15 فروری 2026ء کو مدرسۃالمدینہ بالغات دعوتِ اسلامی کے تحت Haugerud, Norway میں ناظرہ قرآنِ پاک مکمل کرنے والی کم و بیش 19 اسلامی بہنوں کے لئے ایک تقریب منعقد کی گئی۔

اس تقریب میں مبلغۂ دعوتِ اسلامی نے تلاوت و نعت کے بعد حاضرین کے درمیان سنتوں بھرا بیان کیا اور انہیں دعوتِ اسلامی کے دینی کاموں میں عملی طور پر شرکت کرنے بالخصوص مدرسۃالمدینہ بالغات میں داخلہ لینے کا ذہن دیا۔بعدازاں ناظرہ قرآنِ کریم مکمل کرنے والی اسلامی بہنوں کو سرٹیفکیٹ دیئے گئے اور اُن کی حوصلہ افزائی بھی کی گئی۔

11 مارچ 2026ء کو بعد نمازِ ظہر دعوتِ اسلامی کے شعبہ امام مساجد کے تحت آن  لائن ”احکامِ فطرہ کورس“ منعقد کیا گیا جس میں مرکزی مجلسِ شوریٰ کے رکن مولانا حاجی محمد عقیل عطاری مدنی نے رہنمائی کی۔

تفصیلی معلومات کے مطابق اس کورس میں رکنِ شوریٰ نے فطرہ کے بنیادی احکام بیان کرتے ہوئے فطرہ کی اقسام و اجناس کے اعتبار سے رقم ، فطرہ کا وقت اور کس پر فطرہ دینا لازم ہے ان امور پر شرکا کی تربیت کی۔

اسی طرح رکنِ شوریٰ نے شرعی فقیر کی تعریف اور صاحبِ نصاب کی تعریف بیان کی نیز امام صاحبان کو بھرپور انداز میں فطرہ جمع کرنے اور اپنے نمازیوں کو فطرہ کے احکام سکھا کر عمدہ سے عمدہ فطرہ ادا کرنے کی ترغیب دلائی۔(رپورٹ:مولانا محمد عابد عطاری مدنی معاون رکن شوری مولانا حاجی محمد عقیل عطاری مدنی، کانٹینٹ:غیاث الدین عطاری)

کراچی کے علاقے اورنگی ٹاؤن، یوسی 3کی جامع مسجد ابراہیم خلیل اللہ میں 10 مارچ 2026ء کو شعبہ کفن دفن دعوتِ اسلامی کے تحت ”غسلِ میت و کفن دفن کورس“ کا اہتمام کیا گیا جس میں معتکفین اور نمازی حضرات نے شرکت کی۔

ہوئےشعبے کے ڈسٹرکٹ اورنگی ذمہ دار مولانا فہیم عطاری مدنی نے کورس میں شریک معتکفین کی رہنمائی کرتے انہیں غسلِ میت دینے، کفن کاٹنے اور پہنانے کا طریقہ سکھایا جبکہ غسلِ میت کی فضیلت و اہمیت پر بھی روشنی ڈالی۔

علاوہ ازیں ڈسٹرکٹ ذمہ دار نے حاضرین کو دعوتِ اسلامی کے 12 دینی کاموں میں عملی طورپر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ: عزیر عطاری ڈسٹرکٹ ذمہ دار ، کانٹینٹ:غیاث الدین عطاری)

کراچی کے علاقے اورنگی ٹاؤن، یوسی 6، وارڈ 2 کی جامع مسجد فیضانِ عثمانِ غنی میں 10 مارچ 2026ء کو دعوتِ اسلامی کے شعبہ کفن دفن کے تحت  ”غسلِ میت و کفن دفن کورس“ کا اہتمام کیا گیا جس میں معتکفین اور وارڈ نگران عبد اللہ عطاری نے شرکت کی۔

