عاشقانِ رسول کی دینی تحریک دعوتِ اسلامی کے تحت 5 جنوری 2025ء کو سلاطینِ اربعہ کے ایصالِ ثواب کے لئے کراچی کے علاقے  کھارادر میں ایک اسلامی بہن کی رہائش گاہ پر سیکھنے سکھانے کا حلقہ لگایا گیا جس میں ذمہ داران اور مقامی اسلامی بہنوں نے شرکت کی۔

مبلغۂ دعوتِ اسلامی نے فاتحہ خوانی کی اور بزرگانِ دین کی بارگاہ میں ایصالِ ثواب کا تحفہ پیش کیا بعدازاں ذمہ دار اسلامی بہنوں نے ایک اور اسلامی بہن کی دلجوئی کے لئے اُن کی رہائش گاہ پر ملاقات کی۔

3 جنوری 2025ء کو کراچی کے علاقے P.I.B کالونی میں قائم فیضانِ صحابیات میں دعوتِ اسلامی کے تحت اسلامی بہنوں کا مدنی مشورہ ہوا جس میں عالمی سطح اور پاکستان سطح کی نگران اسلامی بہنوں نے براہِ راست جبکہ فیضانِ صحابیات کی ملک سطح نگران و ذمہ دار اسلامی بہنوں نے آن لائن شرکت کی۔

دعوتِ اسلامی کی نگرانِ عالمی مجلسِ مشاورت اسلامی بہن نے دینی کاموں کے حوالے سے کلام کرتے ہوئے فیضانِ صحابیات کے مسائل حل کرنے کے متعلق مشاورت کی اور فیضانِ صحابیات کے دینی کاموں میں مزید بہتری لانے کا ذہن دیا۔

اس کے علاوہ نگرانِ عالمی مجلسِ مشاورت نے ذمہ دار اسلامی بہنوں کی تربیت و رہنمائی کرتے ہوئے انہیں مدنی پھولوں سے نوازا جس پر انہوں نے اچھی اچھی نیتیں کیں۔

4 جنوری 2025ء کو  عاشقانِ رسول کی دینی تحریک دعوتِ اسلامی کے تحت کشمیر کی ذمہ داران کا آن لائن مدنی مشورہ منعقد ہوا جس میں صوبائی، ڈویژن اور ڈسٹرکٹ نگران اسلامی بہنوں نے شرکت کی۔

راولپنڈی شہر سے بذریعہ انٹرنیٹ نگرانِ پاکستان مجلسِ مشاورت اسلامی بہن نے 8 دینی کاموں کا جائزہ لیتے ہوئے سالانہ ڈونیشن 2025ء کے اہداف پر کلام کیاجس پر تمام ذمہ دار اسلامی بہنوں نے اپنی اپنی رائے پیش کی۔

دعوتِ اسلامی کے تحت 4 جنوری 2025ء کو  ذمہ داران کا آن لائن مدنی مشورہ منعقد کیا گیا جس میں پنجاب کی صوبائی، ڈویژن، ڈسٹرکٹ اور میٹروپولیٹن نگران اسلامی بہنوں نے شرکت کی۔

5 جنوری 2025ء کو دعوتِ اسلامی کے تحت  اسلام آباد سٹی کی ذمہ داران کا ماہانہ مدنی مشورہ منعقد ہوا جس میں سٹی نگران، سٹی مشاورت اور زون نگران سمیت شعبہ ذمہ دار اسلامی بہنوں نے شرکت کی ۔

دعوتِ اسلامی کی نگرانِ پاکستان مجلسِ مشاورت اسلامی بہن نے اپنی گفتگو کے دوران 2024ء میں ہونے والے 8 دینی کاموں کا جائزہ لیا اور 2025ء کے 8 دینی کاموں نیز رمضان عطیات کے اہداف طے کئے۔

علاوہ ازیں 2024ء کے ٹیلی تھون میں نمایاں کارکردگی پیش کرنے والی ذمہ دار اسلامی بہنوں کو نگرانِ پاکستان مجلسِ مشاور ت اور نگرانِ اسلام آباد سٹی مشاورت نے تحائف سے نوازا جبکہ مدنی مشورے میں شریک اسلامی بہنوں نے اپنے اہداف کو پورا کرنے کے لئے اچھی اچھی نیتیں پیش کیں ۔

عاشقانِ رسول کی دینی تحریک دعوتِ اسلامی کے تحت 30 دسمبر 2024ء کو کراچی میں موجو دفیضانِ صحابیات میں مدنی مشورے کا انعقاد کیا گیا جس میں  عالمی مجلسِ مشاورت کی نگران اور نگرانِ انٹرنیشنل افیئرز کی معاونہ نے شرکت کی۔

اس موقع پر دعوتِ اسلامی کے تحت اسلامی بہنوں کے درمیان ہونے والے 8 دینی کاموں کا جائزہ لیا گیا اور تمام شعبہ جات کے دینی کاموں کا تقابل کیا گیا نیز اس میں مزید بہتری لانے کی ترغیب دلائی گئی جس پر وہاں موجود اسلامی بہنوں نے اپنی اپنی رائے پیش کی۔

دعوتِ اسلامی کے شعبہ کفن دفن للبنات کے تحت کراچی، لاہور اور پنجاب سمیت سندھ میں قائم فیضانِ صحابیات میں اسلامی بہنوں کے لئے 6 دن پر مشتمل ( 24 دسمبر تا 29 دسمبر 2024ء) رہائشی کورس کا اہتمام کیا گیا جن میں کم و بیش255 اسلامی بہنیں شریک ہوئیں۔

