ماہِ  فروری میں اسلامی بہنوں کے مختلف شعبہ جات میں ہونے والے کورسز کی مجموعی کارکردگی کچھ یوں رہی ۔

(1)شعبہ فیضانِ صحابیات :

فروری 2025 میں بیرونِ ملک میں ذمہ داران اور سب اسلامی بہنوں کیلئے دینی کام کورس،اصلاح اعمال کورس،فیضان نماز کورس،فیضان طہارت کورس،اسلامی زندگی کورس،Islamic leadership development course اور Deni kaam course سیشنز اور کورسز کروائے گئے۔ یہ سیشنز اور کورسز رہائشی اور بنگلہ،اردو،تامل اور Indonesian زبان میں منعقد کروائے گئے۔

جبکہ پاکستان میں یہ سیشن اور کورسز رہائشی اور اردو زبان میں منعقد کروائے گئے۔

(2)شعبہ قرآن ٹیچر ٹریننگ :

فروری 2025 پاکستان میں ایسی اسلامی بہن جس نے مدنی قاعدہ پڑھا ہو اور ناظرہ قرآن کریم پڑھ سکتی ہو اور ایسی اسلامی بہن جنہو ں نے ناظرہ قرآن پاک تجوید کے ساتھ پڑھا ہو اور تدریس کی خواہش رکھتی ہو کیلئے مدنی قاعدہ کورس،قرآن ٹیچنگ کورس،تجوید القرآن کورس،کل وقتی کورسز اور رہائشی کورسز منعقد کروائے گئے۔ یہ کورسز فزیکل اور آن لائن کروائے گئے۔ یہ کورسز اردو زبان میں منعقد کروائے گئے۔

جبکہ بیرونِ ملک یہ کورسز فزیکل اور آن لائن معقد کروائے گئے۔ یہ کورسز اردو، بنگلہ، انگلش زبان میں کروائے گئے۔

(3)شعبہ روحانی علاج :

فروری 2025 پاکستان میں مدنی انتخاب میں OK ہونے والی اسلامی بہنوں کے لیےروحانی علاج سیشن منعقد کیا گیا۔ یہ سیشن فزیکل اور اردو زبان میں کروایا گیا۔

جبکہ بیرونِ ملک میں مدنی انتخاب میں OK ہونےوالی اسلامی بہنوں کیلئے بھی کورسز منعقد کروائے گئے۔

(4)شعبہ کفن دفن :

فروری 2025 بیرونِ ملک میں عوام اور ذمہ داران اسلامی بہنوں کیلئے غسل میت و کفن کورس اورغسل میت سیشن منعقد کیا گیا۔ یہ سیشنز فزیکل اور آن لائن کروائے گئے۔ یہ سیشنز اردو،بنگلہ اور انگلش زبان میں کروائے گئے۔

جبکہ پاکستان میں یہ سیشنز فزیکل اور آن لائن کروائے گئے۔ یہ سیشنز اردو زبان میں منعقد کروائے گئے۔

(5)شعبہ مدنی کورسز :

فروری 2025 بیرونِ ملک اسلامی بہنوں کیلئے استقبال ماہ رمضان،فیضان نماز، فیضان شب براءت،طہارت سیشن،آئیے نماز درست کریں،اذکار نماز،جنت کا راستہ،فیضان عمرہ سیشن،کفن دفن،فیضان زکوۃ،الوداع ماہ رمضان،تفسیر کورسز،آئیے دینی کام سیکھیں،اسراف اور مہنگائی،ہفتہ وار اجتماع کورس،اردو درجہ،ریگولر تفسیر کلاسز،ایصال ثواب،بیٹی کا کردار،Stages of life،علم نور ہے اور Other language dept کورسز اور سیشنز منعقد کروائے گئے جبکہ بچوں کیلئے فرشتوں کی عید،Path of Jannah،Guest of Rehman،بچوں کا رمضان اور Kids Ijtima سیشنز اور کورس منعقد کروائے گئے۔ یہ سیشنز اور کورسز فزیکل اور آن لائن کروائے گئے۔ جبکہ یہ سیشنز اور کورسز اردو،انگلش،میمنی،بنگلہ،کریول،بلوچی،ڈچ،Indonesian،عربی اور تامل زبان میں منعقد کروائے گئے۔

