4 اکتوبر 2023ء کو دعوت اسلامی کے  شعبہ رابطہ برائے شخصیات کی طرف سے سیالکوٹ میں ڈویژن ذمہ دار سفیان عطاری (گجرانوالہ ) نے سرکاری افسران (ایڈیشنل ڈپٹی کمشنر اسد کاظمی،اسسٹنٹ کمشنر غلام سرور،ایڈیشنل ڈپٹی کمشنر فنانس حافظ ظہیر،ریجنل آفیسر 1122 سید عابد کمال،ایس پی انویسٹی گیشن ضیاءُ اللہ،ایس پی ایڈیشنل ملک نوید،ڈی ایس پی لیگل صہیب،ایس ایچ او تھانہ حاجی پورہ عادل باجوہ،سیکیورٹی انچاچ اکرام اور پی ایس او ڈی پی او انسپکٹر خرم شہزاد )سے ملاقاتیں کیں۔

دورانِ ملاقات اجتماع میلاد و جلوس میلاد پر ڈسٹرکٹ میں تعاون کرنے پر شکریہ ادا کیا اور اداروں میں محافلِ میلاد کروانے کا طے کیا نیزانہیں مکتبۃ المدینہ کی مطبوعہ کتاب تحفے میں دی جس پر انہوں اچھے جذبات کا اظہار کیا۔ (رپورٹ: شہزاد عطاری آفس ذمہ دار صوبہ پنجاب،کانٹینٹ:رمضان رضا عطاری)

دعوت اسلامی کے شعبہ رابطہ  برائے شخصیات کے تحت 4 اکتوبر 2023ء کو واپڈا آفس ڈسٹرکٹ حافظ آباد میں اجتماع میلاد کا سلسلہ ہوا جس میں ایکسین واپڈا حافظ آباد ذوالفقار جوئیہ ، سب ڈویژن و ریونیو افسران اور ان کے عملے نے شرکت کی۔

اجتماع میلاد میں نگران ڈسٹرکٹ مشاورت محمد وسیم عطاری نے 12 ربیع الاول کی مناسبت سے واقعات بیان کئے جس میں افسران کو پیارے آقا صلی اللہ علیہ و سلم کی سیرتِ طیبہ کے مطابق اپنی زندگی کے شب وروز گزارنے کا ذہن دیا ۔(رپورٹ:شعبہ رابطہ برائے شخصیات صوبہ پنجاب شہزاد عطاری آفس ذمہ دار،کانٹینٹ:رمضان رضا عطاری)

4 اکتوبر 2023ء  کوشعبہ رابطہ برائے شخصیات دعوت اسلامی کے تحت تحصیل بھیرہ میں تحصیل ذمہ دار محمد عدنان عطاری نے ذمہ داراسلامی بھائی کے ہمراہ ڈی ایس پی بھیرہ شریف چوہدری فیاض احمد سے ملاقات کی ۔

دورانِ ملاقات محمد عدنان عطاری نے اجتماعات میلاد و جلوس میلاد پر سیکیورٹی فراہم کرنے پر چوہدری فیاض احمد کا شکریہ ادا کیا اور انہیں مکتبۃ المدینہ کی مطبوعہ کتاب تحفے میں دی۔ (رپورٹ:شعبہ رابطہ برائے شخصیات صوبہ پنجاب شہزاد عطاری آفس ذمہ دار،کانٹینٹ:رمضان رضا عطاری)

عاشقانِ رسول  کی دینی تحریک دعوت اسلامی کے شعبہ رابطہ برائے شخصیات کی جانب سے 4 اکتوبر 2023ء کو تحصیل نور پور تھل ڈسٹرکٹ بھکر میں اجتماع میلاد منعقد کیا گیا جس میں اسسٹنٹ کمشنر محمد سعد بن خالد، تحصیل دار ملک ریاض خان، نائب تحصیل دار رانا محمد یوسف، ایس ایچ او تھانہ سمیت دیگر سیاسی و سماجی شخصیات نے شرکت کی۔

