پچھلے دنوں عالمی مدنی مرکز فیضانِ مدینہ کراچی میں دعوتِ اسلامی کے شعبہ رابطہ برائے وکلاء کی میٹنگ ہوئی جس میں سندھ اور بلوچستان کے ذمہ دار اسلامی بھائیوں نے شرکت کی۔

اس موقع پر مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے شعبے کے دینی کاموں کے حوالے سے ذمہ داران کی تربیت کی اور انہیں احسن انداز میں دعوتِ اسلامی کے دینی کاموں کو کرنے کا ذہن دیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

رجب المرجب کا مہینا شروع ہوتے ہی کلہ گو ’’اَللّٰہُمَّ بَارِکْ لَنَا فِیْ رَجَبٍ وَّ شَعْبَانَ وَبَلِّغْنَا رَمَضَان‘‘ کے دعائیہ کلمات کے ساتھ رمضان المبارک کے استقبال کی تیاری شروع کردیتے ہیں، معمولاتِ زندگی کو حسب توفیق الٰہی عبادات کے جدول میں ڈھالنے کی کوشش کرنے لگتے ہیں، مساجد کی رونقین بحال ہونے لگ جاتی ہیں، محراب سے متصل دیوار پر آویزاں نمازوں کے اوقات بتلاتی گھڑیاں ہر نمازی کی توجہ کا مرکز بننے لگ جاتی ہیں، کچھ نمازی اوقات ِصلاۃ کے شیڈول کے مطابق فرض نماز اور نوافل پڑھنے کے لئے ذہن بناتے ہیں، کچھ نمازی ان نمازیوں کے بارے میں گفتگو شروع کردیتے ہیں جن کے موبائل کی گھنٹی ہر وقت بجتی رہتی ہے، بعض حضرات اوقات ِنماز اور سحری وافطاری کے شروع واختتام کے بارے میں شک و شبہات پیدا کرنے لگ جاتے ہیں۔

یوں ہر طرف عبادات کے ساتھ ساتھ عبادات کے اوقات کے بارے میں بھی گفت وشنید ہونے لگ جاتی ہے۔امت مسلمہ کے اس عمومی رویے کے پیش ِنظر دعوت اسلامی کے شعبہ اوقات الصلوٰۃ نے نہایت عرق ریزی سے اعلیٰ حضرت علیہ الرحمہ کی تحقیقی کو پیشِ نظر رکھ کر ملک وبیرون ملک کے دورداز علاقوں، میدانی وپہاڑی، سطح سمندر کی بلندی کو چھوتے پہاڑوں پر بسنے والے کلمہ گو کے لئے مستند اور درست اوقاتِ صلاۃ سے متعلق پورے سال کا شیڈول پیش کرنے کی سعادت حاصل کی اور تھوڑے ہی وقت میں شعبہ اوقات الصلوٰۃ کے پیش کردہ اوقاتِ صلاۃ کودنیا بھر میں پزیرائی ملی نیز دعوت اسلامی ہی کے ایک ڈیپارٹمنٹ آئی ٹی (I T) نے شعبہ اوقات الصلوٰۃ کی تحقیقی کو پوری دنیا میں عام کرنے کے لئے اوقاتِ صلاۃ سے متعلق ایک موبائل ایپلی کیشن بنام Prayer Timesبنائی۔

یہ Prayer Times موبائل ایپلی کیشن اپنی خصوصیات اور فوائد کے لحاظ سے ایک مسلمان عبادت گزار نمازی کے لئے کتنی ضروری ہے اس کا اندازہ ہم اس کے پیش کردہ نظام سے لگاتے ہیں۔

اس ایپلی کیشن کی سب سے بڑی اور اہم خصوصیت کہ یہ ہمیں نمازوں سے جوڑتی ہے، ہمیں نماز کی یاد دلاتی ہے، نماز کے وقت کا احساس دلاتی ہے، کس وقت نماز پڑھنا ہے اور کس وقت نہیں پڑھنا ہماری توجہ اس جانب مبذول کرتی ہے۔