جبکہ پاکستان میں یہ سیشنز اور کورسز فزیکل اور آن لائن منعقد کروائے گئے۔ یہ سیشنز اور کورسز اردو زبان میں کروائے گئے۔

(6)شعبہ گلی گلی مدرسہ :

فروری 2025 بیرون ملک میں 5 سے 12 سال تک بچوں کے لئے Guest of Rehman سیشن کروایا گیا۔ یہ سیشن فزیکل اور اردو زبان میں کروایا گیا۔

جبکہ پاکستان میں یہ سیشن فزیکل اور اردو زبان میں منعقد کروایا گیا۔

(7) شعبہ نیو سوسائٹیز :

فروری 2025 پاکستان میں بچوں کیلئے اور اسلامی بہنوں کیلئے Gust of Ramadan،استقبال ماہ رمضان،طہارت کورس،فیضان شب براءت،فیضان زکوتہ،عدت و سوگ،ایمانیات،ایصال ثواب اور کفن دفن سیشنزمنعقد کروائے گئے۔ یہ سیشنز فزیکل اور اردو زبان میں کروائے گئے۔

(8)شعبہ تعلیم :

فروری 2025 پاکستان میں سٹوڈنٹس،ٹیچرز اور پروفیشنلز،ڈاکٹرز،نرسز کیلئے Ramzan Preps، Welcome Ramzan اور Say no to valentines کورس اور سیشنز منعقد کروائے گئے۔ یہ کورس اور سیشنز فزیکل اور آن لائن کروائے گئے۔ یہ کورسر سیشنز اردو زبان میں منعقد کروائے گئے۔

(9)شعبہ حج و عمرہ :

فروری 2025 پاکستان میں عمرہ پر جانے والیوں اور تمام اسلامی بہنوں کیلئے حج/عمرہ سیشن اور رفیق الحرمین کورس منعقد کیے گئے۔ یہ سیشن اور کورس فزیکل اور آن لائن کروائے گئے۔ یہ سیشن اور کورس اردو زبان میں کروائے گئے۔

دعوتِ اسلامی کےشعبہ مدنی کورسز کے  تحت مدنی مرکز فیضانِ مدینہ میر پور خاص میں ایک ماہ کے معتکفین اسلامی بھائیوں کے لئے 13 مارچ 20252ء کو ”کفن دفن کورس“ منعقد کیا گیا جس میں شعبہ مدنی کورسز، شعبہ ائمہ مساجد اور شعبہ مدرسۃالمدینہ بالغان کے ذمہ داران شریک ہوئے۔

اس دوران مرکزی مجلسِ شوریٰ کے رکن مولانا حاجی محمد عقیل عطاری مدنی نے معتکفین کی تربیت و رہنمائی کرتے ہوئے انہیں سنتیں سیکھ کر اپنے علاقوں میں نیکی کی دعوت عام کرنےاور اعتکاف کے ذریعے اپنی زندگی میں تبدیلی لانے کے ساتھ ساتھ دینی ماحول سے وابستہ ہونے کی ترغیب دلائی۔

عاشقانِ رسول کی دینی تحریک دعوتِ اسلامی کے شعبہ رابطہ برائے حکیم کے تحت لاہور ، پنجاب کے علاقے جوہر ٹاؤن  میں موجود مدنی مرکز فیضانِ مدینہ میں اطبائے کرام کے لئے ”افطار اجتماع“ کا انعقاد کیا گیا جس میں ذمہ داران کی بھی شرکت ہوئی۔

تفصیلات کے مطابق اطبائے کرام میں وفاقِ اطباء پاکستان کے سیکریٹری جنرل حکیم مشرف زیدی، پروفیسر حکیم شیخ عبدالرحمٰن، حکیم عبدالوہاب، دانیال شیث، حکیم جاوید اعوان، حکیم خالد بٹ، حکیم عبداللہ، نیشنل سیلز منیجر اپل فارما میاں ندیم یونس، طبیہ کالج لاہور کے پرنسپل ڈاکٹر جواد اشفاق، پی ای ایم ایس کے انچارج رضا حسن طارق، سپیریئر یونیورسٹی کے ڈاکٹر محسن رفیق اور ڈاکٹر حمزہ سمیت ہربل انڈسٹری کے کثیر اسلامی بھائی شامل تھے۔