کورس میں شریک معتکفین کی رہنمائی کرتے ہوئےشعبے کے ڈسٹرکٹ اورنگی ذمہ دار مولانا فہیم عطاری مدنی نے انہیں غسلِ میت دینے، کفن کاٹنے اور پہنانے کا طریقہ سکھایا جبکہ غسلِ میت کی فضیلت و اہمیت پر بھی روشنی ڈالی۔

اسی طرح ڈسٹرکٹ ذمہ دار نے حاضرین کو دعوتِ اسلامی کے 12 دینی کاموں میں عملی طورپر حصہ لینے کا ذہن دیا جس پر انہوں نے اچھی اچھی نیتیں کیں ۔(رپورٹ: عزیر عطاری ڈسٹرکٹ ذمہ دار ، کانٹینٹ:غیاث الدین عطاری)

شعبہ معاونت برائے اسلامی بہنیں  دعوتِ اسلامی کے تحت 11 مارچ 2026ء کو ڈسٹرکٹ ٹوبہ ٹیگ سنگھ میں ایک میٹنگ ہوئی جس میں ڈویژن و ڈسٹرکٹ ذمہ داران اور محارم اسلامی بھائی شریک ہوئے۔

نگرانِ شعبہ غلام الیاس عطاری اور صوبائی ذمہ دار محمد اقبال عطاری نے اس میٹنگ میں ذمہ داران سے گفتگو کرتے ہوئے شعبے کے دینی کاموں کو بڑھانے کا ذہن دیا۔

اسی طرح نگرانِ شعبہ اور صوبائی ذمہ دار نے صدقہ مہم میں حصہ لینے، شخصیات سے ملاقات کرنے، آخری عشرے کا اعتکاف کرنے اور زیادہ سے زیادہ رمضان عطیات جمع کرنے کی ترغیب دلائی۔(رپورٹ: محمد علی عطاری شعبہ معاونت برائے سلامی بہنیں صوبہ پنجاب آفس ، کانٹینٹ:غیاث الدین عطاری)

7 مارچ 2026ء بمطابق 17 رمضانُ المبارک 1447ھ کو دعوتِ اسلامی کے مدنی مرکز فیضانِ مدینہ جوہر ٹاؤن لاہور میں ہونے والے ”افطار اجتماع“ میں وزیرِ تعلیم رانا سکندر حیات نے اپنے وفد کے ہمراہ شرکت کی۔

اس دوران وزیرِ تعلیم رانا سکندر حیات کو وہاں موجود ذمہ دار اسلامی بھائیوں نے مختلف ڈیپارٹمنٹس کا وزٹ کروایا جس پر انہوں نے دعوتِ اسلامی کی خدماتِ دین کو سراہا اور خوشی کا اظہار کیا۔

اس موقع پر وزیرِ تعلیم رانا سکندر حیات کی ملاقات مرکزی مجلسِ شوریٰ کے رکن حاجی یعفور رضا عطاری سے ہوئی جس میں انہوں نے دعوتِ اسلامی کی دینی و سماجی خدمات کے حوالے سے مشاورت کی۔(رپورٹ:رابطہ برائے ایگریکلچر اینڈ لائیواسٹاک ڈیپارٹمنٹ، کانٹینٹ:غیاث الدین عطاری)

ضلع شیخوپورہ کے شہر  فاروق آباد میں دعوتِ اسلامی کے اسپیشل پرسنز ڈیپارٹمنٹ کے تحت ”افطار اجتماع“ کا انعقاد کیا گیا جس میں اسپیشل پرسنز کی کثیر تعداد نے نہایت محبت و عقیدت کے ساتھ شرکت کی۔

اس اجتماعِ پاک میں ڈویژن ذمہ دار محمد سہیل عطاری نے اسپیشل پرسنز کی رہنمائی کرتے ہوئے انہیں رمضانُ المبارک کی فضیلت نیز اس ماہ میں عبادات کرنے کی اہمیت کے بارے میں بتایا۔

