اعلیٰ سطحی وفد کی آمد اور استقبال

دارالمدینہ انٹرنیشنل یونیورسٹی اور دعوتِ اسلامی کے اعلیٰ سطحی وفد نے NRKNA کا دورہ کیا۔ وفد میں بالخصوص نگرانِ مرکزی مجلسِ شوریٰ دعوتِ اسلامی و پیٹرن اِن چیف دارالمدینہ انٹرنیشنل یونیورسٹی مولانا حاجی محمد عمران عطاری موجود تھے جبکہ وفد میں مندرجہ ذیل شخصیات شامل تھیں:

٭حاجی محمد شاہد عطاری (رکنِ شوریٰ و نگرانِ پاکستان مشاورت)٭حاجی جنید عطاری (چانسلر، دارالمدینہ انٹرنیشنل یونیورسٹی) ٭ڈاکٹر دانش اقبال عطاری (وائس چانسلر)٭بریگیڈیئر طاہر نواز عطاری (پرو وائس چانسلر)٭حاجی وقار المدینہ عطاری (رکنِ شوریٰ)۔

NRKNA پہنچنے پر چیئرمین اتھارٹی، ڈاکٹر خورشید احمد ندیم نے وفد کا پرتباک استقبال کیا۔

استقبالیہ کلمات ادا کرتے ہوئے چیئرمین اتھارٹی ڈاکٹر خورشید احمد ندیم نے سیرتِ طیبہ صلی اللہ علیہ وسلم کے فروغ کے لیے دارالمدینہ انٹرنیشنل یونیورسٹی کی کاوشوں کو سراہا۔ انہوں نے کہا کہ معاشرے، بالخصوص بچوں اور نوجوانوں کی درست رہنمائی میں تعلیم بنیادی اہمیت رکھتی ہے۔ انہوں نے اس بات پر زور دیا کہ نئی نسل تک سیرت کا پیغام مؤثر انداز میں پہنچانے کے لیے ان کی ضروریات اور عصری تقاضوں سے ہم آہنگ ذرائع ابلاغ اور طرزِ ابلاغ اختیار کرنا ضروری ہے۔

اتھارٹی کے اقدامات پر بریفنگ

اس دوران ڈائریکٹر اتھارٹی سہیل بن عزیز نے اتھارٹی کے قانونی مینڈیٹ، سیرتِ طیبہ صلی اللہ علیہ وسلم پر تحقیق، کردار سازی، تعلیمی اقدامات اور نوجوانوں سے متعلق اہم سرگرمیوں پر تفصیلی بریفنگ پیش کی۔

نگرانِ شوریٰ مولانا حاجی محمد عمران عطاری کی گفتگو

نگرانِ شوریٰ مولانا حاجی محمد عمران عطاری نے دعوتِ اسلامی اور دارالمدینہ کے مختلف تعلیمی و تربیتی اقدامات سے آراستہ کیا۔ انہوں نے بالخصوص اساتذہ کی پیشہ ورانہ تربیت کی اہمیت پر زور دیتے ہوئے کہا کہ اساتذہ کو اس قابل بنانا ضروری ہے کہ وہ نوجوان نسل کی سیرتِ رسول اکرم صلی اللہ علیہ وسلم کی روشنی میں تعلیم و تربیت اور کردار سازی کر سکیں۔ انہوں نے نیشنل رحمت للعالمین و خاتم النبیین اتھارٹی کے مقاصد اور سرگرمیوں کے لیے اپنے بھرپور تعاون کی یقین دہانی بھی کرائی۔

دستخط کی تقریب اور شرکا

تقریب کے اختتام پر چیئرمین NRKNA ڈاکٹر خورشید احمد ندیم اور وائس چانسلر دارالمدینہ انٹرنیشنل یونیورسٹی ڈاکٹر دانش اقبال عطاری نے مفاہمتی یادداشت پر دستخط کیے۔ اس موقع پر درج ذیل شخصیات بھی موجود تھیں:

٭ظفر محمود ملک (ممبر اتھارٹی) ٭محمد رفیق طاہر (ایڈوائزر) ٭ڈاکٹر محمد ادریس (رکن ایجوکیشن کونسل، دارالمدینہ یونیورسٹی)

مفاہمتی یادداشت کے بنیادی اہداف

یہ مفاہمتی یادداشت دونوں اداروں کے مابین سیرتِ طیبہ صلی اللہ علیہ وسلم کی تعلیم و تحقیق، اساتذہ کی تربیت، کردار سازی اور نوجوان نسل کی فکری و اخلاقی رہنمائی کے لیے مشترکہ اقدامات کو آگے بڑھانے کی مضبوط بنیاد فراہم کرے گی۔(رپورٹ: ابراراحمد عطاری کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