پورے سال کی نمازوں کا جدول، پھر ہر روز کی نماز کا ٹاٹم ٹبیل اور وہ بھی موبائل استعمال کرنے والے کے شہر، علاقے کے مطابق درست حنفی وشافعی نظام صلاۃ کا چاٹ منظر ِاسکرین پر ہمہ وقت موجود رہتا ہے۔

تارکِ صلاۃ کے لئے قضانمازوں کی ادائیگی کا مکمل طریقہ آخرت میں نماز سے متعلق سوال سے بچنے کا ذریعہ بنتا ہے۔قاریِ قراٰن کے لئے قراٰنِ پاک ترجمہ وتفسیر سے پڑھنے کا آپشن اور تلاوتِ قراٰن کے لئے جدول بنانے کا مکمل طریقہ جہاں ہر شخص اپنی سہولت کےمطابق وقت مقرر پر تلاوت کرسکے۔

نماز کے بعد اپنی حاجت اورضرورت کے مطابق ذکر و اذکار کرنے کے لئے چالیس اسماءِ الٰہی کی فہرست، کسی بھی اسم الٰہی کو مخصوص تعداد میں پڑھنے کے لئے تسبیح کی سہولت۔

مسجد میں اور دوران ِنماز موبائل بجنے سے خود کو اور دوسروں کو بچائیے۔اس ایپلی کیشن کے Mode Silent کے آپشن سے جب تک آپ چاہیں گے آپ کا موبائل شور وغوغہ سے خاموش ہوجائے گا اور آپ صرف عبادت میں منہمک ہوجائیں گے۔

دورانِ سفر سمتِ قبلہ کے بارے میں شک و شبہات بھی دور ہوجائیں کیونکہ اس موبائل ایپلی کیشن میں قبلہ ڈائریکشن سے قبلے کی پہچان کرنا آسان نیز گاڑی میں بیٹھ کر ریڈیو کے ذریعے مدنی چینل کے پروگرام سننے کا بھی آپشن موجود ہے۔

یہ ایپلی کیشن آپ کے قیمتی وقت کو ضائع ہونے نہیں دیتی بلکہ آپ کوعلمِ دین کی طلب کی دعوت دیتی رہتی ہے، گاہے بگاہے علم کے سنہری موتی اس موبائل ایپلی کیشن کی زینت بنتے رہتے ہیں۔

یوں پوری دنیا میں موجود اہل ایمان کی نمازوں اور روزوں کے سحر وافطار کے اوقات کے بارے میں ایک جامع موبائل ایپلی کیشن کا تعارف پیش کیاگیا لیکن حقیقت میں اس ایپلی کیشن کی اہمیت اس کے استعمال سے پتا چلے گی تو دیر مت کیجئے اس ایپلی کیشن کو اپنے موبائل میں ڈاؤن لوڈ کریں اور دوسروں تک اس کی افادیت عام کریں۔(منجانب آئی ٹی ڈیپارٹمنٹ دعوتِ اسلامی)

https://play.google.com/store/apps/details?id=com.dawateislami.namaz&hl=en_US

iOS link:

https://apps.apple.com/in/app/prayer-times/id430204572

گزشتہ روز شعبہ تعلیم کے تحت  قاسم آباد حیدرآباد کالجز میں ”استقبال رمضان “ کے سلسلے میں پروفیسرز کے لئے تربیتی سیشن ہوا جس میں شعبے کے ذمہ دار اسلامی بھائیوں سمیت کالج کے ڈائیریکٹر ، پرنسپلز اور پروفیسرز نے شرکت کی۔

سیشن میں دعوت اسلامی اور اسکے شعبے جات کا تعارف پیش کیا گیا نیز رمضان المبارک میں عبادات کے حوالے سےگفتگو کرتے ہوئے مسجد میں اعتکاف کرنے کا ذہن دیا۔ پروفیسرز کو فیضان آن لائن اکیڈمی وزٹ کرنے کی دعوت دی گئی اور مکتبۃ المدینہ کی مطبوعہ ”کنزالعرفان “ تحفے میں پیش کیا گیا۔(رپورٹ: شعبہ تعلیم ، کانٹینٹ: محمد مصطفی انیس )

