہے ؟

جواب:30 سال تک بندہ جوان(Young) رہتاہے ،30سال کے بعدجوانی ڈَھل جاتی ہے ،30سے 50سال کا اُدھیڑ عمر ہے ،50 سال کے بعداُدھیڑعمربھی ڈھلنے لگتی ہے اور60سال والا مکمل بوڑھا ہوجاتاہے ۔بڑھاپے اورموت کاکوئی علاج نہیں ،بوڑھے کوچاہئے کہ وہ اللہ پاک کی طرف رجوع کرہی لے ،توبہ کرے،جن بندوں کے حقوق تلف کئے ہیں تو ان کو یادکرتارہے ،فہرست تیارکرے ،انہیں تلاش کرکے اُن سے حقوق معاف کرواتارہے۔

سوال:ماحول کی آلودگی (Pollution) کوختم یا کم کرنے میں ایک فردکا کیاکردارہوناچاہئے ؟

جواب: فردسے معاشرہ بنتاہے ،اس لیے ہرفردکو ماحول آلودہ (خراب) کرنےسے بچناچاہئے ،اگرگاڑی کالادُھواں چھوڑرہی ہوتو اسے درست کروالیں کہ یہ زیادہ نقصان دہ ہے،کچرےاِدھراُدھرپھینکنے کےبجائے کچراکُونڈی میں رکھاجائے،اداروں کو چاہئےکہ کُوڑااُٹھاتے رہیں ،اگروہ نہیں اُٹھاتے تو لوگ ان کو کہیں کہ وہ یہ کام کریں ،جن جانوروں کی تعدادکم ہوجائے ،اگرچہ حلال ہوں،قانون بن جائے کہ اِ نہیں نہیں کھانا تو اس قانون پرعمل کیا جائے،اللہ کرے کہ ہم اپنا تحفظ کرنا سیکھیں ،دوسروں کے تحفظ کاخیال کریں ،جانوروں کابھی تحفظ کریں،ماحول کی آلودگی کو کم کرنے کےلیے درخت لگائے جائیں ، پودے بھی انسان کی خدمت کررہے ہوتے ہیں ۔دعوتِ اسلامی بھی شجر کاری مہم(Tree Planting Campaign) چلارہی ہے،اس میں دعوتِ اسلامی کاساتھ دیں۔

سوال: اِس ہفتے کارِسالہ ” امام مالک کا عشقِ مدینہ ‘‘ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

جواب: یا ربَّ المصطفیٰ! جو کوئی 17 صفحات کا رسالہ” امام مالک کاعشقِ رسول“ پڑھ یا سُن لےاُسے امام مالک رحمۃ اللہ علیہ کے صدقے عشقِ مدینہ سے مالامال فرما،اُسےباربارمدینہ ٔ پاک کی بااَدب حاضِری نصیب فرمااوراُس کوبے حساب بخش دے ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

شعبہ میڈیا ڈیپارٹمنٹ آف دعوت اسلامی کے زیر اہتمام16 جون 2021ء  بروز بدھ عالمی مدنی مرکز فیضان مدینہ میں سانگھڑ اور شاہ پور چاکر پریس کلب کے صدر، جنرل سیکرٹری اور دیگر ممبران کی آمد ہوئی، جن کا استقبال رکن مجلس محمود عطاری اور دیگر ذمہ داران نے کیا، صحافیوں کو دعوت اسلامی کے مختلف شعبہ جات کا وزٹ کروایا گیا۔

شعبہ FGRF کی فلاحی و سماجی سرگرمیوں کے حوالے سے آگاہ کیا گیا، وزٹ کرنے والے صحافیوں کے نام یہ ہیں :- محمد رضا خان صدر پریس کلب سانگھر، صغیر احمد راجپوت سینئر نائب صدر سانگھڑ، منور شاہ حسین جنرل سیکرٹری، عادل مغل اطلاعات سیکرٹری، آصف رضا زئی ممبر، رانا ثقلین رضا ممبر سانگھڑ، آصف علی جوئنٹ سیکرٹری، عمران حسین سرمایہ نیوز، محمد الیاس انجم صدر، رحمت علی، عبدالرحمن قریشی، محمد اویس رحمت، عبدالرحمن رائل نیوز سانگھڑ شامل تھے، اس دوران نواب شاہ زون زوار احمد عطاری اور ڈویژن نگران سانگھڑ بھی ساتھ موجود تھے۔( رپورٹ: میڈیا ڈیپارٹمنٹ دعوتِ اسلامی)

19 جون بروز ہفتہ عالمی مدنی مرکز فیضانِ مدینہ کراچی میں دعوتِ اسلامی کے اسلامک ریسرچ سینٹر کے شعبہ ذمہ داران کا مدنی مشورہ ہوا۔ مدنی مشورے میں دعوتِ اسلامی کی مرکزی مجلسِ شوریٰ کے رکن مولانا حاجی  ابوماجد محمد شاہد عطاری مدنی نے شرکا کی تربیت فرمائی۔