مبلغِ دعوتِ اسلامی نے اجتماعِ پاک میں رمضانُ المبارک کی مناسبت سے بیان کیا اور وہاں موجود اطبائے کرام کو شعبہ رابطہ برائے حکیم کا تعارف کرواتے ہوئے اس کے تحت ہونے والی خدمات کے بارے میں بتایا۔ (رپورٹ: رابطہ برائے ہربل ڈیپارٹمنٹ پاکستان، کانٹینٹ:غیاث الدین عطاری)

شعبہ معاونت برائے اسلامی بہنیں دعوتِ اسلامی کے تحت پچھلے  دنوں لاہور سٹی میں مدنی مشورے کا انعقاد ہوا جس میں ڈسٹرکٹ اور ٹاؤن ذمہ دار اسلامی بھائیوں کی شرکت رہی۔

معلومات کے مطابق اس مدنی مشورے میں نگرانِ شعبہ غلام الیاس عطاری نے شعبے کی ترقی کے حوالے سے اسلامی بھائیوں رہنمائی کرتے ہوئے شعبے کے دینی کاموں میں مزید بہتری لانے، گلی گلی مدرسۃالمدینہ شروع کرنے اور ہر یوسی میں فیضانِ صحابیات کا قیام کرنے پر مشاورت کی۔

علاوہ ازیں نگرانِ شعبہ نے رمضان عطیات میں بھر پور کوشش کرنے اور محارم کو اعتکاف میں بٹھانے پر تبادلۂ خیال کیا گیا جس پر تمام اسلامی بھائیوں نے اپنی اپنی رائے بھی پیش کی۔(رپورٹ: قاری عبدالماجد عطاری ، کانٹینٹ:غیاث الدین عطاری)

دعوتِ اسلامی کے تعلیمی شعبے فیضان آن لائن اکیڈمی بوائز کے تحت 14 مارچ 2025ء کو  کراچی کے علاقے کورنگی میں قائم برانچ میں ”سحری اجتماع“ کا اہتمام کیا گیا جس میں مکمل اسٹاف نے شرکت کی۔

تلاوت و نعت سے اجتماع کا آغاز کرنے کے بعد نگرانِ شعبہ فیضان آن لائن اکیڈمی بوائز مولانا غلام الیاس عطاری مدنی صوبائی ذمہ دار مولانا تبریز حسین عطاری مدنی نے مختلف امور پر حاضرین کی رہنمائی کی ۔آخر میں اسلامی بھائیوں کی حوصلہ افزائی کی گئی جبکہ حاضرین کی جانب سے سوال و جواب کا سلسلہ بھی ہوا۔(رپورٹ: مولانا محمد وقار یعقوب عطاری مدنی برانچ مینجر فیضان آن لائن اکیڈمی ، کانٹینٹ:غیاث الدین عطاری)

شعبہ رابطہ برائے وکلا دعوتِ اسلامی کے تحت پچھلے دنوں لاہور ٹیکس بار ایسوسی ایشن میں ”افطار اجتماع“ کا انعقاد کیا گیا جس میں بار کے صدر اور ممبران سمیت ذمہ داران نے شرکت کی۔

اجتماع کا باقاعدہ آغاز تلاوت و نعت سے کیا گیا جس کے بعد مرکزی مجلسِ شوریٰ کے رکن حاجی یعفور رضا عطاری نے ”رمضانُ المبارک کے فضائل و اہمیت“ کے موضوع پر بیان کیا۔

رمضانُ المبارک کے اعتکاف کے سلسلے میں گزشتہ روز دعوتِ اسلامی کے تحت ایک میٹنگ ہوئی جس میں ذیلی شعبہ کارکردگی کے صوبائی آفس نگران اور دیگر ذمہ دار اسلامی بھائی بذریعہ انٹرنیٹ شریک ہوئے۔

میٹنگ کے دوران نگرانِ پاکستان مشاورت آفس مولانا حاجی عمر عطاری مدنی نے ملک کے مختلف شہروں میں تحصیل اور ٹاؤن سطح تک ہونے والے اعتکاف کے متعلق کلام کیا نیز ڈیٹا انٹری کا جائزہ لیتے ہوئے اس کی کارکردگی جمع کرنے کا ذہن دیا۔

اسی طرح نگرانِ پاکستان مشاورت آفس نے رمضان عطیات کی کارکردگی کا بھی جائزہ لیا اور ذمہ دار اسلامی بھائیوں کو دعوتِ اسلامی کے شعبہ جات کے لئے عطیات جمع کرنے کی ترغیب دلائی جس پر تمام شرکا اسلامی بھائیوں نے اچھی اچھی نیتیں کیں۔