عالمی سطح کی دینی تحریک دعوتِ اسلامی نے سندھ کے شہر میرپورخاص کے عاشقانِ رسول کے لیے عظیم الشان ”اجتماعِ غوثیہ“ کے انعقاد کا اعلان کیا ہے۔انشاء اللہ الکریم یہ عظیم الشان اجتماع 23 ستمبر 2026ء بروز بدھ مہاجر کالونی گراؤنڈ میرپورخاص میں منعقد ہوگا۔

پروگرام کے شیڈول کے مطابق اجتماع کا باقاعدہ آغاز رات 9:30 بجے تلاوتِ قرآن و نعت شریف سے ہوگا جس کے بعد رات تقریباً 11:00 بجے خلیفۂ امیرِ اہلسنت حضرت مولانا حاجی عبید رضا عطاری مدنی مدظلہ العالی کا خصوصی بیان ہوگا۔

عالمی سطح کی دینی تحریک دعوتِ اسلامی نے سندھ کے شہر میرپورخاص کے عاشقانِ رسول کے لیے عظیم الشان ”اجتماعِ غوثیہ“ کے انعقاد کا اعلان کیا ہے۔انشاء اللہ الکریم یہ عظیم الشان اجتماع 23 ستمبر 2026ء بروز بدھ مہاجر کالونی گراؤنڈ میرپورخاص میں منعقد ہوگا۔

پروگرام کے شیڈول کے مطابق اجتماع کا باقاعدہ آغاز رات 9:30 بجے تلاوتِ قرآن و نعت شریف سے ہوگا جس کے بعد رات تقریباً 11:00 بجے خلیفۂ امیرِ اہلسنت حضرت مولانا حاجی عبید رضا عطاری مدنی مدظلہ العالی کا خصوصی بیان ہوگا۔

اس عظیم الشان اجتماع کو مدنی چینل پر براہِ راست (LIVE) نشر کیا جائے گا جبکہ سوشل میڈیا پر یوٹیوب (MAULANAUBAIDRAZAATTARI) اور فیس بک (UBAIDRAZAJA) کے آفیشل پیجز کے ذریعے بھی لائیو کوریج کا حصہ بنا جاسکتا ہے ۔

دعوتِ اسلامی کے شعبہ عشر کے زیرِ اہتمام لاہور کے علاقے کینٹ ڈسٹرکٹ (برکی، واہگہ ٹاؤن) میں ایک عظیم الشان میلاد اجتماع کا انعقاد کیا گیا جس میں عاشقانِ رسول کی بڑی تعداد نے شرکت کی۔

تلاوتِ قرآن و نعت شریف کے بعد مرکزی مجلسِ شوریٰ کے رکن حاجی یعفور رضا عطاری نے ”اخلاقِ مصطفیٰ صلَّی اللہ علیہ واٰلہٖ وسلَّم“ کے اہم اور ایمان افروز موضوع پر سنتوں بھرا بیان کیا جس میں انہوں نے حضور نبی کریم صلَّی اللہ علیہ واٰلہٖ وسلَّم کے اسوۂ حسنہ اور مبارک اخلاق پر تفصیلی روشنی ڈالی۔

اس عظیم الشان میلاد اجتماع میں مختلف شعبہ ہائے زندگی سے تعلق رکھنے والی اہم شخصیات، اساتذۂ کرام، اسٹوڈنٹس اور بڑی تعداد میں شہریوں نے شرکت کی نیز جامعۃ المدینہ کے طلبۂ کرام و اساتذہ کرام بھی اجتماع میں خصوصی طور پر موجود تھے۔

بڑی گیارہویں شریف کے مبارک موقع پر عاشقانِ رسول کی دینی تحریک دعوتِ اسلامی کے زیرِ اہتمام 11 ربیع الآخر 1448ھ بمطابق 23 ستمبر 2026ء بروز بدھ عالمی مدنی مرکز فیضانِ مدینہ کراچی میں عظیم الشان ”اجتماعِ غوثیہ“ کا انعقاد کیا جا رہا ہے۔

اجتماع کا باقاعدہ آغاز بدھ کی رات تقریباً 8:45 بجے ہوگا جس میں بالخصوص شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ کا خصوصی بیان اور مدنی مذاکرہ شامل ہے۔

اس پروگرام میں عاشقانِ رسول کی بڑی تعداد شرکت کرے گی جبکہ فیضانِ مدینہ کراچی میں منعقد ہونے والے اس ”اجتماعِ غوثیہ“ کی تمام ایکٹیویٹیز مدنی چینل پر براہِ راست (Live) نشر کی جائیں گی۔

دنیا بھر کے عاشقانِ رسول مدنی چینل کے علاوہ سوشل میڈیا کے مختلف پلیٹ فارمز کے ذریعے بھی اس مدنی مذاکرے اور بیان میں آن لائن شرکت کر سکیں گے۔

