دعوتِ اسلامی کے زیر اہتمام آج رات مؤرخہ 5اکتوبر 2023ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔ اجتماع کا اختتام ذکرو درود، رقت انگیز دعا اورصلوٰۃ و سلام پر ہوگا۔

تفصیلات کے مطابق مدنی چینل پر براہ راست نشر ہونے والے ہفتہ وار اجتماع میں عالمی مدنی مرکز فیضان مدینہ کراچی سے رکن شوریٰ مولانا حاجی عبد الحبیب عطاری سنتوں بھرا بیان فرمائیں گے۔

اس کے علاوہ عثمانیہ مسجد عبد اللہ گوٹھ کراچی میں رکن شوریٰ حاجی محمد اطہر عطاری اور مدنی مرکز فیضان مدینہ جوہر ٹاؤن لاہور میں رکن شوریٰ حاجی منصور رضا عطاری سنتوں بھرا بیان فرمائیں گے۔

تمام عاشقان رسول سے اپنے اپنے علاقے میں ہونے والے ہفتہ وار اجتماع میں شرکت کرنے کی درخواست ہے۔

رکنِ شوری حاجی محمد فاروق جیلانی عطاری نے3 اکتوبر2023ء بروز منگل  حیدرآباد آفندی ٹاؤن میں قائم مدنی مرکز فیضانِ مدینہ کے عشر اجتماع میں بیان فرمایا جس میں حیدرآباد ڈویژن کے کاشتکار اور گاؤں ذمہ داران کی شرکت رہی۔

رکنِ شوریٰ حاجی محمد فاروق جیلانی عطاری نے ’’عُشر دینے کے فضائل ‘‘ کے موضوع پر بیان کیا اور کاشتکاروں کو دنیا بھر میں ہونے والے دعوت اسلامی کے دینی اور فلاحی کاموں کے متعلق بتاتے ہوئے دعوت اسلامی کے لئے اپنے عشر دینے کا ذہن دیا۔ ( کانٹینٹ:رمضان رضا عطاری)

دعوتِ  اسلامی کے زیرِ اہتمام 12 ربیع الاول والے دن د نیا کے کئی مما لک میں عید میلادالنبی صلَّی اللہ علیہ واٰلہٖ وسلَّم کے موقع پر جلوس میلاد النبی صلَّی اللہ علیہ واٰلہٖ وسلَّم کا سلسلہ ہوا جن میں کثیرعاشقانِ رسول نے مدنی پرچموں کے ہمراہ مرحبا یا مصطفی ٰ کے نعرے لگائے ۔

اس سلسلے میں ساؤتھ کوریہ کے شہر چھانگوان میں بھی جلوسِ میلاد نکالا گیا جس میں عاشقانِ رسول نے دعوت اسلامی کی مرکزی مجلسِ شوریٰ کے رکن حاجی محمد امین عطاری کے ہمراہ جلوسِ میلاد النبی صلَّی اللہ علیہ واٰلہٖ وسلَّم میں شرکت کی اور سرکار صلَّی اللہ علیہ واٰلہٖ وسلَّم کی آمد کی خوشی کا اظہار کرتے ہوئے نعرے لگائے اور بارگاہ ِ مصطفی میں نعتِ رسول صلَّی اللہ علیہ واٰلہٖ وسلَّم کے نذرانے پیش کئے ۔( کانٹینٹ:رمضان رضا عطاری)

شعبہ تعلیم دعوت  اسلامی کے زیرِ اہتمام ڈسٹرکٹ وہاڑی پنجاب میں 3 اکتوبر2023ء کو اجتماع میلاد کا انعقاد ہوا جس میں کالج کے اسٹوڈنٹس اور پروفیسرز نے شرکت کی۔

تحصیل نگران وہاڑی صدیق عطاری نے ’’ محبت رسول اور ٹیچر کا ادب ‘‘ کے موضوع پر بیان کیااور اسٹوڈنٹس کو پیارے آقاصلی اللہ علیہ وسلم سے محبت کا ثبوت دیتے ہوئے آپ کے فرامین پر عمل کرتے ہوئے نمازوں کی پابندی کرنے کا ذہن دیا نیزاساتذہ کا ادب و احترام کرنے کی ترغیب بھی دلائی ۔(رپورٹ: محمد قاسم عطاری ڈسٹرکٹ وہاڑی شعبہ تعلیم ذمہ دار، کانٹینٹ:رمضان رضا عطاری)

دعوت اسلامی کے دینی ادارے فیضان آن لائن اکیڈمی کے تحت  مدنی مرکز فیضان مدینہ بہاولپور میں ماہانہ مدنی مشورے کا انعقاد کیا گیا جس میں جامعۃ المدینہ اور مدرسۃ المدینہ بوائزکے اساتذہ کرام نے شرکت کی ۔