اجتماع میلاد میں مولانا بابر عطاری مدنی نے 12 ربیع الاول کی مناسبت سے چند واقعات بتائے اور شخصیات کو پیارے آقا صلی اللہ علیہ و سلم کی سیرتِ طیبہ کے مطابق اپنی زندگی گزارنے کا ذہن دیا جس پر انہوں نے اچھی اچھی نیتیں کیں۔

٭دعا کے بعد اے سی صاحب کے دفتر میں ملاقات کا سلسلہ ہوا جہاں دعوت اسلامی کے حوالے سے تفصیلی گفتگو ہوئی۔آخر میں ذمہ داران نے انہیں ہفتہ وار اجتماع میں شرکت اور دینی کاموں میں حصہ لینے کی دعوت دی ۔(رپورٹ:شعبہ رابطہ برائے شخصیات صوبہ پنجاب شہزاد عطاری آفس ذمہ دار،کانٹینٹ:رمضان رضا عطاری)

شعبہ رابطہ برائے شخصیات دعوت اسلامی کے زیرِ اہتمام4 اکتوبر 2023ء کو بھکر ڈسٹرکٹ دریا خان  میں قائم اسسٹنٹ کمشنر آفس میں اجتماع میلاد کاانعقاد ہوا جس میں اسسٹنٹ کمشنر ذیشان شریف قیصرانی، تحصیل دریا خان کے حلقہ افسران، ریونیو افسران اور وہاں موجود دیگر اسٹاف نے شرکت کی۔

ڈسٹرکٹ ذمہ دار پروفیسر عبد المجید عطاری نے ’’سیرت ِ مصطفی صلَّی اللہ علیہ واٰلہٖ وسلَّم‘‘ کے موضوع پر بیان کیاجس میں نبی کریم صلَّی اللہ علیہ واٰلہٖ وسلَّم کی سیرت کےمختلف پہلوؤں کے بارے میں بتایا نیز حاضرینِ محفل کو دعوت اسلامی کےدینی ماحول سے وابستہ ہونے کا ذہن دیا اور دعا کروائی جس پر شرکا نے اچھی اچھی نیتیں کیں۔(رپورٹ: شہزاد عطاری آفس ذمہ دار صوبہ پنجاب،کانٹینٹ:رمضان رضا عطاری)

آج کے پُرفتن دور میں سائنس نے بہت زیادہ ترقی کرلی ہے ، جہاں اس کی ٹیکنالوجی سے لوگوں کو فائدہ پہنچ رہا ہے وہیں اس کے کئی عقائد و نظریات ایسے بھی ہیں جو کلام اللہ اور اسلامی تعلیمات کے خلاف ہے۔

سائنس کی منفی چیزوں سے بچنے اور اسلام کی سہی تعلیمات عاشقان رسول تک پہچانے کے لئےجانشین امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے اس ہفتے 15 صفحات کا رسالہ ”امیر اہلسنت سے سائنس کے بارے میں 10 سوال جواب“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے خلیفہ امیر اہلسنت

یاربَّ المصطفٰے! جو کوئی 15 صفحات کا رسالہ ”امیر اہلسنت سے سائنس کے بارے میں 10 سوال جواب“ پڑھ یا سُن لے اُسے خلاف شرع کاموں سے بچا اور اس کی والدین سمیت بے حساب مغفرت فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

ماہِ ربیع الاول  میں عالمی مدنی مرکز فیضانِ مدینہ کراچی میں 12 ویں شریف کے مدنی مذاکروں میں انڈونیشیا سے آئے ہوئے اسلامی بھائیو ں نےامیر اہلِ سنت دامت برکاتہم العالیہ کی ترغیب پر 3 اکتوبر 2023ء کو 3دن کے مدنی قافلے میں ملتان کا سفر کیا ۔

انڈونیشین اسلامی بھائیوں نے ذمہ دارانِ دعوت اسلامی کے ہمراہ مدینۃ ُالاولیا ملتان شریف میں درس و بیان کیا اور شخصیات سے ملاقاتیں کر کے انہیں نیکی کی دعوت دی نیز غوث بہاءالحق زکریا ملتانی اور شاہ رکن الدین عالم رحمھما اللہ کے مزار شریف پرحاضری دی۔(رپورٹ: شہزاد عطاری آفس ذمہ دار صوبہ پنجاب،کانٹینٹ:رمضان رضا عطاری)