دعوتِ اسلامی کے تعلیمی نیٹ ورک ”ایجوکیشن کونسل“ کے زیرِ انتظام 09 ستمبر 2026ء کو ”میلاد اجتماع و ایوارڈ ڈسٹری بیوشن سیریمنی 2026ء“ کا انعقاد کیا گیا۔ جناح کنونشن سینٹر،اسلام آباد میں منعقد ہونے والی تقریب کا بنیادی مقصد میلادِ مصطفیٰ صلی اللہ علیہ وسلم کی برکتیں سمیٹنا اور دعوتِ اسلامی کے مختلف تعلیمی اداروں بشمول کنزالمدارس بورڈ اور دارُالمدینہ انٹرنیشنل اسلامک اسکول سسٹم کے Position Holders اور High achievers اسٹوڈنٹس کی حوصلہ افزائی کرنا تھا۔

دعوتِ اسلامی جہاں مختلف شعبہ ہائے زندگی میں دینی و فلاحی خدمات سرانجام دے رہی ہے، وہیں Pre-primary سے لے کر Higher Education تک کا ایک مکمل تعلیمی Ecosystem قائم کر چکی ہے جو ”ایجوکیشن کونسل آف دعوتِ اسلامی“کے تحت فعال ہے۔

پروگرام میں مختلف سیاسی و سماجی شخصیات، مدارس اہلسنت کے علمائے کرام، جامعۃالمدینہ، مدرسۃ المدینہ، دار المدینہ اسکول ، کالج اینڈ یونیورسٹی کے ٹیچرز، پروفیسرز، لیکچرار اور اسٹوڈنٹس سمیت طلبہ کے سرپرست اور کثیرتعداد میں عاشقانِ رسول شریک ہوئے۔

تقریب کا باقاعدہ آغاز تلاوتِ قرآنِ مجید سے ہوا جس کی سعادت کنز المدارس بورڈ پاکستان سے حسنِ قرأت Competition میں پہلی پوزیشن حاصل کرنے والے طالب علم محمد زبیر ندیم (مدرسۃ المدینہ فضلِ محمدی، فیض آباد) نے حاصل کی۔ تلاوت کے بعد بارگاہِ رسالت صلی اللہ علیہ وسلم میں نذرانہٴ عقیدت پیش کرنے کے لیے دارالمدینہ انٹرنیشنل یونیورسٹی (BS in Islamic Banking and Finance) کے اسٹوڈنٹس عبدالحسیب عطاری کو مدعو کیا گیا جنہوں نے اعلیٰ حضرت امام احمد رضا خان علیہ الرحمہ کا مشہور کلام ”ان کی مہک نے دل کے غنچے کھلا دیے ہیں“انتہائی خوش الحانی سے پیش کیا۔

میلاد مصطفےٰ صلَّی اللہ علیہ واٰلہٖ وسلَّم اور تفقہ فی الدین کی اہمیت: مفتی محمد قاسم عطاری کا فکر انگیز بیان

رئیس دارُالافتاء اہل سنت شیخ الحدیث والتفسیر مفتی محمد قاسم عطاری مُدَّ ظِلُّہُ العالی نے ” میلاد مصطفےٰ صلَّی اللہ علیہ واٰلہٖ وسلَّم اور تفقہ فی الدین کی اہمیت “ کے موضوع پر سنتوں بھرا بیان کیا، مفتی صاحب نے اپنے علمی و روحانی بیان کی شروعات فرمانِ مصطفیٰ صلَّی اللہ علیہ واٰلہٖ وسلَّم ”زینوا مجالسکم بالصلوة علی“ (اپنی مجلسوں کو مجھ پر درود پڑھ کر سجایا کرو) سے کی۔

مفتی قاسم عطاری نے میلاد مصطفےٰ صلَّی اللہ علیہ واٰلہٖ وسلَّم پر گفتگو کرتے ہوئے فرمایا کہ آپ صلَّی اللہ علیہ واٰلہٖ وسلَّم وہ عظیم ہستی ہیں جن کی آمد کے لیے حضرت ابراہیم علیہ السلام نے خانہ کعبہ کی تعمیر کے بعد دعا فرمائی اور حضرت عیسیٰ علیہ السلام نے اپنی قوم کو احمد مجتبیٰ صلَّی اللہ علیہ واٰلہٖ وسلَّم کی آمد کی بشارت دی، نیز قرآنِ کریم میں اللہ تعالٰی نے آپ صلَّی اللہ علیہ واٰلہٖ وسلَّم کو نور، برہان اور رحمت للعالمین بنا کر بھیجنے کا ذکر فرمایا۔