مسجد کا لغوی معنی سجدہ کرنے کی جگہ ہے ‏اور اصطلاح میں مسجد اس جگہ کو کہتے ہیں جہاں مسلمان باجماعت نماز پڑھتے ہیں اور اللہ تعالیٰ کی عبادت کرتے ہیں۔

دینِ اسلام میں مسجد کی اہمیت و عظمت بہت زیادہ ہے جو ہمیں قرآنِ پاک اور احادیثِ مبارکہ سے معلوم ہوتی ہے جس کا اندازہ اس بات سے لگایا جا سکتا ہے کہ ‏دینی احکام میں اعتکاف ایسی عبادت ہے جو صرف مسجد میں ہی ادا کی جا سکتی ہے لیکن آج کل لوگ اس کی اہمیت و عظمت اور اس کے ادب و احترام کا خیال کیے بغیر ‏دنیاوی گفتگو، ہنسی مذاق اور کھیل کود وغیرہ میں لگے رہتے ہیں۔

لہذا مسجد کے چند حقوق اور آداب ملاحظہ کیجئے۔ ‏

‏(1) نماز کے لیے زینت اختیار کرنا یعنی اچھا اور عمدہ لباس پہننا چاہیے۔ ‏چنانچہ اس بارے میں اللہ تعالی قرآنِ پاک میں ارشاد فرماتا ہے : ‏ ‏ یٰبَنِیْۤ اٰدَمَ خُذُوْا زِیْنَتَكُمْ عِنْدَ كُلِّ مَسْجِدٍ ‏ ترجمۂ کنز العرفان ‏: اے آدم کی اولاد! ہر نمازکے وقت اپنی زینت لے لو۔ ‏(پارہ8/ سورۃ الاعراف، آیت نمبر،31)

‏(2) مسجد کو گندگی اور بدبودار چیزوں سے پاک صاف رکھنا چاہیے۔ ‏چنانچہ اس بارے میں اللہ تعالی قرآنِ پاک میں ارشاد فرماتا ہے: ‏ ‏ وَ عَهِدْنَاۤ اِلٰۤى اِبْرٰهٖمَ وَ اِسْمٰعِیْلَ اَنْ طَهِّرَا بَیْتِیَ لِلطَّآىٕفِیْنَ وَ الْعٰكِفِیْنَ وَ الرُّكَّعِ السُّجُوْدِ ‏ ترجمۂ کنز العرفان ‏: ‏ اور ہم نے ابراہیم و اسماعیل کو تاکید فرمائی کہ میرا گھر طواف کرنے والوں اور اعتکاف کرنے والوں اور رکوع و سجود کرنے والوں کے لئے خوب پاک صاف رکھو۔ ‏(پارہ1/ سورۃ البقرہ، آیت نمبر/ 125)

‏(3) مساجد کو بنا کر ان کو آباد کرنا چاہیے۔ ‏ چنانچہ اس بارے میں اللہ تعالی قرآن پاک میں ارشاد فرماتا ہے:‏

اِنَّمَا یَعْمُرُ مَسٰجِدَ اللّٰهِ مَنْ اٰمَنَ بِاللّٰهِ وَ الْیَوْمِ الْاٰخِرِ ‏ترجمۂ کنز العرفان ‏: اللہ کی مسجدوں کو وہی آباد کرتے ہیں جو اللہ اور قیامت کے دن پر ایمان لاتے ہیں۔ ‏(پارہ 10/ سورۃ التوبہ، آیت نمبر/ 18)

مفسرِ شہیر حکیمُ الامت حضرت علامہ مولانا مفتی احمد یار خان نعیمی علیہ الرحمہ تفسیرِ نعیمی میں فرماتے ہیں کہ مسجد آباد کرنے کی گیارہ صورتیں ہیں: ‏

‏(1) مسجد تعمیر کرنا (2) اس میں اضافہ کرنا (3) اسے وسیع کرنا (4) اس کی مرمت کرنا (5) اس میں چٹائیاں فرش و فروش بچھانا (6) اس کی قلعی چونا کرنا (7) ‏اس میں روشنی و زینت کرنا (8) اس میں نماز و تلاوت قرآن کرنا (9) اس میں دینی مدارس قائم کرنا (10) وہاں داخل ہونا، وہاں اکثر جانا، آنا اور رہنا (11) وہاں ‏اذان و تکبیر کہنا امامت کرنا۔ ‏(تفسیرِ نعیمی/ جلد 10/ صفحہ 202/ مطبوعہ نعیمی کتب خانہ)

