اسپیشل پرسنز ڈیپارٹمنٹ دعوتِ اسلامی کے تحت 24 اگست 2026ء کو کراچی کے صدر ڈسٹرکٹ، لائنز ایریا ٹاؤن میں نمائش چورنگی کے قریب واقع معذور افراد کے ادارے ڈس ایبلڈ ویلفیئر ایسوسی ایشن (DWA) میں ایک بابرکت اجتماعِ میلاد کا انعقاد کیا گیا اور وہاں موجود معذور افراد سے خصوصی ملاقات کی گئی۔

اس موقع پر اسپیشل پرسنز ڈیپارٹمنٹ کے ڈسٹرکٹ ذمہ دار انس عطاری نے سنتوں بھرا بیان کیا اور محفلِ نعت کا سلسلہ بھی ہوا۔ ڈسٹرکٹ ذمہ دار نے اپنے بیان کے دوران شعبے کا تفصیلی تعارف پیش کیا اور حاجت مند و معذور افراد کی خدمت، نیکی کی دعوت کی اہمیت پر روشنی ڈالتے ہوئے حاضرین کو ہفتہ وار اجتماع میں شرکت کی دعوت پیش کی۔

اس بابرکت اجتماع میں معذور اسلامی بھائیوں اور ادارے کے ایڈمن نے شرکت کی نیزاجتماع میں پاکستان فیزیکل اسپیشل پرسنز کے ذمہ دار خالد محمود عطاری نے بھی خصوصاً شرکت کی اور پروگرام کے آخر میں انہوں نے رقت انگیز دعا کروائی۔(رپورٹ:اسپیشل پرسنز ڈیپارٹمنٹ، کانٹینٹ:غیاث الدین عطاری)