آپ نے بیان کو جاری رکھتے ہوئے فرمایا کہ حضور صلَّی اللہ علیہ واٰلہٖ وسلَّم اللہ کے آخری نبی ہیں۔ نبوت کا سلسلہ ختم ہو گیا لیکن قیامت تک اسلام، شریعت اور احکامِ الٰہی کا جاری رہنا ضروری ہے۔ اس بقا اور ترویج کے لیے اللہ پاک نے علمائے کرام اور اہلِ علم کو انبیاء کا وارث بنایا تاکہ وہ امت تک دین کا علم اور تربیت پہنچائیں۔ نبی اکرم صلَّی اللہ علیہ واٰلہٖ وسلَّم صرف معلومات دینے والے نہیں بلکہ معلمِ اعظم اور تزکیہ فرمانے والے تھے۔ آپ صلَّی اللہ علیہ واٰلہٖ وسلَّم نے صحابہ کرام رضی اللہُ عنہ کی ایسی تربیت فرمائی کہ جن کی زندگیوں کا مقصد صرف رضائے الٰہی بن گیا۔ دین کا بنیادی علم (عقائد، نماز، روزہ، حلال و حرام) حاصل کرنا ہر مسلمان پر فرضِ عین ہے، جبکہ دین کی گہری سمجھ (تفقہ فی الدین) حاصل کرنا فرضِ کفایہ ہے جس کے لیے ہر دور میں ایک مخصوص گروہ کا نکلنا ضروری ہے۔

علم دین کی اہمیت پر گفتگو کرتے ہوئے مفتی صاحب نے مزید کہا کہ اصحابِ صفہ، صحابہ کرام رضی اللہُ عنہ ، تابعین اور ائمہ مجتہدین (امام اعظم، امام مالک، امام شافعی، امام احمد بن حنبل) اور محدیثین نے علمِ دین کو دنیا بھر میں پھیلایا۔ دینی مسائل، عقائد کی حفاظت، نکاح و طلاق اور شرعی راہنمائی کے لیے مدارس اور جامعات کی وجودیت ناگزیر ہے۔

دعوت اسلامی کی تعلیمی و تربیتی خدمات پر کلام کرتے ہوئے مفتی قاسم عطاری نے کہا کہ امیرِ اہل سنت مولانا محمد الیاس عطار قادری دامت برکاتہم العالیہ کی سرپرستی میں دعوتِ اسلامی قرآنی و نبوی فیضان کو آگے بڑھا رہی ہے، مدارس المدینہ میں لاکھوں بچے قرآنی آیات کی تلاوت و حفظِ قرآن کر رہے ہیں۔ جامعات المدینہ میں کتاب و حکمت، قرآن و حدیث، فقہ اور صرف و نحو کی تعلیم دی جارہی ہے۔ دیگر شعبہ جات و اجتماعات کے ذریعے امت کے تزکیہ، اصلاح اور نیکی کی دعوت کا فر یضہ سر انجام دیا جارہا ہے۔

تقریب میں انعامات کی تقسیم کاری پر مفتی صاحب کا کہنا تھا کہ پوزیشن ہولڈرز اسٹوڈنٹس کو ایوارڈز اور انعامات دینا دراصل نبی اکرم صلَّی اللہ علیہ واٰلہٖ وسلَّم کی اس وصیت پر عمل ہے جس میں آپ صلَّی اللہ علیہ واٰلہٖ وسلَّم نے دور دراز سے علم سیکھنے آنے والوں کی تکریم اور اکرام کا حکم فرمایا تھا۔

امانت داری اور کردار سازی: نگرانِ شوریٰ حاجی محمد عمران عطاری کا سنتوں بھرا بیان

جناح کنونشن سینٹر میں ہونے والی تقریب میں دعوتِ اسلامی کی مرکزی مجلس شوریٰ کے نگران شوریٰ مولانا حاجی محمد عمران عطاری مُدَّ ظِلُّہُ العالی نے” امانت داری اور کردار سازی “ کے موضوع پر سنتوں بھرا بیان کیا۔

امانت داری کا شرعی و اخلاقی تصور پر گفتگو کرتے ہوئے نگران شوریٰ نےحضرت عمر فاروق رضی اللہ عنہ اور ایک چرواہے کا واقعہ بیان کیا جس میں چرواہے نے مالک کی عدم موجودگی میں بھی خوفِ خدا کا مظاہرہ کرتے ہوئے بکری بیچنے سے انکار کر دیا کہ ”میرا رب تو مجھے دیکھ رہا ہے“۔ ہر وہ حق جس کی حفاظت اور ادائیگی لازمی ہو، امانت کہلاتاہے۔ اس میں شرعی امانتیں (اللہ کے حقوق) اور بندوں کے حقوق (Human Rights) دونوں شامل ہیں۔ رسول اللہ صلَّی اللہ علیہ واٰلہٖ وسلَّم دشمنوں کے درمیان بھی ”امین“ کے طور پر مشہور تھے، حتیٰ کہ ہجرت کی رات حضرت علی رضی اللہ عنہ کو کفار کی امانتیں لوٹانے کی ذمہ داری سونپی۔ حدیثِ پاک کی روشنی میں واضح کیا گیا کہ امانت میں خیانت کرنے والے کا ایمان کامل نہیں ہوتا اور جھوٹ، وعدہ خلافی و خیانت منافق کی علامتیں ہیں۔