‏(4) مسجد میں اگر کوئی تکلیف دہ چیز ہو تو اس کو نکال دینا چاہیے۔ ‏ چنانچہ اس بارے میں حدیثِ پاک ملاحظہ کیجئے: ‏ ابو سعید خدری رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: جو شخص مسجد سے تکلیف دہ چیز نکال دے،تو اللہ تعالیٰ اس کے لیے جنت میں گھر ‏بنائے گا۔ ‏(سنن ابن ماجہ/ کتاب المساجد والجماعات/ باب: تطهير المساجد وتطييبها/حدیث نمبر: 803/ فرید بک سٹال)

‏(5)مسجد میں داخل ہونے اور نکلنے کی دعا پڑھنی چاہیے۔ ‏ چنانچہ اس بارے میں حدیثِ پاک ملاحظہ کیجئے:‏

ابو حمید ساعدی رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: جب کوئی شخص مسجد میں جائے تو نبی اکرم صلی اللہ علیہ وآلہ وسلم پر سلام بھیجے، ‏پھر کہے: اللهم افتح لي أبواب رحمتك ”اے اللہ! میرے لیے اپنی رحمت کے دروازے کھول دے“ اور جب نکلے تو یہ کہے: اللهم إني أسألك من ‏فضلك ”اے اللہ! میں تجھ سے تیرے فضل کا سوال کرتا ہوں“۔(سننِ ابنِ ماجہ/ ابواب المساجد والجماعات/ باب: الدعاء، و عند دخول المسجد حدیث نمبر: 818/ فرید بک سٹال)

‏(6) مسجد میں گمشدہ چیز کا اعلان نہیں کرنا چاہیے۔ ‏ چنانچہ اس بارے میں حدیثِ پاک ملاحظہ کیجیے:‏ ابوہریرہ رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو فرماتے سنا: جو شخص کسی کو مسجد میں کسی گمشدہ چیز کا اعلان کرتے سنے تو کہے: اللہ ‏کرے تمہاری چیز نہ ملے، کیونکہ مسجدیں اس لیے نہیں بنائی گئی ہیں۔ ‏(سنن ابن ماجہ/ابواب المساجد والجماعات/ باب: النهی عن انشاد الضوال فی المسجد/ حدیث نمبر:813/ فرید بک سٹال)

اسلام  ایسا کامل و اکمل دین ہے جس کی تعلیمات زندگی کے تمام شعبوں کو اپنے اندر سموئے ہوئے ہیں۔ مسجد کے ادب و احترام کی بھی اسلام میں خاص اَہَمِّیَّت اور ‏عظمت ہے، اس لئے کہ یہ اللہ پاک کی بندگی، اس کے ذکر اور قرآن پاک کی تلاوت کا مقام ہے، مسجد وہ جگہ ہے جہاں مختلف طبقات سے تعلق رکھنے والے لوگ ‏ایک ہی صف میں کھڑے ہو کر ایک ہی قبلہ کی طرف رخ کر کے اللہ تعالیٰ کے سامنےاظہار بندگی کرتے ہیں یہیں سےاسلامی تعلیمات کی کِرنیں چاروں جانب ‏پھیلتی ہیں آئیے مسجد کے چند آداب کا مطالعہ کرتے ہیں۔

(1) چلنے کا انداز: مسجد میں بغیر آواز پیدا کیے آہستہ آہستہ قدم رکھ کر چلنا چاہیے اور صفوں میں پہلے دایاں قدم رکھا جائے جس طرح کہ اعلیٰ حضرت رحمۃ اللہ علیہ فرماتے ہیں: ‏مسجد کے ایک درجے سے دوسرے درجے کے داخلے کے وقت سیدھا قدم بڑھایا جائے حتی کہ اگر صف بچھی ہو اس پر بھی پہلے سیدھا قدم رکھو اور جب وہاں ‏سے ہٹو تب بھی سیدھا قدم فرشِِ مسجد پر رکھو۔(ملفوظاتِ اعلیٰ حضرت،ص318)‏