مبلغاتِ دعوتِ اسلامی نے کورس میں شریک اسلامی بہنوں کی تربیت کرتے ہوئے کفن دفن کے حوالے سے اُن کی رہنمائی کی اور انہیں شعبے کے دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں نیز ڈونیشن کے اہداف بھی لئے۔اختتام پر کورس کرنے والی اسلامی بہنوں کا ٹیسٹ لیا گیا اور نمایاں کارکردگی کی حامل اسلامی بہنوں کی حوصلہ افزائی کی گئی۔

اشاعتِ دین کا جذبہ رکھنے والی عاشقانِ رسول کی دینی تحریک دعوتِ اسلامی کے تحت مرکزی جامعۃ المدینہ فیضانِ مدینہ فیصل آباد میں شیخ الحدیث و التفسیر مفتی محمد قاسم عطاری مدظلہ العالی کی آمد ہوئی۔

معلومات کے مطابق مرکزی جامعۃ المدینہ بوائز میں موجود اساتذۂ کرام نے مفتی محمد قاسم عطاری مدظلہ العالی سے ملاقات کی اور چند اہم نکات پر تبادلۂ خیال کیا۔

فیصل آباد، پنجاب میں واقع دعوتِ اسلامی کے کنزالمدارس بورڈ میں 29 دسمبر 2024ء کو بورڈ آف کریکلم اینڈ ایجوکیشن ڈیپارٹمنٹ کی میٹنگ ہوئی جس میں مفتیانِ کرام، اراکینِ شوریٰ، جامعۃ المدینہ بوائز کے سینئر اساتذۂ کرام  اور دیگر ممبران نے شرکت کی۔

اس میٹنگ میں بورڈ آف کریکلم اینڈ ایجوکیشن ڈیپارٹمنٹ کے متعلق گفتگو کرتے ہوئے نصابی اور ہم نصابی سرگرمیوں کا جائزہ لیا گیا جبکہ نئے تعلیمی سال 2025ء کے لئے اہداف طے کئے گئے جس پر وہاں موجود تمام شرکا نے اپنی اپنی رائے بھی پیش کی۔

میٹنگ کے شرکا میں دارالافتاء اہلسنت کے شیخ الحدیث و التفسیر مفتی محمد قاسم عطاری، مفتی محمد سجاد عطاری، مفتی محمد حسان عطاری، اراکینِ شوریٰ مولانا حاجی محمد جنید عطاری مدنی (صدر کنزالمدارس بورڈ)، مولانا حاجی محمد اسد عطاری مدنی (نگرانِ شعبہ جامعۃ المدینہ بوائز پاکستان) اور بورڈ آف کریکلم اینڈ ایجوکیشن ڈیپارٹمنٹ کے ہیڈ مولانا گل رضا عطاری مدنی شامل تھے۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت پاکستان بھر میں دینی و دنیاوی تعلیم دینے والے کنزالمدارس بورڈ فیصل آباد کے ہیڈ آفس میں ایک میٹنگ منعقد ہوئی جس میں شعبہ جامعۃ المدینہ گرلز کے ذمہ داران شریک ہوئے۔

میٹنگ میں رکنِ شوریٰ و صدر کنزالمدارس بورڈ مولانا حاجی محمد جنید عطاری مدنی نے ذمہ دار اسلامی بھائیوں سے مختلف امور پر کلام کرتے ہوئے شعبے کے متعلق مشاورت کی جس پر وہاں موجود تمام ذمہ داران نے اپنی اپنی رائے پیش کی۔(کانٹینٹ:غیاث الدین عطاری)

دعوتِ اسلامی کے تحت ملکی مشاورت نائجیر کے ذمہ دار مولانا ندیم عطاری مدنی نے نگرانِ شعبہ جامعات المدینہ انٹرنیشنل افیئرز مولانا اختر عطاری مدنی کے ہمراہ فیصل آباد، پنجاب میں قائم کنزالمدارس بورڈ کا دورہ کیا۔

دورانِ دورہ ذمہ دار اسلامی بھائیوں کی مرکزی مجلسِ شوریٰ کے رکن و صدر کنزالمدارس بورڈ مولانا حاجی محمد جنید عطاری مدنی سے ملاقات ہوئی اور کنزالمدارس بورڈ کے متعلق مشاورت کی گئی۔

نیپا اکیڈمی آف پاکستان کے ڈائریکٹر اسٹاف ڈاکٹر محمد فاروق نے دعوتِ اسلامی کے دینی و  دنیاوی تعلیم دینے والے ادارے ہیڈ آفس کنزالمدارس بورڈ فیصل آباد کا وزٹ کیا۔

اس دوران ڈائریکٹر اسٹاف ڈاکٹر محمد فاروق کی رکنِ شوریٰ و صدر کنزالمدارس بورڈ مولانا حاجی محمد جنید عطاری مدنی، کنٹرولر امتحانات مولانا محمد اسماعیل عطاری مدنی، کنسلٹنٹ پروفیسر جاوید اسلم باجوہ اور ڈائریکٹر و نصاب پروفیسر محمد طاہر صدیقی سمیت اسٹاف کے دیگر اسلامی بھائیوں سے ملاقات ہوئی۔

ڈائریکٹر اسٹاف ڈاکٹر محمد فاروق کو کنزالمدارس بورڈ کے طریقۂ کار اور کارکردگی کے حوالے سے بریفنگ دی گئی جبکہ انہوں نے کنزالمدارس بورڈ کے مختلف ڈیپارٹمنٹس کا وزٹ کیااور اُن ڈیپارٹمنٹس کے ہیڈ و اسٹاف سے چند اہم امور پر گفتگو کی۔