شعبہ رابطہ برائے شخصیات للبنات دعوتِ اسلامی کے تحت 30 اکتوبر 2023ء  کو ڈویژن بہاولپور میں شخصیات اسلامی بہنوں کے لئے سیکھنے سکھانے کا حلقہ لگایا گیا۔

دورانِ حلقہ صاحبزادیِ عطار سلمہا الغفار نے سنتوں بھرا بیان کیا جس میں انہوں نے حاضرین کی تربیت کے لئے انہیں مدنی پھولوں سے نوازا اور دعوتِ اسلامی کی دینی و فلاحی سرگرمیوں میں اپنا حصہ ملانے کی ترغیب دلائی۔

بعدازاں وہاں موجود اسلامی بہنوں نے صاحبزادیِ عطار سلمہا الغفارسے ملاقات کی سعادت حاصل کی اور دعوتِ اسلامی کے خدمات دین میں مصروفِ عمل مختلف شعبہ جات کے لئے ڈونیشن جمع کروایا نیز دعوتِ اسلامی کےدینی کاموں میں عملی طور پر شرکت کرنے کی نیتیں کیں۔

بہاولپور ڈویژن میں دعوتِ اسلامی کے تحت ہونے والے دینی کاموں کا جائزہ لینے کے لئے  30 اکتوبر 2023ء کو ڈویژن بہاولپور کی تنظیمی ذمہ داران کا ٹریننگ سیشن منعقد ہوا جس میں نگران و شعبہ جات کی ذمہ دار اسلامی بہنوں نے شرکت کی۔

ٹریننگ سیشن کے آغاز میں تلاوت و نعت کے بعد صاحبزادی عطار سلمہا الغفارنے ذمہ دار اسلامی بہنوں کے درمیان سنتوں بھرا بیان کیا اور انہیں خواتین میں دینی کام بڑھانے کے لئے مدنی پھول دیئے جس پر اسلامی بہنوں نے اچھی اچھی نیتیں بھی کیں۔ 

دعوتِ اسلامی کے تحت 29 اکتوبر 2023ء   بروز اتوار بہاولپور ڈویژن میں شعبہ جامعۃ المدینہ گرلز کی فارغ ا لتحصیل طالبات (عالم کورس مکمل کرنے والی اسلامی بہنوں)کے لئے ردا پوشی کی تقریب کا انعقاد ہوا جس میں شخصیات سمیت دیگر اسلامی بہنوں کی کثیر تعداد نے شرکت کی۔

تقریب کے آغاز میں تلاوتِ قراٰن کی گئی اور اسلامی بہن نے حضور صلی اللہ علیہ و سلم کی بارگاہ میں نذرانۂ عقیدت پیش کیا جبکہ مبلغۂ دعوتِ اسلامی نے سنتوں بھرا بیان کیا۔

دورانِ تقریب وہ لمحہ بھی آیا جب امیرِ اہلِ سنت دامت بَرَکَاتُہمُ العالیہکی صاحبزادی نے درسِ نظامی (عالم کورس) مکمل کرنے والی طالبات کی رداپوشی کی (چادریں اوڑھائیں)اور اُن کے درمیان اسناد کی تقسیم کیں۔

بعد نماز ظہر امیرِ اہلِ سنت دامت بَرَکَاتُہمُ العالیہکی صاحبزادی نے شخصیات اسلامی بہنوں سے ملاقات کی اور انہیں دعوتِ اسلامی کی دینی و فلاحی خدمات کے بارے میں بتایا جس پر شخصیات نےخدمات دین کے مختلف شعبہ جات کے لئے دعوتِ اسلامی کوڈونیشن دیئے نیز شخصیات نے دینی کاموں میں عملی طور پر شرکت کی نیتیں کیں۔ 

پچھلے دنوں عاشقانِ رسول کی دینی تحریک دعوتِ اسلامی کے تحت شعبہ رابطہ برائے شخصیات کے وفد نے دینی کاموں کے سلسلے میں کمشنر کوئٹہ ڈویژن حمزہ شفقات سے ملاقات کی۔

وفد میں موجود میں ذمہ دار اسلامی بھائیوں نے کمشنر کوئٹہ کو عالمی سطح پر ہونے والی دعوتِ اسلامی کی دینی و فلاحی خدمات کے بارے میں بتایا جس پر انہوں نے خوشی کا اظہار کیا۔آخر میں ملک و قوم کی سلامتی کے لئے دعا کروائی گئی۔