(2) بچوں کو نہ لےجانا‏: مساجد میں چھوٹے نا سمجھ بچوں کو نہیں لے جانا چاہیے یہاں تک کہ دم یا تعویذ کے لیے لے جانامنع ہے کیونکہ ان سے پیشاب اور پاخانہ وغیرہ کا خدشہ ہے جس ‏طرح حضُورنبیِ رَحْمت، شَفیعِ اُمَّت صَلَّی اللہ ُ تَعَالٰی عَلَیْہِ واٰلہٖ وَسَلَّم نے اِرْشادفرمایا:بیشک ان مسجدوں میں گندگی، پیشاب اور پاخانہ جیسی کوئی چیز جائز نہیں ۔ (مسند امام ‏احمد، 4/381، حدیث:12983)‏

(‏3)دنیاوی باتوں سے اجتناب: مسجد میں دنیاوی باتیں کرنا بہت قبیح عمل ہے اور مسجد میں ایسے لوگوں کے پاس بیٹھنے سے بھی منع کیا گیا ہےحضور علیہ السلام نے فرمایا: ایک زمانہ ایسا آئے گا کہ ‏لوگ مسجدوں کے اندر دُنیا کی باتیں کریں گے، تو اس وَقْت تم ان لوگوں کے پاس نہ بیٹھنا۔اللہ عزوجل کوان لوگوں کی کچھ پروانہیں۔ (شعب الإيمان، باب في ‏الصلٰوت، فصل المشي إلی المساجد، 3/86،حدیث: 2962)‏

(4) پاکیزہ بدن: مسجد میں جانے سے پہلے اپنے سارے بدن پر غور کر لینا چاہیے بغلوں اور جرابوں میں کہ کہیں سے کسی قسم کی سمیل ‏smellتو نہیں آرہی اور آج کل فاسٹ فوڈ ‏یا بعض کچی سبزیوں کے استعمال سے بھی منہ میں بدبو پیدا ہو جاتی ہے بدبودار منہ کے حوالے سے حضور علیہ السلام نے فرمایا: جو شخص ان میں سے لہسن کھائے، یا ‏لہسن، پیاز اور گندنا کھائے وہ ہماری مسجدوں میں ہمارے قریب نہ آئے۔ (مسلم صفحہ282،حدیث564)‏

(5) مسجد کی صفائی: مساجد کو ہمیشہ صاف ستھرا رکھنا چاہیے اس کی صفائی کرنے کے بہت سے فضائل ہیں رسولِ کریم صلَّی اللہ علیہ واٰلہٖ وسلَّم نے فرمایا : مَنْ اَخْرَجَ اَذًى مِنَ الْمَسْجِدِ بَنَى ‏اللَّهُ لَهٗ بَيْتًا فِي الْجَنَّةِ یعنی جو مسجد سے کسی تکلیف دہ چیز کو دورکرتا ہے ، اللہ کریم اس کے لئے جنت میں گھر بناتا ہے۔(ابن ماجہ ، 1 / 419 ، حدیث : 757)‏

افسوس!ہمارے مُعاشرے میں بہت بڑی تعدادایسی ہے جو مسجد کے آداب سے نا آشنا ہے۔ بعض اَفْراد مسجد کے اِحْتِرام کو پَسِ پُشت ڈال کر خُوب گپیں ہانکتے، ‏قہقہے مارتے ،پان ،گٹکے چَباتےکبھی مسجد کی دَریوں کے دھاگے نوچتے نظر آتے ہیں آج اگر ہم نے ان مساجد کے تقدس کو پامال کیا تو یہ کل بروز محشر ہمارے خلاف ‏گواہ ہونگی۔

مسجدوں کا کچھ ادب ہائے!نہ مجھ سے ہو سکا

ازطفیلِ مُصطفیٰ فرما اِلٰہی درگزر‏(وسائلِ بخشش، ص 637)‏

مسجد ایک ایسا پاکیزہ مقام ہے، جہاں اللہ  پاک کی عبادت کی جاتی ہے۔ یہاں عبادت کرنے سے بندے کو عبادت میں لذت اور خشوع و خضوع حاصل ہوتا ہے۔ ‏مسجدیں روئے زمین پر افضل ترین جگہیں ہیں ۔مسجد کو اللہ پاک کا گھر بھی کہا جاتا ہے ۔ اللہ عزوجلّ کے گھروں کو آباد رکھنا اور ان سے محبت کرنا بڑی سعادت کی ‏بات ہے ،لیکن اس کے ساتھ ساتھ مسجد کے حقوق وآداب کا خیال رکھنا اور ہر طرح کی ناپسندیدہ چیزوں سے بچانا بھی ضروری ہے ۔ قرآن پاک اور احادیث ‏مبارکہ میں مسجد کے بہت سے حقوق موجود ہیں۔ ‏