شعبہ تعلیم دعوتِ اسلامی کے زیرِ اہتمام پچھلے دنوں گوجرانوالہ میں قائم گورنمنٹ پوسٹ گریجویٹ کالج بوائز میں استقبالِ ماہِ رمضان سیمینار منعقد ہوا جس میں ڈائریکٹر آف کالجز سیّد حسین شاہ، پرنسپل نذیر احمد، مختلف ڈیپارٹمنٹس کے ہیڈز اور ٹیچرز سمیت کثیر تعداد میں اسٹوڈنٹس نے شرکت کی۔

اس سیمینار میں نگرانِ شعبہ مولانا عبدالوہاب عطاری نے ’’ماہِ رمضان کے فضائل‘‘ کے موضوع پر سنتوں بھرا بیان کرتے ہوئے رمضان کا استقبال کیسے کریں؟ اور رمضان کیسے گزاریں؟ سمیت مختلف موضوعات پر اسلامی بھائیوں کی تربیت کی۔(رپورٹ:محمد فیاض عطاری ڈسٹرکٹ ذمہ دار شعبہ تعلیم گوجرانوالہ، کانٹینٹ:غیاث الدین عطاری)

02 اپریل 2022 ء کو ضلع ننکانہ کے ایک ہائی اسکول میں ڈویژن ذمہ دار شعبہ تعلیم نے استقبال رمضان کے حوالے سے اجتماع منعقد کیا جس میں اسکول کے اسٹوڈنٹس کو رمضان المبارک کی فضیلت و برکات کے بارے میں بتاتے ہوئے اس ماہ مبارک میں زیادہ سے زیادہ نیکیاں کرنے کے لئےفیضان مدینہ میں 30 دن کا اعتکاف کرنے کا ذہن دیا ۔(رپورٹ: ریجن ذمہ دار سید محمد عاصم عطاری ، کانٹینٹ: محمد مصطفی انیس )

گزشتہ روز ننکانہ لاہور میں شعبہ تعلیم کے تحت حراپبلک ہائیر سکینڈری اسکول میں استقبال رمضان کے سلسلے میں اجتماع ذکرو نعت کا سلسلہ ہوا جس میں اسکول کے ٹیچرز ،  اسٹوڈنٹس و دیگر افراد نے شرکت کی ۔

مبلغ دعوت اسلامی نے حاضرین کو دعوت اسلامی کی خدمات بیان کی اور رمضان المبارک میں خوب نیکیاں لوٹنے کے لئے مساجدوں میں رمضان اعتکاف کرنے کا ذہن دیا جس پرحاضرین نے اچھی اچھی نیتیں کیں۔(رپورٹ: ریجن ذمہ دار سید محمد عاصم عطاری ، کانٹینٹ: محمد مصطفی انیس ) 

2 اپریل 2022ء بروز ہفتہ دعوتِ اسلامی کے زیرِ اہتمام عالمی مدنی مرکز فیضانِ مدینہ کراچی میں شعبہ مکتبۃ المدینہ کے اسلامی بھائیوں کی میٹنگ ہوئی جس میں شعبے کے دینی کاموں کے حوالے سے کلام کیا گیا۔

دورانِ میٹنگ نگرانِ شعبہ ماہنامہ فیضانِ مدینہ مولانا مہروز عطاری مدنی نے اسلامی بھائیوں کی تربیت کرتے ہوئے اہم نکات پر مشاورت کی نیز دیگر موضوعات پر بھی گفتگو کی گئی جبکہ ذمہ داران نے شعبے کی ترقی کے حوالے سے اچھی اچھی نیتوں کا اظہا رکیا۔(رپورٹ: محمد سلیم عطاری معاون نگران شعبہ  مکتبہ المدینہ ہیڈ آفس کراچی، کانٹینٹ:غیاث الدین عطاری)

گزشتہ روز تھانہ تحصیل کوٹ رادھا کشن میں شعبہ رابطہ برائے شخصیات کے ذمہ داران نے ایس ایچ او ملک کفایت کھوکھر اور انکے دیگر اسٹاف سے ملاقات  کی جس میں دعوت اسلامی کی دینی وسماجی خدمات بیان کیں اور ماہِ رمضان میں 30 دن کا اعتکاف کرنے کا ذہن دیا جس پر ایک اسٹاف نے رمضان اعتکاف کرنے کی نیت کی۔(رپورٹ: شعبہ رابطہ برائے شخصیات ، کانٹینٹ: محمد مصطفی انیس ) 