علاوہ ازیں ڈویژن ذمہ دار نے اسپیشل پرسنز کو سنتوں پر عمل کرنے اور اسلامی تعلیمات کے مطابق زندگی گزارنے کا ذہن دیا۔آخر میں تمام شرکا نے اجتماعی طور پر افطار کیا اور اختتامی دعا بھی کروائی گئی۔(رپورٹ: مبشر رضا عطاری ضلعی ذمہ دار اسپیشل پرسنز ڈیپارٹمنٹ، ضلع شیخوپورہ، کانٹینٹ:غیاث الدین عطاری)

ضلع شیخوپورہ کی تحصیل مریدکے میں دعوتِ اسلامی کے اسپیشل پرسنز ڈیپارٹمنٹ کے تحت ”افطار اجتماع“ کا انعقاد کیا گیا جس میں اسپیشل پرسنز کی کثیر تعداد نے شرکت کی۔

اس اجتماعِ پاک میں صوبائی ذمہ دار محمد وقاص عطاری نے اسپیشل پرسنز کی رہنمائی کرتے ہوئے انہیں رمضانُ المبارک کی برکتیں سمیٹنے، سنتوں پر عمل کرنے اور اسلامی تعلیمات کے مطابق زندگی گزارنے کا ذہن دیا۔آخر میں تمام شرکا نے خوشگوار ماحول میں اجتماعی طور پر افطار کیا اور اختتامی دعا بھی کروائی گئی۔(رپورٹ: مبشر رضا عطاری ضلعی ذمہ دار اسپیشل پرسنز ڈیپارٹمنٹ، ضلع شیخوپورہ، کانٹینٹ:غیاث الدین عطاری)

ڈسٹرکٹ ٹوبہ ٹیگ سنگھ، پنجاب کی تحصیل پیر محل میں اسپیشل پرسنز ڈیپارٹمنٹ دعوتِ اسلامی کے تحت”افطار اجتماع“ کا انعقاد ہوا جس میں اسپیشل پرسنز سمیت دیگر اسلامی بھائیوں کی کثیر تعداد نے شرکت کی۔

اجتماع کا آغاز تلاوتِ قرآن و نعتِ رسولِ مقبول صلَّی اللہ علیہ واٰلہٖ وسلَّم سے کرنے کے بعد ڈویژن ذمہ دار نے اشاروں کی زبان میں اصلاحی بیان کیا جس میں انہوں نے اسپیشل پرسنز کو رمضانُ المبارک کی اہمیت کو سمجھنے اور رمضانُ المبارک کے آخری عشرے کا سنت اعتکاف کرنے کی ترغیب دلائی۔

علاوہ ازیں ڈویژن ذمہ دار نے اپنے بیان کے دوران اسپیشل پرسنز کو دعوتِ اسلامی کےلئے رمضان عطیات جمع کرنے کا بھی ذہن دیا جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

ایجوکیشن ڈیپارٹمنٹ دعوتِ اسلامی کے زیرِ اہتمام بہاؤالدین ذکریا یونیورسٹی ملتان میں ”گرینڈ افطار اجتماع“ منعقد کیا گیا جس میں پروفیسرز، یونیورسٹی کے فیکلٹی ممبران اور اسٹوڈنٹس نے شرکت کی۔

تلاوت و نعت سے اجتماع کا آغاز کرنے کے بعد نگرانِ ملتان ڈویژن محمد سادات عطاری نے رمضان ُالمبارک کی اہمیت ، رمضان کو کیسے گزارا جائے؟، اللہ دیکھ رہا ہے اور روزے سے تقوے کا حصول ان موضوعات پر بیان کیا۔

بیان کے دوران نگرانِ ملتان ڈویژن نے حسنِ اخلاق اپنانے، اپنے ادارے میں نیکی کی دعوت عام کرنے اور دعوتِ اسلامی کے تحت ہونے والے آخری عشرے کا اعتکاف کرنے کی ترغیب دلائی۔