آئیے مسجد کے حقوق کے متعلق اللہ پاک کا ارشاد ملاحظہ کیجئے ۔ ‏

(1) مسجد آباد کرنا ‏: اِنَّمَا یَعْمُرُ مَسٰجِدَ اللّٰهِ مَنْ اٰمَنَ بِاللّٰهِ وَ الْیَوْمِ الْاٰخِرِ‏ ‏ ‎‏ ترجمہ کنزالایمان: اللہ کی مسجدوں کو وہی آباد کرتے ہیں جو اللہ اور قیامت کے دن پر ایمان لاتے ہیں ۔ ‏ (پ10،التوبہ،آیت:18)۔ ‏

‎‏ اسی آیت کی تحت تفسیر خازن میں ہے:

اس آیت میں یہ بیان کیا گیا ہے کہ مسجدیں آباد کرنے کے مستحق مؤمنین ہیں ، مسجدوں کو آباد ‏کرنے میں یہ اُمور بھی داخل ہیں : جھاڑو دینا، صفائی کرنا، روشنی کرنا اور مسجدوں کو دنیا کی باتوں سے اور ایسی چیزوں سے محفوظ رکھنا جن کے لئے وہ نہیں بنائی گئیں ‏، مسجدیں عبادت کرنے اور ذکر کرنے کے لئے بنائی گئی ہیں اور علم کا درس بھی ذکر میں داخل ہے۔ (تفسیرخازن،سورۃالتوبہ ،آیت:18،جلد3، صفحہ 88، دارالکتب العلمیہ بیروت) ‏

(2) زینت اختیار کرنا: مسجد کےآداب کو پیش نظر رکھتے ہوئے،صاف ستھرا لباس پہن کر ،خوشبو لگا کر ، مسجد میں حاضر ہونا بھی مسجد کے حقوق میں سے ایک حق ‏ہے ۔مسجد کی حاضری کے لیے زینت اختیار کرنے کا تو خود اللہ پاک نے حکم ارشاد فرمایا ہے :

یٰبَنِیْۤ اٰدَمَ خُذُوْا زِیْنَتَكُمْ عِنْدَ كُلِّ مَسْجِدٍ

‏ ترجمہ کنزالایمان: اے آدم کی اولاد! ہر نمازکے وقت اپنی زینت لے لو۔ (پارہ 8،سورۃ الاعراف، آیت: 31 ) ‏

مسجد کے حقوق کے بارے میں چند فرامین مصطفیٰ مطالعہ کیجئے۔

(3) بیع و شراء سے بچاؤ: مسجد کے حقوق میں سے ایک حق یہ بھی ہے،کہ وہاں خریدو فروخت اور لڑائی جھگڑے نہ کیے جائیں، ناسمجھ بچوں کو مسجد میں نہ لایا جائے: ‏جیسا کہ حضور صلی ﷲ تعالیٰ علیہ وسلم فرماتے ہیں : مساجد کو بچوں اور پاگلوں اور بیع و شرا اور جھگڑے اور آواز بلند کرنے اور حدود قائم کرنے اور تلوار کھینچنے سے ‏بچاؤ۔ ‏ (سنن ابن ماجہ،ابواب المساجد،باب ما یکرہ فی المساجد ،صفحہ156، حدیث :750 ، دار الصدیق بیروت) ‏

(4) اذیت دہ چیز کو دور کرنا: نبی پاک صلی ﷲ تعالیٰ علیہ وسلم نے فرمایا : جو مسجد سے اذیت کی چیز نکالے، اﷲ تعالیٰ اس کے لیے ایک گھر جنت میں بنائے گا۔ ‏ (سنن ابن ماجہ ، ابواب المساجد ،باب تطھیر المساجد و تتیبھا ، صفحہ 157، حدیث: 757، دارالصدیق بیروت) ‏