ڈویژن ذمہ دار مولانا نعیم غفار عطاری مدنی نے شرکا ئے مدنی مشورہ کو کیریئر بہتر بنانے کے طریقوں پر مدنی پھول دیئے۔مزید 12 دینی کام کرنے کے حوالے سے تربیت کی اور در مرشد کراچی میں منعقد ہونے والے تربیتی اجتماع کے حوالے سے نکات بیان کئےنیز ٹیلی تھون مہم میں بڑھ چڑھ کر یونٹ جمع کروانے کی ترغیب دلائی ۔(رپورٹ: محمد وقار یعقوب عطاری مدنی،کانٹینٹ:رمضان رضا عطاری)

تحصیل چونیاں قصور ڈسٹرکٹ میں 3 اکتوبر 2023ء  کو شعبہ رابطہ برائے شخصیات دعوت اسلامی کی طرف سے اجتماع میلاد ہوا جس میں تنظیمی ذمہ داران، سرکاری افسران (سی او عبد الحفیظ ،ملک محمد بابر اورعبد الرشید )نے شرکت کی ۔

اجتماع میلاد کا آغاز تلاوت قرآن پاک و نعت رسول مقبول صلَّی اللہ علیہ واٰلہٖ وسلَّم سے کیا گیا۔بعدازاں جامعۃ المدینہ بوائز کے ناظم صاحب مولانا محمد فیصل عطاری مدنی نے ’’سیرت ِ مصطفی صلَّی اللہ علیہ واٰلہٖ وسلَّم‘‘ کے موضوع پر بیان کیاجس میں نبی کریم صلَّی اللہ علیہ واٰلہٖ وسلَّم کی سیرت کےمختلف پہلوؤں کو بیان کیا اور حاضرینِ محفل کو دعوت اسلامی کےدینی ماحول سے وابستہ ہونے کا ذہن دیا جس پر انہوں نے اچھی اچھی نیتیں کیں۔(کانٹینٹ:رمضان رضا عطاری)

دنیا بھر میں  دینی کام کرنے والی دینی تحریک دعوت اسلامی کے شعبہ رابطہ برائے شخصیات کے تحت 3 اکتوبر 2023ء کو لاہور ڈسٹرکٹ میں (پولیٹیشنز) ذمہ دار سید مقصود عطاری نے خواجہ محمد سلیم عطاری اورمحمد امجد عطاری کے ہمراہ جنرل منیجر (پروجیکٹ اینڈ آپریشن) پنجاب ماڈل بازارز منیجمنٹ کمپنی کے صدام کھوکھر اور بزنس مین حاجی محمد اقبال سے ملاقاتیں کیں۔

دورانِ ملاقات سید مقصود عطاری نے اتھارٹی پرسنز کو دعوتِ اسلامی کے دینی و فلاحی کاموں کے بارے میں بریفنگ دی اور انہیں ٹیلی تھون مہم میں حصہ ملانے کا ذہن دیا جس پر انہوں نے دعوت اسلامی کی دینی کاوشوں کوسراہتے ہوئے بھر پور تعاون کرنے کی نیک خواہش کا اظہار کیا جبکہ ذمہ داران نے شخصیات کو تحفے میں مکتبۃُ المدینہ سے شائع کردہ کُتب و رسائل پیش کئے اور انہیں فیضانِ مدینہ جوہر ٹاؤن کا وزٹ کرنے کی دعوت دی۔(رپورٹ:شعبہ رابطہ برائے شخصیات صوبہ پنجاب شہزاد عطاری آفس ذمہ دار،کانٹینٹ:رمضان رضا عطاری)

شعبہ رابطہ  برائے شخصیات دعوت اسلامی کی جانب سے 3 اکتوبر 2023ء کو اکاؤنٹ آفس حافظ آباد میں اجتماع میلاد کا انعقاد ہوا جس میں ڈسٹرکٹ اکاؤنٹ آفیسر ز(فرخ ارشاد خان اور ریاض احمد)، ڈپٹی ڈسٹرکٹ اکاؤنٹ آفیسر شیخ عبدالنعیم سمیت دیگر اکاؤنٹ آفس کے افسران و اسٹاف کی شرکت ہوئی۔

اس موقع پر ڈسٹرکٹ نگران مولانا محمد وسیم عطاری نے 12 ربیع الاول کی مناسبت سے چند واقعات بتائے اور سامعین کو پیارے آقا صلی اللہ علیہ و سلم کی سیرتِ طیبہ کے مطابق اپنی زندگی گزارنے کا ذہن دیا جس پر انہوں نے اچھی اچھی نیتیں کیں۔ (رپورٹ:شعبہ رابطہ برائے شخصیات صوبہ پنجاب شہزاد عطاری آفس ذمہ دار،کانٹینٹ:رمضان رضا عطاری)

عاشقانِ رسول  کی دینی تحریک دعوت اسلامی کے زیرِ اہتمام 2 اکتوبر 2023ء کو لاہور ڈسٹرکٹ میں شعبہ رابطہ برائے شخصیات کے تحت ٹریننگ سیشن کا سلسلہ ہوا جس میں لاہور ڈسٹرکٹ مشاورت ٹیم نے شرکت کی ۔