تعلیمی نظام میں ”تربیت اور کردار سازی“ پر کلام کرتے ہوئے حاجی عمران عطاری نے کہا کہ موجودہ تعلیمی نظام صرف ڈگری، نوکری اور پیسہ کمانے تک محدود ہو کر رہ گیا ہے جبکہ اس میں سے اخلاق، حیا، امانت داری اور خوفِ خدا کا عنصر غائب ہے۔ اگر ایک شخص ڈاکٹر، وکیل، انجینئر یا حکمران بن جائے لیکن اس کے اندر رحم دلی، عدل، دیانت داری اور خوفِ خدا نہ ہو، تو وہ معاشرے کے لیے نفع بخش کے بجائے تباہی کا باعث بنتا ہے۔ تعلیمی اداروں میں نشہ، بے حیائی اور بدعنوانی کو روکنے کے لیے اساتذہ کی بنیادی اخلاقی و دینی تربیت کی ضرورت ہے۔

اقتدار، عہدہ اور عوامی خدمت پر نگران شوریٰ کا کہنا تھا کہ کسی بھی ادارے یا حکومت میں ذمہ داری یا عہدہ ملنا ایک سخت آزمائش ہے۔ حدیث کے مطابق جو حاکم اپنی رعایا کے حقوق غصب کرتے ہوئے مرے، اس پر جنت حرام کر دی جاتی ہے۔ حضرت عمر بن عبدالعزیز رحمۃُ اللہِ علیہ کا خلیفہ بننے پر اپ کے رو پڑنے کا واقعہ نقل کیا گیا کہ وہ امت کی ذمہ داری اور بروزِ قیامت اللہ کی بارگاہ میں جواب دہی کے خوف سے کانپ اٹھے تھے۔

دعوت اسلامی کے دینی و تعلیمی خدمات کا تعارف پیش کرتے ہوئے حاجی عمران عطاری نے فرمایا کہ دعوتِ اسلامی مشاورت، اصلاح اور ”مسجد بھرو تحریک“پر یقین رکھتی ہے تاکہ معاشرے سے جرائم کا خاتمہ ہو اور جیلیں خود بخود خالی ہو جائیں۔ 02 ستمبر 2026ء کو دعوتِ اسلامی کے 45 سال مکمل ہونے کے موقع پر یہ سفر دنیا کے 190 سے زائد ممالک تک پھیل چکا ہے۔ 7,000 سے زائد مساجد، 24,000 سے زائد مدرسۃ المدینہ (حفظ و ناظرہ)، اور 1,500 سے زائد جامعۃ المدینہ (درسِ نظامی) قائم ہیں۔ ان شاء اللہ اگلے 7 سالوں میں دعوتِ اسلامی سالانہ 12,000 علماء فارغ التحصیل کرنے کا ہدف رکھتی ہے۔ ”دارالمدینہ اور کنز المدارس بورڈ“ ان تمام اداروں (اسکولنگ، کالج اور یونیورسٹی) کا بنیادی مقصد دنیاوی تعلیم کے ساتھ ساتھ خوفِ خدا، عشقِ رسول، امانت داری اور حیا پر مبنی کردار سازی (Character Building) کرنا ہے۔

Documentary ویڈیو:

Documentary میں ایجوکیشن کونسل آف دعوت ِاسلامی کے چلنے والے تعلیمی و تحقیقی ادارے کے بارے میں معلومات فراہم کی گئی، چند معلومات ملاحظہ کیجئے:

٭ بورڈ آف سیکنڈری اینڈ ہائر سیکنڈری ایجوکیشن: دارالمدینہ اور فیضان اسلامک اسکول سسٹم (310+ برانچز، 52,000+ طلبہ، میٹرک 92% اوورال رزلٹ، O/A لیولز اور آن لائن اسکولنگ)۔

٭بورڈ آف اسلامک ایجوکیشن (کنز المدارس بورڈ):جامعۃالمدینہ، مدرسۃ المدینہ، فیضان آن لائن اکیڈمی جدید علوم (سوشل سائنسز، کمپیوٹر، لینگویجز) کا دینی علوم کے ساتھ امتزاج۔ 7 لاکھ سے زائد فارغ التحصیل اور ساڑھے 5 لاکھ سے زائد زیرِ تعلیم اسٹوڈنٹس۔