گزشتہ دنوں ڈیرہ مراد جمالی میں مدرسۃ المدینہ کے تحت تقسیم اسناد کے سلسلے میں اجتماع  کا اہتمام کیا گیا جس میں ذمہ دار ان، طلبۂ کرام اور انکے والدین سمیت کثیر تعداد میں عاشقان رسول نے شرکت کی ۔

*اس موقع پر قبائلی سیاسی و سماجی شخصیت میر نثار خان کھوسہ ایم پی اے * اسسٹنٹ سپرنٹنڈنٹ ڈسٹرکٹ جیل ڈیرہ مراد جمالی میر غلام اکبر ابڑو * اسسٹنٹ سپرنٹنڈنٹ میر نذیر احمد عمرانی * سنی تحریک نصیر آباد کے ضلعی صدر مولانا نواب دین ڈومکی * قبائلی مذہبی شخصیت پیر سید ریاض حسین شاہ بخاری اور نصیر آباد کی دیگر قبائلی سیاسی و سماجی شخصیات نے شرکت کی۔

بعد اجتماع ذمہ داران نے ملاقات کرتے ہوئے دعوت اسلامی کے دینی کاموں کے حوالے سے گفتگو کی اور عالمی مدنی مرکز فیضان مدینہ کراچی کے وزٹ کی دعوت پیش کی۔(رپورٹ: شعبہ رابطہ برائے شخصیات ، کانٹینٹ: محمد مصطفی انیس ) 

پچھلے دنوں دعوتِ اسلامی کے زیرِ اہتمام پنجاب پاکستان کے شہر تونسہ شریف ضلع ڈیرہ غازی خان میں سیکھنے سکھانے کا حلقہ لگایا گیا جس میں مدرسۃ المدینہ بوائز  کے بچوں سمیت قاری صاحب نے شرکت کی۔

اس حلقے میں ڈویژن ڈی جی خان کے ذمہ دار غلام عباس عطاری نے سنتوں بھرا بیان کرتے ہوئے بچوں کو 40 نیک اعمال رسالے پر عمل کرنے کی ترغیب دلائی۔

اس کےعلاوہ ذمہ دار نے بچوں کو اپنے سرپرستوں کے ساتھ دعوتِ اسلامی کے ہفتہ وار سنتوں بھرے اجتماع میں شرکت کرنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

گزشتہ دنوں مدنی مرکز فیضان مدینہ شیخوپورہ  میں سابق ایم این اے پاکستان تحریک انصاف چوہدری محمد سعید ورک نےدورہ کیا جہاں ذمہ داران نے انکا استقبال کیا ، اور مدنی مرکز کے دیگر شعبہ جات کا وزٹ کرایا ۔

سابق ایم این اے نے فیضان مدینہ میں نماز جمعہ اداکی ، بعد نما ز جمعہ رمضان المبارک میں افطار اجتماع کے حوالے سے گفتگو ہوئی جس پر اپنے ڈیرے میں افطار اجتماع منعقد کرنے کو کہا۔(رپورٹ: شعبہ رابطہ برائے شخصیات ، کانٹینٹ: محمد مصطفی انیس ) 

دعوتِ اسلامی کے زیرِ اہتمام گزشتہ دنوں عالمی مدنی مرکز فیضانِ مدینہ کراچی سے بذریعہ آڈیو لنک پردے میں موجود مدرسۃ المدینہ گرلز کی ذمہ داراسلامی بہنوں کی تربیت کے لئے ایک سیشن ہوا۔

دورانِ سیشن رکنِ مرکزی مجلسِ شوریٰ حاجی محمد امین عطاری نے سنتوں بھرا بیان کرتے ہوئے دعوتِ اسلامی کے دینی کاموں کی ترقی کے حوالے سے اسلامی بہنوں کی ذہن سازی کی اور انہیں مدنی پھولوں سے نوازا۔(کانٹینٹ:غیاث الدین عطاری)