تفصیلات کے مطابق صوبہ پنجاب ذمہ دار محمد لیاقت عطاری کے گھر لاہور ڈسٹرکٹ ٹیم کی ماہ ربیع الاول شریف کے مہینے میں نمایاں کارکردگی پر دعوت کا اہتمام کیا گیا جہاں لیاقت عطاری نے اچھی کارکردگی پر ذمہ داران کی حوصلہ افزائی اور دلجوئی کی ۔

خوشی کے اس موقع پر وہاں موجود ذمہ داران کو صوبائی ذمہ دار نے شعبہ رابطہ برائے شخصیات کے حوالے سے تنظیمی، اخلاقی اور بہترین مبلغ بننے کے متعلق تربیت بھی کی جن کے تفصیلی نکات درج ذیل ہیں۔

تربیتی مدنی پھول

٭ذمہ داری ایک نعمت اور نعمت کی قدر کرئے

٭نیک بننے کے لئے 12 دینی کام کرئے

٭شعبے میں دینی کام کرنے کا انداز

٭ٹیلی تھون لاہور ڈویژن کے 3000 یونٹس ہدف پورا کرنے کا پلان

٭ لاہور کے ٹوٹل 84 تھانوں میں اجتماع میلاد

٭مجلس پولیٹیکل کے تحت شخصیات سے ملاقاتیں

٭ذمہ داران کا آپس میں محبت اور کمیونیکیشن کا ہونا

٭بڑی کامیابی کے لئے چھوٹی چھوٹی غلط فہمیوں کو اگنور کرتے ہوئے آگے بڑھنا ہے

٭دعوت اسلامی کے تمام شعبوں میں شعبہ رابطہ کی اہمیت

٭ہم جس اہم منصب پر ہیں، ذمہ داری سے بالکل بھی غفلت نہیں برت سکتے

We Cant afford negligence

ٹریننگ سیشن کے ا ختتام پرسمن آباد ٹاون ذمہ دار نے اپنا ذاتی یونٹ جمع کروایا نیزدیگر ذمہ داران نے بھی ٹیلی تھون اور اجتماع میلاد کے اہداف احسن انداز میں پورا کرنے کی اچھی نیتوں کا اظہار کیا۔(رپورٹ:شعبہ رابطہ برائے شخصیات صوبہ پنجاب شہزاد عطاری آفس ذمہ دار،کانٹینٹ:رمضان رضا عطاری)

24 ستمبر 2023ء بروز اتوارمحفلِ نعت کے سلسلے میں صاحبزادیِ عطار سلمہا الغفار اور نگرانِ عالمی مجلسِ مشاورت اسلامی بہن کی DHA کراچی میں ایک اہم شخصیت اسلامی بہن کے گھر پر آمد ہوئی۔

اس موقع پر محفلِ نعت کا انعقاد کیا گیا جس میں نگرانِ عالمی مجلسِ مشاورت اسلامی بہن نے ”سیرتِ مصطفیٰ ﷺ“ کے موقع پر سنتوں بھرا بیان کیا اور حضور صلی اللہ علیہ و سلم کی سیرت کے چند پہلو کو بیان کیا۔

بعدِ بیان عالمی مجلسِ مشاورت کی اسلامی بہن نے DHA کراچی میں ہونے والے دعوتِ اسلامی کے دینی کاموں کے متعلق شرکا کو بتایا اور انہیں دینی کاموں میں بڑھ چڑھ کر حصہ لینے کی ترغیب دلائی۔

کراچی کھارادر کی مقامی اسلامی بہن کے گھر پر عاشقانِ رسول کی دینی تحریک دعوتِ اسلامی کےزیرِ اہتمام 23 ستمبر 2023ء بروز ہفتہ محفلِ نعت کا انعقاد کیا گیا جس میں مقامی اسلامی بہنوں کی شرکت رہی۔

تلاوت و نعت کے بعد دعوتِ اسلامی کی نگرانِ عالمی مجلسِ مشاورت اسلامی بہن نے”اختیاراتِ مصطفیٰ ﷺ“ کے موضوع پر سنتوں بھرا بیان کیا جس میں انہوں نے حضورصلی اللہ علیہ و سلم کو اللہ عزوجل کی طرف سے ملنے والے اختیارات کے بارے میں بتایا۔

بعدِ بیان کھارادر کی ذمہ دار اسلامی بہن نے دعا کروائی جبکہ محفل میں شریک اسلامی بہنوں نے نگرانِ عالمی مجلسِ مشاورت اسلامی بہن سے ملاقات بھی کی۔

26ستمبر 2023ء بروز منگل بیرونِ ملک سری لنکا میں عاشقانِ رسول کی دینی تحریک دعوتِ اسلامی کے تحت خواتین کے درمیان نیکی کی دعوت عام کرنے والی شعبہ کفن دفن للبنات کی ذمہ دار اسلامی بہنوں کا مدنی مشورہ ہوا۔

دعوتِ اسلامی کے دینی کاموں کے حوالے سے گفتگو کرتے ہوئے ذمہ دار اسلامی بہنوں نے سری لنکا میں شعبہ کفن دفن للبنات کے دینی کاموں میں مزید بہتری لانےکے بارے میں کلام کیا۔