٭بورڈ آف ہائر ایجوکیشن: دارالمدینہ انٹرنیشنل یونیورسٹی (HEC سے منظور شدہ، جامعہ الازہر مصر اور جامعہ الامام الاعظم عراق سے علمی اشتراک)۔

٭تحقیقی و اشاعتی ڈپارٹمنٹس: مرکزِ خدمتِ حدیث شریف، دارالافتاء اہل سنت، اسلامک اکنامک سینٹر، شعبہ فقہ الحلال، اور اسلامک ریسرچ سینٹر (2,000+ کتب و رسائل، 40+ زبانوں میں تراجم، 18+ زبانوں میں ترجمہ قرآن)۔

Award Distribution:

تمام مراحل کے بعد کنز المدارس بورڈ کے تحت 2026ء تک مختلف سطح پر ہونے والے امتحات میں حصہ لے کر نمایاں پوزیشن لینے والے اسٹوڈنٹس، اکیڈمک ایجوکیشن بورڈ کے پوزیشن ہولڈرز، کنز المدارس بورڈ میں عمدہ کارکردگی کے حامل ممبران اور مختصر دنوں میں حفظ قرآن مکمل کرنے والے طلبہ میں Appreciation letter اور ایوارڈ تقسیم کئے گئے۔

ایوارڈ تقسیم کرنے والی شخصیات:

شیخ الحدیث والتفسیرمفتی محمد قاسم عطاری ، نگران شوریٰ مولانا حاجی محمد عمران عطاری ، مفتی کفیل عطاری مدنی ، نگران پاکستان مشاورت حاجی محمد شاہد عطاری، اراکین شوریٰ حاجی محمد اسلم عطاری،مولانا حاجی عقیل عطاری مدنی، حاجی یعفور رضا عطاری، حاجی محمد اظہر عطاری، حاجی منصور عطاری، مولانا حاجی جنید عطاری مدنی، کنز المدارس بورڈ، دار المدینہ یونیورسٹی، جامعۃالمدینہ و مدرسۃ المدینہ کے سینئر عہدیداران اور پروفیسرزنے Position Holders طلبہ میں Awardتقسیم کئے۔

اختتامی مراحل:

تقریب کے اختتام پرتمام حاضرین نے حب الوطنی میں کھڑے ہوکر قومی ترانہ پڑھا ، بعد ازاں شرکا نے بارگاہِ رسالت مآب صلَّی اللہ علیہ واٰلہٖ وسلَّم نے صلوۃ و سلام کا نذرانہ پیش کیا۔آخر میں نگرانِ شوریٰ مولانا حاجی عمران عطاری نے اختتامی دعا میں وطنِ عزیز کی سلامتی، استحکام اور امتِ مسلمہ بالخصوص فلسطین کے مظلوموں کے لیے غیبی مدد کی التجا کی۔

کنز المدارس بورڈ پاکستان کے تحت 2025ء تا 2026 مختلف شعبہ جات میں نمایاں پوزیشن حاصل کرنے والے اسٹوڈنٹس کے نام ملاحظہ کیجئے:

ادب انسان کی عظمت کا باعث ہے جبکہ بے ادبی محرومی اور نقصان کا سبب بنتی ہے۔ عاشقانِ رسول کی ذہن سازی کرنے اور انہیں بے ادبی سے بچانے کے لیے امیرِ اہلِ سنت بانیِ دعوتِ اسلامی حضرت علامہ مولانا ابوبلال محمد الیاس عطار قادری رضوی ضیائی دامت برکاتہم العالیہ نے اس ہفتے 16 صفحات کا رسالہ ”بے ادبی کی سزا“ پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے نوازا ہے۔

دعائے عطار

یااللہ پاک! جوکوئی 16 صفحات کا رسالہ ”بے ادبی کی سزا“ پڑھ یا سُن لے اُس کو اور اس کی آنے والی نسلوں کو اولیائے کرام کی بےادبی اور بےادبوں کے شَر سے محفوظ فرما اور اس کو ماں باپ اور خاندان سمیت بےحسا ب بخش دے۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

بنگلہ دیش کے شہر چٹاگانگ (Chattogram, Bangladesh) میں دعوتِ اسلامی کے تحت ایک اہم ”مدنی مذاکرہ اجتماع “کا انعقاد کیا گیا جس میں خلیفہ امیرِ اہلسنت حضرت مولانا حاجی عبید رضا عطاری مدنی مدظلہ العالی نے خصوصاً شرکت فرمائی اور وہاں موجود تمام عاشقانِ رسول کے ساتھ مل کر ہفتہ وار مدنی مذاکرہ دیکھا۔