اس موقع پر وفد میں صوبائی ذمہ دار شعبہ رابطہ برائے شخصیات محمد وقار عطاری ،نگران کوئٹہ ڈویژن مشاورت عرفان رشید عطاری، کوئٹہ کنٹونمنٹ بورڈ کے ٹاؤن نگران حاجی نورالعین عطاری،حاجی افتخار احمد عطاری، حاجی محمد عامر عطاری اور قاضی محمد مشتاق عطاری بھی موجودتھے۔(رپورٹ: شعبہ رابطہ برائے شخصیات بلوچستان، کانٹینٹ:غیاث الدین عطاری) 

شعبہ جامعۃُ المدینہ  بوائز دعوتِ اسلامی متصل فیضان مدینہ چوآ چوک ،چکوال میں 7دن پر مشتمل رہائشی اشاروں کی زبان کورس کا انعقاد کیا گیا جس میں جامعۃ المدینہ کے طلبہ کے علاوہ دیگر اسلامی بھائیوں نے اشاروں کی زبان کا کورس کیا۔

تفصیلات کے مطابق کورس میں اشاروں کی زبان میں نعت، بیان،ذکر ،دعا اور اسپیشل پرسنز سے گفتگو کرنے کا طریقہ سکھایا گیا نیز اسپیشل پرسنز کے 12دینی کاموں کا طریقہ بھی سمجھایا گیا جبکہ جامعۃ المدینہ کے طلبہ ٔ کرام نے اسپیشل پرسنز کو نیکی دعوت دینے اور ان میں دینی کام کرنے کی اچھی نیت بھی کی۔(رپورٹ: محمد زبیر عطاری،کانٹینٹ:رمضان رضا عطاری) 

12 نومبر 2023ء  کو لطیف آباد نمبر7 سوشل ویلفیئر کے زیر اہتمام ادارے میں اجتماع غوثیہ کا انعقاد ہوا جس میں حیدرآباد ڈویژن کے مختلف ڈسٹرکٹ اور تحصیلوں سے اسپیشل پرسنز نے اس اجتماع میں شرکت کی۔

رکنِ شوریٰ حاجی قاری محمد ایاز عطاری نے بیان کیا۔اس موقع پر رکن شوریٰ نے اسپیشل پرسنز کو نیک کاموں کی ترغیب دی اور انہیں سلسلہ عالیہ ،قادریہ ،عطاریہ میں بیعت کروایا۔

اس اجتماع کی ترجمانی اشاروں کی زبان میں بھی کی گئی، آخر میں رکن شوریٰ نے دعا کروائی اور اسپیشل پرسنز سے ملاقات کی۔(رپورٹ: محمد وقار عطاری،حیدرآباد، کانٹینٹ:رمضان رضا عطاری)

عاشقانِ رسول کی  دینی تحریک دعوتِ ا سلامی کے شعبہ اصلاح برائے قیدیان و فیضانِ قرآن فاؤنڈیشن کے تحت مدنی مرکز فیضانِ مدینہ اسلام آباد میں 10 نومبر 2023ء بروز جمعہ مدنی مشورہ ہوا ۔

رکن شوریٰ و صدر فیضان قرآن فاؤنڈیشن حاجی وقار المدینہ عطاری نے مجلس اصلاح برائے قیدیان کے نگران مجلس و صوبائی ذمہ داران و ممبران اور فیضان قرآن فاؤنڈیشن کے ذمہ داران کا مدنی مشورہ لیا۔

مدنی مشورے میں رکن شوریٰ نے شعبے کے دینی کاموں کو بڑھانے کے حوالے سے اسلامی بھائیوں کی ذہن سازی کی اور انہیں آئندہ کے لئے اہداف دیئے جس پر انہوں نے اچھی اچھی نیتیں کیں۔) کانٹینٹ:رمضان رضا عطاری)

فیصل آباد    کے علاقہ الفتح ہاوس 20 اے لیاقت ٹاؤن میں حاجی عقیل جامی عطاری کی والدہ مرحومہ کے چہلم پر ایصالِ ثواب اجتماع کا سلسلہ ہوا جس میں سیاسی و سماجی شخصیات، جامعۃالمدینہ کے اساتذہ کرام و ناظمین کے علاوہ دیگر عاشقان رسول و ذمہ دار اسلامی بھائیوں نے شرکت کی ۔

اس میں نگران پاکستان مشاورت حاجی محمد شاہد عطاری کی خصوصی آمدہوئی۔تلاوت و نعت کے بعد نگران پاکستان مشاورت نے وہاں ”والدین کی عظمت“ کے موضوع پر سنتوں بھرا بیان کیا جس میں والدین کی عزت و تکریم کر نے نیز ان کی خدمت کرنے کے حوالے سے مدنی پھول ارشاد فرمائے ۔