(5) مسجد اس کام کے لیے نہیں بنی : رسول اللہ صلی اللہ تعالٰی علیہ وسلَّم نے ارشاد فرمایا: جو کسی کو مسجد میں بآوازِ بلند گمشدہ چیز ڈھونڈتے سنے تو کہے ’’اللہ پاک وہ ‏گمشدہ شے تجھے نہ ملائے، کیونکہ مسجدیں اس کام کیلئے نہیں بنائی گئیں۔(سنن ابی داؤد ،کتابالصلاۃ ، باب فی کراھیۃ انشاد الضالۃ فی المسجد، جلد2، صفحہ371 ، حدیث:370 ، دار التاصیل) ‏

دین اسلام ایک مکمل ضابطہ حیات ہے جو روزمرہ زندگی میں ہمیں ہر طرح کی رہنمائی کرتا ہے اور دین اسلام ہی مکمل استقامت کے ساتھ موصوف ہے اس میں ‏ہر طرح کے حقوق کا بیان ہے اور دین اسلام مسجد کو صاف رکھنے اور اس سے محبت کرنے کا بھی درس دیتا ہے کیونکہ یہ اللہ تعالی کا گھر ہے اور خود نبی پاک صلی اللہ ‏تعالی علیہ والہ وبارک وسلم نے سب سے اچھی جگہ مسجد کو ہی قرار فرمایا مسجد کے بہت سارے حقوق ہیں جن میں سے کچھ حقوق ہم پیش کرتے ہیں: ‏

(1) اللہ تعالی قرآن پاک میں ارشاد فرماتا ہے: ‏ ترجمۂ کنزالایمان: اللہ کی مسجدیں وہی آباد کرتے ہیں جو اللہ اور قیامت پر ایمان لاتے اور نماز قائم رکھتے اور زکوٰۃ دیتے ہیں اور اللہ کے سوا کسی سے نہیں ڈرتےتوقریب ہے کہ یہ لوگ ہدایت والوں میں ہوں۔ ‏(پارہ نمبر 10 سورۃ توبہ آیت نمبر (18) ‏

(2) مسجد میں نماز پڑھنا: ‏ حضور نبی کریم صلی اللہ تعالی علیہ والہ وسلم ارشاد فرماتے ہیں: جو اچھی طرح وضو کر کے فرض نماز ‏کو گیا اور مسجد میں نماز پڑھی اس کی مغفرت ہو جائے گی ‏۔ ‏(سنن نسائی کتاب الامامت الحدیث 853 صفحہ نمبر 149) ‏

مسجد کا ایک حق یہ بھی ہے کہ اس میں ایسی چیز کھا کر نہ آیا جائے جس سے منہ بدبو دار ہو جائے۔ ‏

(3) مسجد میں پیاز کھا کر آنا جائز نہیں: ‏ مسجد میں کچا لہسن پیاز کھانا یا کھا کر جانا جائز نہیں جب تک بو باقی ہو کہ فرشتوں کو اس سے تکلیف ہوتی ہے حضور اقدس صلی اللہ تعالی علیہ واٰلہ وبارک وسلم ارشاد ‏فرماتے ہیں: جو اس بدبودار درخت سے کھائے وہ ہماری مسجد کے قریب نہ آئے کہ ملائکہ کو اس چیز سے تکلیف ہوتی ہے جس سے آدمی کو ہوتی ہے ‏۔ ‏(صحیح مسلم کتاب المساجد حدیث نمبر 564 )‏

(‏4)مسجد میں آواز بلند کرنے سے بچنا ‏: حضور صلی اللہ تعالی علیہ والہ وسلم فرماتے ہیں: مساجد کو بچوں اور پاگلوں اور خرید وفروخت اور جھگڑے اور ‏آواز بلند کرنے اور حدود قائم کرنے اور تلوار کھینچنے سے بچاؤ۔ ‏(سنن ابن ماجہ ابواب المساجد حدیث نمبر 70 صفحہ نمبر 415) ‏

(‏5)مسجد میں تھوکنا منع ہے: ‏ صحیحین میں حضرت انس رضی اللہ تعالی عنہ سے روایت ہے کہ حضور صاحب لولاک صلی اللہ تعالی علیہ والہ وبارک وسلم ارشاد فرماتے ہیں: مسجد میں تھوکنا خطا ‏ہے اور اس کا کفارہ زائل کر دینا ہے۔ ‏(صحیح البخاری کتاب الصلاۃ حدیث نمبر 415 صفحہ نمبر 160) ‏