مدنی مشورے میں ذمہ داران نے اپنے شعبے میں ہونے والے کاموں کے متعلق رکنِ شوریٰ کو بریف کیا جبکہ مختلف امورپر باہمی مشاورت کی گئی۔

رکنِ شوریٰ نے مدنی مشورے میں بتایا کہ امیرِ اہلِ سنت کی کتابوں اور رسائل کا مختصر تعارف تحریر کیا جارہا ہے جبکہ ختم ِ نبوت پر ایک جامع رسالہ تحریر کرنا بھی المدینۃ العلمیہ کے اہداف میں شامل ہے۔ ٭مولانا محمد مدثر عطاری مدنی کو شعبہ ملفوظاتِ امیرِ اہلِ سنت کا نیا ذمہ دار مقرر کیا گیا ہے ۔ ٭شعبہ خواتین کی تمام ذمہ داری مولانا محمد ابرار عطاری مدنی کو دی گئی ہے، ماہنامہ خواتین،اسلامی بہنوں کا تنظیمی مواد، بیانات، مدنی پھول اور کنز المدارس بورڈ کے سلیبس کانصاب بنانا ان کی ترجیحات میں شامل ہے۔ 

شعبہ میڈیا ڈیپارٹمنٹ آف دعوت اسلامی کے زیر اہتمام15 جون 2021ء  بروز منگل میڈیا ڈیپارٹمنٹ کے تحت ایصال ثواب اجتماع کا انعقاد کیاگیا جس میں عزم میڈیا گروپ کے بانی رحمت علی رازی کی برسی کے موقع پر رکن مجلس لاہور ریجن محمد عثمان عطاری نے بیان کیا ۔ اس ایصال ثواب اجتماع میں اخبار مالکان، سینئر صحافیوں، خابارفروش یونین کے صدر اور دیگر صحافیوں نے شرکت کی۔( رپورٹ: میڈیا ڈیپارٹمنٹ دعوتِ اسلامی)

شعبہ میڈیا ڈیپارٹمنٹ آف دعوت اسلامی کے زیر اہتمام13 جون 2021ء  بروز اتوار رکن مجلس و رکن پشاور زون معطر علی نے الپورئی پریس کلب اور تنگی پریس کلب میں صحافیوں اور ایس ایج او الپورئی سے ملاقاتیں کیں اور انہیں دعوت اسلامی کی فلاحی و سماجی سرگرمیوں سے آگاہ کیا رکن پشاور زون نے انہیں فیضان مدینہ جوہر ٹاؤں کا وزٹ کرنے کی دعوت دیتے ہوئےد عوت اسلامی کے شعبہ FGRF کے حوالے سے بریف کیا۔ آخر میں مکتبۃ المدینہ کی کتب تحفے میں دیں ۔ صحافیوں کے نام یہ ہیں(1) نائب صدر : الف خان شیرپاؤ، نمائندہ خیبر نیوز ،(2)جنرل سیکرٹری نصراللہ خان خٹک ، نمائندہ ،نیو نیوز،(3)فنانس سیکرٹری " کاظم خان شیرپاؤ، اخبارخیبر(4)شاہد اللہ خٹک ،جائنٹ سیکرٹری ،نمایندہ آئین ،(5)ممبر حسنین مشتاق ،نمائندہ خبریں ،(6) طارق خان ، ریڈیو دلبر ممبر (7)عرفان خان،ممبر ،نئی بات(8)خالد منصور، ریڈیو دلبر( رپورٹ: میڈیا ڈیپارٹمنٹ دعوتِ اسلامی)

شعبہ میڈیا ڈیپارٹمنٹ آف دعوت اسلامی کے زیر اہتمام13 جون 2021ء  بروز اتوار رکن مجلس و رکن پشاور زون معطر علی نے چارسدہ پریس کلب میں صحافیوں سے ملاقاتیں کیں اور انہیں نیکی کی دعوت دی نیز دعوت اسلامی کے فلاحی، سماجی کاموں کے حوالے سے بریف کیا اور صحافیوں کو فیضان مدینہ جوہرٹاؤن لاہور کا وزٹ کرنے کی دعوت دیتے ہوئےمکتبۃ المدینہ کی کتب تحائف میں دی۔ ( رپورٹ: میڈیا ڈیپارٹمنٹ دعوتِ اسلامی)

شعبہ میڈیا ڈیپارٹمنٹ آف دعوت اسلامی کے زیر اہتمام 13 جون 2021ء  بروز اتوار رکن مجلس و رکن پشاور زون معطر علی نے رستم پریس کلب میں صحافیوں سے ملاقاتیں کی اور انہیں نیکی کی دعوت دیتے ہوئے دعوت اسلامی کے فلاحی،سماجی کاموں کے حوالے سے بریف کیا اور مکتبۃ المدینہ کی کتب تحائف میں دی۔( رپورٹ: میڈیا ڈیپارٹمنٹ دعوتِ اسلامی)