بعدازاں مناجاتِ افطار کا سلسلہ ہوا اور نگرانِ ملتان ڈویژن نے اختتامی دعا کروائی جبکہ وہاں موجود تمام لوگوں کے لئے افطار کا بھی اہتمام کیا گیا۔(رپورٹ: مولانا حافظ حسیب الرحمٰن عطاری مدنی شعبہ تعلیم ملتان ڈویژن ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے زیرِ اہتمام راولپنڈی کرکٹ اسٹیڈیم فوڈ اسٹریٹ میں ”افطار اجتماع“ کا انعقاد کیا گیا جس میں شہر بھر سے اسپیشل پرسنز (گونگے اور بہرے اسلامی بھائیوں) نے بڑی تعداد میں شرکت کی۔

اس موقع پر اسپیشل پرسنز کی حوصلہ افزائی کے لئے نگرانِ ڈیپارٹمنٹ عمیر ہاشمی عطاری، پاکستان سطح کے ذمہ دار احمد اویس عطاری اور ڈسٹرکٹ ذمہ دار نعیم سلطان عطاری موجود تھے جنہوں نے اسپیشل پرسنز سے ملاقات کی جبکہ اُن کی تربیت و رہنمائی کے لئے بیانات بھی کئے۔

اجتماع کی خاص بات یہ تھی کہ اسپیشل پرسنز کی آسانی کے لئے تمام تر گفتگو اور بیان اشاروں کی زبان (Sign Language) میں کئے گئے نیز مبلغِ دعوتِ اسلامی نے رمضانُ المبارک کے فضائل و برکات پر روشنی ڈالتے ہوئے بتایا کہ یہ مہینہ نیکیوں کی فصلِ بہار ہے اور اللہ پاک کی رحمتیں سمیٹنے کا بہترین ذریعہ ہے۔

بیان کے آخر میں اسپیشل پرسنز کو رمضانُ المبارک کے آخری عشرے میں ہونے والے اجتماعی اعتکاف کی دعوت دی گئی اور انہیں نیکی کی راہ پر چلنے کی ترغیب دلائی گئی۔

اجتماع کے اختتام پر ملک و قوم کی سلامتی اور امتِ مسلمہ کے لئے خصوصی دعا کی گئی جس کے بعد تمام اسپیشل پرسنز کے لئے افطار کا اہتمام کیا گیا۔ اسپیشل پرسنز نے اس اقدام کو سراہتے ہوئے کہا کہ ایسے اجتماعات سے خصوصی افراد میں احساسِ محرومی ختم ہوتا ہے اور انہیں دین سیکھنے کا موقع ملتا ہے۔(رپورٹ: نعیم سلطان عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے  رابطہ برائےایگریکلچر اینڈ لائیواسٹاک ڈیپارٹمنٹ کے تحت مدنی مرکز فیضانِ مدینہ ملتان میں ”افطار اجتماع“ منعقد ہوا جس میں خصوصی طور پر ملتان کے پیسٹی سائیڈ و سیڈ ، ایگریکلچر کی مختلف کمپنیز کے CEO، GM، ڈائریکٹر لائیواسٹاک اور ڈپٹی ڈائریکٹر لائیواسٹاک سمیت دیگر اہم شخصیات نے شرکت کی۔

اجتماع کے دوران مرکزی مجلسِ شوریٰ کے رکن حاجی قاری محمد سلیم عطاری نے حاضرین کی مختلف امور پر تربیت کرتے ہوئے انہیں رمضان ُ المبارک کی فضیلت و اہمیت کے بارے میں بتایا۔

اس کے علاوہ ملتان ڈویژن کے ذمہ دار ڈاکٹر محمد مزمل شکیل عطاری نے وہاں موجود اسلامی بھائیوں کی رہنمائی کی اور دعوتِ اسلامی کے دینی ماحول سے منسلک ہونے کا ذہن دیا جس پر انہوں نے اچھی اچھی نیتیں کیں۔(رپورٹ: رابطہ برائےایگریکلچر اینڈ لائیواسٹاک ڈیپارٹمنٹ ، کانٹینٹ:غیاث الدین عطاری)