اس ”مدنی مذاکرہ اجتماع “میں مختلف شعبہ ہائے زندگی سے تعلق رکھنے والی شخصیات سمیت اہم تنظیمی و تعلیمی ذمہ داران نے بڑی تعداد میں شرکت کی۔اجتماع میں ملک سطح، سٹی سطح اور ڈویژن سطح کے اہم ذمہ داران موجود تھے۔ان کے علاوہ مختلف شعبہ ہائے زندگی سے تعلق رکھنے والے بزنس مینز، ٹیچرز اور اسٹوڈنٹس نے بھی شرکت کی۔نیز مدرسۃ المدینہ بوائز و جامعۃ المدینہ بوائز کے طلبہ کرام، اساتذہ کرام اور قاری صاحبان بھی اس موقع پر کثیر تعداد میں موجود تھے۔

دعوتِ اسلامی کے زیرِ اہتمام 4 ستمبر 2026ء کو بنگلہ دیش کے دارالحکومت ڈھاکہ کے علاقے محمد پور (Mohammadpur, Dhaka, Bangladesh) میں ایک عظیم الشان ” اجتماعِ میلاد “ کا انعقاد کیا گیا۔

اس روح پرور اجتماع کا باقاعدہ آغاز تلاوتِ قرآنِ پاک سے ہوا جس کے بعد بارگاہِ رسالت مآب صلی اللہ علیہ وسلم میں عقیدت و احترام کے ساتھ نعتِ پاک کا نذرانہ پیش کیا گیا۔

تلاوت و نعت کے بعد خلیفہ امیرِ اہلسنت حضرت مولانا حاجی عبید رضا عطاری مدنی مدظلہ العالی نے سنتوں بھرا بیان فرمایا۔ بیان کے دوران انہوں نے عاشقانِ رسول کی دینی و اخلاقی تربیت اور رہنمائی کرتے ہوئے حضور علیہ الصلوٰۃ والسلام کی ولادتِ با سعادت کی مناسبت سے ایمان افروز واقعات بیان کیے۔

خلیفہ امیرِ اہلسنت مدظلہ العالی نے تمام حاضرین کو پیارے آقا صلی اللہ علیہ وسلم اور دینِ اسلام کی تعلیمات کے مطابق اپنی زندگی گزارنے کی ترغیب دلائی ۔ ساتھ ہی خلیفہ امیرِ اہلسنت مدظلہ العالی نے عاشقانِ رسول کو دعوتِ اسلامی کے دینی کاموں میں بڑھ چڑھ کر حصہ لینے اور دینی ماحول سے وابستہ رہنے کی تلقین کی۔

اجتماع کے اختتام پر تمام حاضرین اور عاشقانِ رسول نے خلیفہ امیرِ اہلسنت مولانا حاجی عبید رضا عطاری مدنی مدظلہ العالی سے ملاقات کرنے کی سعادت حاصل کی۔

واضح رہےاس اجتماعِ پاک میں ہزاروں کی تعداد میں عاشقانِ رسول نے شرکت کی جن میں دعوتِ اسلامی کے ذمہ داران اور مختلف شعبہ ہائے زندگی سے تعلق رکھنے والے افراد شامل تھے۔ اس موقع پر مرکزی مجلسِ شوریٰ کے رکن حاجی مبین عطاری کے علاوہ ملک، سٹی اور ڈویژن سطح کے دیگر اہم ذمہ داران موجود تھے۔

عاشقانِ رسول کی دینی تحریک دعوتِ اسلامی کے زیرِ اہتمام 2 ستمبر 2026ء کو بنگلہ دیش کے ضلع برہمن باڑیا (Brahmanbaria, Bangladesh) میں ایک عظیم الشان ” اجتماعِ میلاد “ کا انعقاد کیا گیا۔

اس روح پرور اور سنتوں بھرے اجتماع کا باقاعدہ آغاز تلاوتِ قرآنِ پاک سے کیا گیا جس کے بعد نعت خواں اسلامی بھائیوں نے بارگاہِ رسالت مآب صلی اللہ علیہ وسلم میں عقیدت و احترام کے ساتھ نعت شریف کا نذرانہ پیش کیا۔

تلاوت و نعت کے بعد خلیفہ امیرِ اہلسنت حضرت مولانا حاجی عبید رضا عطاری مدنی مدظلہ العالی نے اجتماع میں موجود عاشقانِ رسول کے درمیان سنتوں بھرا بیان فرمایا جس میں انہوں نے حاضرین کی دینی، اخلاقی اور تنظیمی اعتبار سے تربیت کرتے ہوئے انہیں پیارے آقا علیہ الصلوٰۃ والسلام کی مبارک تعلیمات کے مطابق زندگی گزارنے کی ترغیب دلائی۔ نیز خلیفہ امیرِ اہلسنت مدظلہ العالی نے عاشقانِ رسول کو دعوتِ اسلامی کے دینی ماحول سے ہمیشہ وابستہ رہنے اور دینی کاموں میں بڑھ چڑھ کر حصہ لینے کا ذہن بھی دیا۔