آخر میں نگران پاکستان مشاورت نے حاجی عقیل جامی عطاری کی والدہ مرحومہ اور پیارے نبی صلَّی اللہ علیہ واٰلہٖ وسلَّم کی امت کے لئے دعائے مغفرت کروائی۔) کانٹینٹ:رمضان رضا عطاری)

دعوتِ اسلامی کے شعبہ رابطہ  بالعلماء کے تحت نائجیریا سے آئے ہوئے علمائے کرام اسلامی بھائیوں کا حیدرآباد سٹی لطیف آباد کی مختلف مساجد میں جدول کروایا گیا۔

دورانِ جدول جید علمائے کرام مفتی عمر خلجی صاحب، مفتی حماد رضا صاحب، مولانا راشد ازہری صاحب، مفتی شاہد برکاتی صاحب ، مولانا رضوان قادری صاحب ،مفتی نعمان خلیل صاحب اور مولانا زبیر صاحب سمیت دیگر سے ملاقاتیں کروائی گئیں ۔) کانٹینٹ:رمضان رضا عطاری)

14نومبر2023ء  کو لاہور کے علاقے مزنگ میں فیضان آن لائن اکیڈمی گرلز کی نئی برانچ کا افتتاح ہوا۔اس موقع پر فیضان صحابیات بلڈنگ میں ذمہ دار اسلامی بہنوں نے شرکت کی۔

ذمہ دار اسلامی بہنوں کے ساتھ آئے ہوئے محارم کے درمیان سیکھنے سکھانے کے حلقے کا سلسلہ ہوا جس میں نگران مجلس فیضان آن لائن اکیڈمی گرلز سید غلام الیاس عطاری نے مختلف موضوعات پر تربیت کی اور حلقے کے اختتام پر شرکا کی حوصلہ افزائی کے لئے ان میں تحائف بھی تقسیم کئے۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

بڑی گیارہویں شریف کے سلسلے میں بلوچستان کے شہر کوئٹہ کی جامع مسجد میاں اسماعیل میں گزشتہ روز اجتماعِ غوثیہ کا انعقاد کیا گیا جس میں سیّد الطاف شاہ بخاری (چیئرمین لواحقین گرینڈ الائنس بلوچستان)اور سماجی رہنما ملک ظہور بشیر مرغزانی سمیت دیگر شخصیات نے شرکت کی۔

تلاوتِ قراٰن سے اجتماعِ غوثیہ کا آغاز کیا گیا اور نعت خواں اسلامی بھائی نے پیارے آقا صلی اللہ علیہ و سلم کی بارگاہ میں نذرانۂ عقیدت پیش کیا جبکہ مبلغِ دعوتِ اسلامی نے سنتوں بھرا بیان کیا۔

بعد اجتماع سیّد الطاف شاہ بخاری اور ملک ظہور بشیر مرغزانی کی جامع مسجد میاں اسماعیل کے خطیب و صوبائی ذمہ دار شعبہ جامعۃ المدینہ بوائز مولانا شہزاد احمد عطاری مدنی سے ملاقات ہوئی۔(رپورٹ: شعبہ رابطہ برائے شخصیات بلوچستان، کانٹینٹ:غیاث الدین عطاری)

گزشتہ دنوں دارالعلوم صبغت الھدیٰ کے علمائے  کرام کے وفد نےصوبہ سندھ کے شہر حیدرآباد فقیر کے پڑھ میں قائم دعوت اسلامی کے شعبہ فیضان آن لائن اکیڈمی بوائز برانچ کا دارالعلوم صبغت الھدی کے علمائے کرام کے وفد نے وزٹ کیا ۔

اس وفد میں مفتی محمد ایاز سکندری صاحب، مولانا شاہد سکندری صاحب، مولانا حبیب اللہ سکندری صاحب اور مولانا ظفر اللہ سکندری صاحب شامل تھے۔

ڈویژن ذمہ دار مولانا عابد حسین عطاری نے علمائے کرام کو شعبے کا تعارف کروایا اور صوبائی ذمہ دار مولانا محب عطاری مدنی نے علماکو دعوت اسلامی اور امیر اہل سنت دامت برکاتہم العالیہ کی دینی خدمات کے بارے میں معلومات فراہم کیں جس پر علمائے کرام نے ان خدمات کو خوب سراہا اور نیک خواہشات کا اظہار کیا۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)