دنیا بھر میں  دینی کام کرنے والی عاشقانِ رسول کی دینی تحریک دعوتِ اسلامی کے زیرِ اہتمام 4 اکتوبر 2023ء کو لودھراں میں شعبہ رابطہ برائے شخصیات کے ذمہ داران نے اعلیٰ پولیس حکام سے ملاقات کی ۔

معلومات کے مطابق ملتان ڈویژن شعبہ رابطہ برائے شخصیات کے ذمہ دار فدا عطاری نے ڈی ایس پی ٹریفک چوہدری مختیار احمد کا ضلع بھرمیں جلوس میلاد کے موقع پر ٹریفک پولیس کے تعاون پر شکریہ ادا کیا نیز انہیں ہفتہ وار اجتماع میں شرکت کی دعوت دی اور انہیں مکتبۃ المدینہ کی کتاب تحفے میں پیش کیں۔

٭دوسری جانب فدا عطاری نے ڈسٹرکٹ سیکیورٹی آفیسر چوہدری برکت علی سے بھی ملاقات کی ۔دورانِ ملاقات اجتماعات میلاد و جلوس میلاد پر سیکیورٹی فراہم کرنے پر شکریہ ادا کیا اور انہیں بھی مکتبۃ المدینہ کی مطبوعہ کتاب تحفے میں دی۔ (رپورٹ: شہزاد عطاری آفس ذمہ دار صوبہ پنجاب،کانٹینٹ:رمضان رضا عطاری)

دعوتِ  اسلامی کے تعلیمی شعبہ فیضان آن لائن اکیڈمی بوائز کی جانب سے 4اکتوبر2023ءکو لاہور ڈویژن میں قائم فیضانِ مکہ مدینہ رحمان سٹی شاہدرہ برانچ میں مدنی مشورہ ہوا۔

مدنی مشورے میں مولانا رضوان عطاری مدنی نے مدنی عملے کو ٹیلی تھون مہم میں زیادہ سے زیادہ یونٹ جمع کرنے کے متعلق ذہن دیا نیز نیومدرسین کی تقرریاں کرنے اور 12 دینی کاموں کومزید مضبوط کرنے کی ترغیب دلائی ۔ (رپورٹ: محمد وقار یعقوب عطاری مدنی،کانٹینٹ:رمضان رضا عطاری)

دعوتِ اسلامی  کے شعبہ 12 ماہ مدنی قافلہ کے تحت 1 اکتوبر تا 4 اکتوبر2023ء کو مدنی مرکز فیضانِ مدینہ جوہر ٹاؤن لاہور میں میٹ اپ ہواجس میں پنجاب، کشمیر اور خیبر پختونخوامیں 12 ماہ مدنی قافلے میں سفر کرنے والے عاشقان رسول نے شرکت کی۔

نگران مجلس شعبہ مدنی قافلہ حاجی مشکور عطاری اور شعبہ پاکستان ذمہ دار مولانا شاکر عطاری مدنی نے اسلامی بھائیو کی سابقہ دینی کاموں کی کارکردگی کا جائزہ لیا اورنمایاں کارکردگی پر حوصلہ افزائی کی۔ بعدازاں تنظیمی و اخلاقی اعتبار سے تربیت کرتے ہوئے اسلامی بھائیوں کو مدنی قافلوں میں سفر کرنے کے حوالے سے مدنی پھول دیئےنیز اپنے علاقوں میں ہونے والے 12 دینی کاموں کو مضبوط کرنے کا ذہن بھی دیا۔ (رپورٹ : علی حسن عطاری شعبہ 12 ماہ مدنی قافلہ ،کانٹینٹ:رمضان رضا عطاری)