اجتماع میں عاشقانِ رسول کی کثیر تعداد نے شرکت کی جن میں مختلف شعبہ ہائے زندگی سے تعلق رکھنے والے افراد اور تنظیمی ذمہ داران شامل تھے۔ اس موقع پر دعوتِ اسلامی کی مرکزی مجلسِ شوریٰ کے رکن حاجی مبین عطاری اور مختلف سطحوں کے دیگر اہم ذمہ داران بھی موجود تھے۔

” اجتماعِ میلاد “ کے اختتام پر خلیفہ امیرِ اہلسنت مدظلہ العالی نے رقت انگیز دعا کروائی جس کے بعد وہاں موجود عاشقانِ رسول نے اُن سے ملاقات کرنے کی سعادت حاصل کی۔

1 ستمبر 2026ء بروز منگل عاشقانِ رسول کی دینی تحریک دعوتِ اسلامی کے زیرِ اہتمام بنگلہ دیش کے شہر مولوی بازار میں واقع ضلعی پریشد آڈیٹوریم (Zilla Parishad Auditorium, Moulvibazar, Bangladesh) میں ایک عظیم الشان ” اجتماعِ میلاد “ کا انعقاد کیا گیا جس میں کثیر اسلامی بھائی شریک تھے۔

اجتماع کا باقاعدہ آغاز معمول کے مطابق تلاوتِ قرآنِ پاک اور نعتِ رسولِ مقبول صلی اللہ علیہ وسلم سے کیا گیا جبکہ اجتماعِ پاک کی خاص بات خلیفہ امیرِ اہلسنت، حضرت مولانا حاجی عبید رضا عطاری مدنی مدظلہ العالی کی شرکت اور ان کا سنتوں بھرا بیان تھا۔

خلیفہ امیرِ اہلسنت مدظلہ العالی نے اپنے بیان میں حاضرین کے درمیان ولادتِ مصطفیٰ صلی اللہ علیہ وسلم کے ایمان افروز واقعات تفصیلاً بیان کیے اور انہیں مختلف مدنی پھولوں سے نوازا۔

اس موقع پر دعوتِ اسلامی کی مرکزی مجلسِ شوریٰ کے رکن حاجی مبین عطاری کے علاوہ دیگر اہم و اعلیٰ سطح کے ذمہ داران( جن میں ملک، ڈویژن اور سٹی سطح کے ذمہ داران شامل تھے) نے شرکت کی نیز ان کے ساتھ کثیر تعداد میں عاشقانِ رسول نے بھی اس بابرکت اجتماع میں شرکت کی سعادت حاصل کی۔

اجتماع کے اختتام پر خصوصاً دعا کی گئی جس کے بعد عاشقانِ رسول نے خلیفہ امیرِ اہلسنت مولانا حاجی عبید رضا عطاری مدنی مدظلہ العالی سے ملاقات بھی کی۔

بنگلہ دیش کے شہر سلہٹ (Sylhet) کی معروف چیلا خیل سینٹرل جامع مسجد میں 31 اگست 2026ء کو ایک عظیم الشان اجتماعِ میلاد کا انعقاد کیا گیا، جس میں عاشقانِ رسول کی بڑی تعداد نے شرکت کی۔

اس بابرکت اجتماع میں خلیفہ امیرِ اہلسنت حضرت مولانا حاجی عبید رضا عطاری مدنی مدظلہ العالی کی خصوصی شرکت ہوئی جنہوں نے تلاوت و نعت کے بعد سنتوں بھرا بیان کیا۔

خلیفہ امیرِ اہلسنت مدظلہ العالی نے اپنے بیان کے دوران حاضرین کی دینی و اخلاقی اور تنظیمی اعتبار سے تربیت کی اور انہیں اہم مدنی پھولوں سے نوازا نیز تمام عاشقانِ رسول کو دعوتِ اسلامی کے دینی و فلاحی کاموں میں بڑھ چڑھ کر حصہ لینے کی ترغیب بھی دلائی۔

اس موقع پر دعوتِ اسلامی کی مرکزی مجلسِ شوریٰ کے رکن حاجی مبین عطاری کے علاوہ ملکی و شہری سطح کے دیگر اہم ذمہ داران بھی موجود تھے۔

اجتماع کے اختتام پر عاشقانِ رسول نے دینِ اسلام کی خدمت کے لیے اچھی اچھی نیتوں کا اظہار کیا اور خلیفہ امیرِ اہلسنت مدظلہ العالی سے ملاقات کرنے کی سعادت حاصل کی۔