ہر مسلمان کو سب سے زیادہ محبت نبی کریم صلَّی اللہ علیہ واٰلہٖ وسلَّم سے ہونی چاہیے۔ محبت رسول صلَّی اللہ علیہ واٰلہٖ وسلَّم بڑھانے کا ایک ذریعہ محافل میلاد ہیں۔ محافل ِ میلاد میں اللہ پاک کی رحمتیں اور برکتیں نازل ہوتی ہیں۔میلاد منانے والوں سے سرکار صلَّی اللہ علیہ واٰلہٖ وسلَّم خُوش ہوتے ہیں۔

ربیعُ الاول نبی کریم صلَّی اللہ علیہ واٰلہٖ وسلَّم کی ولادت کا مبارک مہینا ہے، اسی مہینے کی آمد کے ساتھ ہی فیضان اسلامک اسکول سسٹم کے پاکستان بھر کے کیمپسز کو برقی قمقموں اور سبز سبز پرچموں سے سجانے کاسلسلہ شروع ہوگیا تھا۔

ان مبارک دنوں میں کیمپسز کی اہم سرگرمی کے طور پر میلاد اجتماعات منعقد ہوئے۔ ان اجتماعات کا آغاز تلاوت ِ قرآنِ پاک سے ہوا۔بعد ازاں طلبہ نے نبی کریم صلَّی اللہ علیہ واٰلہٖ وسلَّم کی بارگا ہ میں نعتوں کے نذرانے پیش کئے اورجشن ولادت کے عنوان پر بیانات کئے۔اس موقع پر طلبہ کے مابین معلومات عامہ کے مقابلے بھی ہوئے۔

میلاد اجتماعات میں طلبہ نے سبز سبز پرچم اور جشن ِ ولادت سے متعلق مختلف چارٹس ہاتھوں میں اٹھارکھے تھے۔ طلبہ دوران اجتماع ”سرکار کی آمد مرحبا“ اور جشن ولادت کے مختلف نعرے بھی لگاتے رہے۔اجتماعات کے آخر میں لنگرمیلاد کا بھی اہتمام کیا گیا تھا۔(رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ فیضان اسلامک اسکول سسٹم ، ہیڈ آفس کراچی، ویب ڈیسک رائٹر:رمضان رضا عطاری)

فیضان اسلامک اسکول سسٹم کے تعلیمی معیار کی جانچ کے لئے وقتاً فوقتاًکیمپسزکا دورہ کیا جاتا ہے اور طلبہ، اساتذہ اور غیرتدریسی عملے کی کارکردگی کاجائزہ لیا جاتا ہے۔اس دورے کے دوران اساتذہ کی انفرادی رپورٹس تیار کی جاتی ہیں۔ انتظامی سہولیات کا جائزہ لیا جاتا ہےتاکہ ایک طرف اسکول اور اساتذہ کی بنیادی ضروریات کا علم ہوسکے اور دوسری طرف ان رپورٹس کے مطابق اساتذہ اور غیر تدریسی عملے کو اپنے فرائض منصبی مزید بہتر انداز میں ادا کرنے کی تربیت دی جاسکے۔

گزشتہ دنوں نگران فیضان اسلامک اسکول سسٹم محمد زبیر عطاری مدنی نے ڈویژنل ہیڈ خیبر پختونخوامحمد حامد رضاعطاری کے ہمراہ خیبرپختونخوا اور پنجاب کے مختلف شہروں چنیوٹ، تلہ گنگ،ہری پور اور پشاور کا دورہ کیا ۔ اس دورے میں زبیر عطاری مدنی نے دعوت اسلامی کے تنظیمی ذمہ داران سے ملاقات کی اور انہیں فیضان اسلامک اسکول سسٹم کی خصوصیات سے آگاہ کیا ۔اس موقع پر ذمہ داران سے مشورے کا سلسلہ ہوا اورانہیں مزید داخلوں کی ترغیب بھی دلائی ۔ زبیر عطاری مدنی نے فیضان اسلامک اسکول سسٹم کے اسٹاف سے گفت وشنید کے بعد آئندہ کے اہداف بھی طے کئے ۔ (رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ فیضان اسلامک اسکول سسٹم ، ہیڈ آفس کراچی، ویب ڈیسک رائٹر:رمضان رضا عطاری)